Бүгін Үкімет үйінде ҚР Премьер-Министрі Бақытжан Сағынтаев Қазақстанның Үшінші жаңғыруын жобалық басқару аясында осыған дейін атқарылған жұмыстардың жай-күйі бойынша кеңес өткізді.

Кеңес барысында бірінші жарты жылдықтағы өсімнің негізгі көрсеткіштері және инвестициялар тарту, қорғаныс және аэроғарыш өнеркәсібі, салық саясаты, базалық индустрия секілді бағыттар бойынша одан әрі дамыту қорлары талқыланды. Сондай-ақ, Ақмола облысы мен Алматы қаласы әкімдіктерінің жобалық басқару мәселелері қаралды.

Атап айтқанда, қорғаныс және аэроғарыш өнеркәсібі министрі Б. Атамқұловтың жетекшілік етіп отырған саласының мәселелері, инвестициялар және даму министрі Ж. Қасымбектің инвестициялар тарту және базалық индустрияландыруды дамыту, сонымен қатар қаржы министрі Б. Сұлтановтың салықтарды жинауды арттыру бойынша ағымдағы жылдың алты айындағы мақсатты индикаторларға қол жеткізу бойынша есептері мен екінші жарты жылдыққа жоспарлары тыңдалды.

Ақмола облысының әкімі М. Мырзалин мен Алматы қаласының әкімі Б. Байбек көлік және логистика, АӨК, туризм, сауда, білім, денсаулық салалары, жаппай кәсіпкерлік, индустрияландыруды жүргізу, цифрландыру, инвестициялар тарту және нәтижелі жұмыспен қамтуды қамтамасыз ету бойынша қабылданған шаралар мен 2018 жылға жоспарлары туралы баяндады.

www.primeminister.kz

ҚР Үкіметінің қаулысымен Берік Тұрсынбекұлы Бейсенғалиев Қазақстан Республикасының ауыл шаруашылығы вице-министрі лауазымына тағайындалды.

Б. Бейсенғалиев 1966 жылы Қостанай облысында дүниеге келген. Е. Бөкетов атындағы Қарағанды мемлекеттік университетін тәмамдаған. Экономика ғылымдарының кандидаты, доктор, «Экономика» мамандығы бойынша қауымдастырылған профессор.

Еңбек жолын 1990 жылы Қарағанды мемлекеттік университетінде оқытушы ретінде бастаған. 1996–2006 жылдары банк жүйесінде қызмет еткен. 2006 жылдан бастап 2009 жылға дейін «Аstana Capital Investment Group» ЖШС бас директорының лауазымын атқарған.

2009–2011 жылдары —«ҚазАгро» ҰБХ басқарма төрағасының орынбасары. 2011 жылы «ҚазАгро» ҰБХ басқарма төрағасы болып тағайындалды.

2012 жылдан бастап 2018 жылғы мамыр аралығында «Самұрық-Қазына» ҰӘҚ басқарушы директоры, бас директоры, басқарма мүшесі лауазымдарын атқарған.

www.primeminister.kz

Бүгін Үкімет үйінде ҚР Премьер-Министрі Бақытжан Сағынтаевтың төрағалығымен Қазақстанның Үшінші жаңғыруын жобалық басқару аясында осыған дейін атқарылған жұмыстардың жай-күйі бойынша кеңестер легі басталды.

Кеңес барысында агроөнеркәсіп және отын-энергетика кешендерін дамыту, жаппай кәсіпкерлік, сауда саласын жаңғырту секілді бағыттар бойынша бірінші жарты жылдықтағы өсімнің негізгі көрсеткіштері талқыланды. Сондай-ақ, 2018 жылға арналған жұмыс жоспарлары, Қазақстан экономикасының өсім моделін трансформациялауға салалардың қосар үлесінің әлеуеті мен қорлар қаралды.

Премьер-Министрдің орынбасары – ауыл шаруашылығы министрі Ө. Шөкеев ауыл шаруашылығы, орман және балық шаруашылығы өнімдері мен қызметтерінің жалпы шығарылымы 2018 жылдың қаңтар-маусым айларында 4%-ды құрағанын мәлімдеді. Өндіріс көлемінің ұлғаюы тірі салмағында мал және құс сою көлемінің 5%-ға, шикі сиыр сүтінің — 3%-ға, тауық жұмыртқасының —14,3%-ға артуына байланысты болды.

Энергетика министрі Қ. Бозымбаев бейнеконференция байланысы режимінде ОЭК бағыты бойынша жалпы қосылған құнның өсімі 2018 жылдың 1 тоқсанында жоспар 2,7% кезінде 5,4% құрағанын айтты. Бұл осы жылдың қаңтар-маусым айларында мұнай (45,2 млн тоннаға) және газ (28,1 млрд текше метр) өндіру көлемінің ұлғаюымен байланысты. Сонымен бірге тау-кен өнеркәсібіне салынатын инвестициялардың нақты өсімін қамтамасыз ету жоспардағы 3,1% кезінде 43,1%-ды құрады. Өнім шығарудың мақсатты көрсеткіштеріне сәйкес нақты мәнде жарты жылдық жоспар барлық көрсеткіштер бойынша дерлік орындалды.

Ұлттық экономика министрі Т. Сүлейменовтың айтуынша, 2018 жылдың бірінші жарты жылдығының қорытындысы бойынша әрекет етуші ШОБ субъектілерінің саны 1 196 974 құрайды, бұл өткен жылдың сәйкес кезеңімен салыстырғанда 44 598-ге жоғары. Сонымен қатар, алты айдың қорытындысы бойынша барлық өңірлерде ШОБ жалпы қосылған құн көрсеткішіне қол жеткізілді.

Ішкі сауда көлемінің өсімі 2018 жылдың 1 жарты жылдығында 105,9% құрады. Бөлшек сауда көлемі 2018 жылдың қаңтар-маусым айларында 105,6%-ға, көтерме сауда көлемі 106,1% өсті. Бөлшек сауданың өсуі негізінен халықтың нақты кірістерінің 2018 жылдың 1 тоқсанында 3,7%-ға өсуі есебінен халық сұранысының артуымен себептеледі. 2018 жылдың 1 тоқсанында сауда саласында жұмыспен қамтылған халық саны 1 387,6 мың адамды құрады.

Естеріңізге сала кетейік, Мемлекет басшысы Қазақстан халқына Жолдауларында озық дамыған 30 елдің қатарына қосылу мақсатында тұрақты даму және орташа әлемдік экономика өсімінен жоғары өсім қарқынын қамтамасыз етуге бағытталған елімізді дамытудың негізгі басымдықтарын белгілеген.

Аталған міндетті тиімді іске асыру аясында Үкімет жобалық басқару механизмін әзірледі. Осы жүйе арқылы бір мемлекеттік органның құзыреті шегінен шығатын және елеулі экономикалық әсерге қол жеткізуге бағытталған мәселелерді шешуге болады.

www.primeminister.kz

ҚР мәдениет және спорт министрі Бурабай курорттық аймағына шетелдік киноөндірушілерді тарту жөнінде айтты. 

«Сіздің АҚШ-қа сапарыңыз барысындағы тапсырмаңызға орай әрі Қауіпсіздік кеңесі хаттамасының шешімі бойынша, киноиндустрия саласындағы инвесторларды Қазақстанға тарту жұмыстарын бастадық. 1 шілдеде Еуразия Халықаралық кинофестиваліне халықаралық киноиндустрияның топ-менеджерлері, соның ішінде Universal Pictures вице-президенті қатысты», - деп мәлімдеді министр Бурабай туристік аймағын дамыту жөніндегі ҚР Президентіне айтқан баяндамасында.

Оның сөзінше, Бурабай шетелдік киноөндірушілерді тартуға қауқарлы.

«Сіздің арқаңызда Голливуд ынтымақтастық жасауға дайын екенін білдірді. Мұндай серіктестік зор имидждік серпін беріп, қомақты мультипликативті экономикалық пайда әкелетіні сөзсіз. Голливуд сарапшылары, Алматы өңірінен тыс, Бурабай, Сарыарқа секілді бірегей аймақтарға ерекше қызығушылық танытып отыр», - деді министр.

А. Мұхамедиұлының пікірінше, осыған қатысты субсидия беру мәселесін заңнама деңгейінде шешу қажет.

«Қазір мұндай норма көп елдерде қолданылады. Голливуд үшін бұл - Қазақстан киносына инвестиция салудың басты шарты», - деді ол.

ҚазАқпарат

ҚР Премьер-Министрінің бірінші орынбасары Асқар Мамин Нұрсұлтан Назарбаевқа елімізде туризм саласын дамыту бағытында атқарылып жатқан жұмыстар туралы баяндады.

«Сіздің тапсырмаңызға орай, Үкімет «Қазақстан туристері ағыны» мемлекеттік жобасын әзірлеу бойынша жұмыс жүргізілуде. Жобаның 7 басым бағыттар бар. Біздің негізгі мақсатымыз 2023 жылға дейін туризмнің қазіргі экономикадағы үлесін 1,9 пайыздан 8 пайызға дейін ұлғайту», - деді Асқар Мамин Бурабайда Елбасына шаңғы базасын таныстыру кезінде жасаған баяндамасында.

Оның айтуынша бұл көрсеткіш әлемнің озық дамыған мемлекеттерінің деңгейінде.

«Қазіргі кезде  құрамына 60-тан астам туристік объектілер кіретін туристификация картасы әзірлену үстінде. Картаға енгізілген жобалар халықаралық алаңдарда дамытылады. Осы топқа кірген 10 туристік жобаны жүзеге асыру үшін инвесторларды тарту қажет-, деді бірінші вице-премьер.

Сонымен қатар, А.Мамин еліміздегі туристер ағымын арттыру бойынша алдағы жоспарлар туралы айтты.

«2023 жылға қарай біз ішкі туризмді 500 мың адамнан 2 миллион адамға, яғни, 4  есеге арттыратын боламыз»,- деп сөзін түйді ол.

ҚазАқпарат

Бүгін Үкімет үйінде ҚР Премьер-Министрі Бақытжан Сағынтаев Швейцарияның федералдық кеңесшісі және экономика, білім беру және зерттеулер федералды департаментінің басшысы Йоханн Шнайдер-Амманмен кездесу өткізді.

Кездесу барысында сауда-экономикалық қарым-қатынасты одан әрі нығайту, инвестициялық әріптестік және аймақаралық өзара іс-қимыл мәселелері, сондай-ақ көлік-логистикалық инфрақұрылымды дамыту бойынша бірлескен жобалардың перспективасы талқыланды.

Б. Сағынтаев еліміздің энергетика, көлік, шағын және орта бизнес салаларындағы тығыз әрі өзара тиімді ынтымақтастыққа, сондай-ақ жаңа технологиялар мен ноу-хау трансфертін реттеуге қызығушылық танытатынын атап өтті. Бүгінгі таңда Қазақстанда швейцариялық компаниялардың қатысуымен машина жасау, құрылыс, агроөнеркәсіп және тау-кен металлургия кешендері салаларында жобалар сәтті іске асырылуда.

Сонымен қатар Премьер-Министр ҚР-да шетелдік инвесторлар үшін елеулі салықтық және кедендік жеңілдіктермен қолайлы инвестициялық ахуал жасалғанын айтты. 2017 жылдың басынан бері Швейцария азаматтары үшін 30 күндік визасыз режим енгізілді. Қабылданған шаралар алдағы жылдары Қазақстан экономикасына инвестициялар салып, технологиялар трансфертін жүзеге асырушы Швейцария кәсіпорындарының санын ұлғайтуға жол ашады.

2017 жылдың қорытындысы бойынша Қазақстан мен Швейцария арасындағы тауар айналымы $3,2 млрд құрады (экспорт — $3,1 млрд), бұл 2016 жылға қарағанда 21% артық. 2018 жылдың қаңтар-мамыр айларында тауар айналымы $1,14 млрд құрады (өсім – 95%), экспорт — $1,09 млрд. 2005–2017 жылдары Швейцариядан Қазақстанға тікелей инвестициялардың жалпы ағыны $20,6 млрд құрады. 1 мамырдағы жағдай бойынша ҚР-да швейцариялық қатысумен 436 заңды тұлға, бөлімшелер мен өкілдіктер тіркелген.

Бұған қоса, Б. Сағынтаев Швейцарияның қаржы институттарын «Астана» халықаралық қаржы орталығының жұмысына белсене қатысуға шақырды және Швейцария мен Қазақстан халықаралық қаржы құрылымдарының аясында табысты ынтымақтасып, Халықаралық валюта қоры мен Дүниежүзілік банк жанындағы бір топтың құрамына кіретінін атап өтті.

www.primeminister.kz

Бүгін Үкімет отырысының қорытындысы бойынша өткен баспасөз конференциясында ҚР еңбек және халықты әлеуметтік қорғау вице-министрі Нұржан Әлтаев еңбек нарығындағы кадрлардың бәсекеге қабілеттілігін арттыру жөнінде қабылданған шаралар туралы айтып берді.

Нұржан Әлтаев атап өткендей, қысқа мерзімді кәсіптік білім беру аясында 2018 жылы шамамен 37 мың адамды оқыту жоспарланып отыр. Курстардың ұзақтығы — шамамен алты ай.

Сонымен қатар 09.02.2018 ж. Үкіметтің кеңейтілген отырысында Мемлекет басшысының цифрландыруды түсіндіру жұмыстарын күшейту және мамандарды АT-саласына оқыту туралы берген тапсырмаларын ескере отырып, сондай-ақ «Цифрлық Қазақстан» бағдарламасының аясында бүгінгі таңда ҚР ЕХӘҚМ халықтың цифрлық сауаттылығын арттыруға бағытталған қысқа мерзімді білім беру бағдарламасын қайта қарайды.

«Белгілі бір мамандықтар жұмыс берушілер арасында үлкен сұранысқа ие және бұл мамандықтар қазір қысқа мерзімді білім беру бағдарламасы аясында оқытылып жатыр. Дегенмен цифрлық дәуірде мамандығыңыз қандай болса да, әр адам АT дағдыларын игеруі тиіс. Егер сіз оларды игерген болсаңыз, онда қызметкер ретінде, маман ретінде сіздің құндылығыңыз артады. Сондықтан біз қазір қысқа мерзімді оқыту бағдарламасын қайта қарастырып жатырмыз және оларға АT-дағдыларына оқытуды қосамыз. Яғни, осы 37 мың адамның барлығы ақпараттық технологияларды меңгереді», — деді вице-министр.

Еңбек және халықты әлеуметтік қорғау министрлігі қысқа мерзімді кәсіптік оқытуды ұйымдастырады. Қысқа мерзімді кәсіптік оқыту жұмыссыз азаматтарға қысқа уақыт ішінде еңбек нарығында сұранысқа ие кәсіптік білім мен дағдыларды игеруге мүмкіндік береді.

Оқыту колледждер, кәсіпорындар жанындағы оқу орталықтары арқылы, сонымен қатар шалғай елді мекендерде мобильді оқу орталықтары арқылы жүргізіледі. Өткен жылы жоспарда 26 мың болғанда қысқа мерзімді курстарда нақты 61 мың жұмыссыз және өзін-өзі жұмыспен қамтыған азаматтар оқытылды. Бұл орайда, бағдарлама қатысушылары шәкіртақымен, жолақымен, тұру жайымен қамтылады.

Сонымен қатар, Нұржан Әлтаев АТ-сауаттылық бойынша арнайы курстарды іске қосу мүмкіндіктері туралы айтты.

«Біз қазір биыл жобалар аясында "Цифрлық Қазақстан" бағдарламасы үшін 10 мыңға жуық АТ-мамандарды даярлау туралы ұсыныстармен шығып жатырмыз. Яғни, Нәтижелі жұмыспен қамту және жаппай кәсіпкерлікті дамыту бағдарламасы аясында іске асырылатын жеке жоба болады», — деді Н. Әлтаев.

Сонымен қатар вице-министр БАҚ өкілдерінің шағын несие алу механизмдері туралы сауалдарына жауап берді.

2017 жылы «Бастау Бизнес» бағдарламасы бойынша 15 мың қазақстандық оқытылды, оның ішінде 7 мыңы өз ісін ашуға шағын несие алды. Биыл Төртінші әлеуметтік бастама аясында шағын несиелендіруді қаржыландыру 20 млрд теңгеге арттырылып, 62 млрд теңгеге дейін жеткізілді.

«Биыл біз шағын несиелендіруді екі есеге, 14 мың адамға дейін көбейтуді көздеп отырмыз. Шағын несиелер 7 жылға дейін, 6% жылдық пайызбен беріледі. Егер адамның кепілдікке қоятын мүлкі жеткіліксіз болса, онда мемлекет оның бизнес жоспарын қарастырып, бұл несиеге 85% кепілдік ұсына алады», — деп түйіндеді еңбек және халықты әлеуметтік қорғау вице-министрі.

www.primeminister.kz

 

«ҚР кейбір заңнамалық актілеріне бейресми жұмыспен қамтылғандардың қызметін заңдастыру мәселелері бойынша өзгерістер енгізу туралы» жаңа заң жобасының жаңалықтары мен бірыңғай жинынтық төлем енгізудің қажеттілігі туралы Үкіметтің баспасөз орталығында еңбек және халықты әлеуметтік қорғау вице-министрі Нұржан Әлтаев айтып берді.

Мемлекет басшысы «Төртінші өнеркәсіптік революция жағдайындағы дамудың жаңа мүмкіндіктері» жолдауында еңбек нарығының тиімділігін қамтамасыз етіп, әрбір адамның өз әлеуетін іске асыра алуы үшін жағдай жасаудың маңызы зор екенін атап көрсетті.

«Елбасы тапсырмасы бойынша Министрлік қазіргі таңда бейресми жұмыспен қамтылған адамдарды немесе кәсіпкерлік қызметтің қандай да бір түрлерімен айналысатын, алайда ресми тіркелмеген азаматтарды көлеңкеден шығаруға мүмкіндік беретін бірқатар құралдармен жұмыс істеп жатыр. Үкімет пен министрлік бұл адамдарды әлеуметтік қамсыздандыру құрылымына қосу үшін бірлесіп жұмыстар атқарып жатыр. Алдағы уақытта ол адамдар зейнеткерлік жасқа жеткен кезде немесе ауырып қалған жағдайда, не болмаса бала күтіміне байланысты демалысқа шығатын әйелдер әлеуметтік төлемдер ала алмай қалуы мүмкін», — деді еңбек және халықты әлеуметтік қорғау вице-министрі Н. Әлтаев.

Барлық қазақстандықтар әлеуметтік жеңілдіктер алып, МӘМС қатысушысы болуы үшін Еңбек және халықты әлеуметтік қорғау министрлігі өзін-өзі жұмыспен қамтығандар үшін Бірыңғай жиынтық төлемді енгізуді ұсынады. Биыл қыркүйек айында Мәжіліске салық және әкімшілік-құқықтық шаралар кешенін қарастыратын халықты жұмыспен қамтуды формализациялау мәселелері туралы заң жобасы енгізіледі.

Н. Әлтаевтың айтуынша, БЖТ енгізу тіркеуді оңайлатады және салық ауыртпалығын жеңілдетеді, МӘМС аясында медициналық қызметті алу құқығын береді және міндетті әлеуметтік сақтандыру жүйесінен әлеуметтік төлемдерді тағайындауға жол ашады.

Қала тұрғындары үшін БЖТ мөлшері бір АЕК болады, ал ауыл тұрғындары үшін — 0,5 АЕК. Осылайша, түскен қаражаттың 10%-ы жеке табыс салығына, 20% — мемлекеттік Міндетті әлеуметтік сақтандыру қорына, 30% — зейнетақы төлемдеріне және 40% — Міндетті әлеуметтік медициналық сақтандыру қорына түседі.

Еңбек және халықты әлеуметтік қорғау министрлігінің есептеуі бойынша, БЖТ енгізу арқылы шамамен 500 мың өзін-өзі жұмыспен қамтыған адам ресми тіркеледі.

ЕХӘҚМ осыған ұқсас бағдарламаларды енгізудің халықаралық тәжірибесін зерделеді. Мәселен, 1998–2009 жылдары Аргентинада тіркелген шағын бизнес субъектілерінің саны үш есе өсті. 2010–2011 жылдары Бразилияда тіркелген кәсіпкерлер саны 1,4 млн дейін артты.

www.primeminister.kz

Бүгін ҚР Үкіметінің отырысында Премьер-Министр Бақытжан Сағынтаев Нәтижелі жұмыспен қамту және жаппай кәсіпкерлікті дамыту бағдарламасын іске асыру аясында шағын несиелер беру мәселесін ерекше бақылауда ұстауды тапсырды.

Нәтижелі жұмыспен қамту және жаппай кәсіпкерлікті дамыту бағдарламасын іске асырудың қазіргі жағдайын қарау қорытындысы бойынша ҚР Премьер-Министрі кәсіпкерлік әлеуетті дамытуға, әсіресе ауылдық жерлерде өз ісін ашуға және оны жүргізуге қажетті жағдайларды жасау мәселесіне назар аударды.

Бүгінгі таңда жұмыссыздарға, өзін-өзі жұмыспен қамтыған азаматтар мен бизнеске салалық шектеулерсіз бизнес жобаларды іске асыру үшін жеңілдікті шағын несиелер алуға мүмкіндік берілген. Бақытжан Сағынтаев шағын несиелер беру үшін бөлінген қаражатты игеру мәселесін бақылауға алу қажеттігін атап өтті.

«14 мың жұмыссыз және өзін-өзі жұмыспен қамтыған азаматтарды шағын несиелермен қамтамасыз ету жоспарланған, сонымен қатар Мемлекет басшысының бастамасы аясында шағын несие беруді қаржыландыру көлемі 20 млрд теңгеге ұлғайтылды. Жарты жыл аяқталды, біз осы бағытты дамытуға кедергі келтіретін барлық себептерді жоюымыз керек», — деді Премьер-Министр.

Өз кезегінде, ұлттық экономика министрі Тимур Сүлейменов Бағдарлама шеңберінде қалаларда шағын несие беру алғаш рет 2017 жылы жүзеге асырылғанын атап өтті. Шағын несие беру схемасында жеті екінші деңгейлі банк пен екі шағын қаржы ұйымы тартылған.

«Қалалардағы шағын несиелеудің жалпы портфелі өткен жылғы қаражатты ескере отырып 24,3 млрд теңгені құрады. Одан 2017 жылғы қаражат – 11,9 млрд теңге және 2018 жылғы қаражат – 12,4 млрд теңге, оның ішінде 6,1 млрд теңге Мемлекет басшысының «Бес әлеуметтік бастамасы» аясында қосымша бөлінген», — деді Т. Сүлейменов.

Ұлттық экономика министрінің айтуынша, 2017 жылғы қаражат бойынша 1006 жоба 11,1 млрд теңгеге қаржыландырылды. Бұл Бағдарлама қатысушыларының 7,6 млрд теңгеге өнім шығаруына, бюджетке 299 млн теңге сомасында салық төлеуіне мүмкіндік берді.

«Қазіргі уақытта 2018 жылғы қаражат есебінен 2,6 млрд теңге сомасына 226 жоба мақұлданды және қаржыландырылды, 3,4 млрд теңге сомасында жобалар екінші деңгейдегі банктердің қарауында», — деп мәлімдеген министр Т. Сүлейменов биыл 3000 жобаны қаржыландыру бойынша міндет қойылғанын атап өтті.

Сонымен қатар, жеңілдетілген шарттар бойынша шағын несиелер ұсынумен қатар, кепілдікпен қамсыздандырудың жеткіліксіз болған жағдайында мемлекет тарапынан әлеуетті кәсіпкерлер үшін кепілдікті қамтамасыз ету мүмкіндігі бар.

«Қазіргі таңда 2 млрд теңге сомасына 355 кепілдік шарты, соның ішінде 2017 жылы 967 млн теңге сомасына 172 шарт, 2018 жылы 1,03 млрд теңге сомасына 183 шарт жасалды. Іс жүзінде әрбір үшінші қарызға кепілдік беріледі», — деді ол.

Бұдан өзге, халыққа қаржыны шұғыл жеткізу мақсатында, өткен жылдың желтоқсанында екінші деңгейлі банктердің қаражатты игеру мерзімін 6 айға дейін (ағымдағы 12 жылдан) қысқарту туралы шаралар қабылданды, жылжымайтын тұрғын үй мүлкін және жер телімдерін нысаналы мақсатын кейінгі міндетті түрде өзгертумен алу мүмкіндігі ұсынылған.

Т. Сүлейменовтың мәлімдеуінше, биыл ісін жаңадан бастаушы кәсіпкерлердің шағын жобаларына қолдау көрсету мақсатында Бағдарламаның қарыз алушылары қатарынан бұрыннан келе жатқан кәсіпкерлер шектелді.

Өз кезегінде, ауыл шаруашылығының бірінші вице-министрі Арман Евниев «Еңбек» бағдарламасының екінші бағыты аясында ҚР АШМ ауылдық елді мекендерде және шағын қалаларда Бағдарламаның қатысушыларына, бизнес жобаларды іске асырушы немесе іске асыруды жоспарлайтындарға шағын несие беру бойынша жұмыстарды жүргізіп жатқанын айтты.

«Жоғарыда көрсетілген іс-шараларды жүзеге асыру үшін 2018 жылы республикалық бюджеттен 44,7 млрд теңге мөлшерінде бюджеттік несие қарастырылған, оның ішінде «Президенттің Бес әлеуметтік бастамасының» төртінші бастамасын іске асыру аясында 13,9 млрд теңге көлемінде қарастырылған. Көзделген қаражаттан 11000 шағын беру жоспарланып отыр», — деді бірінші вице-министр А. Евниев.

2018 жылы «Бастау Бизнес» жобасы аясында 30 000 өзін-өзі жұмыспен қамтыған азаматтарды және жұмыссыздарды оқыту жоспарланған, оның кем дегенде 6 000 қатысушы бизнесін кеңейту керек немесе ашу керек.

Білім және ғылым вице-министрі Бибігүл Асылова Нәтижелі жұмыспен қамту және жаппай кәсіпкерлікті дамыту бағдарламасының бірінші бағыты бойынша БҒМ техникалық және кәсіптік білімі бар кадрларды даярлау жөніндегі жұмысты үйлестіретінін айтты.

«Бағдарламаға 20,5 мың білім алушы қамтылған 320 колледж қатысуда, олардың 15,2 мыңы 9 сынып базасында, ал 5,3 мың адам — 11 сынып базасында. Колледжге қабылданған студенттердің шамамен 60% халықтың әлеуметтік жағынан осал топтарынан шыққан азаматтар», — деді Б. Асылова.

Бұдан өзге, еліміздің бес өңірінде (Ақтөбе, Ақмола, Шығыс Қазақстан, Қостанай, Маңғыстау облыстарында) шалғайдағы елді мекендердің азаматтарын оқыту үшін 10 мобильді оқу орталығы жұмыс істейді.

«2018 жылдың сәуір айынан бастап 337 адам мобилді орталықтар негізінде оқуға кірісті, 143 адам оқытылды, оның ішінде 93 адам жұмысқа орналасты», — деді білім вице-министрі.

Сонымен қатар, Бағдарламаны іске асыра бастаған кезден бастап кадрларды даярлауға арналған мемлекеттік тапсырыс өңірлердің қажеттіліктеріне сәйкес қайта құрылды. Оқу процесіне 246 модульдік оқу бағдарламаларын енгізу арқылы мамандарды даярлау мазмұны өзгертілді.

«Талдау көрсеткендей, Бағдарлама бойынша кадрларды даярлау ағымдағы үдеріспен салыстырғанда сервис саласы үшін 17,6%-ға, ауыл шаруашылығында – 10,2%-ға, көлік саласында – 13,2%, құрылыста – 5,5%, отын-энергетика кешенінде – 3,9%, АКТ – 3%, базалық индустрияда – 4,8%, туризм саласында – 1%, саудада – 0,6% өсім көрсетті. Олардың ерекшелігі — тәжірибеге бағдарлау, жұмыс берушілердің оқу бағдарламалары мен жоспарларын әзірлеуге белсенді түрде қатысуы болып табылады. Осылайша, модульдік бағдарламалар жұмыс біліктіліктерін алу немесе жұмыс біліктіліктерін алумен еңбек нарығына шығу арқылы деңгейлік интеграцияны, «орта буын маманы» біліктілігін қамтамасыз етеді. Бүгінгі таңда колледждердің 100%-ы аталған білім беру бағдарламаларымен қамтамасыз етілген», — деді вице-министр.

Аталған тақырып бойынша талқылауларды қорытындылау кезінде «Атамекен» ҰКП басқарма төрағасы Абылай Мырзахметов екі айға жуық уақыт ішінде шамамен 4,5 мың адам 2017–2021 жылдарға арналған Нәтижелі жұмыспен қамту және жаппай кәсіпкерлікті дамыту бағдарламасы бойынша қысқа мерзімді оқыту жүйесі аясында білім алып жатқанын жеткізді. Бүгінгі таңда кәсіпорындар жанынан құрылған 118 оқу орталығы бұл процеске қатысып, халықты жаңа мамандықтарға оқытуда. Қазірдің өзінде 1089 адам оқып, оның 372-сі жұмысқа орналастырылды.

www.primeminister.kz

Бүгін ҚР Премьер-Министрі Бақытжан Сағынтаевтың төрағалығымен өткен Үкімет отырысында Нәтижелі жұмыспен қамту және жаппай кәсіпкерлікті дамытудың 2017–2021 жылдарға арналған бағдарламасының іске асырылу барысы туралы еңбек және халықты әлеуметтік қорғау министрі М. Әбілқасымова баяндады.

Бағдарлама еңбек нарығында сұранысқа ие кәсіптік дағдыларды және біліктіліктерді алу, жаппай кәсіпкерлікті дамыту және еңбек делдалдығының тиімді моделі арқылы еңбек ресурстарының сапасы мен әлеуетін арттыруға бағытталған. Биыл Бағдарламаны іске асыруға 110,6 млрд теңге бөлінді. Бұл 571 мың азаматты жұмыспен қамту шараларымен қамтуға мүмкіндік береді.

«Бірінші жарты жылдықтың қорытындысы бойынша 290 мыңдай жұмыссыз және нәтижесіз жұмыспен қамтылған азамат жұмыспен қамту шараларына тартылды немесе І жартыжылдық жоспарының 101% орындалды. Олардың 243 мыңы жұмысқа орналастырылды, оның ішінде 158 мың адам немесе 66% тұрақты жұмыс орындарына орналасты», — деді М. Әбілқасымова.

Бағдарламаның бірінші бағыты еңбек нарығында қажетті кәсіптер бойынша жаппай оқытуды көздейді. 2017 жылдан бастап алғашқы мамандықты алуға жоғары оқу орнына түспеген мектеп түлектеріне тегін техникалық және кәсіптік оқу мүмкіндігі берілуде. 1 қыркүйектен бастап тағы да 21 мың жастар колледждерде оқуын бастайды.

Сондай-ақ, «Атамекен» ҰКП оқу орталықтары мен колледждер базасында еңбек нарығында сұранысқа ие дағдыларды алуы үшін 37,2 мың жұмыссыз бен өзін-өзі жұмыспен қамтыған азаматтарды оқыту жоспарланып отыр. Бұл мақсатқа 7,8 млрд теңге көзделген.

«1 шілдедегі жағдай бойынша 30 мыңдай қатысушы оқуға жіберілді. Бұл жылдық жоспардың 80% құрайды», — деп мәлімдеді министр.

М. Әбілқасымова Бағдарламаның негізгі көрсеткіші оқу аяқталғаннан кейін жұмысқа орналасу екенін атап өтті. Осылайша, жалпы алғанда, республика бойынша қысқа мерзімді кәсіптік оқытуды аяқтаған азаматтардың 4,7 мыңы жұмысқа орналасты.

«Бүгінде Бағдарлама қатысушылары оқыған, еңбек нарығында сұранысқа көбірек ие мамандықтар техникалық кәсіптер, қызмет көрсету салалары, қонақ үй ісі және қоғамдық тамақтану салалары», — деді М. Әбілқасымова.

Бағдарламаның екінші бағыты жаппай кәсіпкерлікті дамытуға бағытталған.

«Мемлекет басшысының тапсырмасына сәйкес Төртінші әлеуметтік бастама аясында шағын несие беру бағдарламасын кеңейту мақсатында 2018 жылы бағдарламаны қаржыландыру көлемі 20 млрд теңгеге ұлғайтылды және 62,6 млрд теңгені құрады. Ауылды жерлерде несие беруге 45,3 млрд теңге жұмсалатын болады немесе бөлінетін қаражаттың 72%, қалаларда – 17,3 млрд теңге немесе 28%», — деді министр.

Жыл басынан бері 3027 шағын несие берілді, оның ішінде стартап жобаларын қолдауға — 1567 шағын несие, зәкірлік кооперацияның жаңа бағытын дамытуға — 74 шағын несие және жеке бизнесті кеңейтуге — 476 шағын несие берілді. Жалпы биыл 14 мыңнан астам адам шағын несиемен қамтылады деп күтілуде.

Ауылдағы шағын несиелердің орташа көлемі — 3,6 млн теңге, қалаларда — 11 млн теңгені құрайды. Жалпы, шағын несие алушылар қосымша 1808 жұмыс орнын ашты.

Бұдан өзге, «Бастау-Бизнес» жобасы бойынша 2018 жылы бизнесті жүргізуге 30 мың азаматты оқыту жоспарланған. Бұл мақсатқа 2,4 млрд теңге көзделіп отыр.

Бағдарламаның үшінші бағыты аясында халықтың әлеуметтік осал топтарының жұмысқа орналасуына жәрдемдесу мен еңбек ресурстарының жұмылғыштығын қамтамасыз ету мақсатында мемлекеттік қолдау шаралары қарастырылған. М. Әбілқасымованың айтуынша, 2018 жылдың жоспарына сәйкес, әлеуметтік жұмыс орындары мен қоғамдық жұмыстарға 91,3 мың адам орналастырылады. 1 шілдедегі жағдай бойынша 71,2 мың адам жұмысқа орналасты немесе жоспардың 78% орындалды.

Сондай-ақ, еліміздің солтүстік өңірлерінде кадр тапшылығын толтыру үшін 2018 жылы еңбек күші көп оңтүстік өңірлерден 2328 отбасын (9,1 мың адамды) қоныстандыру жоспарда бар, бұл өткен жылмен салыстырғанда екі есеге артық.

Осы жылдан бастап жұмыс берушілерге бір уақытта қосымша кем дегенде 5 адамды жұмысқа қабылдаса, 450 МРП (1,082 млн тг) мөлшерінде субсидия беріледі.

«1 шілдедегі жағдай бойынша оңтүстік өңірлерден 412 отбасы немесе 1607 адам қоныс аударды, олардың 741-і еңбекке қабілетті жаста. Олардың ішінде 350 адам жұмысқа орналастырылды. 1 341 балаға мектеп пен балабақшадан орын берілді, 68 мектеп бітіруші колледждер мен жоғары оқу орындарына түсті», — деді министр.

Сонымен қатар осы жылдан бастап барлық мемлекеттік жұмыспен қамту орталықтары барлық жұмыс іздеушілерге тиісті жұмыстарды іріктеуде кәсіптік бағдар мен қолдау көрсетеді. 2018 жылдың ІІ жарты жылдығынан бастап жұмыспен қамту қызметтерін жекеменшік агенттіктерге аутсорсингке беру процесі енгізілуде.

«Цифрлық экономиканың талаптарын ескере отырып, жұмыс күшінің дағдылары мен құзыретіне де жаңа талаптар қойылады. Осыған байланысты еңбек ресурстарын жаңа экономика талаптарына бейімдеу қажет. Аталған мәселелерді шешу үшін министрлік жаңа сын-тегеуріндерге еңбек нарығын даярлау және жаңғырту бойынша жұмыстар жүргізуде. Осыған байланысты Бағдарлама құралдарының тиімділігін арттыру және жаңа шаралармен толықтыру үшін оған кешенді өзгерістер енгізуді ұсынып отырмыз», — деді М. Әбілқасымова.

Мектеп бітірушілерінің саны жыл сайын артып келе жатқанын ескере отырып, кәсіптік техникалық білім беру аясында бірінші мамандық алу үшін квотаны ұлғайту ұсынылады, сондай-ақ қысқа мерзімді кәсіптік оқыту тәсілдерін қайта қарап, оларды жұмысқа тұруға бағыттау қажет.

«Бағдарламаға ұсынылып отырған өзгерістер мен толықтыруларды іске асыру мемлекеттік қолдау шараларының тиімділігін арттыруға, жоғары өнімді жұмыс орындарын құру бойынша басты мақсатқа қол жеткізуге жол ашады», — деп түйіндеді министр.

www.primeminister.kz

Мұрағат

Шілде
2018
ДсСсСрБсЖмСнЖк
1
2345678
9101112131415
16171819202122
23242526272829
3031

Мемлекеттік орган басшыларының блог-тұғырнамасы

Өту