Emblem
Қазақстан Республикасы
Премьер-Министрінің
ресми ақпараттық ресурсы
Menu
Emblem
Close button

ҚР Премьер-Министрі Асқар Маминнің Шығыс Қазақстан облысына жұмыс сапарының қорытындысы бойынша видеодайджест

Сенбі, 16 Мамыр 2020, 21:40:21

2020 жылғы 15 мамырда ҚР Премьер-Министрі Асқар Мамин жұмыс сапарымен Шығыс Қазақстан облысына барып, онда көктемгі егіс жұмыстары мен энергетика, өнеркәсіп, тұрғын үй және әлеуметтік инфрақұрылым салаларындағы ірі жобаларды іске асыру барысын тексерді, сондай-ақ Абайдың 175 жылдығын атап өтуге дайындықты көрді.  

Алтай ауданында Үкімет басшысы «Нивы Алтая» ЖШС-нің егіс алқаптарының құрылымымен және көктемгі дала жұмыстарының барысымен танысты.

Премьер-Министрге биыл дәнді дақылдар 35,5 мың гектар аумаққа, майлы дақылдар 28,2 мың гектар аумаққа егілетіні туралы баяндалды. 

Көктемгі егіс жұмыстарын жүргізу үшін аудандағы шаруашылықтарда тракторлардың, егіс және топырақ өңдейтін техниканың қажетті саны бар. 

Аудан әкімі Қ. Байғонысовтың айтуынша, биыл ұйымдастырылған шаруашылықтарда сүт алуды арттыру және тұрғындардан сүт сатып алу есебінен сүт өңдеу кәсіпорындарының жүктемесін 80%-ға дейін арттыру жоспарланған.  

Сонымен қатар ҚР Премьер-Министріне өсімдік шаруашылығында қол жеткізілген нәтижелер туралы ақпарат берілді. Мәселен, минералды тыңайтқыштарды қолдану, сапалы егіс материалдары есебінен дәнді және бұршақты дақылдардың түсімділігі артқан. 2019 жылы олар 28,8 ц/га, майлы дақылдар  21,1 ц/га құраған. Бұл ретте кейбір шаруашылықтар бойынша дәнді дақылдар бойынша орташа түсімділігі 69 ц/га, майлы дақылдар бойынша 39 ц/га астамды құрайды. 

А. Мамин Алтай ауданында салынып жатқан Тұрғысын СЭС аралады. Жобаны биыл қыркүйек айында аяқтау жоспарланған. Жоба жетекшісі Қ. Баймұханбетовтың айтуынша, жұмыстың басым бөлігі аяқталған.

Қазіргі кезде СЭС-те қосымша корпустың, машина залының, монтаждау алаңының ішін сылап-бояу, өртке қарсы сумен қамту, тұрмыстық сумен қамту, пневматикалық жүйенің жабдықтарын монтаждау бойынша жұмыстар жүргізілуде.  

Асқар Мамин Алтай қаласындағы инсульт және кардио орталықтардың жұмысымен танысып, кардиоорталықтағы интенсивті терапия бөлімін бағалады, мұнда ангиографиялық ота жасау бөлімі орналастырылады.

Премьер-Министр сонымен қатар Еуропада босандыру бойынша оқытудан өткен аурухананың медицина қызметкерлерімен кездесті.

Инсульт орталығында 15 төсек-орын қарастырылған. Оның ішінде 3 - неврологиялық, 12- инсульттік. Бүгінде 676 пациент, оның ішінде басқа аудандардан 80 пациент емделіп шықты. Сондай-ақ заманауи компьютерлік томографта 3100-ден аса, оның ішінде ми қан айналымының жіті бұзылысы бар 876 пациентке тексеру жүргізілді. 

Өскемен қаласында Премьер-Министр Өскемен өнеркәсіптік арматура зауыты мен Өскемен титан-магний комбинатына барып, олардың бұдан кейінгі даму жоспарымен танысты.

Өскемен титаны кеме жасауда, энергетика саласында, мұнайгаз өнеркәсібінде пайдаланылатын белгілі. 

Өңірдегі өнеркәсіптік өндірістің 70%-ы өңдеу өнеркәсібіне тиесілі. 2020 жылдың 4 айының қорытындысы бойынша өңдеу өнеркәсібінің кәсіпорындары 500 млрд теңге сомасына өнеркәсіптік өнім шығарған, 2019 жылдың сәйкес кезеңімен салыстырғанда өсім 111%  құрады. 

Өңдеу өнеркәсібіндегі жетекші кәсіпорындар  «Қазмырыш» ЖШС,  «Өскемен титан-магний комбинаты» АҚ, «Үлбі металлургия зауыты» АҚ, олар негізгі бағалы және түсті металдарды, сондай-ақ титан, магний, тантал, АЭС үшін отын өндіреді. Өнімдерінің негізгі үлесі экспортқа бағытталады. 2020 жылдың 3 айында облыс металлургтары 241 млрд теңгеге өнім өндірді.  

Үкімет басшысы Өскемен қаласының жаңа шағын ауданындағы «Нұрлы жер» мемлекеттік бағдарламасы аясында салынып жатқан әлеуметтік тұрғын үй құрылысын тексерді. 

2020 жылы барлық қаржыландыру көздері есебінен облыста жалпы аумағы 535,8 мың м2 болатын 118 көппәтерлі тұрғын үйді салу жоспарланған. 

Жалпы, «Нұрлы жер» мемлекеттік бағдарламасы аясында 2020 жылы тұрғын үй мен инженерлік-коммуникациялық инфрақұрылымды салуға 25,5 млрд теңге қарастырылған, 74 жоба іске асырылып, 4396 жұмыс орны құрылады. 

Үкімет басшысы Д. Серікбаев атындағы Шығыс Қазақстан мемлекеттік техникалық университетіне барды. 

Д. Серікбаев атындағы ШҚМТУ ғалымдары Асқар Маминге өздерінің ғылыми-зерттеу және тәжірибелік-конструкторлы жобаларын таныстырды. Мәселен, Өскемендегі «ӨМЗ» АҚ-мен бірлесіп магнитті-резонанс томографтарын өндіру үшін өткізгіштігі жоғары сым әзірленген. 

Сонымен қатар ғалымдар тантал, ниобийден импланттар мен протездерді өндіру технологиясын әзірледі. Бүгінде көбіне шетелден сатып алынып отырған мұндай өнімді жергілікті жерде өндіру оның өзіндік құнын бірнеше есе төмендетеді. Оның жалпы Қазақстан бойынша травматология мен ортопедияда маңызы зор. 

А. Мамин облыстық балалар ауруханасына барып, онда реанимациялық және операциялық блоктардың жұмысымен танысты.

200 төсек-орынға арналған көпсалалы балалар ауруханасы Өскеменде аумақтарды дамыту бағдарламасы аясында салынды, бұл соңғы 10 жылда ШҚО-да салынған аса ірі денсаулық сақтау нысандарының бірі.  

Медициналық нысан Ана мен бала денсаулығын қорғаудың бірыңғай қызметінің бір бөлігіне айналды және Ана мен бала орталығының базасындағы жұмыс істеп тұрған педиатрия блогын алмастырады. Оның құрамына педиатрия, неврология, нейрохирургия, травматология-ортопедия, хирургия бөлімдері, сондай-ақ күрделі соматика, лор, көз микрохирургиясы, реанимация бөлімдері мен бес заманауи ота жасау блогы кірді. 

Жаңа аурухана балаларды оңалту қызметінің жаңа деңгейде дамуына мүмкіндік береді. Ауруханада 500-ге жуық қызметкер жұмыс істейтін болады. 

Медициналық мекемеде Премьер-Министрге COVID-19 емдеу үшін иммундық плазманы бөлу бойынша ғылыми жоба, сондай-ақ жеке қорғаныш құралдарының үлгілері таныстырылды. Оларды «Сан Бао Шыңжан сауда-өнеркәсіп корпорациясы» ЖШС Қытай Халық Республикасынан жеткізген. 

Семей қаласында Үкімет басшысына қаланың 2020-2025 жылдарға арналған әлеуметтік-экономикалық дамуының кешенді жоспарының, «Жұмыспен қамтудың жол картасы – 2020» және «Нұрлы жер» бағдарламаларының орындалуы туралы баяндалды.

Семей қаласының 2020-2025 жылдарға арналған әлеуметтік-экономикалық дамуының кешенді жоспарында 56 іс-шара қамтылған. Кешенді жоспар іс-шараларын іске асыру 2025 жылға қарай ЖӨӨ 1,6 есеге арттыруға мүмкіндік береді. 

4 мыңнан аса жаңа жұмыс орны құрылады, ауыл шаруашылығы өнімдерінің көлемі 19%-ға артып, 43 млрд теңгені құрайды. 133 көппәтерлі тұрғын үйді немесе 702,9 мың ш.м. тұрғын үйді пайдалануға беру және орташа өмір сүру ұзақтығын 75 жасқа дейін ұлғайту жоспарланған. 2025 жылдың қорытындысы бойынша жақсы және қанағаттандырарлық күйдегі жолдардың үлесі 73,6%-дан 95%-ға дейін артады.

2020 жылы Абайдың 175 жылдығын өткізу бойынша жоспарда халықаралық, республикалық және өңірлік деңгейлердегі 500-ден аса іс-шара қамтылған. 

А. Маминге театр мен көрермендер залының сыртын безендіру жобалары таныстырылды. 

Абай музейінің аумағында жаяу жүргіншілер жолының плиткасын ауыстыру, газондар мен гүлзарларды абаттандыру көзделген. Ұлы ойшылға және оның ұлдарына жаңа ескерткіш орнатылмақ.

А. Мамин Абай ауданының әкімшілік орталығы Қарауыл ауылының әлеуметтік және инженерлік инфрақұрылымының дамуын тексерді. 

Мәселен, Үкімет басшысына 300 орындық орта мектептің салыну барысы, Абай атындағы саябақтың құрылысы, сондай-ақ елді мекендегі су құбыры желілерінің реконструкциясы туралы баяндалды. 

Премьер-Министр Абайдың «Жидебай-Бөрілі» мемлекеттік тарихи-мәдени және әдеби-мемориалдық қорық-музейіне барып, онда «Абай-Шәкәрім» мемориалдық кешенін реставрациялау жұмыстарының барысымен танысып, Абайдың музей үйін аралады. 

Үкімет басшысы Абайдың 175 жылдығына орай жоспарланған Семейдегі және Абай ауданындағы тарихи-мәдени нысандарды жөндеу және жаңғырту жұмыстарын уақытылы әрі сапалы аяқтауды тапсырды.

«Мерейтой мемлекеттік деңгейде аталып өтеді. Бұл шара Қазақстан халқы үшін үлкен идеологиялық және тарихи мәнге ие», — деді А. Мамин.  
 


Қазақстанның Премьер-Министрі мен Үкіметі жаңалықтарынан хабардар болыңыз — ресми Telegram-ботқа жазылыңыз


Жаңалықтар тізбегі
14 Шілде 2020, 17:39
Нұрсұлтан Назарбаев «Самұрық-Қазына» ұлттық әл-ауқат қоры» АҚ басқармасының төрағасы Ахметжан Есімовті қабылдады
14 Шілде 2020, 15:59
ҚР Үкіметінің отырысы, 14.07.2020
14 Шілде 2020, 15:31
Қазақстан оқушылары үшін жаңа оқу жылы қашықтан оқыту форматында басталады - ҚР БҒМ
14 Шілде 2020, 13:12
2020 жылы электрондық еңбек биржасы арқылы 281 мыңға жуық қазақстандық жұмысқа орналасты
14 Шілде 2020, 12:54
Індет кезінде Қазақстанда 22 млн астам электронды қызмет көрсетілді - ЦДИАӨМ
14 Шілде 2020, 12:46
Қазақстанда суармалы жерлер көлемін 2030 жылға дейін 3 млн га жеткізу жоспарланған
14 Шілде 2020, 12:17
Қазақстанда импорттаушы елдер нарығына егжей-тегжейлі шолумен «экспорттық гидтер» типтік жүйесін енгізу жоспарлануда — ҚР АШМ
14 Шілде 2020, 12:02
2020 жылғы І жартыжылдықтың қорытындысы бойынша өңдеу өнеркәсібіндегі өндіріс көлемі 4,8%-ға өсті — ҚР ИИДМ
14 Шілде 2020, 11:33
2020 жылы инфляцияны 8-8,5% дәліз шегінде ұстап тұру үшін Ұлттық банк қолда бар құралдарды пайдаланады
14 Шілде 2020, 11:07
Іссапарлар мен өкілдік шығындарды қысқарту — Қаржы министрлігі мемлекеттік органдардың шығындарын қалай оңтайландырады
14 Шілде 2020, 10:59
Қазақстанда Үкімет пен Ұлттық Банктің экономикалық өсімді қалпына келтіру және халықты қолдау бойынша бірлескен жоспары қабылданады
14 Шілде 2020, 10:50
Биыл шілдеден бастап ай сайын 600 мыңнан аса қажетті дәрі-дәрмектермен қамтамасыз ету көзделген — ҚР ДСМ
14 Шілде 2020, 10:28
Үкімет шектеу шараларын а.ж. 2 тамызға дейін ұзартып, табысынан айырылуы бойынша 42 500 теңге көлеміндегі әлеуметтік төлемді жүзеге асырады
13 Шілде 2020, 18:46
14 шілде күні Үкімет үйінде Қазақстан Үкіметінің отырысы өтеді
13 Шілде 2020, 18:28
Қазақстан Президенті пандемия құрбандарын үнсіз еске алу рәсіміне қатысты
13 Шілде 2020, 17:57
Қазақстанда санитарлық-эпидемиологиялық жағдайды тұрақтандыру бойынша бірқатар маңызды шешімдер қабылданды
13 Шілде 2020, 11:31
Асхат Оралов ҚР ақпарат және қоғамдық даму вице-министрі болып тағайындалды
13 Шілде 2020, 11:15
Марат Қарабаев ҚР ИИДМ Индустриялық даму және өнеркәсіптік қауіпсіздік комитетінің төрағасы болып тағайындалды
13 Шілде 2020, 11:07
Қанат Баитов ҚР ИИДМ Индустриялық даму және өнеркәсіптік қауіпсіздік комитетінің төрағасы қызметінен босатылды
13 Шілде 2020, 10:30
ҚР Премьер-Министрі Асқар Мамин COVID-19 індетінен көз жұмған қазақстандықтардың отбасыларына көңіл айтты
12 Шілде 2020, 11:41
Ерхат Есқалиев «СК-Фармация» ЖШС басқарма төрағасы болып тағайындалды
10 Шілде 2020, 21:35
Б. Шәріп «СК-Фармация» ЖШС басқарма төрағасы қызметінен босатылды
10 Шілде 2020, 20:32
Атырау облысына жұмыс сапары: Е. Тоғжанов аймақтағы эпидемиологиялық ахуалға қатысты шұғыл жиын өткізді
10 Шілде 2020, 19:37
Қазақстан Президенті Үкіметтің кеңейтілген отырысын өткізді
10 Шілде 2020, 15:07
Үкімет 2020 жылдың бірінші жартыжылдығындағы әлеуметтік-экономикалық даму қорытындысын шығарды
09 Шілде 2020, 20:45
Форвардтық сатып алу, егіс жағдайы және азық-түлік тауарларының қоры — Қазақстанның агроөнеркәсіп саласын дамыту
09 Шілде 2020, 16:13
COVID-19 бойынша жедел штаб өңірлердегі жағдайды бақылауда ұстауда
08 Шілде 2020, 19:25
Үкіметтің дағдарысқа қарсы шаралары: экономика өсімін қалпына келтіру және ШОБ-ты қолдау
08 Шілде 2020, 18:30
Мемлекет басшысы «Астана» халықаралық қаржы орталығының Соты Төрағасының ант беру рәсіміне қатысты
07 Шілде 2020, 18:40
Айгүл Шайымова ҚР ұлттық экономика вице-министрі қызметіне тағайындалды
07 Шілде 2020, 18:35
Мәдина Жүнісбекова ҚР ұлттық экономика вице-министрі қызметінен босатылды
07 Шілде 2020, 18:29
Нариман Мұқышев ҚР еңбек және халықты әлеуметтік қорғау вице-министрі қызметінен босатылды
07 Шілде 2020, 18:20
Пандемия жағдайында АХҚО қаржы нарықтарының даму көрсеткіштері қалай өзгерді
07 Шілде 2020, 12:10
Ақылы трассалардың пайда болуы, жолдарды жөндеу және күтіп ұстау, жаңа технологияларды енгізу — Автомобиль жолдары комитетінің төрағасы С. Бармақовпен сұхбат
06 Шілде 2020, 20:15
Инвестиция тарту, ауқымды құрылыс жұмыстары және әлемде танылу — Қазақстанның бас қаласы қалай дамуда
05 Шілде 2020, 09:55
Видеодайджест: «Аптаның айшықты оқиғалары» №68
05 Шілде 2020, 09:37
Мемлекет басшысы Қасым-Жомарт Тоқаев Ұлттық домбыра күнімен құттықтады
04 Шілде 2020, 21:26
Ежелгі Түркістанның жаңғыруы мен қайта өрлеуі — түркі әлемінің рухани астанасы ретінде қалыптасудың жаңа кезеңі
03 Шілде 2020, 13:58
Мемлекет басшысы Тұңғыш Президент – Елбасы Н. Ә. Назарбаевқа арналған монументтің ашылу рәсіміне қатысты
03 Шілде 2020, 09:16
Қазақстан Республикасының Тұңғыш Президенті – Елбасы Н. Ә. Назарбаевтың Қазақстан халқына Үндеуі
02 Шілде 2020, 16:42
Келісім жасасудың жаңа форматы және қашықтан білім беруге көшу — пандемия кезеңінде әлемдік экономиканы онлайн-талқылау қалай өтті
02 Шілде 2020, 12:07
Мемлекеттік комиссия ҚР-дағы эпидемиологиялық жағдайды тұрақтандыру жөніндегі шараларды бекітті 
01 Шілде 2020, 17:42
Қазақстан Республикасы Үкіметінің 2020 жылғы 1 шілдедегі №417 Қаулысы
01 Шілде 2020, 12:04
Astana Finance Days: сарапшылар пост-пандемия дәуіріндегі ислам қаржысы мен финтех индустриясының мүмкіндіктері мен сын-тегеуріндері туралы айтты
30 Маусым 2020, 17:49
ҚР Премьер-Министрі А. Мамин Еуразиялық даму банкі Кеңесінің отырысын өткізді
30 Маусым 2020, 16:19
ҚР Премьер-Министрі А. Мамин РФ Үкіметінің Төрағасы М. Мишустинмен телефон арқылы сөйлесті
30 Маусым 2020, 15:27
2020 жылдың басындағы жағдай бойынша айналымда 30 млн-нан астам төлем карточкасы бар — М. Әбілқасымова
30 Маусым 2020, 13:22
ҚР Үкіметінің отырысы, 30.06.2020
30 Маусым 2020, 13:18
АТ-мамандарға деген жыл сайынғы қажеттілік 30 мыңнан астам адамды құрайды — ҚР ЦДИАӨМ
30 Маусым 2020, 11:18
АХҚО EduTech орталығын және Білім беру АТ Альянсын құруды ұсынады
Депутаттық сауал
© 2019 - 2020 Қазақстан Республикасы Премьер-Министрінің Баспасөз Қызметі.
SoftDeCo компаниясының жобасы.