Бүгін ҚР Премьер-Министрі Бақытжан Сағынтаев «Атамекен» ұлттық кәсіпкерлер палатасының V съезіне қатысты, онда бизнесті дамыту стратегиясын өзектендіру және қызмет қорытындылары қаралды.

Съездің ресми ашылу рәсімінде ҚР Премьер-Министрі Бақытжан Сағынтаев Мемлекет басшысы Нұрсұлтан Назарбаевтың делегаттарға жолдаған хатын оқып берді.

«Құрметті «Атамекен» ҰКП V съезінің қатысушылары, ханымдар мен мырзалар!

ҚР «Атамекен» ұлттық кәсіпкерлер палатасының V съезінің ашылуымен баршаңызды шын жүректен құттықтаймын.

Биыл «Атамекен» ұлттық кәсіпкерлер палатасының құрылғанына бес жыл толады. Осы уақыт ішінде Палата өзін бизнес қауымдастығының құқықтарын қорғау жөніндегі тәуелсіз институт ретінде айқындады. Ұлттық палата мемлекеттік органдар мен кәсіпкерлер арасында тиімді ынтымақтастық орнатуға арналған байланыстырушы буын ретінде жұмыс істеді. Ұлттық палата еліміздің тұрақты дамуына үлкен үлес қосатынына сенімдімін.

Құрметті ханымдар мен мырзалар!

Кәсіпкерлік — экономиканың нақты локомотиві және қозғаушы күші. Қазақстан үшін іскерлік белсенділіктің дамуы өте маңызды. Біз аталған бағытта бірлесіп үлкен табыстарға қол жеткіземіз.

Қазақстан Дүниежүзілік банктің «Doing Business» рейтингісінде соңғы 10 жылда 64-тен 36-орынға дейін көтерілді. Елімізде макроэкономикалық тұрақтылық қамтамасыз етіліп, бизнес ахуал жақсара түсуде. ЖІӨ өсімі 4% құрайды, бұл әлемдік орташа көрсеткіштен жоғары.

Құрылымдық және ұлттық реформалар жүзеге асырылуда, инвестициялық ахуалды жақсарту бойынша жүйелі жұмыстар жүргізілуде, жаңа Салық және Кедендік кодекстер күшіне енді, кәсіпкерлікті реттеу мәселелері бойынша заңнамалық түзетулер пакеті қабылданды. Онда бизнес қауымдастықтың ұсыныстары барынша ескерілген. Аталған жұмыс жалғасады және кеңейтіледі. Отандық бизнесмендер, «Атамекен» ҰКП осы маңызды процеске белсене қатысуы тиіс.

Біздің стратегиялық мақсатымыз — Қазақстанның озық дамыған 30 елдің қатарына қосылуы. Бұл үшін еліміздің ЖІӨ-де ШОБ үлесін 50%-ке дейін ұлғайту қажет. Сонымен қатар, Төртінші өнеркәсіптік революция жағдайында біз экономиканы жедел жаңғыртуға, жаңа технологиялар мен инновацияларды енгізуге бет алдық. Әлеуметтік бастамалар аясында шағын несие беру ұлғайтылуда, «Бастау» жобасы секілді маңызды іс-шаралар жүзеге асырылып жатыр. Тек осы жылы кәсіпкерлік негіздеріне 160 ауылдық аудандар мен 40 шағын қаланы қамти отырып, 30 мың ауыл тұрғынын оқыту көзделген. Барлық алға қойылған мақсаттар мен міндеттерді жүзеге асыру үшін Үкімет пен «Атамекен» палатасының бірлескен және бірізді жұмыс атқаруы қажет.

Бүгінде Ұлттық палата өзін қазақстандық бизнес-қауымдастықты біріктірудің негізі ретінде танытты. Ұйым — ел дамуының стратегиялық реформаларын ілгерілету механизмі саналады. Бұл барлық отандық кәсіпкерлерді біріктіретін ТМД-дағы жалғыз құрылым, заң жүзінде бекітілген кең функциялары мен өкілеттіктері бар.

Бұл съезд Палатаның бес жылдық жұмысының қорытындысын шығарудың маңызды шарасы болатынына сенімдімін. Бұл қазақстандық бизнесті дамытудың жаңа перспективалық бағыттары мен салаларын анықтауға жол ашады. Еліміз Қазақстан Республикасының игілігі мен өркендеуі үшін жемісті еңбек пен жетістіктер тілеймін», — делінген Мемлекет басшысының жолдаған хатында.

Басқарма Төрағасы А. Мырзахметов ҰКП қызметінің қорытындысы мен Палатаны дамыту стратегиясын өзектендіру туралы баяндама жасады.

«2013 жылдың қазан айынан бастап 23 мыңнан астам өтініш келіп түскен, оның 40 пайызы қорғалған, осылайша кәсіпкерлердің 111 млрд теңгеден астам сақталған мүліктік ақшалай және басқа да құқықтары қанағаттандырылды», — деді А. Мырзахметов.

Бұдан өзге, 2016–2018 жылдарға арналған стратегиялық басымдықтар туралы есеп беру кезінде «Атамекен» ҰКП Басқарма Төрағасы А. Мырзахметов кәсіпкерлік субъектілерінің құқықтары мен заңды мүдделерін қорғау стратегиялық жоспарды дамытудың басым бағыттарының бірі екенін атап өтті. Сондай-ақ, басымдықтар қатарында бизнес ортаны жетілдіру, қаржы, инфрақұрылым және өткізу нарықтарының қолжетімділігін қамтамасыз ету, адам капиталын дамыту және бизнесті сервистік қолдау шаралары бар.

ҰКП басқармасының есебін талқылау барысында сонымен қатар Маңғыстау облысының іскер әйелдер кеңесінің төрағасы Сәуле Салихова және Eurasian Resources Group директорлар кеңесінің төрағасы Александр Машкевич сөз сөйледі.

Дауыс беру қорытындылары бойынша ҰКП Басқармасының есебі бірауыздан қабылданды.

Бүгінгі таңда «Атамекен» Қазақстанның барлық өңірлерінде қанат жайған — барлық облыс орталықтарында, аудандар мен ірі қалаларда бар. ҰКП жанында 141 ассоциация аккредиттелген. ҚР ҰКП құрылуы мен жұмысын қамтамасыз ету үшін бір жыл көлемінде құрылтайшылық кезең және аталмыш Заң күшіне енгізілген күннен бастап бес жылға дейін өтпелі кезең белгіленген. Осылайша, 2018 жылы 22 шілдеде Үкіметтің «Атамекен» Ұлттық палатасының қатысушылары құрамынан шығуын қарастыратын өтпелі кезең аяқталады. Келісім аясында Үкімет пен «Атамекен» арасындағы одан арғы өзара әрекеттестік қағидаттары мен бірлескен жұмыстарды жоспарлау бойынша мәселелер реттелетін болады.

ҚР Премьер-Министрі Бақытжан Сағынтаев өз сөзінде ҰКП алғашқы бесжылдықтағы жұмысының қорытындыларының шығарылуын ескерумен Съездің маңыздылығын атап өтті. 2013 жылғы 9 қыркүйекте Үкімет өзіне жауапкершілік алып, сол кездегі «Атамекен» одағымен бірлесіп шешіп Ұлттық кәсіпкерлер палатасын құрды.

«Бұл аса маңызды съезд, өйткені біз бесжылдық жұмысының қорытындыларын қарастырып отырмыз. Жақын арада Астананың 20 жылдығын тойлайын деп отырмыз. Біздің астанамыз 20 жыл бұрын қандай болғанына кім сенеді? Палата туралы да солай айтуға болады. Бес жыл бұрын ол қандай болды, қазір ол қандай. Бес жыл бұрын біз бұл процестің басында едік, өзіміз куәгер болдық, мұның неге, не үшін істелетінін көрдік», — деді Премьер-Министр.

Б. Сағынтаев Үкіметтің бизнестің жұмысын заңнамалық реттеуді жетілдіру бойынша үлкен жұмыстар атқарғанын атап өтті.

Үкімет «Атамекен» палатасымен бірлесіп бес жыл ішінде бизнесті түбегейлі жақсартуға және әкімшілік кедергілерді азайтуға бағытталған 6 түзетулер пакетін әзірледі. Нәтижесінде Дүниежүзілік Банктің деректері бойынша «Doing Business-2018» рейтингінде Қазақстан 36-шы орынды иеленді және бес жыл ішінде аталған рейтингте 40 пунктке көтерілді. 2015 жылы «Атамекен»-мен бірлесіп әзірленген бизнес жүргізуді реттейтін барлық құқықтық нормаларды біріктірген «Кәсіпкерлік Кодексі» қабылданды. Жарты жыл бұрын Платаның тікелей қатысуымен бизнес үшін негізгі Кодекстер – Салық және Кедендік Кодекстері, сонымен қатар «Жер және жер қойнаулары туралы» Кодекс қабылданды. 2017 жылы 14 кодекс пен 109 заңға 1000-ға жуық түзету енгізілді.

Бизнес ортаны қайта реттеу және ырықтандыру бойынша маңызды нәтижелерге қол жеткізілді, бұл кәсіпкерліктің жаппай өсуі үшін жағдайлар тудырды. Мәселен, 5 жыл ішінде рұқсаттардың 74% қысқартылды (2012 ж. 1196-дан 2018 ж. 316-ға дейін). Мұндай оңтайландырудан тиімділік жыл сайын 1,5 млрд теңгені

құрайды (бизнес үшін қаржылық шығындардың жыл сайын төмендеуі). Қылмыстық кодекстен «Жалған кәсіпкерлік» бабы алынып тасталды. Әкімшілік айыппұлдар көлемі орташа 30% төмендеді (157 құрамы бойынша), алдын-алу институты кеңейтілді (14 баптың орнына 52 бап).

Сондай-ақ, ҚР Премьер-Министрі Б. Сағынтаев «Атамекен» ҰКП цифрландыру бойынша белсенді жұмысын атап өтті. Үкімет ішкі инвестициялардың келесі бағыттарға түсуіне мүдделі: Индустрия 4.0 элементтерін енгізу және индустриялық кәсіпорындарды технологиялық жаңарту; көлік–логистикалық инфрақұрылым; тұрғын үй-коммуналдық шаруашылыққа және құрылысқа заманауи технологияларды енгізу; еңбек өнімділігін арттыру және өңделген ауыл шаруашылығы өнімдерінің экспортын ұлғайту үшін «ақылды технологияларды» қолдану; өмір сапасын жақсарту үшін «ақылды қалаларды» құру; жаңғырту негізі ретінде адам капиталын дамыту.

Сондай-ақ, отандық бизнестің бәсекеге қабілеттігі мен экспорттық өнімдерді ұлғайту мәселесі қозғалды.

«Біздің өнімдер бәсекеге қабілетті, сұранысқа ие болуы керек. Еліміздің ішкі нарығы жергілікті өндірушілердің аса сапалы өнімін талап ететінін ұмытпауымыз қажет», — деді Премьер-Министр.

Бұдан өзге, шағын және орта бизнесті дамыту бойынша қабылданған шараларға көңіл бөлінді.

«ҰКП бастамашы болған "Бастау-Бизнес" бағдарламасы адамдарды шағын бизнеспен айналысуға бағыттау қажеттігіне итермеледі. Шын мәнінде, оған қажеттілік жоғары. Елде жаппай кәсіпкерлікті дамыту керек», — деді Б. Сағынтаев.

Бүгінгі таңда «Бизнестің жол картасы 2020» бизнесті қолдау мен дамытудың бірыңғай бағдарламасы, Нәтижелі жұмыспен қамту және жаппай кәсіпкерлікті дамыту бағдарламасы ШОБ басты қолдау құралдарына айналды.

Мемлекеттік қолдау шараларымен Қазақстанның барлық өңірлері қамтылған. Тек «БЖК 2020» бағдарламасы іске асырыла бастаған кезеңнен бері 2018 жылғы 1 маусымдағы жағдай бойынша, 350 мыңнан астам ШОБ субъектісіне қолдау көрсетілген. Нәтижесінде бағдарлама қатысушылары қазынаға 847,7 млрд теңге сомасында салық төледі. 3,5 трлн. теңге сомасына өнім өндірілді. 348,6 мың жұмыс орны құрылды.

Мемлекет басшысының тапсырмасы бойынша Нәтижелі жұмыспен қамту және жаппай кәсіпкерлікті дамыту бағдарламасын әзірленіп, қабылданды, онда Ұлттық кәсіпкерлер палатасының өкілдері білдірген барлық ұсыныстар ескерілген. Мәселен, шағын несиелендіру көлемі көбейтілді, әлеуметтік кәсіпкерлердің кепілдік қамтамасыз етуі жеткіліксіз болған жағдайда мемлекет тарапынан кепілдендіру мүмкіндігі ұсынылады. Жалпы Нәтижелі жұмыспен қамту және жаппай кәсіпкерлікті дамыту бағдарламасы аясында жарты миллионға жуық азаматқа қолдау көрсетілді, олардың ішінде 315 мың адам тұрақты жұмысқа орналасты.

2017 жылы 32 млрд теңге сомасына 7 200 шағын несие берілді. Биыл Президенттің Бес әлеуметтік бастамасы аясында шағын несие беруге жұмсалатын бюджет шығындары 62 млрд теңгеге дейін ұлғайтылады. Осылайша, шағын несиелер 14 мың адамға беріледі.

Премьер-Министр өз сөзінде Палата жұмысының өтпелі кезеңінің аяқталғанына тоқталып өтті, бұл Үкіметтің Ұлттық палата қатысушылары құрамынан шығатынын білдіреді. Министрлер кабинетінің басшысы жаңа кезеңде тығыз әрі сындарлы жұмыс жүргізудің маңыздылығын, және бүгінгі таңда ұйымшыл ұжым қалыптастырылып, бизнестің дамуы үшін барлық жағдай жасалып жатқанын атап өтті.

«Бүгінде “Атамекен” жұмыстың жаңа сатысын бастауда. “Атамекенге” ақ жол тілейміз», — деді Бақытжан Сағынтаев.

Съезд аясында ҚР Премьер-Министрі Бақытжан Сағынтаев пен «Атамекен» ҰКП Президиумы төрағасы Тимур Құлыбаев ынтымақтастық пен бірлескен қызметтің жаңа механизмін анықтайтын Үкімет пен Ұлттық кәсіпкерлер палатасы арасындағы өзара әрекеттестік туралы Келісімге қол қойды.

Мемлекет пен «Атамекен» палатасының бірлескен жұмысының төрт маңызды нәтижесі:

1) 5 жыл ішінде әрекет етуші ШОБ субъектілерінің саны 34%-ке артып, шамамен 1,1 млн бірлікті құрады (салыстырғанда, 2012 жылы — 888,2 мың бірлік).

2) 5 жыл ішінде ШОБ-тің жалпы қосылған құны 2,5 есеге ұлғайып, 2017 жылы 13,3 трлн теңгені құрады. (2012 жылмен салыстырғанда — 5,3 трлн теңге).

3) 5 жыл ішінде ШОБ өнімдер өндіру көлемі 2 еседен астамға өсті (нақты мәнде) және 2017 жылы 21,1 трлн теңгені құрады.

4) 5 жыл ішінде бизнес секторында жұмыспен қамтылғандардың саны 700 мыңнан астам адамға өсті. Бүгінде шағын және орта бизнесте 3,1 млн адам жұмыс істейді. Бұл экономикалық тұрғыдан белсенді халықтың 35% (8,9 млн адам).

www.primeminister.kz

Қазақстанда электронды сауданың жылына 40 пайызға өсуі күтілуде. Бұл туралы бүгін Қоғамдық кеңес отырысында ҚР Ақпарат және коммуникациялар министрі Дәурен Абаев айтты.

«Ағымдағы жылы «Цифрлық Қазақстан» мемлекеттік бағдарламасын  жүзеге асырудың белсенді фазасына көштік. Бұл үшін қажетті жағдайлар, оның ішінде цифрландыру жөніндегі комиссия құрылып, бес мемлекеттік органда вице-министрлердің жеке ұстанымы бекітілді. Олар ведомстводағы цифрландыруға жауап береді. «Зерде» холдингі жанынан цифрландыру жөніндегі жобалық кеңсе құрылды. Нақты нәтижелер туралы айтқан кезде, электронды сауда субъектілері санының өсімін ынталандыратын Салық кодексіне өзгертулер енгізілгенін атап өткен жөн. Мұндай ұйымдар корпоративтік табыс салығын төлеуден толықтай босатылған. Кейбір есептеулерге сәйкес, мұндай шаралар электронды сауда нарығының жылдық өсімін 40 пайызға дейін қамтамасыз етеді», - деді министр.

Сонымен қатар ол қаңтар айында «Электронды еңбек биржасы» жобасы іске қосылғанын атап өтті.

«Бұл бағдарлама аясында мемлекеттік секторды еңбекпен қамту жөніндегі жеке агенттіктермен ықпалдастырған әрі азаматтардың жұмысқа орналасу процесін ашық және жедел жасаған бірінші жоба болды. «Электронды еңбек биржасы» қазірдің өзінде шамамен 70 мың адамның жұмысқа орналасуына септігін тигізді», - деді Д.Абаев.

Министрдің айтуынша, «Астана хаб» ІТ-стартаптардың халықаралық  технопаркі акселерация бағдарламасы аясында 10 жоба іске қосылды. Жылдың соңына дейін мұндай жобалардың санын 33-ке жеткізу жоспары бар. Жалпы, осы жылдың жаз айларында ашылады.

ҚазАқпарат

Бүгін Үкімет үйінде ҚР Премьер-Министрі Бақытжан Сағынтаевтың төрағалығымен Қазақ тілі әліпбиін латын графикасына көшіру жөніндегі ұлттық комиссияның кезекті отырысы өтті.

Отырыс аясында қазақ әліпбиін 2025 жылға дейін латын графикасына кезең-кезеңмен көшіру жөніндегі шаралар жоспарын іске асыру барысы қаралды, сондай-ақ, жаңа әліпбидің емле ережелері мен пернетақтаның техникалық орналасуын әзірлеу бойынша жұмысты одан әрі үйлестіру мәселелері талқыланды.

Қазақ тілі әліпбиін латын графикасына көшіру жөніндегі ұлттық комиссия — Үкімет жанындағы консультативтік-кеңесші орган, оның негізгі мақсаты — қазақ әліпбиін латын графикасына көшіру бойынша ұсыныстар әзірлеп бекіту, жұмыс барысын үйлестіру және оның сапалы орындалуына бақылау жасау.

Әліпбиді латын графикасына көшіру аясында жүргізіліп жатқан жұмыстың негізгі бағыттары бойынша мәдениет және спорт министрі А. Мұхамедиұлы, білім және ғылым министрі Е. Сағадиев, ақпарат және коммуникациялар министрі Д. Абаев баяндама жасады.

А. Мұхамедиұлы бүгінде тіл мамандарының қатысуымен жұмыс тобы Латын графикасы негізінде қазақ әліпбиінің емле тұжырымдамасын әзірлегенін атап өтті.

«Қазіргі таңда қазақ тілінің орфографиясы мен емле ережелерінің негізгі тәртіптерін әзірлеу бойынша күнтізбелік жоспардың кестесі дайындалды. Жалпы, еліміз үшін маңызды тіл реформасы қазақ әліпбиін 2025 жылға дейін латын графикасына кезең-кезеңмен көшіру жөніндегі шаралар жоспарына сәйкес жүзеге асырылып жатыр», — деді А. Мұхамедиұлы.

Е. Сағадиев бүгінгі таңда А. Байтұрсынов атындағы Тіл білімі институтының қазақ және түркі тілдеріндегі термин жасамының халықаралық қағидалары мен ережелерін зерттеп, ұлттық терминология критерийлерін әзірлегенін хабарлады.

Отырыс барысында, сондай-ақ, Премьер-Министрдің орынбасары Е. Досаев, Парламент Сенатының депутаты М. Бақтиярұлы, Парламент Мәжілісінің депутаты Б. Мамраев, Тіл білімі институтының директоры Е. Қажыбек, филология ғылымдарының докторы, Абай атындағы Қазақ ұлттық университетінің кафедра меңгерушісі Т. Аяпова, Ш. Шаяхметов атындағы «Тіл-Қазына» Ұлттық ғылыми-практикалық орталығының атқарушы директоры Е. Тілешов және т.б. пікір білдірді.

Ұлттық комиссияның төрт жұмыс тобы бар:

ҚР БҒМ жанындағы әдістемелік жұмыс тобы оқу, зерттеу және оны білім беру жүйесіне кезең-кезеңмен енгізумен айналысады.

Терминологиялық жұмыс тобы терминологиялық қорды жүйелендірумен айналысады.

ҚР МСМ жанындағы орфографиялық жұмыс тобы латын графикасы негізінде қазақ тілінің орфографиялық және орфоэпиялық ережелерін әзірлейді.

ҚР АКМ-нің техникалық және ақпараттық сүйемелдеу жөніндегі жұмыс тобы латын графикасын АT және ақпараттық кеңістікке бейімдеу жұмыстарын орындайды.

www.primeminister.kz

Жұма күні, 22 маусымда, сағат 12:00-де ҚР Үкіметінің баспасөз орталығында денсаулық сақтау жүйесін цифрландыру барысы туралы баспасөз конференциясы өтеді.

ҚР денсаулық сақтау вице-министрі Олжас Әбішев, ҚР ДСМ қоғамдық денсаулық сақтау комитетінің эпидемиологиялық қадағалау басқармасының басшысы Роза Қожапова шара спикерлері болады.

Баспасөз конференциясының тікелей таратылымын PrimeMinister.kz сайтынан, Фейсбук, «Вконтакте», Твиттер, Перископ әлеуметтік желілерінен, Ютуб ресми арнасынан, сондай-ақ Андроид пен Айфонның мобильдік қосымшаларынан көре аласыздар.

www.primeminister.kz

Бүгін Мемлекет басшысының тапсырмасы бойынша Премьер-Министр Бақытжан Сағынтаев және ҚР Президенті Әкімшілігінің басшысы Әділбек Жақсыбеков жұмыс сапарымен Түркістан қаласына барып, онда қаланың облыс орталығы ретіндегі даму келешегімен танысты.

Жұмыс сапары барысында араланған бірқатар әлеуметтік нысандар: «Нұрлы жер» тұрғын үй құрылысы мемлекеттік бағдарламасы аясында салынып жатқан «Отырар» жаңа шағын ауданы және Қ. А. Яссауи атындағы Халықаралық қазақ-түрік университеті.

Б. Сағынтаев пен Ә. Жақсыбековке Түркістан қаласын дамытудың Бас жоспарын іске асыру барысы туралы баяндалып, жаңа әкімшілік-іскерлік орталықты дамыту жоспарлары, атап айтқанда әлеуметтік, жол, құрылыс инфрақұрылымдарын және ТКШ одан әрі жаңғырту жоспарлары ұсынылды.

Сонымен қатар Түркістан облысының әкімі Ж. Түймебаев «Көне Түркістан» тарихи бөлігін жаңғырту жобасы туралы айтып берді. Жоба Қ. А. Яссауи кесенесі маңындағы қорғандарды реконструкциялауға бағытталған және 2026 жылға дейін жүзеге асырылады.

Бүгінгі таңда Түркістан қаласының аумағы 7,4 мың км² құрайды. Әкімшілік бөлу аясында қала 12 кент және ауылдық округтен және 35 елді мекеннен тұрады. 1 мамырдағы жағдай бойынша халық саны 263 мың адамды құрайды.

Осы жылдың қаңтар–мамыр аралығында өнеркәсіптік өндіріс көлемі 6329,6 млн теңгені немесе 2017 жылдың осындай кезіндегі көрсеткіштің 108,5% құрады. Ауыл шаруашылығы өнімдерінің көлемі 5,9%-ке 8392,4 млн теңгеге дейін ұлғайды.

1 маусымдағы жағдай бойынша, әрекет етіп тұрған ШОБ субъектілерінің саны 13,3 мыңды құрады, бұл өткен жылдың сәйкес кезеңімен салыстырғанда 1,5%-ке жоғары көрсеткіш. Құрылыс жұмыстарының көлемі 2896,3 млн теңгені (100,9%) құрады. 33 368 м² тұрғын үй немесе өткен жылдың тиісті кезеңіндегі деңгеймен салыстырғанда 101,9% пайдалануға берілді.

Еске сала кетейік, кеше Мемлекет басшысының «ҚР әкімшілік-аумақтық құрылысының кейбір мәселелері туралы» Жарлығымен Оңтүстік Қазақстан облысы Түркістан облысы деп қайта аталып, әкімшілік орталығы Түркістан қаласы болды.

«Облыс орталығы ғасырлар бойы Қазақ хандығының және бүкіл түркі әлемінің саяси әрі рухани орталығы болған Түркістан қаласына көшіріледі», — деді Қазақстан Президенті Н. Назарбаев Жарлыққа жария түрде қол қою рәсімінде.

www.primeminister.kz

Бүгін ҚР Президенті Нұрсұлтан Назарбаевтың тапсырмасы бойынша Премьер-Министр Бақытжан Сағынтаев пен Президент Әкімшілігінің басшысы Әділбек Жақсыбеков Шымкенттің қалалық мәслихатының кезектен тыс сессиясына қатысты.

Премьер-Министр Бақытжан Сағынтаев Шымкент әкімі лауазымына Ғабидолла Рахметоллаұлы Әбдірахымовты тағайындау туралы ұсынысы жазылған Мемлекет басшысының қалалық мәслихат депутаттарына жолдаған хатын оқып берді. Депутаттар Президент ұсынған кандидатураны бірауыздан қолдады.

Ғ. Р. Әбдірахымов 1975 жылғы 23 қаңтарда Оңтүстік Қазақстан облысында дүниеге келген. Экономика және мемлекеттік басқару саласында екі жоғары білімі бар. Қазақ, орыс, ағылшын және неміс тілдерін меңгерген. Әр жылдары жауапты басшылық қызметтер атқарған. ҚР Мемлекеттік қызмет істері жөніндегі агенттікті, ҚР Бәсекелестікті қорғау агенттігін басқарған, Премьер-Министр Кеңсесінің меңгерушісі, ҚР Президенті Әкімшілігі басшысының орынбасары, Шымкент қаласының әкімі болып қызмет еткен. Соңғы лауазымы — «Нұр Отан» партиясының хатшысы.

Қалалық мәслихаттың кезектен тыс сессиясының қорытындысы бойынша ҚР Премьер-Министрі Бақытжан Сағынтаев пен ҚР Президенті Әкімшілігінің басшысы Әділбек Жақсыбеков қала активімен кездесу өткізіп, жаңа әкімді таныстырды.

Премьер-Министр Бақытжан Сағынтаев Мемлекет басшысының шешімімен, Астана және Алматы қалаларымен қатар, Шымкент қаласы бір миллионнан астам халқы бар Қазақстан қалаларының қатарына қосылғанын еске салды.

Бүгінгі таңда Шымкент — қарқынды дамып келе жатқан өңір, мұнда ШОБ-ты, туризмді, көлік және логистиканы дамытуға барлық жағдайлар жасалған. Шымкент бұдан былай Түркістан облысымен қатар үлкен агломерацияға айналып, өңір экономикасын жаңа деңгейге шығаруы тиіс.

Таныстыру барысында Премьер-Министр Ғ. Әбдірахымовтың түрлі жауапты басшылық лауазымдардағы, соның ішінде Шымкент қаласы әкімі қызметіндегі үлкен жұмыс тәжірибесін атап өтті. Б. Сағынтаев жаңа әкім Мемлекет басшысының жоғарғы сенімін ақтайтынына сенім білдірді.

Қала жұртшылығы атынан зейнеткен Алданазар Құрманбеков сөз сөйледі.

«Қазақстан тәуелсіздік алған кезден бері Шымкент қаласы дамыған инфрақұрылымы бар ірі өнеркәсіптік мегаполис ретінде қалыптасты. Қаланың жаңа мәртебесін ескерсек, бұдан да үлкен жетістіктерге қол жеткізілетіні сөзсіз. Бұл үшін біз Елбасына шексіз алғысымызды білдіреміз», — деді ол.

www.primeminister.kz

Бүгін ҚР Президенті Нұрсұлтан Назарбаевтың тапсырмасы бойынша Премьер-Министр Бақытжан Сағынтаев пен Президент Әкімшілігінің басшысы Әділбек Жақсыбеков жаңадан құрылған Түркістан облыстық мәслихатының сессиясына қатысты.

Отырыс барысында Премьер-Министр Бақытжан Сағынтаев Түркістан облысының әкімі лауазымына Жансейіт Қансейітұлы Түймебаевты тағайындау туралы ұсынысы жазылған Мемлекет басшысының облыстық мәслихат депутаттарына жолдаған хатын оқып берді. Дауыс беру қорытындысы бойынша депутаттар Президент ұсынған кандидатураны бірауыздан қолдады.

Ж. Түймебаев 1958 жылы дүниеге келген. С. М. Киров атындағы Қазақ мемлекеттік университетін және Мәскеу мемлекеттік әлеуметтік университетін тәмамдаған. Филология ғылымдарының докторы. Әр жылдары ҚР Президенті Хаттамасының жетекшісі, ҚР Президентінің кеңесшісі, ҚР-ның РФ-тегі Төтенше және Өкілетті Елшісі, ҚР білім және ғылым министрі, ҚР-ның Түркия Республикасындағы Төтенше және Өкілетті Елшісі қызметтерін атқарған. 2016 жылғы қазан айынан бастап Оңтүстік Қазақстан облысының әкімі лауазымын атқарған.

Бұдан кейін Премьер-Министр Бақытжан Сағынтаев пен ҚР Президенті Әкімшілігінің басшысы Әділбек Жақсыбеков Түркістан облысының активімен кездесіп, жаңа әкімді таныстырды.

Бақытжан Сағынтаев кеше Мемлекет басшысының тарихи шешімімен елімізде жаңа Түркістан облысы құрылғанын еске салды.

«Түркістан көптеген ғасырлар бойы тек Орталық Азияның емес, сондай-ақ бүкіл түркі әлемінің саяси әрі рухани өмірінің орталығы болды. Мемлекет басшысының киелі Түркістанды облыс орталығы ретінде белгілеуі туралы шешімі өңірді одан әрі дамытуға септігін тигізеді. Елбасының осы тарихи шешімі жергілікті халықтың өмірін жақсартуға, сондай-ақ жалпы өңірдің әлеуметтік-экономикалық дамуына оң ықпал етеді», — деді Б. Сағынтаев.

Мемлекет басшысының тапсырмаларын орындау мақсатында ҚР Премьер-Министрінің бірінші орынбасары А. Маминнің төрағалығымен Түркістан қаласының түркі әлемінің мәдени және рухани орталығы ретінде дамуына ықпал ететін Бас жоспарды әзірлеу бойынша Үкіметтік комиссия құрылды.

Таныстыру барысында Бақытжан Сағынтаев Ж. Түймебаевтың түрлі жауапты басшылық қызметтердегі үлкен жұмыс тәжірибесін атап өтті.

Сондай-ақ, кездесу аясында жергілікті жұртшылық өкілдері де сөз сөйледі. Жазушы Мархабат Байғұт, қоғам қайраткері Ш. Мырзахметов өңір атынан Мемлекет басшысына халықтың рухани күш-жігерін көтеретін және өңірді дамытуға жаңа серпін беретін шешім қабылдағаны үшін алғыс бірдірді.

Айта кетейік, 19 маусымда Президенттің «ҚР әкімшілік-аумақтық құрылысының кейбір мәселелері туралы» Жарлығымен Оңтүстік Қазақстан облысы Түркістан облысы деп қайта аталып, әкімшілік орталығы Түркістан қаласы болды.

www.primeminister.kz

Байқоңыр қаласындағы Қазақстан азаматтары ел азаматтарымен тең дәрежеде медициналық көмек алатын болады. Бұл туралы Мәжілістің жалпы отырысында ҚР Денсаулық сақтау министрі Елжан Біртанов мәлім етті.

Атап айтқанда, жалпы отырыста палата депутаттары «2009 жылғы қарашадағы ҚР Үкіметі мен РФ Үкіметі арасында «Байқоңыр» кешенін жалға алу жағдайында ғарыш айлағының персоналына, Байқоңыр қаласының, Төретам және Ақай кенттерінің тұрғындарына медициналық қызмет көрсету тәртібі туралы келісімге өзерістер енгізу туралы хаттаманы ратификациялау туралы» заң жобасын мақұлдады.

«Келісімінің аясында осы Байқоңыр қаласында тұратын, яғни 48 мыңнан астам Қазақстан азаматтарына көрсетілетін медициналық көмек тек ресейлік медициналық ұйымдармен РФ заңнамасына сәйкес беріледі. Қазақстанда жүзеге асырылатын медициналық көмектің ерекшеліктерін ескере отырып, ел азаматтары заңнамамызға сәйкес тегін медициналық көмекті, дәрілік заттар мен медициналық мақсаттағы бұйымдарды тегін алу, профилактикалық медициналық тексеруден өту заңды құқығымен қамтамасыз етілмеген. Сонымен қатар Байқоңыр тұрғындарында қолжетімді жоғары мамандандырылған медициналық көмекті алу мүмкіндігі жоқ. Бұл мүгедек адамдардың өмірінің және жалпы өмір сүру сапасының төмендеуі қаупін ұлғайтады. Қолданыстағы келісімге өзгерістер енгізу туралы хаттама жобасы Байқоңыр қаласының, Төретам және Ақай кенттерінде тұратын ҚР азаматтарына ұлттық заңнамаға сәйкес, Қазақстан денсаулық сақтау мекемелерімен медициналық қызмет көрсетуге мүмкіндік береді», - деп нақтылады министр.

Е. Біртанов 2016 жылдың 12 тамызында Байқоңыр қаласында облыстық медициналық орталығының филиалы пайдалануға берілгенін еске салып өтті. Сонымен қатар 2018 жылғы қаңтардан бастап қалада 30 мың адамға қызмет көрсететін емхана ашылды. Қазіргі уақытта бұл емханаға 17 мыңнан астам тұрғын тіркелген. 2019 жылы операциялық бөлімді және жансақтау бөлімшесін ұйымдастыру мен хирургияны ашу жоспарланып отыр.

«Алайда Байқоңыр қаласының аумағындағы қазақстандық медициналық ұйымдардың қызмет көрсету құқығын бекіту - тек заңнамаға өзгерістер енгізу туралы хаттама күшіне енгеннен кейін мүмкін болады. Заң жобасы теріс әлеуметтік-экономикалық, құқықтық салдарға алып келмейді», - деді министр.

ҚазАқпарат

Биыл 15 маусымда ҚР Парламенті палаталарының бірлескен отырысы өтті, онда Үкіметтің 2017 жылғы республикалық бюджетті атқаруы туралы есебі қабылданды. Жалпы алғанда, отырыс қатысушылары Үкімет алдына қойылған міндеттерді орындаудың оң көрсеткіштерін атап өтті — бюджеттің шығыс бөлігінің жүз пайызға жуығы игерілді.

Цифрлармен айтқанда, есепті кезеңде Қазақстанның даму қарқыны төмендегідей деңгейде. 2017 жылы экономика өсімі 4%-ті құрады. ЖІӨ-нің тұрақты өсіміне сыртқы факторлардан басқа, өнеркәсіптің 7,1%-ке және қызмет көрсету саласының 2,7 %-ке өсуі ықпал етті. Бюджеттің кірістері 9,7 трлн теңгеге жетті. Оның 48%-і трансферттерге келеді, шығыстарға тоқталып өтсек, олар 99,8%-ке атқарылып, 11,156 трлн теңгеге игерілді.

Мемлекет басшысы белгілеген міндеттерді іске асыруға бірқатар қабылданған заңнамалық өзгерістер ықпал етті. Мәселен, 2017 жылдың қорытындысы бойынша 93 заң, ал осы жылдың бес айында — 25 заң қабылданды. Оның ішінде негізгілері — Салық және Кеден кодекстері, кәсіпкерлік қызметтерді реттеу туралы заңдар. Салық реформасы 2018 жылы бюджет түсімін 90 млрд теңгеге, ал үш жылдық бюджетте 300 млрд теңгеге ұлғайтуға мүмкіндік береді деп болжанған.

Үкіметтің жұмысы Елбасының «Қазақстан 2050» стратегиясы мен «5 институционалдық реформаны іске асыру бойынша 100 нақты қадам» Ұлт жоспарында айқындалған тапсырмаларды сөзсіз іске асыруға бағытталған. «Үшінші жаңғыртуды», Төртінші өнеркәсіптік революция туралы Жолдауды, «Рухани Жаңғыру» адам капиталын жаңғыртудың кешенді жоспарын, қазақстандықтардың өмір сапасын жақсарту үшін «Бес әлеуметтік бастаманың» жаңа пакетін іске асыру бойынша кең ауқымды жұмыстар жүргізілуде.

2017 жылдың қорытындысы бойынша экономикалық өсім қамтамасыз етіліп, осы жылдың бес айы да осы қарқынды ұстап келеді – қаңтар-мамыр аралығында Қазақстан экономикасы 3,9% өсті.

Негізгі капиталға салынған инвестициялардың көлемі 25,3%-ке өсті;

Өнеркəсіп өндірісінің көлемі 5,4%-ке ұлғайды (өнеркәсіптік өсімге табиғи газ, шикі мұнай, қағаз жəне қағаз өнімдерін, темекі өнімдері мен химия өнеркəсібінің өндірісі айтарлықтай ықпал етті);

Тау-кен өндіру өнеркәсібінде және карьерлерді игеруде өндіріс 5,6%-ке ұлғайды;

Өңдеу өнеркәсібі 5,5%-ке ұлғайды;

Ауыл шаруашылығының жалпы өнімінің өсуі 3,9%-ті құрады;

Көлік қызметтерінің көлемі 4,8%-ке өсті;

Жүк тасымалы көлемі 5,5%-ке, жолаушыларды тасымалдау 1,6%-ке өсті.

Байланыс қызметтерінің көлемі 6,4%-ке өсті.

Бөлшек және көтерме сауда көлемі 5,8%-ке артты.

2017 жылдың қорытындысы бойынша сыртқы тауар айналымы $77,6 млрд жетіп, ол 2016 жылмен салыстырғанда 25% жоғары болды ($62,1 млрд). Осы жылдың бірінші тоқсанында да тауар айналымы 24,3% өсіп, $21 млрд құрады, оның ішінде экспорттың өсімі 27% болды. Бүгінде Қазақстан өнімдері әлемнің 123 елінің нарығына жеткізілуде.

Айта кету керек, Үкімет институционалдық және құрылымдық реформаларды жүргізу бойынша Президент айқындаған бағыттарды жүзеге асыруда нақты шаралар қабылдап жатыр.

«100 нақты қадам» Ұлт жоспары

«Бес институционалдық реформаны іске асыру бойынша 100 нақты қадам» Ұлт жоспары жүзеге асырыла бастағаннан бері 55 қадам орындалды.

Бірінші реформа — кәсіби мемлекеттік аппарат құру. Мемлекеттік қызметтік мансаптық үлгісіне көшу қызметкерлерге құзыреттілігі бойынша жоғарлауға тең мүмкіндіктер берді. Мемлекеттік қызметкерлер кешенді аттестациядан өтті. Нәтижелер бойынша еңбекақы төлеудің жаңа жүйесін апробациялау басталды. Мұның барлығы халыққа көрсетілетін мемлекеттік қызметтердің сапасы мен құзыреттіліктерінің өсуі үшін жағдайлар тудырады.

Екінші реформа — заңның үстемдігін қамтамасыз ету. Сот төрелігінің үш сатылы жүйесіне көшуі азаматтар мен бизнестің құқықтарының уақытылы қорғалуын қамтамасыз етеді. Судьялар корпусына талаптар сапасы артты, олардың есеп беру тәртібі күшейтілді. Инвестициялық даулар бойынша сот өндірісі, АХҚО халықаралық арбитраж орталығы құрылды. Жергілікті полиция қызметі мен азаматтардың полиция қызметкерлерінің іс-әрекетіне шағымын қарастыру бойынша қоғамдық кеңестер құрылды.

Үкіметтің іс-қимылының басты бағыты — одан әрі индустрияландыру мен тұрақты өсімді қамтамасыз етуге бағытталған үшінші реформаны іске асыру.

300 ірі салық төлеуші үшін электронды шот-фактураларды міндетті түрде беру енгізілді, 2019 жылдан бастап ол барлық қосымша құн салығын төлеушілер үшін енгізіледі.

Экономиканың басымдықты секторларында трансұлттық корпорациялардың қатысуымен сегіз жоба іске асырылды.

Көлік инфрақұрылымын кеңейту және дамыту үшін «Нұрлы жол» жаңа темір жол вокзалы ашылды, халықаралық қаржы орталықтары арасында әуе қатынасы іске қосылды (Астанадан Франкфуртқа, Лондонға, Дубайға, Сеулге, Пекин мен Париж, Стамбулға тікелей рейстер орындалуда).

28 халықаралық бағытта жиілігі мол теміржол контейнері желілері ашылды, бұл Қазақстанның транзиттік әлеуетін және еліміздің әлемдік көлік-коммуникациялық ағымға кірігуін күшейтеді. Ақтау теңіз порты және Құрық теңіз портының бірінші фазасы жаңғыртылды. Биыл Құрық портын жаңғыртудың екінші фазасы аяқталғаннан кейін олардың өткізу қуаттылықтары 26 млн теңгеге дейін ұлғаяды.

2036 жылға дейін Үлкен Алматы айналма автомобиль жолы (ҮАААЖ) жобасын іске асыру бойынша инвесторлармен келісімшарт жасалды. 1 сәуірде электронды декларациялау жүйесін дамыту мақсатында «Астана-1» ақпараттық жүйесі тәжірибелік пайдалану үшін енгізілді. Ресми ашылуы 2018 жылдың 1 шілдесіне жоспарланған Астана халықаралық қаржы орталығы ТМД елдері мен бүкіл Батыс және Орталық Азия аймағы үшін қаржылық хабқа айналады.

Төртінші реформаны іске асырудың басты мақсаты — біртектілік пен бірлік — қазақстандық біртектілікті нығайту және азаматтық қоғамның бүтіндігін қалыптастыру.

Бұл жұмыс туристік саланы дамытумен, бірінші кезекте Астанадағы, Алматыдағы, Шығыс Қазақстан облысындағы, Каспий маңы аймағындағы және елдің оңтүстігіндегі мәдени-туристік кластерге сүйенумен ішкі туризмді дамытумен байланысты.

Негізгі жұмыс институционалдық тұрғыдан нығайтылған Қазақстан халқы Ассамблеясының аясында жүргізіледі. Жастарға арналған жаңа әлеуметтік сатылар құрылды. Жалпыға Ортақ Еңбек Қоғамы идеясын ілгерілету бойынша жұмыстар жолға қойылды. Аталған бағыт бойынша қадамдарды әрі қарай іске асыру «Рухани жаңғыру» бағдарламасы аясында жүргізіліп жатыр.

Бесінші реформа – есеп беретін мемлекетті қалыптастыру. Мемлекеттік сектордың қоғам алдындағы ашықтығы мен есеп беруі күшейтілді. Қоғамдық кеңестер мен халық алдындағы жыл сайынғы есептер институты құрылды. Тиімділік аудитіне қайта бағдарланумен бюджет қаражатын пайдалануды бақылаудың жаңа үлгісі, сонымен қатар мемлекеттік органдар қызметін бағалаудың жаңа жүйесі енгізілді. «Ашық үкімет» енгізілді. «Азаматтарға арналған үкімет» мемлекеттік корпорациясы «бір терезе» қағидаты бойынша мемлекеттік қызметтер көрсетеді. Корпорация жұмыс істеген екі жыл ішінде 64 млн қызмет көрсетілді.

Аталған қадамдардың барлығы экономиканың жаңа моделін құру және оның ұзақ мерзімді кезеңде тұрақты дамуы үшін аса маңызды. Олар 2018 жылы экономиканың өсуіне ықпал етеді. Есепті кезеңде «100 нақты қадам» Ұлт жоспарының қадамдарын іске асырудың негізгі қорытындылары осындай.

Индустриалдық-инновациялық даму

Индустриалдық-инновациялық даму бағдарламасының екінші кезеңі белсенді іске асырылып жатыр. Үкімет басымдықты және бәсекеге аса қабілетті секторларға баса назар аударуда.

Негізгі салаларды техникалық тұрғыдан қайта жарақтандыру шаралары әзірленіп, экономиканың перспективалы секторларын дамыту үшін жағдайлар жасалды. 2017 жылы Индустрияландыру картасы аясында 1,5 трлн теңгеден астам сомаға 120 жоба іске қосылып, 10 мыңнан астам жұмыс орны ашылды.

Экономиканы цифрландыру

Елбасы тапсырмасына сәйкес, «Цифрлық Қазақстан» мемлекеттік бағдарламасының аясында экономика мен қоғамдық өмірді жаппай цифрлық трансформациялау бойынша жұмыстар басталды.

Негізгі салаларды технологиялық тұрғыдан қайта жарақтандыру шаралары әзірленді, бұл цифрлық технологияларға көшудің негізіне айналуы тиіс.

500-ден астам кәсіпорынның Индустрия 4.0 элементтерін енгізуге әзірлігі бағаланды.

2017 жылы барлық мектептер толығымен цифрлық білім беру ресурстарына қосылды. Онда 40 мың бейнедәрістер мен интерактивті сабақтар қамтылған.

«Ақылды қалаларды» дамыту тұжырымдамасы бекітілді, оның негізінде 2018 жылдың соңына дейін әрбір өңірде пилоттық жобалар іске асырылатын болады.

Бүгінгі таңда электронды коммерцияда қазірдің өзінде шамамен 1700-ге жуық компания жұмыс істейді, 6871,6 мың адам жұмыспен қамтылған.

Жыл басынан бері 107 121 жаңа электронды сауда субъектісі тіркелді. Алдын-ала деректер бойынша биылғы жылдың 5 айының ішінде 40 мыңға жуық жаңа жұмыс орны ашылды.

Аталған іс-шара жыл соңына дейін еліміздің барлық өңірлерінде 155 жаңа интернет дүкен ашуға мүмкіндік береді деп күтілуде.

Цифрландырудың арқасында, ауруларды бастапқы кезеңінде анықтау мүмкіндігі артты. Мысалы, 40%, туберкулез ауруы 10% өкпе қатерлі ісігі ерте анықталатын болды. «Жанды» кезекке тұру 45% азайды. Жоспарланып отырған мемлекеттік қызметтердің 450 түрін электронды форматқа көшіру 2021 жылға қарай 13 млрд теңгеге жуық қаражатты үнемдеп, ел азаматтарына жыл сайын берілетін 40 миллионнан астам қағаз түріндегі анықтамаларды қысқартуға мүмкіндік береді.

Әкімдіктерде тұрғын үй кезегі бойынша көрсетілетін қызметтерді автоматтандыру үшін жүргізілген жұмыстар қайталанулар, баспанасының болуы және басқа да факторларды жою арқылы кезекті 460 мың адамнан 219 мыңға дейін, яғни екі еседен астамға қысқартуға мүмкіндік берді.

«Цифрлық Қазақстан» бағдарламасының қосылған құны жоғары өнім жасап, экономикадағы шығындарды азайтудағы әлеуеті зор. Бұл ЖІӨ өсімі үшін қосымша серпін тудыруға мүмкіндік береді. Мемлекеттік бағдарламаны іске асырудан тікелей тиімділік 2025 жылы қосымша 1,7–2,5 трлн теңге көлеміндегі қосылған құн жасауға жол ашады.

Инвестициялар тарту және өнім өткізу нарығын көбейту

Тартылатын шетелдік инвестициялар көлемі жағынан Қазақстан аймақтағы теңдесі жоқ көшбасшы. Орталық Азияға тартылатын шетелдік инвестициялардың 70% Қазақстанның үлесіне тиеді. Мемлекет басшысының Қытаймен, Ресеймен, АҚШ-пен, Жапониямен, Оңтүстік Кореямен, Иранмен, Түркиямен және басқа да елдермен өндірістік қуаттылықтарды дамыту бойынша жалпы сомасы $50 млрд жуық болатын келісімдерінің іске асырылуы Үкіметтің бақылауында.

Инвесторлармен жұмыс инвестициялар жөніндегі ұлттық компания «Кazakh Invest» арқылы шетелдік өкілдіктер мен аймақтық филиалдар желісімен «Бір терезе» қағидаты бойынша жаңа форматта құрылған. 2017 жылы Ұлттық инвестициялық стратегия қабылданды. Біз экономиканың шикізаттық емес секторларына инвестициялар тартуға баса назар аударамыз. Өткен жылдың қорытындысы бойынша тікелей шетелдік инвестициялардың жалпы ағыны $20,8 млрд құрады. Шетелдік инвестициялардың 25% өңдеу өнеркәсібіне бағытталуда. Соның ішінде, шикізаттық емес секторларға — 50% жуығы бағытталады.

Инвестициялық капиталды тартуда трансұлттық корпорациялардың рөлі жоғары. 2015–2017 жылдары $292 млн сегіз жоба іске асырылды. $8 млрд сомасына 16 ТҰК жобасы пысықталу үстінде. Экономиканың басымдықты салаларында бірлескен кәсіпорындар құру үшін «зәкірлі инвесторлармен» $1,3 млрд сомасына 7 жоба жүзеге асырылып жатыр. «Зәкірлі» инвесторлармен $13,2 млрд сомасына 15 жоба бойынша белсенді жұмыс жүріп жатыр.

Осы жылдың 4 айының ішінде ірі инвесторлармен 42 жаңа жобаны іске асыру бойынша келісімдерге қол жеткізілді, оның ішінде 10 ТҰК, Қытай, Түркия, АҚШ, БАӘ, Ұлыбритания, ЕО елдері және басқа да елдер бар. 2018 жылы барлығы $3,9 млрд сомасына 54 жоба аяқталады. Құны $6,8 млрд болатын 63 жобаның құрылысы басталды.

«Нұрлы жол» мемлекеттік бағдарламасы

Бағдарлама аясында жаппай көлік, индустриялық және әлеуметтік инфрақұрылымдарды салудың арқасында жыл сайын ең кемі 100 мың жұмыс орны құрылады. Жұмыс үш басты бағыт бойынша жүруде.

Бірінші — автомобиль жолдары. 2017 жылы 4,4 мың шақырым автожолдың құрылысы мен қайта жөндеу жұмыстары жалғасты, оның ішінде 22 автожол жобаларында 600 шақырым жол пайдалануға берілді. 2018 жылы 500 шақырымнан астам автожол салынып бітеді. «Төртінші өнеркәсіптік революция жағдайындағы дамудың жаңа мүмкіндіктері» Жолдауына орай жергілікті жолдарды дамытуға ерекше көңіл бөлінетін болады. Оларды қаржыландыру көлемі 150 млрд теңгеге дейін ұлғайтылады, бұл қалалар мен ауылдардағы өмір сүру сапасын жақсартады.

Екінші — теміржол және авиациялық инфрақұрылым жаңғыртылып, кеңейтілді. 6 жыл ішінде 1376 шақырым темір жол салынып, Парсы шығанағын, Оңтүстік-Шығыс Азия мен Қытайды қоса алғанда, жаңа өткізу нарықтарына тауарларды өткізу мүмкіндігі мен тасымалдау жылдамдығы арттырылды. Көптеген әуежайлар мен жолаушылар терминалдарының ұшу-қону жолағы қайта жөнделді. Жалпы ұзындығы 112 шақырым болатын «Алматы — Шу» учаскесіндегі екінші жолдың құрылысы да еліміздің транзиттік әлеуетін ұлғайтуға септігін тигізеді. Астанада тәулігіне 35 мың жолаушыға қызмет көрсете алатын жаңа «Нұрлы Жол» теміржол вокзалы кешенінің құрылысы мен 2017 жылы 4,1 млн адамға қызмет көрсеткен Астана халықаралық әуежайының жолаушылар терминалын қайта жөндеу жұмыстары аяқталды.

Үшінші — Орталық Еуразиядағы көлік-логистикалық хаб ретінде еліміздің транзиттік әлеуеті. «Батыс Қытай — Батыс Еуропа» халықаралық дәлізінің 2787 шақырымға созылатын қазақстандық бөлігінің құрылысы толық аяқталды. Магистраль 5 облыстың жалпы саны 5,5 млн жуық адам тұратын 240 астам елді мекенін қамтиды және қазірдің өзінде экономиканың дамуы үшін өз нәтижелерін беріп отыр.

Мәселен, өңірлер арасындағы жүк айналымы 2,5 есеге (12-ден 30 млн тоннаға дейін), транзиттік көлік тасымалы — 3 есеге (350 мың тоннадан 1 млн т дейін) артқан. 47 жаңа өндіріс құрылып, жұмыс істеп тұрған 8-і кеңейтілді. Автокөліктердің орташа қозғалыс жылдамдығы 3 есеге артты. Маңызды әлеуметтік тиімділікке — жол-көлік оқиғаларынан өлім-жітімді 30% төмендетуге қол жеткізілді. Жобаның орташа жылдық тиімділігі 180 млрд теңгеге жуық және ол жыл сайын арта беретін болады.

Еліміздің Шығысы мен Батысында жаңа логистикалық хабтар, сонымен қатар Ляньюньган теңіз портында бірлескен қазақстандық-қытайлық логистикалық терминал салынды. Түркия мен Грузия арасында «Карс — Ахалкалаки» теміржол учаскесі құрылысының аяқталуын есепке алумен бірге Транскаспий халықаралық көлік бағытын жүк ағымымен толықтыру бойынша жұмыстар басталды. Нәтижесінде транзиттік жүктер көлемі 25%-ке, 18,1 млн тоннаға дейін өсті. Табысы жоғары транзиттік контейнерлік тасымалдар көлемі жыл сайын артып келеді және өткен жылы ол 347,5 мың контейнерді құрады. Транзиттік тасымалдардан түскен табыс 353 млрд теңге болды.

Инженерлік желілерді жаңғырту жұмыстары жүргізілді. Есептік кезеңде 765 шақырым инженерлік желі жаңғыртылды және салынды, жоспардағысы — 700 шақырым. Желілердің тозуы 63%-тен 60%-ке төмендеді.

«Нұрлы жер» мемлекеттік бағдарламасы

2017 жылы қазақстандықтарды қолжетімді тұрғын үймен қамтамасыз ету мақсатында тұрғын үй құрылысы бағдарламасы бастау алды. Жыл қорытындысы бойынша рекордтық 11,2 млн шаршы метр тұрғын үй пайдалануға берілді, бұл 2016 жылғы деңгейден 6,2% артық. 100,8 мыңнан астам отбасы, оның ішінде мемлекеттік инвестициялар есебінен 25,2 мың отбасы өздерінің баспана жағдайларын жақсартты. Жалпы 2017 жылы аталған салаға инвестициялар 2016 жылмен салыстырғанда 18% артқан ( 830 млрд теңгеден 979,8 млрд теңгеге дейін).

2018 жылы Бағдарлама аясында мемлекеттік инвестициялар есебінен 1,5 млн шаршы метр жаңа тұрғын үйді пайдалануға беруді қамтамасыз ету жоспарланып отыр. Қазір тұрғын үй құрылысында мемлекеттік емес қаражат басым — олардың үлесі 84%. 1 бюджет теңгесіне шаққанда 5,4 теңге жеке инвестиция тартылған. Жаппай тұрғын үй құрылысын жүргізу құрылыс индустриясына мультипликативті әсерін тигізді. Құрылыс материалдарын өндіру көлемі 440 млрд теңгеден асты.

Агроөнеркәсіп кешені

2017 жылдың басында қабылданған АӨК дамытудың мемлекеттік бағдарламасы экономиканың жаңа драйвері ретінде саланы серпінді әрі кешенді дамытуға бағытталған.

Өткен жылы Мемлекет басшысының тапсырмаларын орындау мақсатында мемлекеттік қолдау шараларының тиімділігін арттыру бойынша жұмыстар жүргізілді. 65 субсидия түрі қайта қаралып, тиімсіз 11-і алынып тасталды, 40 түрі бойынша критерийлер өзгертілді.

Қажеттілігі мол дақылдық алқаптар 694 мың га кеңейтілді.

Егістіктердегі элиталық тұқымдар үлесі 1,5 есеге артты.

Минерал тыңайтқыштарды пайдалану ⅓ өсті (10%-тен 14%-ке дейін).

Астық сапасы 20% жақсарды.

Бидайдың қатты сорттарының экспорты 2,5% өсті.

Негізгі мал түрлерінің басы орта есеппен — 5%, ет өндірісі — 5,9%, сүт өндіру — 3% артты;

Ауыл шаруашылығы өнімдері мен оны өңдеу өнімдерінің экспорты 10% артты (2017 ж. 11 айдың ішінде).

Жалпы ауыл шаруашылығы өнімдерінің өсімі — 2,9% құрады

азық-түлік өнімдерінің өсімі — 4,1% құрады

негізгі капиталға инвестициялар 29,3% артты

5 жыл ішінде еңбек өнімділігі мен өңделген өнім экспортының көлемін 2,5 есе артты.

Бұдан өзге, 2017 жылы Қазақстан аусылдан таза аймақ ретінде танылды, бұл біздің мал шаруашылығы өнімдерімізді жаңа нарықтарға шығаруға жол ашады.

Президенттің Қытай, Өзбекстан, Біріккен Араб Әмірліктері, Сауд Арабиясы, Иран елдерінің көшбасшыларымен жеке келісімге келуінің арқасында, аталған елдердің нарықтары қазақстандық өнім экспорты, ең алдымен мал шаруашылығы өнімдері экспорты үшін ашылды. Бүгінгі таңда Қытайға экспорттау үшін ауыл шаруашылығы өнімдерінің 11 түрі бойынша талаптар келісілген.

Кәсіпкерлікті дамыту

Бизнес ахуалының жоспарлы түрде жақсаруы, шешуші қайта реттеу және жеке кәсіпкерлікті қолдау өз нәтижелерін беруде:

2017 жылдың қорытындысы бойынша ЖІӨ-дегі ШОБ үлесі 25,8%-ке дейін өсті.

2017 жылы «Бизнестің жол картасы–2020» бағдарламасын іске асыру барысында 3,5 трлн теңгеге өнім шығарылып, 15,1 мың жаңа жұмыс орны ашылды, 217 240,7 млрд теңге салық төленді.

2017 жылы 146 млрд теңгеге 160 келісімшарт жасалды.

2017 ж. ШОБ өнімдерінің шығарылуы 29%-ке ұлғайды.

Жыл қорытындысы бойынша экономикадағы ШОБ үлесі 26,8 25,6% құрады.

2017 жылы Нәтижелі жұмыспен қамту бағдарламасына 570 мыңнан астам адам қатысты, олардың 315 мыңы тұрақты жұмыс орындарына орналастырылды, соның ішінде 136-сы — жаңа жұмыс орындарына орналасты.

7,2 мың адам жеңілдікті несиелер алды, оның ішінде 4,1 мың адам алғаш рет өз бизнесін ашты. 15 мың адам кәсіпкерлік негіздеріне оқытылды.

Биыл 730 мың адам жұмыспен қамтуға жәрдемдесу шараларымен қамтылады, 2017 жылы 600 мың адам қамтылған еді. 1 маусымдағы жағдай бойынша барлығы 214 мың адам, оның ішінде 163 116 мың жұмыссыз және 1921 мың өзін-өзі жұмыспен қамтыған азаматтар тартылды. Әкімдіктермен бірлесе отырып, өзін-өзі жұмыспен қамтыған және бейресми жұмыспен айналысатын азаматтарды формализациялау бойынша жол картасы іске асырылып жатыр. Жыл басынан бері бұған дейін деректер базасында статусы болмаған 800 мың адамның мәліметтері жаңартылды. Халықаралық еңбек ұйымы стандарттарына сәйкес жұмыспен қамтылған және өзін-өзі жұмыспен қамтыған халықты бірыңғай анықтау, қызметті тіркеу мен заңдастырудың жеңілдетілген тетігін енгізу қарастырылған.

Өңірлік даму

Кенттену деңгейінің артуын ескере отырып, қалалардың инфрақұрылымдық дайындығын қамтамасыз ету мақсатында Үкімет төрт агломерацияның (Астана, Алматы, Шымкент, Ақтөбе) аумақтық дамуының өңіраралық схемаларын қабылдады.

Тірек ауылдық елді мекендерді өмір сүруге қолайлы жағдайлар жасау мақсатында 2017 жылы:

инженерлік инфрақұрылымның 82 жобасы,

әлеуметтік инфрақұрылымның 114 жобасы,

абаттандыру бойынша 493 жоба іске асырылды.

«Дипломмен ауылға!» жобасы аясында 2015–2017 жылдары білім беру, денсаулық сақтау, АӨК және т.б. салалардағы шамамен 10 мың маманға 28,4 млрд теңгеге қолдау көрсетілді. Өңірлерді дамыту бағдарламасы белсенді түрде іске асырылып жатыр, оған 2015–2017 жылдары 1,2 трлн теңге бөлінді.

2017 жылдың елеулі нәтижелерінің бірі қалаларда 94% дейін, ауылдарда – 57% дейін орталықтандырылған сумен жабдықтауға қолжетімділіктің артуы болды. Өңірлерді дамыту бағдарламасы аясында 2017 жылы 297 жоба іске асырылды (120,8 млрд теңге сомасына сумен жабдықтау, жылумен жабдықтау, су тарту, елді мекендерді абаттандыру, инженерлік инфрақұрылым мен моноқалаларды дамыту жобалары).

Мемлекет басшысының тапсырмасы бойынша жыл сайын барлық қаржы көздерінен 100 млрд теңгеден кем емес қаражат бөлу арқылы ауылдық сумен жабдықтауды (барлық ауылдарда) дамыту жөнінде қосымша шаралар қабылданып жатыр.

«Рухани жаңғыру»

Мемлекеттік тілдің латын қарпіне көшуін қамтамасыз ету үшін Мемлекет басшысы латын графикасындағы қазақ тілі әліпбиін бекітті. «Жаңа гуманитарлық білім. 100 жаңа оқулық» жобасы аясында әлеуметтік-экономикалық және гуманитарлық білім саласындағы әлемдегі үздік 17 оқулық қазақ тіліне аударылып, цифрландырылды.

«Туған жер» жобасы бойынша «Әлеуметтік бастамалар картасы» интерактивті платформасы іске қосылды, «Қазақстанның киелі жерлерінің географиясы» жобасы бойынша жалпыұлттық маңызы бар нысандар бойынша 3D турлары бар киелі нысандардың виртуалды картасы әзірленді.

«Қазақстанның 100 жаңа есімі» жобасын іске асыру аясында жалпыхалықтық онлайн дауыс беру 102 жеңімпазды анықтады. Дауыс беруге барлығы 340 мың қазақстандық қатысты.

«Жаһандағы заманауи қазақстандық мәдениет» жобасы бойынша Қазақстанның тәуелсіздігі жылдарында қалыптасқан қазақстандық мәдениет туындылары жинақталып, жүйеге келтірілді.

Білім беру

Білім беру саласында барлық деңгейлерде — мектепке дейінгі білімнен жоғары білімге дейін жүйелі реформалар жүргізіліп жатыр.

Бірінші. Білім беру инфрақұрылымын дамытуды, жүйенің кадрлық әлеуетін жақсартуды, экономика салаларын білікті кадрлармен қамтамасыз етуді, еліміздің ғылыми әлеуетін арттыруды жаңғырту жұмыстары жүргізілуде.

Мектепке дейінгі білім берумен қамту айтарлықтай ұлғайды. Бүгінгі таңда 3–6 жас аралығындағы балалардың шамамен 91%-ы балабақшаларға барады. Бұған, бірінші кезекте, жекеменшік балабақшалар үлесінің 49%-ке артуы, оның ішінде МЖӘ аясында артуы ықпал етті. 2017 жылдың өзінде 849 мектепке дейінгі ұйым ашылды, олардың 717-і — жекеменшік, 46-сы — МЖӘ есебінен ашылған.

МЖӘ арқылы жекеменшік мектепке дейінгі мекемелердің құрылысының арқасында Қазақстан 137 ел арасында бастауыш білім беруді қамту бойынша 4 орынды иеленді. МЖӘ тетігі жан басына шаққандағы қаржыландыруды енгізу үдерісімен кеңейтілетін болады, биыл Астанада пилоттық жоба басталады.

Екінші. Үштілділік және ағылшын тілін ауқымды түрде оқыту саясаты жүйелі түрде жүзеге асырылуда.

Білім берудің жаңартылған мазмұнына көшіру бойынша кезең-кезеңімен жұмыстар атқарылып жатыр. 2017 жылы 1, 2, 5, 7 сыныптар жаңа мазмұнға көшірілді. Жан басына қаржыландыру жүйесін енгізу аясында осы жылдың қыркүйегінен бастап пилоттық жобаға Астананың 74 мектебі кіреді (қазіргі таңда пилоттық жобаға 43 мектеп, оның ішінде Астанада — 5 мектеп қатысуда). 2020 жылы қалалық мектептерде қаржыландырудың жаңа моделін толық көлемде жүзеге асыру көзделген.

Білім мен ғылымның бірігуі Қазақстанның 8 ЖОО-ның QS халықаралық рейтингіне кіруге мүмкіндік берді. Осы жылдың қаңтар айынан бастап жаңартылған мазмұн бойынша білім беретін мұғалімдер жалақыларына қосымша 30% үстеме ақы ала бастады, жыл соңына дейін 200 мыңнан астам мұғалім көтерілген жалақы алатын болады. Орта мерзімді келешекте үш тілде оқытуды енгізу, жоғары білімнің қолжетімділігін арттыру, ЖОО-лардың дербестігін кеңейту және Мемлекет басшысының басқа да міндеттерін орындау бойынша дайындық жұмыстары жалғасады.

Үшінші. Техникалық және кәсіптік білім беруге баса мән берілуде. Жұмыс берушілердің сұранымдарының 95%-дан астамы төменгі және орта біліктілік мамандықтарына келеді.

2017 жылдан бері техникалық-кәсіптік білім беру (ТКББ) жүйесінде техникалық, ауыл шаруашылығы мамандықтары бойынша, сондай-ақ сервис және қызмет көрсету кәсіптері бойынша мамандарды тегін оқыту басталды. Жұмысшы біліктіліктері бойынша 250-ден астам жаңа модульдік бағдарламалар дайындалды. 500 шетелдік оқу әдебиеттері аударылды. Жыл сайын жоба аясында 100 мың студент қамтылады.

Денсаулық сақтау

2015 жылы Үкімет міндетті әлеуметтік медициналық сақтандыру (МӘМС) енгізу бойынша маңызды реформаларды іске асыруды бастады. МӘМС енгізуге дайындық аясында денсаулық сақтау саласын қайта реттеу жұмыстары жүргізілді:

Бизнестегі кедергілерді азайту нәтижесінде жеке жеткізушілерден медициналық қызметтерді сатып алу үлесі 2017 жылғы 8-дан 2018 жылы 13%-ға дейін өсті.

2017 жылы денсаулық сақтау саласына салынған инвестициялар көлемі 50%-ке артып, 91,4 млрд теңгені құрады.

Жеке инвестициялардың үлесі 2016 жылғы деңгеймен салыстырғанда 90%-ға (23,3-тен 44,2 млрд теңгеге дейін) ұлғайды.

2017 жылы отандық тауар өндірушілермен 873 дәрі-дәрмек түрін жеткізу бойынша 25 ұзақмерзімді келісімшарт жасалды.

Мемлекеттік қолдау шараларының арқасында 2017 жылдың қорытындысы бойынша фармацевтика саласы 42% деңгейінде жоғары өсу қарқынын көрсетті.

Қазақстандық дәрі-дәрмек өндірушілері жеткізетін атаулардың саны 2 есеге өсті.

Қазақстандықтардың жалпы өмір сүру ұзақтығы артып, шамамен 73 жасқа дейін өсті.

Жалпы өлім-жітім — 3%-ке, аналар өлімі — 5,5%-ке, сәбилер өлімі — 7,7%-ке, қатерлі ісіктерді анықтау — 4,8%-ке және туберкулезді анықтау — 11,8%-ке төмендеген.

«Президенттің бес әлеуметтік бастамасы»

Мемлекет басшысы 2018 жылы наурызда Қазақстан халқына жаңа үндеуін жариялады. Үкімет Президент алға қойған міндеттерді іске асыруға кірісті. Осылайша Жол картасы бекітілді, оның аясында 2018 жылы 4 кодекске және 7 заңға өзгерістер енгізілетін болады.

Бірінші бастама — «Әрбір отбасына баспана алудың жаңа мүмкіндіктерін беру». Биыл 28 мамырда «7-20-25» бағдарламасына арналған тұрғын үйді ипотекалық несиелендіруді дамыту тұжырымдамасын бекітілді. Банктер 2018 жылдың шілде айынан бастап Бағдарламаның шарттары бойынша тікелей жаңа ипотекалық несиелер беруге кіріседі. 2018 жылғы 28 сәуірде Ұлттық Банктің арнайы еншілес ұйымы — «Баспана» ипотекалық ұйымы» АҚ құрылды.

Екінші бастама — «Жалақысы төмен жұмысшылардың еңбекақысын көбейту үшін олардың салық жүктемесін азайту». Мақсаты — салыстырмалы түрде жалақысы төмен қазақстандықтарды қолдау.

Мемлекет басшысының тапсырмасына сәйкес 25 АЕК көлемінен аз жалақы алатындарға салынатын салық жүктемесі 10 есеге төмендейді. Салық заңнамасына тиісті түзетулер әлеуметтік қамсыздандыру мәселелері бойынша заң жобасына енгізілген, оны 23 мамырда Мәжіліс мақұлдап, Парламент Сенатының қарауына жіберілді. Аталған механизм келесі салық мерзімі басталған уақыттан бастап — 2019 жылғы 1 қаңтардан бастап іске қосылады.

Үшінші бастама — «Жоғары білім алудың қолжетімділігі мен сапасын арттырып, студент жастардың жатақханадағы жағдайын жақсарту».

20 мың жаңа грантты қаржылық қамсыздандыру және олардың құнын арттыру үшін 2018 жылғы 1 қыркүйектен бастап республикалық бюджетті нақтылау кезінде 2018 жылға 5 млрд теңге қарастырылған.

2022 жылға дейін кем дегенде 75 мың орынды қамтамасыз ету мақсатында студенттік жатақханалар құрылысы бойынша тиісті механизм әзірленді. Әрбір ЖОО, колледж инвесторлармен бірлесе отырып жатақханалардың жобалық-сметалық құжаттамасын (ЖСҚ) әзірлеп, білім және ғылым министрлігі жанындағы «Қаржы орталығы» АҚ-мен мемлекеттік тапсырысты орналастыру туралы келісімшарт жасасып, құрылыс салушыларды жалдап, жатақханалар салады. Нысанды пайдалануға бергеннен кейін мемлекеттік тапсырысты орналастыру арқылы инвестицияларды қайтару үшін 8 жыл ішінде тиісті сома аударылады.

ЖОО-лар мен колледждер тұрғысынан студенттер жатақханаларының орындарында қажеттіліктің интерактивті картасы әзірленді. Ол барлық қажетті ақпаратты онлайн режимде алу үшін жалпыға ортақ сайттарда жарияланатын болады.

Төртінші бастама — «Шағын несие беруді көбейту» мыңдаған ауыл азаматтарына өз істерін ашуға немесе кеңейтуге мүмкіндік береді.

Биыл қосымша бөлінген 20,1 млрд теңгені қоса алғанда, шағын несиелер беруге 62,6 млрд теңге қарастырылады. Оның ішінде ауылдық жерлерде несие беруге — 45,3 млрд теңге, қалаларда беруге — 17,3 млрд теңге бөлінеді. Аталған бастаманы тиімді іске асыру үшін Нәтижелі жұмыспен қамту және жаппай кәсіпкерлікті дамыту бағдарламасына өзгерістер мен толықтырулар енгізілді.

Шағын несиелердің мөлшерлері сараланған түрде анықталады. Мәселен, ауылдық жерлерде жүзеге асырылатын жобалар бойынша шағын несие мөлшері 6 млн теңгеге дейін, зәкірлік кооперациялар үшін — 12 млн теңге, ал қалалар мен моноқалаларда — 15,6-дан 19,2 млн теңгеге дейінгі аралықта болады. «Атамекен» ҰКП бастамашы болған «Бастау Бизнес» жобасы аясында кәсіпкерлік негіздері бойынша оқытуды аяқтаған Бағдарламаға қатысушыларға шағын несиелер алуда басымдық беріледі.

Жалпы алғанда, қабылданған шаралар 14 мың адамды шағын несиемен қамтуға мүмкіндік береді, оның ішінде ауылдық жерлерде — 11 мың адамды, қалаларда — 3 мың адам (2017 жылы жоспарда 5800 кезінде 7 227 шағын несие берілді) қамтылады.

Бесінші бастама — «Елді газбен қамтамасыз етуді жалғастыру» экологияны және азаматтардың өмір сүру жағдайларын жақсартуға мүмкіндік береді. Барлық дайындық жұмыстары аяқталды және осы жылдың шілде айының басында «Сарыарқа» газ құбырының І кезеңінің құрылысын бастау жоспарланып отыр.

Жобаның техникалық-экономикалық негіздемесіне мемлекеттік сараптаманың оң бағасы берілді. Ұзындығы 1081 шақырым болатын «Қызылорда — Жезқазған — Қарағанды — Теміртау — Астана» бағыты бойынша жобаның бірінші кезеңі 267,3 млрд теңгені құрайды. Ақмола, Қызылорда және Қарағанды облыстарының әкімдіктері жоспарланған газ құбыры бағыты бойынша жер телімдерін бөлу жұмыстарын жүргізіп жатыр. Қазіргі таңда Жобаның бірінші кезеңін қаржыландырудың схемасы мен шарттары әзірленген.

www.primeminister.kz

Республика бойынша жалақысы төмен жұмысшылар 29 млрд теңге қосымша жалақы алады. Бұл туралы бүгін ҚР Парламенті Сенатында өтіп жатқан жергілікті өкілдік органдармен өзара іс-қимыл жөніндегі кеңес отырысында Ұлттық экономика вице-министрі Руслан Дәленов айтты.

«Ағымдағы жылдың 5 наурызында Мемлекет басшысы 5 әлеуметтік бастамасын жариялады. Екінші бастамаға сәйкес, 25 айлық есептік көрсеткіш немесе 63 мың теңгеден төмен жалақы алатындар үшін жеке табыс салығының мөлшерлемесі 10 есеге азайтылады. Жалпы республикада мұндай еңбекақыны 2 миллионнан астам адам алады. Негінен бұл - ауыл шаруашылығы мен саудада», - деді ол.

Оның айтуынша, аталған бастаманы іске асыру мақсатында мемлекеттік органдармен және «Атамекен» ұлттық кәсіпкерлер палатасымен бірлескен жұмыс жүргізілді. Жұмыс нәтижесі бойынша жалақысы төмен жұмысшылардың жеке табыс салығын төмендетудің оңтайлы тетігі айқындалды.

«Мәселен, айлыққа салынатын табыс салығы 90 пайызға азайтылатын болады. Қалған еңбекақыға 10 пайыз мөлшерлемемен жеке табыс салығы салынады. Яғни, салық жүктемесі 10 есеге төмендейді. Сонымен бірге жұмыс берушінің әкімшілік шығындары барынша азайтылды. Жалпы республика бойынша жұмысшылар 29 млрд теңге шамасында қосымша еңбекақы алатын болады», - деді Руслан Дәленов.

ҚазАқпарат

Мұрағат

Шілде
2018
ДсСсСрБсЖмСнЖк
1
2345678
9101112131415
16171819202122
23242526272829
3031

Мемлекеттік орган басшыларының блог-тұғырнамасы

Өту