Отандық компаниялар қазірден бастап өз тауарларының сапасын арттырумен айналысуы қажет. 
Бүгін бұл туралы елордадағы Тәуелсіздік сарайында өткен «Қазақстандық өнім жасаймыз!» атты тауар өндірушілерді қолдауға арналған ІІІ форумда ҚР Индустрия және жаңа технологиялар министрі Әсет Исекешев мәлім етті.
Министрдің атап өтуінше, мемлекеттік органдар мен ұлттық компаниялардың сатып алуларында қазақстандық қамтудың көлемін арттыруға баса назар аудару қажет. Бұл ретте мемлекет тарапынан көрсетілетін қолдау шаралары да жеткілікті. Мәселен, Қаржы министрлігімен мемлекеттік органдардың қажеттілігі үшін отандық тауарларды, оның ішінде отандық компаниялар құрастырған жеңіл көліктерді тікелей сатып алуды барынша тиімді ұйымдастыруды қамтамасыз ету жоспарланған. Ал мұның барлығы да отандық өнідуршілердің дамуына кешенді қолдау көрсетуді қамтамасыз етуге мүмкіндік береді. Сонымен қатар ішкі нарықтағы отандық өнім көлемін арттырумен қатар экспорттық әлеуетін де көтереді.
«Бұл Кеден одағын есепке алғанда және алдағы уақытта еліміздің ДСҰ мен БЭК-ке қосылуына байланысты өте маңызды. Отандық компаниялар қазірден бастап өз тауарларының, жұмыстарының және қызметтерінің сапасын арттырумен айналысуы қажет», деді ол.
Ә.Исекешевтің айтуынша, бұл ретте мемлекет «Бизнестің жол картасы», «Өнімділік» бағдарламалары арқылы қолдау көрсетуге дайын.

ҚазАқпарат

ҚР Құрылыс және тұрғын үй-коммуналдық шаруашылық істері агенттігінің алқа мәжілісі өтіп, онда агенттіктің бірінші жартыжылдықтағы жұмысының қорытындысы шығарылды. 
Ағымдағы жылдың бірінші жарты жылында ведомство құрылыс-монтаж жұмыстарын жүргізуге 3972 рұқсат беріп, техникалық және авторлық қадағалауды жүзеге асыратын, жобаларды сараптайтын және ғимараттарға техникалық тексеру жүргізетін 2842 сарапшыны аттестациядан өткізген.
«5986 лицензияны қайта ресімдеді және 572 жаңа лицензия берді. Құрылыс-монтаж жұмыстарының сапасына 4308 жоспарлы және жоспардан тыс тексеру жүргізді. Жүргізілген тексерулердің нәтижесінде 4810 құрылыс субъектісіне нұсқамалар берілді және олар жауапкершілікке тартылды».
Агенттік төрағасы Серік Нокиннің атап өтуінше, мемлекеттік бақылау мен қадағалауды қатаңдату құрылыс процесінен біліксіз мамандарды шығарып тастауға мүмкіндік береді, сондай-ақ әрбір сарапшының жеке жауапкершілігін арттырады. 26 Шілде 2012, 19:58
Халықты ауызсумен қамтамасыз ету бағдарламасына биыл 100 млрд.-тан астам теңге бөлінеді

 Агенттіктің алқа мәжілісінде сөз алған ведомствоның жауапты хатшысы Салауат Дембай 2012 жылы «Ақбұлақ» халықты ауызсумен қамтамасыз ету бағдарламасына биыл 116,9 млрд. теңге бөлінетіндігін хабарлады.
Бұл соманың 47,5 млрд. теңгесі қалаларда сумен қамтамасыз ету желілерін және арықтарды салуға, 42,2 млрд. теңгесі осы мақсаттарға, бірақ ауылдарға бағытталады. Сонымен қатар бюджеттік бағдарлама аясында бөлінген 5,1 млрд. тенге іздестіру-барлау жұмыстарына, 18,9 млрд. теңге су жүйелері мен гидротехникалық құрылыстарды салуға және қайта жаңғыртуға жұмсалмақ.
«Ақбұлақ» бағдарламасында көрсетілген жүйелі тәсілдердің негізінде қазіргі уақытта 55 қалаға жалпы құны 2,4 млрд. теңге инвестиция бөлудің дәйектемесі жасақталуда. 350 млн. теңгеге 27 қаланың және 500 млн. теңгеге 356 ауылдық елдімекеннің сумен қамтамасыз ету желілері мен арықтарын зерттеу шаралары жүргізілуде. Бірінші жартыжылдыққа қарастырылған 41,9 млрд. теңге толығымен игерілді», - деді ол.
«2012 жылы ерекше маңызды топтық және жергiлiктi жүйелерiнен ауыз сумен қамтамасыз ету бойынша қызметтерiнiң құнын субсидиялауға 4,3 миллиард теңге ескерiлген. Осы қаржының арқасында 741 елдімекеннің 2,1 млн. тұрғыны төмендетілген баға бойынша сумен қамтамасыз етілді», - деп түйіндеді сөзін С. Дембай.

Ағымдағы жылы ел бойынша 6,5 млн. шаршы метр баспана пайдалануға берілуі тиіс. 
2012 жылғы 1 шілдеден бастап қолданысқа енгізілген «Қолжетімді тұрғын үй-2020» бағдарламасының негізгі міндеті Қазақстандағы тұрғын үй құрылысының көлемін қазіргі кездегі 6 млн. шаршы метрден 2020 жылға қарай жылына 10 млн. шаршы метрге арттыру болып табылады. Ал ол міндеттерді орындау үшін агенттік «Жол картасын» әзірледі, аталған құжатта бағдарламаны іске асыру жөніндегі іс-қимылдың қадамдық жоспары жан-жақты жазылған. «Ағымдағы жылы «Жас отбасылар үшін тұрығын үй» бағыты бойынша құрылысты аяқтау үшін бюджеттен 15 млрд. теңге көлемінде қаражат бөлінді. Жалпы, ағымдағы жылы 6 млн. 500 мың шаршы метр тұрғын үйді іске қосу қажет. Бүгінгі күні облыстардың әкімдіктері осы қаражатты игеруге кірісіп кетті», - деді ол.
Бұдан бөлек С.Дембайдың сөзіне қарағанда, агенттік Индустрия және жаңа технологиялар министрлігімен бірлесіп, үй құрылысы комбинаттарын ұйымдастыру жөніндегі жұмыстарды бастады. Өңірлердегі әкімдіктер үй құрылысы комбинаттарын ұйымдастыруға қатысушылармен-компаниялармен ниет және өзара ынтымақтастық туралы меморандум жасауға кірісті.

 ҚР Құрылыс және тұрғын үй-коммуналдық шаруашылық істері агенттігі коммуналдық сектор желілері мен нысандарының жай-күйі туралы бірыңғай жалпыұлттық мәліметтер базасын құру, сонымен қатар коммуналдық желілерді жаңғырту бойынша өңірлік жоспар әзірлеу үшін жұмыс тобын құрады. Бұл туралы ведомствоның алқа мәжілісінде агенттік төрағасының орынбасары Николай Тихонюк мәлім етті.
Бұл жұмыс тобы бастапқы кезеңде ақпараттық мәліметтер базасына енгізу үшін негізгі деректер тізбесін айқындайды, сондай-ақ мұндай мәліметтер базасын қалыптастырудағы халықаралық тәжірибені ескере отырып ұсыныс әзірлейді. Осыдан кейін коммуналдық желілерді жаңғырту бойынша өңірлік іс-шаралар жоспарын әзірлеп, бекітеді.
«Бірыңғай жалпыұлттық мәліметтер базасын құру желілердің, коммуналдық сектор нысандарының жай-күйін шынайы әрі жан-жақты бағалауға мүмкіндік беріп, тұрғын үй-коммуналдық шаруашылығының жаңғыртылуына және «Ақ бұлақ» бағдарламалары көрсеткіштерінің орындалуына сапалы бақылау жүргізеді», - деді Н.Тихонюк.

Елімізде мемлекеттік тұрғын үйге үміткерлер үшін құжат жинау үдерісі жеңілдетіледі. 
Мемлекет басшысы Н.Назарбаев «Қазақстанның әлеуметтік жаңғыртылуы: Жалпыға Ортақ Еңбек Қоғамына қарай 20 қадам» атты мақаласында дәл осы тапсырманы бергендігін атап өткен оның айтуынша, қазіргі уақытта агенттік «Қазақстан Республикасының тұрғын-үй қатынастары жөніндегі бірқатар заңнамалық актілеріне өзгерістер мен толықтырулар енгізу туралы» Заң жобасын әзірлеу бойынша жұмыс тобын құруда.
«Аталған заң жобасында, сонымен қатар заңнамалық актілер мен ТҚШ-ны жаңғырту бағдарламасында Мемлекет басшысының осы тапсырмасын орындау көзделген. Мемлекеттік тұрғын үй қорынан баспанаға үмітті азаматтарды есепке қою мемлекеттік стандарттары аясында құжаттар жинау үдерісін оңтайландыру болжануда», - деді ол.
Оның атап өтуінше, мұндай үдеріс бекітілген жағдайда азаматтар тек қана өтініш береді. Ал қажетті құжаттар мүдделі мемлекеттік органдардан электронды сұраным бойынша автоматты режімде жиналады.

ҚазАқпарат

Қостанай облысында ҚР Премьер-Министрінің бірінші орынбасары Серік Ахметовтің төрағалығымен қуаңшылықтың жағымсыз әсерін төмендету, нан мен ұн бағасының өсуіне жол бермеу, құс пен мал басының саны жөнінде семинар-жиналысы өтті. Кеңеске ҚР Ауыл шаруашылығы министрі Асылжан Мамытбеков, ҚазАгро холдингінің, «КазАгроИнновация» АҚ басшылары, ауыл шаруашылығы тауар өндірушілері, облыс әкімшіліктерінің өкілдері, салааралық бірлестіктер қатысты.
Жиналысқа қатысушылар ылғал үнемдеу технологиясын және астықты дәстүрлі жолмен өңдейтін облыстың Әулиекөл және Қостанай аудандарының шаруашылықтарын аралады. Жұмыс барысында Серік Ахметов алдыңғы қатарлы агротехнологиялар енгізілген жерде қуаңшылық жағдайына қарамастан тұрақты өнімге қол жеткізуге әбден мүмкін екенін айтып кетті. Жаппай ылғал үнемдеу технологиясын, әсіресе нөлдік және минималды енгізу шараларын жандандыру кезі келді.
Десекте, Қостанай облысы қуаңшылықтан қатты зардап шекті. Оңтүстік аймақ бөлігіне жауын-шашын тіпті түспеген.
Жалпы республика бойынша облыстардың алдын ала берілген деректері бойынша 353 мың га дәнді дақылдар егістігі есептен шығаруға жатады. Облыстардың болжамды балансы бойынша жаңа егіннен 8,1 ц түсімділікте шамамен 12,8 млн. тонна астық жиналады.
Халықаралық астық кеңесімен 2012/13 МЖ-ға әлемдік бидай өндіру болжамы 665,0 млн. тоннаға азайтылып, мамыр айының болжамынан 6,0 млн. тоннаға, ал былтырғы мезгілдегі деңгейінен 30,0 млн. тоннаға азайған. Бұл басты астық өндірушілер және экспорттаушылар елдерінде құрғақшылық ауа-райы болғандығымен негізделеді. Соның нәтижесіне орай соңғы онкүндікте әлемдік нарықта бағасы 35-89 АҚШ долларына көтерілді. Қазақстанның ішкі бағасы жылдың басынан 124 - тен 200 АҚШ долларына дейін көтерілді.
Қалыптасқан ахуал нәтижесінде: ұн мен нан бағасының өсуі, жайылымдық жерлердің өнімділігінің төмендеуі, сондай-ақ, азықтың жеткіліксіздігі және мал басының азаюы, келесі жылға арналған тұқым тапшылығының пайда болуы, кейбір шаруашылық субъектілерінің қаржылық жағдайының нашарлау жағдайларының орын алуы мүмкін.
Осы мәселелерді шешу үшін министрлікпен бірқатар шаралар кешенін қолдану ұсынылған.
Зардап шеккен аймақтарды келесі жылы егін егу үшін тұқыммен қамтамасыз ету мақсатында Азық-түлік корпорациясы мемлекеттік ресурсында тұқым қорын қалыптастыру бойынша шаралар қолданылмақ.
Күтіліп отырған жемшөп тапшылығы жағдайында, ауыл шаруашылығы құрылымдарында мал санының, әсіресе аналық мал басының төмендеуіне жол бермеу, жемшөптің арзандатылуына ауыл шаруашылық тауар өндірушілерге Үкімет қорынан бюджеттік қаражаттың бөліну мүмкіндігі қарастырылуда.
Құрғақшылықтан зардап шеккен аймақтарға жемшөп әзірлеуге, сондай-ақ қосымша аналық мал басын ұстауға, мал сатып алуға арзандатылған дизель отынының қосымша көлемдерін бөлу мәселелері қолға алынатын болады.
Cеминар-жиналыс өткеннен кейін ҚР АШМ, ҚазАгро, Ұн өңдеу одағы, облыс әкімдіктері арасында меморандумға қол қойылды. Бұған сәйкес 28000 теңге белгіленген бағамен Азық-түлік корпорациясы қорынан азық-түлік бидайын жеткізу қарастырылған. Бір жылға астық көлемі белгіленген - 1,3 млн. тонна және әлеуметтік нанға баға тұрақтылығы мақсатында ұн мен астықтың қолдану мезанизмі де белгіленген. Бұл ретте наубайханаларға жеткізілетін ұнның бағасы оны жеткізу мерзіміне байланысты келісі 45 теңгеден, тиісінше қалыпты 1 бөлке нанның бөлшек саудаға жеткізілу бағасы 43-45 теңгеден аспайды деп болжануда.

ҚазАқпарат

Лондонда Қазақстанның ұлттық құрамасы Бейжің Олимпиадасынан кем түспеуді жоспарлауда. 
Бұл туралы Олимпиада қалашығында отандық БАҚ үшін ұйымдастырылған баспасөз мәслихатында Қазақстандық спорт делегациясының басшысы, ҚР спорт және дене шынықтыру істері жөніндегі агенттік төрағасының орынбасары Елсияр Қанағатов айтты.
«Біз елдің намысын қорғауда Бейжіңде өткен Олимпиададан кем түспеуді жоспарлап отырмыз. Кем дегенде 3 алтын, жалпы алғанда 13 медаль алудан үміттіміз. Бұл жерде бәсекелестік өте жоғары, осында келген барлық мемлекет медальмен қайтқысы келеді», - деді ол.

 Қазіргі уақытта Лондондағы Олимпиада қалашығына 50-ге жуық қазақстандық спортшы келіп жетті. 
Қазақстандық делегация құрмында спорттың 25 түрі бойынша бақ сынайтын 116 споршы бар. «Біз қатысушылардың рейтингін қарадық - лицензия бойынша 23-ші орында тұрмыз, спортшылар саны бойынша - 18-19-шы орындамыз. Қазіргі уақытта Олимпиада қалашығында Олимпиадалық штаб жұмыс істейді, біз ұйымдастырушылар комитетімен, барлық қызметтермен тығыз байланыс орнаттық», - деп мәлім етті агенттік төрағасының орынбасары.
Ол сондай-ақ қазіргі кезде Олимпиада қалашығына қазақстандық делегацияның тек 49 мүшесі келгендігін жеткізді.
«Барлығы қалашыққа кесте бойынша келіп жатыр, бұл жерде жатын орын, тамақтану, жаттығу мен медициналық қызмет көрсету бойынша барлық жағдайлар жасалды, әзірге туындаған мәселе жоқ»,- деді Е. Қанағатов.
Айта кетейік, Олимпиада қалашығында қауіпсіздік шаралары жоғары деңгейде. Олимпиада нысанын қорғауға шамамен 12 мың полиция қызметкері, 20 мың арнайы қызметтің қызметкері және 15 мыңнан астам әскерилер тартылған. ХХХ жазғы Олимпиада ойындарының басталуына 3 күн қалғанда ұйымдастырушылар тарапынан қосымша 1,2 мың маман тарту туралы шешім қабылданды.
Сондай-ақ ойындардың негізгі спорттық нысындары орналасқан аумақ қоршауға алынды, оған 5 мың вольттық тоқ тартылған, көпқабатты үйлердің төбелерінде мергендер, ал Лондонның шығыс аудандарында Темзада авианосец кезекшілік етуде.
Сондықтан да БАҚ өкілдерін қалашықтың аумағына кіргізген жоқ, қазақстандық құрама команданың басшыларымен сұхбат оның сыртында болды.

ҚазАқпарат

Бүгін бірінші вице-премьер Серік Ахметов қолайсыз ауа райына байланысты едәуір қиыншылықтарды бастан өткеріп отырған Қостанай облысында жұмыс сапарымен болды. Құрғақшылық егістік алқаптарын жоюда. 
С. Ахметов және оған ілесіп жүрген Ауыл шаруашылығы министрлігінің, «ҚазАгро» ҰБХ АҚ-ның, сондай-ақ үкіметтік емес аграрлық ұйымдардың өкілдері Қостанай және Әулиекөл аудандарындағы кейбір алқаптарды аралап көрді.
Делегацияның басшысы атап өткендей, қазіргі жағдай мәз емес, дегенмен, бидай өсіруде озық технологиялар қолданылып отырған жерлерде астықтың кепілдендірілген көлемі жиналады.
С. Ахметов астық және мал өсірушілерге мемлекет тарапынан қолдау көрсетілетіндігін қадап айтты. Оның сөзіне қарағанда, ең бастысы - нан бағасының қымбаттауына және мал санының азаюына жол бермеу.Бұл үшін шаруаларға несиелер төлемін шегеруге дейінгі, түрлі шұғыл шаралар қолға алынатын болады. Ауыл шаруашылығы министрі аграршыларды мемлекеттік комиссияда, сондай-ақ ҚР Үкіметінің отырысында талқыланған қолдау көрсету іс-шараларының тізімімен таныстырды. Атап айтқанда, Азық-түлік корпорациясы өңірлерге астықты бір тоннасын 28 мың теңгеден жеткізетіндігі айтылды. Астықты қайта өңдеуден қалған - кебектер мал өсіру фермаларына және жекеменшік үйлерге жеткізілетін болады, бұл өз кезегінде малдарды азықпен қамтамасыз етуге септігін тигізеді.

ҚазАқпарат

Бүгін бірінші вице-премьер Серік Ахметовтың Қостанай облысына сапары аясында Ауыл шаруашылығы министрлігі, ҚазАгро, Ұн тартушылар одағы мен бірқатар облыс әкімдіктері арасында меморандумға қол қойылды. 
Меморандум аясында Азық-түлік корпорациясы өз ресурстарынан бидайды ел өңірлеріне жеңілдетілген бағамен жеткізетін болады. Оның бір тоннасы 28 мың теңге көлемінде белгіленді.
Ауыл шаруашылығы министрі Асылжан Мамытбеков хабарлағандай, жеткізілімдердің жалпы көлемі 13 млн. тонна көлемінде белгіленді. Бұл нанның бағасын тұрақтандыруда әлеуметтік сұранысты қамтамасыз етуге жетеді. Сондай-ақ меморандум аясында жеткізілетін ұнның өзіндік құны 1 келісі үшін 45 теңгені құрайтын болады. Яғни, бөлшек саудада бір нанның бағасы 45 теңгеден қымбат болмайды.
Бүгін 8 меморандумға қол қойылды, ертең елдің басқа да аумақтарында осындай құжаттар қабылданатын болады. Бұл Азық-түлік корпорациясына астықты 1 тамыздан бастап жеткізуге мүмкіндік береді.

ҚазАқпарат 

ҚР Табиғи монополияларды реттеу агенттігі басшысының орынбасары Балжан Досмұхамбетова Қарағанды облысы Жезқазған қаласына іссапармен барды. 
Сапардың басты мақсаты - ҚР Президентінің тапсырмаларын орындау аясында тарифтік саясатты халыққа түсіндіру. Осыған орай Б. Досмұхамбетова түрлі санаттағы тұтынушылармен жеке-жеке кездесулер өткізді. Сонымен қатар ол табиғи монополиялар нарығының жылу, су және электр энергиясымен қамтамасыз ету субъектілерімен жүздесті.
Ведомство басшысының орынбасары кездесу барысында тозығы жеткен су арналары, электр және жылу желiлерiнiң көлемін азайту, активтердi жаңарту және жаңғырту бойынша инвестициялық міндеттемелерді орындау жөнінде Елбасының тапсырмалары туралы айтып берді.
Кездесу қатысушылары жиында қаланың электр энергиясы тарифі төңірегіндегі мәселелерді де талқылады. «Жезқазғанэнергосбыт» ЖШС басшысы Айдар Айтуғановтың айтуынша, 1 тамыздан бастап, қалада электр энергиясына белгіленген тариф 10,64-тен 9,63-ке дейін төмендетілмек. Осындай тарифтер ЖШС-нің қарамағына жататын Қарағанды облысының 5 қаласы мен 9 ауданында, сондай-ақ жақын маңдағы ауылдарда енгізілмек. 
1 қазанда өңірдің ең ірі монополистері «Қазахмыс» пен «Қалалықэлектржелілері» компанияларын бір заңды тұлғаға ірілендіру процесі аяқталады.
«Бұл өз кезегінде электр энергиясы тарифтерінің төмендеуіне септігін тигізеді», - дейді ол.

ҚазАқпарат

Қазақстанда өз бетінше жұмыспен айналысушыларды есепке алудың жаңа әдістемесі әзірленуде, деді ҚР Еңбек және халықты әлеуметтік қорғау вице-министрі Біржан Нұрымбетов pm.kz сайтына берген сұхбатында. 
«Біз Еңбек және халықты әлеуметтік қорғау министрінің төрағалық етуімен өз бетінше жұмыспен айналысушы халықты есепке алу жөніндегі ұсынысты зерттейтін жұмыс тобын құрдық», - деді вице-министр. 
Б.Нұрымбетовтың айтуынша, еліміздің экономикалық белсенді халқы құрылымында өз бетінше жұмыспен айналысушылардың үлесі 32 пайыз көлемінде екен. «Республикадағы өз бетінше жұмыспен айналысушы халықтың үлес салмағы айтарлықтай үлкен - ол экономикалық белсенді халықтың 32 пайызы құрайды, осылардың 71 пайызы негізінен ауылда тұратындар. өз бетінше жұмыспен айналысушылардың басым көпшілігі қандай да бір жұмыс түрімен шұғылданатындар, бірақ олар тіркелмеген, яғни зейнетақымен қамтамасыз ету жүйесінен де, міндетті әлеуметтік сақтандыру жүйесінен де тыс қалған, әрі салық та төлемейді», - деп қосты ол.
Сонымен қатар, бүгінгі күнгі ең бірінші кезектегі мәселе - өз бетінше жұмыспен айналысушы халықты заңды табыспен қамтамасыз ету, сөйтіп олардың барлық әлеуметтік жүйелерге қатысуына жол ашу.
Осыған байланысты екі жол бар: бірінші жол - өз бетінше жұмыспен айналысушы азаматтарды қайта оқытып, оларды жалдамалы жұмыскерлер қатарына қосу, екіншісі - «Жұмыспен қамту бағдарламасы-2020» арқылы аталған тұлғаларға шағын несие беріп, олардың өздерінің азғантай бизнестерін кеңейту немесе ашуларына мүмкіндік беріп, оны заңды әрі есепті ету.
«Өздерінің азғантай бизнестерімен айналысатын адамдарға салынатын салық режімін жеңілдетуге көшу шаралары қабылданып та қойылды, біз қазір жұмыс істейтін және жеке кәсіпкер ретінде тіркелген адамдардың есебін алудамыз», - деп атап өтті вице-министр.
Сондай-ақ, ауыл шаруашылығы және ауылдық әкімдіктер құрылымдарымен бірлесіп, жерде жұмыс істейтін тұлғаларды санақтан өткізіп, олардың жеке кәсіпкер, болмаса жалдамалы жұмыскер ретінде тіркеу арқылы қызмет түрлерін есепке алу үшін қайта тіркеу жоспарлануда.
Еңбек министрлігінің ақпаратына қарағанда, олардың қалған бөлігі «Жұмыспен қамту бағдарламасы-2020» құралы түріндегі мемлекеттік қолдауға ие болатын категорияға жатқызылатын болады. Өз бетінше жұмыспен айналысушы халықты есепке алуға өңірлердегі Жұмыспен қамту Картасы көмекке келеді, олар жұмыссыздар қатарына қосылмайтын, өз бетінше жұмыспен айналысатын жұртшылықтың үлесін нақты көрсетіп бере алады.
Бүгінгі күні өз бетінше жұмыспен айналысушыларды есепке алу 21 мың үй шаруашылықтарын сұрау- статистика жолымен тексеру арқылы жүргізілуде. «ҚР Президентінің тапсырмасы бойынша құрылған біздің жұмыс тобымыз белгіленген мерзім ішінде өз бетінше жұмыспен айналысушы жұртшылықты есепке алу жүйесін және оларды зерттеу әдістерін жасап бітіреді деп ойлаймыз», - деп қорытындылады сөзін Б.Нұрымбетов. 

ҚазАқпарат

Республикада 353 мың гектар дәнді дақылдар егістігі есептен шығаруға жатады. 
Бұл туралы  Үкіметтің селекторлық отырысында Ауыл шаруашылығы министрі Асылжан Мамытбеков мәлімдеді. 
«Қазгидромет» РМК дерек көздері бойынша Қазақстанның кейбір аймақтарында құрғақшылық жағдайы қалыптасуда. Бұл ауыл шауаршылығының дамуына кері әсер етуде. Құрғақшылық Қостанай облысының оңтүстік бөлігінде - Амангелді, Жангелді, Қамысты, Наурызым, Әулиекөл, Жітіқара, Таран, Қостанай аудандарында, Ақмола облысының Жарқайың, Есіл аудандарында және Жақсы мен Атбасар аудандарының оңтүстік бөліктерінде, Қарағанды облысының оңтүстік бөліктерінде - Ұлытау, Жаңарқа, Шетпе, Ақтоғай аудандарында, Ақтөбе облысының оңтүстік және шығыс бөліктерінде - Әйтеке би, Хромтау, Алға, Ырғыз, Шалқар, Темір, Байғанин аудандарында кеңінен тараған», -деді министр.
Оның атап өтуінше, республика бойынша дәнді-дақылдардың 33 пайызы жақсы, 55 пайызы орташа, 12 пайызы нашар. Әсіресе, Қостанай облысы құрғақшылықтан қатты зардар шегуде. Бұл өңірде дәнді дақылдар егістігінің 18 пайызы ғана тәуір. Облыстардаың алдын ала берген деректері бойынша 353 мың гектар дәнді дақылдар егістігі есептен шығаруға жатады. Оның 200,1 мың гектары Ақтөбе облысына, 32,8 мың гектары Алматы облысына, 38,2 мың гектары Жамбыл облысына, 15,1 мың гектары Батыс Қазақстан облысына, 57,6 мың гектары Қарағанды облысына, 6,5 мың гектары Оңтүстік Қазақстан облысына тиесілі. «Облыстардың болжамды балансы бойынша жаңа егіннен 12,8 млн. тонн астық жиналады», -деді А. Мамытбеков.

 Әлемдік нарықта астық бағасының жоғарылағандығы туралы Үкіметтің селекторлық отырысында Ауыл шаруашылығы министрі Асылжан Мамытбеков мәлім етті. 
Оның атап өтуінше, Халықаралық астық кеңесі 2012-2013 маркетинг жылындағы әлемдік белсендіру болжамдарын 65 млн. тоннаға азайтып, мамыр айының болжамынан 6 млн. тоннаға, ал былтырғы мезгілден 30 млн. тоннаға кеміткен. Бұл АҚШ, Еуропалық одақ, Австралия, Аргентина, Ресей, Украина сынды негізгі астық өндірушілерден экспорттаушы елдердегі құрғақшылыққа байланысты болып отыр. Соның нәтижесіне орай әлемдік нарықтағы астық бағасы 35,89 АҚШ долларына көтеріліп, 315-349 долларға жетті, Қазақстандағы ішкі баға жыл басынан бері 124-тен 200 АҚШ долларына көтерілді. Ал Қара теңіз порттарында, 270-тен 315-АҚШ долларына дейін шарықтады», деді министр.

 Еліміздің Ауыл шаруашылығы министрлігі ауыл шаруашылығы тауарларын өндірушілердің несие мерзімін ұзартуды ұсынады. 
«Қарыз алушылар өтімді кепіл ұсынған жағдайда «ҚазАгро» Ұлттық холдингі республикалық бюджет қаржысы есебінен берілген бюджеттік кредиттердің мерзімін ұзартуды қарастыруы қажет. Атап айтқанда, көктемгі егіс және егін жинау жұмыстарына ағымдағы жылы 100 млрд. теңгеден астам қаржы бөлген болатын» - деді ол.
Министрдің атап өтуінше, «ҚазАгро» холдингінің компаниялар тобында оң өтімділікті қолдау үшін республикалық бюджет алдындағы міндеттемелерді жабуды өз қаражаттары, сонымен қатар Ұлттық қордан тартылған уақытша бос қаражаттар есебінен жүзеге асыруы тиісті.
«Бұл ретте холдингтің еншілес ұйымдарының қаржылық жағдайын қиындатпас үшін Қаржы министрлігімен бірлесіп, «ҚазАгро» холдингінің республикалық бюджет алдындағы 18 млрд. теңге көлеміндегі бюджеттік несие төлеу мерзімін 2013 жылдың желтоқсанына дейін ұзарту мүмкіндігін қарастыру қажет», - деді А. Мамытбеков.

1 тамыздан бастап астық экспортының көліктік шығындарын субсидиялау тоқтатылады. 
Экономикалық қисынсыздығына байланысты 1 тамыздан бастап астық экспортының көліктік шығындарын субсидиялау тоқтатылады. Бұған дейін 1 тонна астықты тасымалдауға 4 мың теңге көлемінде субсидия беріліп келген еді.
Жалпы, министрдің сөзіне қарағанда, 2011-2012 маркетинг жылында Қазақстан астыққа шаққандағы ұнды қоса есептегенде 12,2 млн тонна бидайды экспортқа жөнелтті. Бұл 2010-2012 маркетинг жылындағы көрсеткіштен 2,2 есе артық. Орташа айлық астық жөнелту 1 млн. тоннаны құрады.

 Еліміздің Ауыл шаруашылығы министрлігі ауыл шаруашылығы тауарларын өндірушілердің несие мерзімін ұзартуды ұсынады. 
«Қарыз алушылар өтімді кепіл ұсынған жағдайда «ҚазАгро» Ұлттық холдингі республикалық бюджет қаржысы есебінен берілген бюджеттік кредиттердің мерзімін ұзартуды қарастыруы қажет. Атап айтқанда, көктемгі егіс және егін жинау жұмыстарына ағымдағы жылы 100 млрд. теңгеден астам қаржы бөлген болатын» - деді А. Мамытбеков.
Министрдің атап өтуінше, «ҚазАгро» холдингінің компаниялар тобында оң өтімділікті қолдау үшін республикалық бюджет алдындағы міндеттемелерді жабуды өз қаражаттары, сонымен қатар Ұлттық қордан тартылған уақытша бос қаражаттар есебінен жүзеге асыруы тиісті.
«Бұл ретте холдингтің еншілес ұйымдарының қаржылық жағдайын қиындатпас үшін Қаржы министрлігімен бірлесіп, «ҚазАгро» холдингінің республикалық бюджет алдындағы 18 млрд. теңге көлеміндегі бюджеттік несие төлеу мерзімін 2013 жылдың желтоқсанына дейін ұзарту мүмкіндігін қарастыру қажет», - деді ол.

Бүгін Үкімет отырысында Қазақстан Республикасының 2020 жылға дейінгі инновациялық даму тұжырымдамасы бекітілді. 
Аталған құжатты таныстырған ҚР Индустрия және жаңа технологиялар министрі Әсет Исекешевтің атап өтуінше, мемлекеттік қолдау шараларының нәтижесінде инновацияның дамуында өң үрдіс байқалып, бизнес пен қоғам инновациялық қызметке зор қызығушылық көрсете бастады. мәселен, 2011 жылдың қорытындысы бойынша, инновациялық белсенді кәсіпорындардың үлесі 5,7 пайызға артты. Инновациялық өнімдердің көлемі 65,9 пайызға өсті. Әлемдік деңгеймен салыстырғанда 5,7 пайыздық көрсеткіш өте төмен. Дегенмен соңғы жылдары инновациялық белсенділіктің орташа деңгейі 4 пайызға да жете алмаған болатын.
«Тұжырымдама мақсаты экономикаға, әл-ауқаттың жоғары біліми деңгейі мен халықтың өмір сапасына бағытталған қоғам қалыпастыру болып айқындалған. Осы мақсаттарды басшылыққа ала отырып екі негізгі міндетті жүзеге асыру болжанады», - деді ол.
Ә. Исекешевтің айтуынша, бірінші міндетте технологиялау болжамдаудың нәтижесінде анықталған технологиялар дамытылады. Ал екінші міндетте кешенділік арқылы инновациялық қызметті қолдау жүйесін қалыптастыру, инновациялық жүйенің барлық элементтерін тарту қамтамасыз етілетін болады.

«Болашақ» бағдарламасы бойынша пайдалы қазбалар кенін геологиялық барлау немесе гидрогеология мамандықтары бойынша бірде-бір маман дайындалған жоқ. 
Министрдің атап өтуінше, бұл саладағы кәсіби кадрлардың жетіспеушілігі айқын білініп тұр. Геологиялық білімі бар мамандардың басым бөлігін зейнеткерлер немесе зейнет жасына жақындағандар құрайды. Дайын жаңа кадрларды тартуды ынталандыру тетіктері де әзірленбеген. Сонымен қатар соңғы жылдары ЖОО-ларда геологиялық мамандықтардың саны қысқарған.
«Мемлекеттік бюджет есебінен, сонымен қатар келісімшарт міндеттемесі аясында жер қойнауын пайдаланушының қаржы аударуы есебінен сала қызметкерлерінің кәсіби деңгейін арттырудың тиімді жүйесі әзірленбеген. Өткен жылдар ішінде «Болашақ» бағдарламасы бойынша пайдалы қазбалар кенін геологиялық барлау немесе гидрогеология мамандықтары бойынша бірде-бір маман дайындалған жоқ», - деді ол.
Министрдің сөзіне қарағанда, қазіргі уақытта геология, геофизика, гидрогеология мамандықтары бойынша кадрларды дайындаудың көпдеңгейлі жүйесі әзірленуде.

Уранның әлемдік қорының - 18, хромның - 10, қорғасының 9 пайызы қазақ жерінде. 
«Қазақстанның минералды-шикізаттың базасын қалыптастыратын пайдалы қазбалардың көптеген түрлерінің барланған қоры әлемдік ауқымда айтарлықтай көлемге ие. Әлемдік уран қорындағы Қазақстанның үлесі - 18, хромда -10, қорғасында - 9, мырышта - 8, күмісте - 5, марганецте - 5, мыста 5 пайызды құрайды», - деді ол.
Министрдің пікірінше, республикада өндірілетін кеннің сапасы әлемдік негізгі өндірушілердің өнімдеріне қарағанда кемшін түседі. Қорымыздың басым бөлігі сапасы төмен ретінде сипатталады.
«Бүгінде орташа алғанда барланған қорлардың 80 пайыздан астамы, ал көмірсутек, алтын, мыс, полиметалл, хром, марганец, никель сынды пайдалы қазбалардың 80-98 пайыз қоры жер қойнауын пайдаланушыларға берілгендігін атап өткен орынды», - деді Ә.Исекешев.

Еліміздің төрт облысында ұн мен нан бағасы негізсіз көтерілген. Бұл туралы бүгін Үкімет отырысында ҚР Бәсекелестікті қорғау агенттігінің төрағасы Ғабидулла Әбдрахимов мәлім етті. 
Оның атап өтуінше, агенттік Павлодар, Оңтүстік Қазақстан Маңғыстау, Батыс Қазақстан облыстарында, сонымен қатар Астана қаласында ұн мен нан бағасының көтерілуін тіркеген. Баға, әсіресе Павлодар облысында нанға, ал Батыс Қазақстан облысында ұнға күрт өскен. Қазіргі уақытта құзырлы ведомство бір бөлке нанның бағасын 41-ден 47-і теңгеге көтерген Павлодар нан комбинатына қатысты тергеу амалдарын жүргізуде. Компания бағаны көтеру үшін түрлі қитұрқы әрекеттерге барып отыр. Тергеу барысында электр энергиясы мен жанармай бағасына кеткен шығындарды есептегенде нан бағасынан 2,5 пайыздан артық болмаған.
«Осылайша негізсіз баға көтеру айқын білініп отыр. Тергеу амалдары аяқталғаннан кейін бұл істі біз аталған компанияға айыппұл салу қолдаухатымен сотқа жолдадық», - деді ол.
Сонымен қатар агенттік Батыс Қазақстан облысында ұнның бағасын көтерген үш компанияға қатысты тергеу амалдарын жүргізуде. Мәселен, Ғ.Әбдрахимовтың айтуынша, «Желаев нан өнімдері комбинаты» жоғары сұрыпты ұнды - 40, бірінші сұрыпты - 57, екінші сұрыпты 47 пайызға қымбаттатқан. Бұл ретте компания өз әрекеттерін маусым айындағы астық тоннасының 1250 теңгеге көтерілумен түсіндіреді.
«Ал тексеру сатып алу бағасының не бәрі 4 пайызға ғана өскенін көрсетті. Ал комбинат ұн бағасын 40-тан 57 пайызға дейін қымбаттатқан. Сонымен қатар бұл суъбектіде тоннасын 29500 теңгеден сатып алған шамамен 6 мың тонна астық бар. Бұл ұн бағасының негізсіз өскендігін көрсетеді. Осы факті бойынша іс сотқа жіберілді», - деді агенттік басшысы. 

ҚазАқпарат

Бүгін Астанада Қазақстан-қытай ынтымақтастық жөніндегі комитетінің Сауда-экономикалық ынтымақтастық бойынша кіші комитетінің 6-шы отырысы өтті.
Кіші комитеттің қазақстан тарапынан тең төрағасы - Экономикалық даму және сауда вице-министрі Тимур Жақсылықов, қытай тарапынан кіші комитеттің тең төрағасы - Цзян Яопин болып табылады.
6-отырыс барысында тараптар ҚР және ҚХР арасындағы әлеуметтік-экономикалық даму туралы және экономикалық өсуді қамтамасыз ету мақсатында қабылданған шаралар туралы ақпаратпен алмасты.
Тараптар биылғы жыл ШЫҰ дамуының екінші онжылдығына өтуімен ерекшелетінін атап өтті. Осыған байланысты екі мемлекетте өңіраралық экономикалық ынтымақтастықты белсенді түрде дамыта беретін болады.
Сонымен қатар, отырыста қазақстан-қытайекіжақты ынтымақтастығының кең ауқымдыбасым мәселелері қаралды: «Хоргос» шекаралық әріптестігі халықаралық орталығының қызмет етуін ынталандыру; экономиканың шикізат емес секторларындағы ынтымақтастықты, сондай-ақ, екі ел арасындағы өңіраралық ынтымақтастықты нығайту. Тараптар екіжақты сауда мен инвестициялар үшін және шағын және орта кәсіпкерлік саласындағы ынтымақтастыққа қолайлы жағдай туғызу жөніндегі мәселелерді талқылады.
Отырыстың қорытындысы бойынша Астанада Қазақстан-қытай ынтымақтастық жөніндегі комитетінің Сауда-экономикалық ынтымақтастық бойынша кіші комитетінің алтыншы отырысының қорытынды хаттамасына қол қойылды, сондай-ақ 2013 жылы ҚХР-да кіші комитеттің кезекті жетінші отырысын өткізу туралы келісімге қол жеткізілді.

Анықтамалық ақпарат:
Қазақстанның Қытаймен тауар айналымы 2012 жылғы қаңтар-мамыр айларында 8 млрд.730 млн.АҚШ долларын құрады, 2011 жылға қарағанда 29,8% - ға жоғары (6млрд.724 млн.АҚШ доллары).
Ішкі сауданың сальдосы оң көрсеткішті көрсетіп отыр. 2012 жылғы қаңтар-мамыр айларына сальдо 3 млрд.558 млн.АҚШ долларын құрады.
Қазақстанның Қытайға шығаратынэкспорты 2012 жылғы қаңтар-мамырға6 млрд.144 млн.АҚШ долларын құрап, өткен 2011 жылмен салыстырғанда 36%-ға артқан (5мдрд.185 млн.АҚШ доллар).
Қазақстаннның Қытайға шығаратын негізгі экспорттаушы тауарларына: 
- Шикі мұнай және битумды минералдардан алынған шикі мұнай өнімдері – 54,6% (3млрд.356 млн.АҚШ доллары) ;
- Күйдірілген пиритті қоса алғанда темір кендері мен қоспалары – 11,3% (694,2 млн.АҚШ доллары);
- Тазартылған мыс және өңделмеген мыс құймалары – 9,6% (628,9 млн.АҚШ доллары);
- Ферроқорытпалар – 5,6% (344,9 млн.АҚШ доллары);
- Шикі мұнайды қоспағанда битумды жыныстан алынған мұнай және мұнай өнімдері; құрамында битумды жыныстан алынған мұнай және мұнай өнімдерінің 70% массасы бар өнімдер – 4,1% (252,5 млн. АҚШ доллары);
- Мыс рудалары және қоспалары – 3,1% (188,8 млн.АҚШ доллары);
- Өңделмеген мырыш– 2,3% (157,5 млн.АҚШ доллары) жатады.
Қытайдан Қазақстанға әкелінетін импорт 2012 жылғы қаңтар-мамыр айларына 2 млрд.586 млн.АҚШ долларын құрап,баламалы түрде 2011 жылмен салыстырғанда 68% - ға жоғары (1 млрд.539 млн.АҚШ доллары).
Қазақстанға Қытайдан әкелінетін негізгі өнімдер:
- Есептеуіш машиналар және олардың блоктары; магнитті және оптикалық оқығыш құралдар, кодталған нысандағы ақпаратты сақтауға арналған машиналар және осы нысандағы ақпараттарды өңдеуге арналған машина - 8,1% (210,1 млн.АҚШ доллары);
- Теміржол немесе трамвайлық, өздігіміен жүрмейтін жүк вагондары – 5,2% (135,6 млн.АҚШ доллары);
- Телефон аппараттары, ұялы байланыс немесе басқа да сымсыз байланыс желісі ұшін телефон аппаратары, бейне, дыбыс және басқа да ақпараттар жіберетін және қабылдайтын өзге де аппараттар – 4,7% (122,4 млн.АҚШ доллары);
- (шойын құймадан басқа) қара металлдардан қуысты, тiгiссiз тұрба, тұрбалар және профильдерi –2,9% (75,9 млн.АҚШ доллары);
- электротехникада қолданылатын металлы бар немесе металлсыз көмiртектiң түрлері немесе графиттен жасалынатын бұйым, шамдар немесе батареялар және немесе басқа да түрлерi үшiн көмiрлер, көмiр шөткелерi, көмiр электродтары – 2,4% (62,6 млн.АҚШ доллары);
- еспелі қайықтардан басқа әскери және құтқарушы кемелерді қосқандағы өзге де кемелер – 2,4% (62,6 млн.АҚШ доллары);
- бұрылмайтын және бұрылатын қайырмамен бульдозерлерi, грейдерлер, жоспарлаушылар, скреперлер, механикалық күректер, экскаваторлар, бiр ожаулы жүкшiлер, тегiстейтiн машиналар және жол сырғанағыш – 2,3% (58,5 млн.АҚШ доллары)


ҚР Экономикалық даму және сауда министрлігінің Баспасөз қызметі

Мұрағат

Қаңтар
2019
ДсСсСрБсЖмСнЖк
123456
78910111213
14151617181920
21222324252627
28293031

Мемлекеттік орган басшыларының блог-тұғырнамасы

Өту