Бүгін ҚР Премьер-Министрі А. Маминнің төрағалығымен өткен Үкімет отырысында еліміздің экономикасына инвестициялар тарту мәселелері қаралды. ҚР Премьер-Министрінің бірінші орынбасары – қаржы министрі Ə. Смайылов, ҚР сыртқы істер министрі Б. Атамқұлов және АХҚО басқарушысы Қ. Келімбетов атқарылып жатқан жұмыстар туралы баяндады.

ҚР Премьер-Министрінің бірінші орынбасары – қаржы министрі Ə. Смайылов ҚР Тұңғыш Президенті – Елбасының 30% жоғары деңгейде ЖӨҚ және негізгі капиталға инвестициялар тарту, инвестициялар тарту жөніндегі кешенді экожүйені құру туралы тапсырмаларын орындау еліміздің Үкіметі үшін аса маңызды міндет екенін атап өтті. Сонымен қатар, бүгінде инвестициялар тартудың тиімді тетіктерін құрып, аталған саладағы барлық инфрақұрылымды қайта қарау қажет.

Ә. Смайылов осыған байланысты ұсыныстар әзірлеу үшін арнайы жұмыс тобы құрылғанын айтты. Қолданыстағы тетіктерге егжей-тегжейлі талдау жүргізілді, проблемалар анықталды, ағымдағы қызметтің тиімсіздігінің себептері анықталды.

«Барлық мүдделі мемлекеттік органдар мен ұлттық компаниялардың қатысуымен жұмыс тобы инвестициялар тартудың жаңа тәсілін әзірледі. Тараптардың пікірлері ескеріліп, ортақ ұстаным қалыптасты. Жаңа архитектураның іргетасы ҚР Премьер-Министрінің төрағалығымен Инвестициялар тарту мәселелері жөніндегі үйлестіру кеңесі болады», — деді қаржы министрі.

Кеңес құрамына ҚР Премьер-Министрінің орынбасарлары, басты министрліктердің бірінші басшылары, АХҚО, ұлттық басқарушы холдингтердің, «Атамекен» ҰКП, Қазақстандық инвесторлар кеңесі қауымдастығының басшылары, сондай-ақ, ҚР Жоғарғы сотының, ҚР бас прокуратурасының, ҚР ҰҚК басшылары кіреді.

АХҚО инвестициялар тарту және Қазақстан Республикасының инвестициялық имиджін ілгерілету жөніндегі жұмысты үйлестірудің бірыңғай орталығы болып анықталады. Ол өңірлік инвестициялық хаб болады. Инвесторларға «бір терезе» қағидаты бойынша қызмет көрсету және инвестициялық жобалардың бірыңғай пулын қалыптастыру орталықтандырылған болады. «Kazakh Invest» АҚ АХҚО әкімшілігіне сенімді басқаруға беріледі. Жобаларды қалыптастыру мен сүйемелдеудің бірыңғай ақпараттық жүйесі құрылады («Жобалар фабрикасы»). Заманауи цифрлық технологияларды енгізумен визалық және көші-қон режимін одан әрі ырықтандыру шаралары қабылданады. Нұр-Сұлтан қаласының халықаралық қаржы орталықтарымен тікелей әуе қатынастарының географиясын кеңейту көзделген.

Жоғарғы сотпен және Бас прокуратурамен бірлесіп, инвестициялық ахуалды одан әрі жақсарту, инвесторлардың құқықтарын қорғау және заң үстемдігін қамтамасыз ету ұсыныстары әзірленеді.

Жаңа архитектура аясында жобаларды ілгерлетуді төрт кезеңмен жүргізу жоспарланып отыр:

бірінші кезеңде Өңірлік инвестициялық хабтағы барлық әлеуетті инвестициялық жобаларды орталықтандырылған жинау жүргізіледі («Жобалар фабрикасы»).

екінші кезеңде АХҚО сарапшылары мен кеңесшілерін тартумен «Kazakh Invest» базасында жобаларға өңдеу және талдау жасау. Жобалар шетелдік инвесторлар үшін ұғынықты жүйеге келтіріледі.

үшінші кезең дайын болған жобаларды ілгерлетуді қарастырады, ол үшін АХҚО қолда бар арналары мен СІМ инфрақұрылымы пайдаланылады.

төртінші кезеңде АХҚО заңды инфрақұрылымын пайдаланумен Инвестициялық хаб базасында келісімшарттар жасалатын болады.

Сонымен қоса, Ә. Смайылов атап өткендей, бұл архитектура қысқа мерзім ішінде жүзеге асырылады. Жаңа архитектура таныстырылымын биылғы 16 мамырда Астана экономикалық форумы аясында өткізу көзделген.

«Ұсынылған шаралар инвесторлар үшін инвестициялық субсидиялар пакетін шоғырландырып, жедел құруға және таза тікелей инвестициялар көлемін арттыру бойынша кешенді жұмыстарды бастауға мүмкіндік береді. Үкіметтің алдағы отырыстарының бірінде жаңа тәсілдерді іске асырудың барлық қажетті шараларының толық тізімі мен тиісті Жол картасы қарастырылатын болады», — деді сөз соңында Ә. Смайылов.

Сыртқы істер министрі Б. Атамқұлов 2019 жылғы І тоқсанда атқарылған жұмыстар туралы баяндады. Мәселен, инвестициялар тарту бойынша кешенді экожүйе құру жұмыстары басталды. Әрбір салалық министрлікте, әкімдікте, ұлттық компанияларда инвестициялық жұмыстар мен экспорт үшін жеке жауап беретін бірінші басшылардың жауапты орынбасарлары анықталды.

Б. Атамқұлов дипломатиялық миссия басшыларына елде болудың нақты міндеттері мен тиімділік көрсеткіштері жеткізілгенін айтты. Инвестициялар тарту үшін 40 басымдықты ел анықталды. Негізгі назар АҚШ-қа, Германия мен Жапонияға аударылатын болады.

Сонымен қоса, инвесторларды барлық деңгейлерде қолдау үшін барлық мүдделі ұйымдармен өзара іс-қимыл процесін автоматтандыру бойынша жұмыстар белсене жүргізіліп жатыр. Бүгінгі таңда ҚР СІМ «Kazakh Invest» АҚ базасында жобалар мен инвесторларды онлайн режимде қолдау бойынша ақпараттық-мониторингтік жүйені (СRM) іске қосты. Бұл жүйе инвесторға инвестицияалды, инвестициялық және инвестициядан кейінгі кезеңдерде қолдау көрсететін болады. Осылайша, онлайн режимде әрбір инвестициялық жоба бойынша проблемалық мәселелерді дәлме-дәл анықтау мүмкіндігі туады. Қазіргі кезде Министрлік $40 млрд астам сомаға шетелдік қатысуымен, 41 мыңға жуық жұмыс орнын құрумен 174 жобаға мониторинг жүргізіп жатыр. Әрбір жоба бойынша Жол карталары әзірленіп, бекітілген.

Инвесторлар Шетелдік инвесторлар кеңесі, Инвестициялық ахуалды жақсарту жөніндегі кеңес, ЕВРОБАК (Қазақстанның Еуропалық бизнес қауымдастығы) тәрізді диалог алаңдарында заңның үстемдігі, теңге бағамының құбылмалылығы, инфрақұрылым жүргізу және жер телімдерін бөлу, салықтық құқық бұзушылықтарды декриминалдандыру, миграция мәселелерін бірнеше рет көтерген. Аталған барлық мәселелер бойынша ҚР СІМ тиісті Тұжырымдама мен заң жобасын әзірлеп, Ұлттық экономика министрлігіне жолдады.

Сонымен қатар, сыртқы істер министрі ҚР-дағы қолданыстағы заңнаманы аймақтық деңгейде өз позицияларын сақтау үшін қайта қарастыру және жаңғырту қажеттігін атап өтті.

«Біз “Астана” халықаралық қаржы орталығы аясында инвестициялар тарту бойынша экожүйелер құру туралы ұсыныстарды толық қолдаймыз», — деді Б. Атамқұлов.

«Астана» халықаралық қаржы орталығының басқарушысы Қ. Келімбетов өз баяндамасында АХҚО-ның Үйлестіру кеңесін және Аймақтық инвестициялық хаб құру жөніндегі Үкімет бастамаларын толық қолдайтынын айтты.

«Біз қалыптастырылып жатқан инвестициялық вертикаль шетелдік капиталмен жұмысты жаңа деңгейге шығарады деп санаймыз», — деді АХҚО басқарушысы.

АХҚО әкімшісі Үйлестіру кеңесінің жұмыс органына айналады, оның негізгі функциялары омбудсмен — ҚР Премьер-Министрі офисінің жұмысын ұйымдастыру, инвестициялық жобалар үшін құжаттар әзірлеу, қаржы стандарттары мен модельдерін дайындау болып табылады. АХҚО құзыреті ағылшындық құқық қағидаттарына негізделетін Қаржы нарығын реттеу комитетінен, АХҚО сотынан, Халықаралық төрелік орталығынан тұрады. Қаржылық инфрақұрылым Тікелей инвестициялар қоры мен АХҚО биржасын қамтиды.

Бұл вертикальдің маңызды бөлігі «Kazyna Capital Management» Даму банкі тәрізді қаржы институттарының қатысуы болады. Қ. Келімбетов атап өткендей, мұндай вертикальді аймақтық деңгейде де құруға болады.

Әділет министрі М. Бекетаев АХҚО ерекше құқықтық режимінің артықшылықтарына қатысты түсініктеме берді. Конституцияға сәйкес, Нұр-Сұлтан қаласында қаржы саласында ерекше құқықтық режим белгіленген. Сондай-ақ Конституциялық заң қабылданды. Халықаралық қаржы орталығы аумағындағы инвесторлардың қызметі ағылшын құқығымен реттеледі. Ресми тіл — ағылшын тілі. Қаржы орталығы аумағында тәуелсіз сот құрылды, онда сот әділдігін ағылшын судьялар жүзеге асырады.

«Аталған шаралардың барлығы меншік құқығын қорғауға және сот төрелігін тиімді іске асыруға кепілдік береді. Бұл экономиканың одан әрі өсуін тікелей инвестициялар салып және ірі жобаларды іске асыра қамтамасыз ететін шетелдік инвесторлар үшін маңызды белгі», — деді министр.

Қазақстанда инвесторлардың жұмысын қамтамасыз етуге қабілетті адами капитал қалыптасуда. Ағылшын тілін еркін меңгерген және үздік әлемдік университеттерде білім алған халықаралық деңгейдегі заңгерлер даярланды.

Сот әділдігін нығайту бойынша жүргізіліп жатқан жұмыстар халықаралық рейтингтерде көрініс табады. Халықаралық құқық үстемдігі индексінде Қазақстан 7 жыл ішінде 10 тармаққа өсім көрсетіп, 126 елдің ішінде 65-орында тұр.

«Инвесторлар Қазақстанның бизнес үшін тұрақты әрі жайлы жағдайларды қамтамасыз ететін сенімді серіктес екенін сезінуі тиіс. Мұндай басымдықты ҚР Тұңғыш Президенті – Елбасы белгіледі», — деп түйіндеді М. Бекетаев.

Өз кезегінде Қазақстанның шетелдік инвесторлар кеңесі қауымдастығының басқарма төрағасы А. Прейманис инвестициялар тартудың жаңа тәсілдері туралы пікірімен бөлісті. Оның айтуынша, Қазақстан тәуелсіздік алған уақыттан бері Шетелдік инвесторлар кеңесімен және халықаралық сарапшылармен тығыз жұмыс жасай отырып, көп жетістікке қол жеткізді, сондай-ақ, жаңа құрылым тікелей инвестициялардың ағынын ұлғайтуға қарқын береді.

«Біз жаңа тәсілдің регламенттерін пысықтауға, сондай-ақ келешекте жаңа құрылымда белсенді жұмыс істеуге дайынбыз, ол инвестицияларды тартуға ғана емес, экономикадағы жүйелік сын-тегеуріндерді жақсы түсінуге мүмкіндік береді», — деді А. Прейманис.

Бұдан өзге, отырыс барысында Шығыс Қазақстан облысының әкімі Д. Ахметов, Алматы қаласының әкімі Б. Байбек, Нұр-Сұлтан қаласының әкімі Б. Сұлтанов сөз сөйледі.

www.primeminister.kz

Бүгін ҚР Премьер-Министрі Асқар Маминнің төрағалығымен өткен Үкімет отырысында инвестициялар тарту жұмыстарын жетілдіру мәселелері қаралды.

ҚР Премьер-Министрінің бірінші орынбасары – қаржы министрі Ə. Смайылов, ҚР сыртқы істер министрі Б. Атамқұлов, ҚР әділет министрі М. Бекетаев, өңірлердің әкімдері инвестициялар тарту жөніндегі жұмысты жетілдірудің жаңа тәсілдері туралы баяндады. Мәселені қарау барысында «Астана» халықаралық қаржы орталығының басқарушысы Қ. Келімбетов, Қазақстанның шетелдік инвесторлар кеңесі қауымдастығының басқарма төрағасы А. Прейманис сөз сөйледі.

«ҚР Тұңғыш Президенті – Елбасы Нұрсұлтан Назарбаев экономика өсімінің тұрақты қарқынын қамтамасыз ету міндетін қойды, бұл негізгі капиталға ЖІӨ 30% деңгейіне дейін инвестициялар көлемін ұлғайтуды талап етеді. Тікелей шетелдік инвестициялар негізгі драйверге айналуы тиіс», — деді А. Мамин. 2018 жылдың қорытындысы бойынша ҚР-ға тікелей шетелдік инвестициялардың жалпы ағыны 15,8% өсіп, $22,4 млрд құрады.

Инвестициялық ахуалды одан әрі жақсарту және инвестициялар тарту жұмыстарын жетілдіру мақсатында ҚР Үкіметі жаңа тәсілдерді қабылдады. ҚР Премьер-Министрінің төрағалығымен Инвестициялар тарту мәселелері жөніндегі үйлестіру кеңесі құрылды. Инвестициялар тарту мәселесі бойынша барлық жауапты шешімдер Үйлестіру кеңесінің қарауына шығарылатын болады. Кеңестің бірінші отырысы биыл мамыр айында өтеді.

Инвестициялық жобаларды іске асыруға және инвесторлардың құқықтарын қорғауға қатысты мәселелерді шешу үшін инвестициялық омбудсмен функциялары ҚР Премьер-Министріне жүктелді.

«Астана» халықаралық қаржы орталығы, өз кезегінде, инвестициялар тартудың аймақтық орталығына айналуы тиіс. АХҚО қызметін қамтамасыз ету үшін ерекше құқықтық режим белгіленген: Конституциялық заң қабылданған, инвесторлардың қызметі ағылшын құқығымен реттеледі. Бүгінде инвесторларға қолайлы жағдайлар қарастырылған: тәуелсіз реттеу, сот пен Халықаралық арбитраждық орталық жұмысы әлемдік стандарттарға сай келеді және шетелдік инвесторлардың құқықтық жайлылығын қамтамасыз етеді; тәуелсіз қорлардың әлемдік басқарушы компанияларын тартуға жағдайлар жасалған.

Инвестициялар ағымын арттыру үшін АХҚО алаңында инвесторлармен жұмыс жүргізетін бірыңғай экожүйе құрылады, бұл жүйеге барлық даму институттары кіретін болады және «бір терезе» қағидасы аясында жұмыс жасайды.

«Шетелдік инвестицияларды тарту экономиканың дамуына жол ашып, халықтың тұрмыс сапасына қатысты мәселені шешуге, жаңа жұмыс орындарын ашуға және әлеуметтік мәселелерді шешуге мүмкіндік беретінін нақты түсінуіміз керек. Әкімдіктер инвесторлармен жұмыстарды өзгертіп, инвестициялар тартудың жаңа алгортиміне қосылуы қажет», — деді ҚР Премьер-Министрі А. Мамин. — Бұл жұмыс айқын үйлестіруді және жоғары оперативтілікті талап етеді. Сондықтан барлығына қойылған міндеттерді шешу үшін жұмылу керек».

www.primeminister.kz

21 сәуір күні Алматыда Hyundai Trans Kazakhstan зауытының алғашқы іргетасын қалау салтанатты шарасы өтті.

Оған ҚР индустрия және инфрақұрылымдық даму министрі Роман Скляр, Оңтүстік Кореяның сауда, өнеркәсіп және энергетика министрі Сон Юн Мо, Нyundai Мotor Сompany стратегия жөніндегі президенті Конг Ян Вун, Astana Group компаниясының президенті Нұрлан Смағұлов қатысты.

Зауытты ҚР Индустрия және инфрақұрылымдық даму министрлігінің және Алматы қаласының әкімдігінің қолдауымен Алматы қаласының индустриялық аймағы аумағында «Астана Моторс» компаниясы салатын болады.

ҚР индустрия және инфрақұрылымдық даму министрі Р. Скляр атап өткендей, бұл жоба елімізде автомобиль жасау индустриясы саласын дамытудағы стратегиялық маңызды қадам.

«Зауытта 700-ге жуық жаңа жұмыс орны ашылады, аталған кәсіпорынның өнімі ішкі нарыққа да, үшінші елдерге экспорттауға ба бағытталатын болады», — деп атап өтті Роман Скляр.

Кәсіпорынның қуаттылығы бірінші кезеңде 30 мың автокөлікті құрайды, ал екінші кезеңде жылына 45 мың автокөлікке дейін артады. Бұл қазақстандық нарықты сапалы әрі қолжетімді Hyundai маркалы жеңіл автомобильдермен молайтуға, сондай-ақ оларды ТМД елдеріне экспорттауға мүмкіндік береді. Жоба инвестициясының жалпы көлемі 25 миллиард теңгені құрайды. Өз қаражатынан бөлек коммерциялық шарттар бойынша займ қаражаты тартылатын болады.

Зауытта дәнекерлеу, бояу, құрастыру, пластикалық панельдерді өндіру цехтары және сапаны бақылау учаскесі болады. Кәсіпорын Оңтүстік Корея мен Жапония елдерінің жаңа технологиялық жабдықтарымен қамтамасыз етіледі. Зауытта Hyundai модельдік қатары жиналады. Бірінші кезеңде Accent модельдерінің толық циклін өндіру жолға қойылады, кейін Creta модельдерін өндіру желісін іске қосу жоспарлануда.

ЕАЭО елдерімен ынтымақтастық пен өнеркәсіптік кооперацияның арқасында құрастыруды шоғырландыру 50%-ға жетеді. Болашақта автокомпоненттер өндіретін зауыт салынады. Бұл Қазақстанда шоғырландыру деңгейін арттыруға мүмкіндік береді.

2019 жылдың соңына дейін өндірістік цехтар салу жоспарлануда, ал 2020 жылы зауыт конвейерінен бірінші автокөлік шығады.

Алматы қаласының әкімі Б. Байбек зауыт құрылысына барлық инфрақұрылымы бар 25 га жер бөлінгенін атап өтті. Қазіргі кезде Алатау ауданындағы Индустриалды аймақта 144 млрд теңгенің 39 жобасы жүзеге асырылып жатыр. Жапондық, неміс пен қытайлық, ресейлік капиталдардың қатысуымен 5 зауыт ашылды. Биыл инвестициялар көлемі 367 млрд теңгеге жуықтайтын тағы 4 кәсіпорын ашу жоспарланған, оның ішінде болат құбырларын шығаратын қазақстандық-қытайлық ірі «Asia Steel Pipe» зауыты бар.

www.primeminister.kz

Мемлекет басшысына Қаржы министрлігінің қызметіндегі негізгі мәселелер; бюджеттің орындалу барысы, салық және бюджет саясаты, мемлекеттік қарыздың жағдайы туралы мәліметтер берілді.

Қасым-Жомарт Тоқаев бюджеттік шығындарды оңтайландыру және мемлекеттік бюджетке түсімді көбейту қажеттігін айтты. Сондай-ақ, Президент кедендік және салықтық әкімшіліктің тиімдігілін арттыруды тапсырды.

Ә. Смайылов Мемлекет басшысына министрліктегі цифрландыру және өзге мемлекеттік органдардың ақпараттық жүйелермен байланысы бойынша атқарылып жатқан ауқымды жұмыстар туралы баяндады.

Кездесу соңында Қазақстан Президенті бірқатар нақты тапсырма берді.

www.primeminister.kz

Бүгін ҚР Премьер-Министрінің орынбасары Г. Әбдіқалықованың жетекшілігімен Елбасының «Әлеуметтік қамқорлық» жаңа әлеуметтік шараларының негізгі бағыттарын түсіндіру жөніндегі жұмыс тобы Шығыс Қазақстан облысына келді.

Оның құрамында еңбек және халықты әлеуметтік қорғау министрі Б. Сапарбаев, білім және ғылым министрі К. Шәмшидинова, денсаулық сақтау министрі Е. Біртанов, Құрылыс және тұрғын үй-коммуналдық шаруашылық комитетінің төрағасы М. Жайымбетов бар.

Үкіметтік делегацияның жұмыс сапары Семей қаласындағы жедел медициналық жәрдем ауруханасын аралаудан басталды. Аурухана «100 аурухана, 100 мектеп» бағдарламасы бойынша салынған және 325 төсек-орынға шақталған. Мұнда жақында заманауи жабдықтар кешенімен жарақталған Политравма және ортопедия орталығы ашылды. Мамыр айында еліміздегі алғашқы нейрохирургияға арналған гибридті ота жасау бөлмесі ашылады деп жоспарланып отыр. 3 жыл ішінде 18,8 млрд теңге инвестиция салынды, бұл жоғары технологиялы жабдықтар көлемін 2,5 есеге арттыруға мүмкіндік берді.

Одан соң ҚР Премьер-Министрінің орынбасары және еңбек және халықты әлеуметтік қорғау министрі Халыққа қызмет көрсету орталығының жұмысын тексерді. Олар электронды форматта мемлекеттік қызметтердің көрсетілу бойынша бизнес-процестерді қарастырды.

Семей қаласындағы басты шара жұмыс тобы мүшелерінің көп балалы аналармен, аз қамтылған отбасылармен, еңбек ардагерлерімен, мұғалімдермен, дәрігерлермен, жұртшылық өкілдерімен кездесуі болды. Кездесуде Г. Әбдіқалықова Қазақстанның жаңа даму кезеңіне аяқ басқанын атап өтті. Бүгінде жаңа әлеуметтік саясат жүзеге асырылып жатыр, оның басты мақсаты халықтың әл-ауқатын көтеру болып табылады. Ол үшін қоғамның әрбір мүшесі ел дамуына өзінің үлесін қосуы тиіс.

Үкіметтік делегация мүшелеріне халықты әлеуметтік қорғау, білім беру, денсаулық сақтау, тұрғын үй саясаты салаларындағы жаңашылдықтар таныстырылды.

Қала тұрғындарымен кездесу аяқталған соң ҚР Премьер-Министрінің орынбасары Г. Әбдіқалықова азаматтарды жеке қабылдап, көп балалы отбасыларға барды. Атап айтқанда, 14 баланы тәрбиелеп отырған Ольга Кандыбаның отбасында болды. Көп балалы отбасы мемлекетке 7 жер телімін ұсынғаны және «Газель» маркалы автокөлік сыйлағаны үшін алғыстарын жеткізді. Сонымен қатар ол 8 баланы тәрбиелеп отырған Индира Отарбаевның отбасына барды. Бұл отбасы «Өкен» ЖШС құрылтайшысына сыйлаған жаңа жеке үйі үшін шексіз алғыстарын білдірді.

Түстен кейін жұмыс сапары Өскемен қаласында жалғасты.

Алғашқы шара Роботтандырылған хирургия орталығын аралау болды. Орталық дәрігерлері мыңнан астам ота жасаған (200 операций на ангиографада 200 ота, 800 урологиялық және роботта 123 ота). Бұл клиника базасында Трансплантология орталығы ашылған, бүйрек алмастыру бойынша сәтті оталар жасалған.

Вице-Премьер жұмыс тобының мүшелерімен бірге Д. Серікбаев атындағы Шығыс Қазақстан мемлекеттік техникалық университетінде облыс жұртшылығымен кездесу өткізді. Оған көп балалы аналар, аз қамтылған отбасылар, еңбек ардагерлері, мұғалімдер, дәрігерлер, жұртшылық өкілдері шақырылды.

Кездесуде халықтың төмен жалақы алатын санаттарының табысын арттыру, халықты әлеуметтік қолдаудың жаңа шаралары, білім беру мен денсаулық сақтауды одан әрі дамыту, тұрғын үймен қамту тетіктері бойынша жан-жақты түсіндірілді. Үкіметтік делегация мүшелері қатысушылардан келіп түскен өзекті сұрақтарға жауап берді.

Г. Әбдіқалықованың жұмыс сапарының келесі пункті көпбалалы отбасылардың үйлерін бару болды. Бүгінде облыста бизнестің әлеуметтік жауапкершілігі аясында мұндай отбасыларға жүйелі көмек көрсетіледі. Мәселен, көп балалы әке Нұрлан Жетпіске «ВК Техногрупп» ЖШС екі бөлмелі пәтер сыйласа, 12 бала өсіріп отырған Евгения Черкашинаға қосалқы шаруашылықты жүргізу үшін демеушілік көмек көрсетілді, тұрғын үйін жөндеу үшін құрылыс материалдары берілді.

Одан соң бейнеконференция байланысы режимінде Үйлестіру кеңесінің мүгедектерді қорғау саласындағы көшпелі отырысы өткізілді. Онда 2012-2018 жылдарға арналған мүгедектердің өмір сүруін жақсарту және құқықтарын қамтамасыз ету жөніндегі Іс-шаралар жоспарының үшіншің кезеңін іске асыру қорытындылары шығарылды. Оны жүзеге асыру үшін 12 млрд теңгеге жуық қаржы бағытталды. Мүгедектерге қызмет көрсетуге бағдарланған ұйымдар орналасқан маңайында 17 043 жол белгілері мен нұсқаулар орнатылды; 540 жаяу жүргіншілерге арналған жерасты өткелдеріне дыбыстық құрылғылар қойылды; 28 өңірлік телеарнада жаңалықтар телехабарларын таратуда сурдоаударма қамтамасыз етілді, «Қолжетімді орта» қолжетімділіктің интерактивті картасы» порталы әзірленді және т.б. Паспортталғандар қатарынан әлеуметтік инфрақұрылым нысандарының 97,3% қолжетімді болды.

Сонымен қатар, Қазақстан Республикасында 2025 жылға дейінгі мүгедектердің өмір сүру сапасын жақсарту және құқықтарын қамтамасыз ету жөніндегі жаңа Ұлттық жоспар жобасы талқыланды. Үйлестіру кеңесінің отырысының қорытындылары бойынша Гүлшара Әбдіқалықова бірқатар нақты тапсырмалар берді.

Ерекше білім алу қажеттіліктері бар балалар үшін қолжетімді әрі сапалы білім алу жағдайларын жасау мақсатында «2018-2020 жылдарға арналған инклюзивті білім беруді дамыту» жобасын іске асыру бойынша Жол картасы бекітілді. Мүмкіндігі шектелуі балаларға арналған «Ақниет» мектеп-интернатында делегацияға осы бағдарлама таныстырылды. Оның аясында 1200 педагогты даярлау жоспарланған, оның ішінде 2019 жылы инклюзивті білім беру бойынша 500 педагог біліктілігін арттыруы тиіс. Бүгінде облыста 13 психологиялық-педагогикалық коррекция кабинеті жұмыс істейді. Бұл шара Ерекше білім алу қажеттіліктері бар балаларға қолжетімді жерден коррекциялық педагогтар қызметтерін тегін алуларына мүмкіндік береді.

Үкіметтік делегацияның Шығыс Қазақстан облысына жұмыс сапары осымен аяқталды.

www.primeminister.kz

Дүйсенбі күні, 22 сәуірде, сағат 9:00-де Үкімет үйінде ҚР Үкіметінің отырысы өтеді.

Отырыстың күн тәртібінде:

Инвестициялар тарту мәселелері.

Студент жастардың тұру жағдайын жақсарту бойынша Елбасының тапсырмасын орындау барысы.

Тікелей таратылымды PrimeMinister.kz сайтынан, Фейсбук, «Вконтакте», Твиттер, Перископ әлеуметтік желілерінен, Ютуб ресми арнасынан, сондай-ақ Андроид пен Айфонның мобильдік қосымшаларынан көре аласыздар.

www.primeminister.kz

Мемлекет басшысына министрліктің биылғы бірінші тоқсанда атқарған жұмыстарының негізгі қорытындылары мен алдағы кезеңге арналған жоспарлары жөнінде мәлімет берілді.

Қасым-Жомарт Тоқаев инвестициялық саясатты жүзеге асырудың тиімділігін арттыру, сондай-ақ, сыртқы нарықтағы Қазақстан экспортын ілгерілету қажеттігін айтты.

Бейбіт Атамқұлов инвестиция тарту жөніндегі мемлекеттік құрылымдардың, соның ішінде өңірлік деңгейдегі өзара іс-қимылдарды жақсарту үшін қабылданған жүйелі шаралар туралы баяндады.

Сонымен қатар, Мемлекет басшысының қатысуымен өтетін алдағы сапарлар мен сыртқы саяси шаралардың кестесі талқыланды.

Соңында Қазақстан Президенті бірқатар нақты тапсырма берді.

www.primeminister.kz

Нұрсұлтан Назарбаевқа Қауіпсіздік кеңесінің жақында өткен отырысында берілген тапсырмалардың орындалу барысы мәлімделді. Бұл туралы ҚР Тұңғыш Президенті – Елбасының баспасөз қызметі хабарлайды.

Қорғаныс министрі, сондай-ақ, Қазақстанның Тұңғыш Президентіне еліміздің Қарулы Күштеріндегі қазіргі ахуал және армияны заманауи қару-жарақпен қамтамасыз ету үшін қолға алынып жатқан шаралар жөнінде баяндады.

Сонымен қатар, Н. Ермекбаев Елбасы Нұрсұлтан Назарбаевқа Алматы облысында өтіп жатқан «Айбалта-2019» ауқымды стратегиялық командалық-штабтық оқу-жаттығу туралы айтты.  

www.primeminister.kz

Бүгін ҚР еңбек және халықты әлеуметтік қорғау министрі Б. Сапарбаев, білім және ғылым министрі К. Шәмшидинова, денсаулық сақтау министрі Е. Біртанов, Құрылыс және тұрғын үй-коммуналдық шаруашылық істері комитетінің төрағасы М. Жайымбетов кірген Елбасының жаңа әлеуметтік шараларының негізгі бағыттарын түсіндіру жөніндегі Үкіметтік жұмыс тобын бастаған ҚР Премьер-Министрінің орынбасары Г. Әбдіқалықова Солтүстік Қазақстан облысына барды.

Келген бойда Үкімет делегациясы Оқушылар сарайында көп балалы аналармен, аз қамтылған отбасылармен, еңбек ардагерлерімен, мүмкіндіктері шектеулі жандармен, мұғалімдермен, дәрігерлермен және жұртшылық өкілдерімен кездесті.

Халық алдында сөйлеген сөзінде ҚР Вице-премьері жаңа әлеуметтік саясаттың басымдықтары туралы егжей-тегжейлі айтып берді. Бүгінде мемлекет халықтың тұрмыс деңгейін көтеру үшін барлық қажетті шараларды қабылдап жатыр. Басты мақсат — адамдарды жұмысқа орналастыру. Сондай-ақ, ол халықтың әлеуметтік осал топтарына жан-жақты қолдау көрсетілетінін атап өтті.

Жұмыс тобының мүшелері халықты әлеуметтік қорғау, тұрғын үй мәселелерін шешу, білім беру мен денсаулық сақтау жүйелерін дамыту саласында жүргізіліп жатқан шаралар туралы айтып беріп, облыс тұрғындарының сұрақтарына жауап берді.

Бұдан әрі, ҚР Премьер-Министрінің орынбасары Г. Әбдіқалықова ҚР еңбек және халықты әлеуметтік қорғау министрі Б. Сапарбаевпен, облыс әкімі Қ. Ақсақаловпен «С. М. Киров атындағы зауыт» АҚ базасында қала, аудандар әкімдерімен, өнеркәсіптік кәсіпорындардың, бизнес құрылымдардың, кәсіподақтық ұйымдардың басшыларымен кездесу өткізді. Әлеуметтік әріптестіктің дамуын және бизнестің әлеуметтік жауапкершілігін ілгерілету мәселелерін қарастырғаннан кейін Гүлшара Әбдіқалықова кәсіпорындардың директорлары мен компаниялардың басшыларын жалақыны көтеріп, тұрғын үй мәселелерін шешіп, әлеуметтік пакеттерді кеңейту арқылы өздерінің табысы төмен жұмысшыларына нақты көмек көрсетуге шақырды.

Жұмыс сапарының соңында ҚР Вице-премьері еңбек және халықты әлеуметтік қорғау, білім және ғылым министрлерімен бірлесе отырып, 2017–2021 жылдарға арналған «Еңбек» Өнімді жұмыспен қамтуды және жаппай кәсіпкерлікті дамытудың мемлекеттік бағдарламасы мен «Серпін–2050» — «Мәңгілік ел жастары – индустрияға» бағдарламасы аясында еңбек ресурстарының жұмылғыштығын арттыру барысы туралы кеңес өткізді. Оған бейне-конференция байланысы арқылы мүдделі орталық және жергілікті атқарушы органдардың, білім беру мекемелерінің өкілдері, сондай-ақ бағдарлама қатысушылары қатысты. Жобаларды іске асырудың өзекті мәселелері талқыланып, бағдарламалар қатысушыларының пікірлері тыңдалды.

Бүгінгі таңда Солтүстік Қазақстан облысында «Серпін–2050» бағдарламасы бойынша 1411 студент білім алып жатыр, ал «Еңбек» мемлекеттік бағдарламасы аясында 43 түлек өңірлік квотаға іліккен. Квота құрамына кіретіндердің барлығына жалпы 10,9 млн теңге көлемінде мемлекеттік қолдау көрсетілді, оның ішінде көшіруге субсидиялар төлеу түрінде — 3,6 млн теңге және тұрғын үйді жалдау немесе сатып алу шығындарын өтеуге субсидиялар — 7,6 млн теңге.

Кеңес қорытындысы бойынша ЖОО-лар мен кәсіпорындар арасында меморандумдар жасасу арқылы түлектерді жұмысқа орналастыру мәселелері бойынша тығыз өзара іс-қимылдың болу қажеттілігі атап өтілді. Нарық талаптарына сәйкес сұранысқа ие кадрларды даярлауға және оқу орны бойынша түлектерді жұмысқа орналастыру мәселелеріне ерекше назар аударылды.

Жұмыс тобының басқа мүшелері облыстың аудандарына барды. ҚР денсаулық сақтау министрі Е. Біртанов Аққайың ауданына, Құрылыс және тұрғын үй-коммуналдық шаруашылық істері комитетінің төрағасы М. Жайымбетов Петропавл қаласының құрылыс нысандарына барды. Олар емдеу-профилактика мекемелерін, сондай-ақ, құрылыс және тұрғын үй-коммуналдық шаруашылық нысандарын аралады.

Жұмыс сапары Шығыс Қазақстан облысында жалғасады.

www.primeminister.kz

Бүгін ҚР Премьер-Министрінің орынбасары Г. Әбдіқалықова және Үкіметтік жұмыс тобының мүшелері жұмыс сапарын Қарағанды облысында жалғастырды.

ҚР Вице-премьері Республикалық үшжақты комиссия отырысын өткізді. Оған комиссия мүшелері, қала және аудан әкімдері, «Атамекен» ҰКП, ірі компаниялардың, бизнес құрылымдардың және кәсіподақ ұйымдарының жетекшілері қатысты. Отырыста әлеуметтік-еңбек қатынастары, әлеуметтік әріптестік, қызметкерлердің еңбек құқықтарын қорғау, «Бірлестіктердің бостандығы және кәсіподақтарға бірігу құқығын қорғау туралы» №87 Конвенцияны қолдану жөніндегі Халықаралық еңбек ұйымдарының ұсыныстары бойынша Жол картасын жүзеге асыру сұрақтары қаралды.

Отырысты ашу кезінде Гүлшара Әбдіқалықова әлеуметтік әріптестіктің әрекет етуші моделі мемлекет, жұмыс беруші және жұмыскер арасындағы жауапкершілікті тең дәрежеде бөлуге негізделгендігіне ерекше назар аударды. Әлеуметтік әріптестік саласындағы негізгі міндеттердің бірі — әлеуметтік-еңбек дауларының алдын-алу. Сондықтан әлеуметтік әріптестіктің барлық қатысушылары өндірістік жарақаттың, жалақының уақытылы төленбеуінің, аумақтарда әлеуметтік ушығудың мониторингінің күшеюіне жол бермеу мәселелерін және т.б. ерекше бақылауға алу қажет.

Кәсіби сын-тегеуріндерді басқарудың қазіргі кездегі жүйесін енгізу мақсатында 1 сәуірден бастап 2231 кәсіпорын еңбек қауіпсіздігі және еңбек қорғау стандарттарын енгізді. 184,9 мың жұмыс беруші төмен жалақы алатын 963 мың жұмыскердің еңбек ақысын өсірді. Соның нәтижесінде олардың жалақысы 33%-ға көтерілді (43 мыңнан 57,5 мың теңгеге дейін). Еліміз бойынша барлығы 98,7 мың ұжымдық келісімшарт жасалған, оның ішінде 95,1% ірі және орта кәсіпорындарда ұжымдық келісімшарттар бар.

Әрі қарай Абай қаласының Мәдениет үйінде ҚР Вице-премьері және жұмыс тобының мүшелері көп балалы аналармен, аз қамтылған отбасылармен, еңбек ардагерлерімен, мүмкіндіктері шектеулі жандармен, мұғалімдермен, дәрігерлермен, жұртшылық өкілдермен кездесу өткізді.

ҚР Премьер-Министрінің орынбасары өз сөзінде жаңа әлеуметтік саясаттың басымдылығы халықтың аз қамтылған отбасыларының кірісін көтеру, тұрғын-үй мәселесін шешу, білім беру және медицина қызметінің сапасын арттыру, аумақтарды кешенді дамыту екенін атап көрсетті. Ерекше назар аударғаны, басты міндет — адамдарды жұмыспен қамту, ал әлеуметтік көмек объективті себептерге байланысты өз бетінше еңбек ете алмайтын адамдарға көрсетіледі.

Жұмыс тобының басқа мүшелері өз бағыттары бойынша Елбасының «Әлеуметтік қамқорлық» жаңа әлеуметтік шараларын түсіндірді. Соңында жұмыс тобының мүшелері залдан келіп түскен сұрақтарға жауап берді.

Осы күні білім және ғылым министрі К. Шәмшидинова және денсаулық сақтау министрі Е. Біртанов, Құрылыс және тұрғын үй-коммуналдық шаруашылық істері комитетінің төрағасы М. Жайымбетов Қарағанды және Абай қалаларының мұғалімдерімен, дәрігерлерімен, құрылыс компанияларының жұмыскерлерімен кездесті. Кездесулерде білім беру және денсаулық сақтау салаларын әрі қарай дамыту, құрылыс нысандарының сапалы және мерзімінде аяқталуы секілді өзекті мәселелер талқыланды.

Үкімет делегациясының жұмысы Солтүстік Қазақстан облысында жалғасады.

www.primeminister.kz

Мұрағат

Мамыр
2019
ДсСсСрБсЖмСнЖк
12345
6789101112
13141516171819
20212223242526
2728293031

Мемлекеттік орган басшыларының блог-тұғырнамасы

Өту