2019 жылғы 30 сәуірде Қазақстан Республикасының Премьер-Министрі Асқар Мамин Ереван қаласында (Армения) Еуразиялық үкіметаралық кеңес отырысына қатысады.

Қазақстан, Ресей Федерациясы, Беларусь, Армения, Қырғызстан Үкіметтерінің басшылары Жоғары Еуразиялық экономикалық кеңес қабылдаған шешімдердің орындалу барысын қарап, Одақ аясындағы өзара іс-қимылдың қазіргі мәселелері жөнінде пікір алмасады.

Отырыстың күн тәртібінде — өнеркәсіптік кооперация және технологиялар трансфері, цифрландыру, сауда, кедендік әкімшілендіру және т.б. салалардағы 13 мәселе қаралады.

ЕАЭО аясында елдердің бірігуі мүше мемлекеттер халқының тұрмыс деңгейін жақсарту тұрғысынан ұлттық экономикалардың бәсекеге қабілеттілігін арттыруға, жан-жақты жаңғыртуға, ынтымақтастыққа бағытталған.

www.primeminister.kz

Нұр-Сұлтан қаласы бойынша жатақханаларға қажеттілік 17 636 орынды құрайды. Бұл туралы бүгін ҚР Үкіметінің баспасөз конференциясы барысында ҚР білім және ғылым вице-министрі Б. Асылова айтып берді.

Елбасының Бес әлеуметтік бастамасы аясында 2022 жылдың соңына дейін 75 мың орынға жаңа студенттер жатақханалары пайдалануға берілуі тиіс. ҚР білім және ғылым вице-министрі Б. Асылова Қазақстан астанасында студенттер жатақханасын салу үшін 16 жер телімі бөлінгенін айтты.

«2 жобалық-сметалық құжаттама әзірленді, 5-уі әзірлену үстінде. 710 орынға екі келісім жасалды және 4964 орынға 5 келісім келіссөздер сатысында. 370 орындық КАЗГЮУ жатақханасының құрылыс-монтаж жұмыстары жүргізіліп жатыр, сонымен қатар 340 орындық басқару колледжінің реконструкциясы жасалуда. Биыл олар пайдалануға беріледі», — деді Б. Асылова.

Сонымен қатар, осы жылдың үшінші тоқсанында үш жатақхана реконструкцияланады. Олар — басқару колледжінің, «Астана» медициналық университетінің жатақханалары, сондай-ақ Л. Н. Гумилев атындағы ЕҰУ жатақханасы.

Білім және ғылым вице-министрі атап айтқандай, жатақханалардың меншіктегі екеніне немесе МЖӘ қатысуымен салынғанына қарамастан, барлық жатақханалар бойынша қызмет көрсету және пайдалану шығындарын ЖОО немесе колледждің өзі көтереді.

«Бұл оның тікелей шығындары. Студенттерге шығындар шартты алғанда шәкіртақы көлемінің 10%-нан аспайды. Бұл аз ғана минимум, 10 мың теңге шамасында, ал орта есеппен алғанда, тұру шығындарының өзіндік құны 35 мың теңгеге дейін құрайды. Бұл олардың міндеттері», — деді Б. Асылова.

Бұл ретте ол жатақханалар құрылысына инвесторлар қатысқан жағдайда, келісім нысандардың мақсатты иелігін өзгерту құқығынсыз 20 жылға жасалатынын айтты.

«Жатақхана салынған сәтте-ақ бұл нысанға ауыртпалық қойылады және 20 жылға ауыртпалық қойылған соң келісім жасалып, тиісінше инвесторларға төлем жүргізіледі. 20 жыл бойы инвестор оның мақсатты арналуын өзгерте алмайды. Егер ол өзінің шешімін өзгертетін болса, бұл инвестор мемлекетке белгілі бір кезеңде төленген барлық қаражатты қайтаруы тиіс болады. Бұл ережелерде және заң актілерінде қарастырылған», — деп түсіндірді вице-министр.

Б. Асылова сонымен қатар жуырда инвесторларға қойылатын негізгі талаптар 20%-ға қысқартылғанын еске салды, бұл олардың нысандарды салуға жұмсалатын шығындарын едәуір азайтады.

www.primeminister.kz

Бүгін ҚР Үкіметі отырысының қорытындысы бойынша өткен баспасөз конференциясында ҚР білім және ғылым вице-министрі Б. Асылова студенттер жатақханаларын салу жұмыстары туралы айтып берді.

Б. Асылова Қазақстан тарихында алғаш рет биыл 9 196 орынға арналған 29 жатақхана пайдалануға берілетінін айтты.

«Еліміздің тарихында бұған дейін осындай көрсеткіш болған жоқ. Ұзақ уақыт бойы салынған жатақханалардың мақсатты құрылысы жүргізілді. Жылына көп дегенде 2-2,5 мың орын пайдалануға берілетін. Аталған жобаны іске асыруда мемлекеттік-жекеменшік әріптестік тетігін қолдану өз тиімділігін көрсетті», — деді ҚР вице-министрі.

Сонымен қатар, ол жобаны іске асырудың алдында өңірлер бойынша барлық қажеттілікке талдау жүргізілгенін атап өтті. Бүгінде жалпы қажеттілік 91 мың орынды құрайды. Олардың ішінде ЖОО-лар бойынша — 68 мың, колледждер бойынша — 23 мың. Ең жоғары қажеттілік — Алматы қаласында – 31 мың орынға, Нұр-Сұлтан қаласында – 17 мың орынға, Шымкент қаласында – 8,4 мың орынға. Биыл берілетін 29 жоба барлық өңірлерде дерлік болады.

Вице-министрдің айтуынша, жатақханалар салу жобасының жалпы құны 152 млрд тг құрайды. Бүгінде жоба толықтай қаржыландырылған.

«Биыл ҚР Білім және ғылым министрлігі жобаны жүзеге асыруға 1 млрд теңге қарастырған. Алдағы жылдарда біздегі үш жылдық бюджеттік циклді ескере отырып, шамамен 14 млрд теңге көзделген. Негізінен бізде барлық бюджеттік есептер бар, бюджет комиссиясының оң шешімі бар. Жалпы, бұл жоба қаржылық қамтамасыз етілген. Қаржыландырудың жалпы көлемі 152 млрд теңгені құрайды», — деді Б. Асылова.

Сондай-ақ, вице-министр төсек орнына жұмсалатын шығындарды қысқарту туралы мәселе бойынша түсініктеме берді. Оның айтуынша, нысан құрылысы кезінде бір төсек орнына арналған мемлекеттік тапсырыс 122 АЕК және реконструкциялау кезінде 47 АЕК құрайтынын айтты.

«Бізге екі есе қымбат жобалар ұсынылды. Бізге қымбат жобалар ұсынған оқу орындары да бар. Бұл негізінен техникалық жағдайларды кеңейту, жекелеген бөлмелердің болуы және т.б. мәселелермен түсіндірілді. Аталған тетік осындай қымбат жобаларды толығымен қамти алмайды. Сондықтан қажетсіз қымбат жобаларды қысқарту туралы тапсырма берілді», — деді вице-министр.

Сондай-ақ, вице-министр бүгінде ҚР ИИДМ Құрылыс және тұрғын үй-коммуналдық шаруашылық істері комитеті 120, 180, 240 орынға арналған үш үлгілік жобаны мақұлдағанын айтты. Барлық жобалар «Қаржы орталығы» АҚ сайтында орналастырылған. Қол қойылған келісімшарттар бойынша 500 орындық жатақхананың орташа құны шамамен 800-900 мың теңгені құрайды.

www.primeminister.kz

ҚР Премьер-Министрі Асқар Маминнің төрағалығымен өткен Үкімет отырысында «Ауыл – Ел бесігі» жобасын іске асыру мәселесі қаралды.

ҚР Премьер-Министрінің орынбасары Ж. Қасымбек ҚР Тұңғыш Президенті – Елбасы Нұрсұлтан Назарбаевтың биылғы 27 ақпандағы «Nur Otan» партиясының XVIII съезінде берген тапсырмасына сәйкес «Ауыл – Ел бесігі» жобасын іске асыру басталғанын айтып өтті.

Жобаның негізгі мақсаты — ауыл тұрғындарының тұрмыс сапасын жақсарту, ауылдық аумақтардың әлеуметтік ортасын жаңғырту, оларды өңірлік стандартқа дейін жеткізу. Жоба шеңберінде әлеуметтік және инженерлік инфрақұрылымдарды дамыту, ауыл халқының әлеуметтік игіліктер мен мемлекеттік қызметтерге қолжетімділігін қамтамасыз ету және жалпы жайлы өмір сүру ортасын қалыптастыру бойынша бірқатар міндеттердің шешімі табылатын болады.

Ж. Қасымбек алдағы жылдары ауылдық елді мекендерді басымдылау үшін есептеу көрсеткіштерінің әдістемесі мен моделі жетілдіріліп жатқанын мәлім етті. Өңірлік стандарттар – бұл азаматтардың өмір сүру сапасының көрсеткіштері. Оларға әлеуметтік игіліктер мен мемлекеттік қызметтер қолжетімділігінің нақты критерийлерінің тізімі, сондай-ақ өмір сүру үшін адамдарды қажетті инфрақұрылымдармен қамтамасыз ету кіреді. Мәселен, тірек ауылдарда салалық нормативтерге сәйкес келетін кем дегенде 19 ауылдық округ орталықтарында және 26 ауыл-аудан орталықтарында объектілер мен қызметтердің болуы көзделеді. Осыған байланысты инфрақұрылымдық жобаларды қолданыстағы мемлекеттік бағдарламалар шеңберінде іске асыру кезінде «бюджеттік сүзгі» (басымдықты қаржыландыру) қамтамасыз етіле отырып, тірек ауылдарды дамытуда кешенді тәсіл қолданылды.

Жобаны іске асыруға республикалық бюджеттен 2019–2021 жылдары 90 млрд теңге бөлу көзделген, оның ішінде 2019 жылы 30 млрд теңге бөлінетін болады.

Өңірлердегі әкімдіктермен бірлесіп биыл 52 ауылдық елді мекен іріктеп алынды, онда 454 іс-шара іске асырылатын болады, оның ішінде 247 іс-шара — көлік инфрақұрылымын дамытуға, 135 іс-шара – әлеуметтік инфрақұрылымды дамытуға және 72 іс-шара — тұрғын үй-коммуналдық шаруашылығын дамытуға бағытталған.

Басты назар ірі елді мекендерге – яғни жинақталған өзекті инфрақұрлымдық проблемаларды жылдам шешуді қажет ететін, халық саны көп аудан орталықтарына аударылды. Қаржыландырудың көлемі бір аудан орталығына орта есеппен шамамен 670 млн теңгені құрайды. Қазіргі уақытта жобаларды іске асыруға жергілікті бюджеттен 4,7 млрд теңге немесе 15,8% бағытталды.

Жобаны тиімді іске асыру үшін Вице-Премьер Ж. Касымбектің төрағалығымен Жобалық офис құрылды. Осы сияқты өңірлік офистер облыстарда әкімдердің төрағалығымен құрылатын болады. Өңірлік жобалық офистердің есебі әрбір екі апта сайын тыңдалатын болады. Жобаны тікелей үйлестіруді және әкімшілендіруді ҚР Ұлттық экономика министрлігі жүзеге асырады.

Сонымен қатар, Парламент және мәслихат депутаттарының, қоғам қайраткерлерінің, үкіметтік емес ұйымдар және бұқаралық ақпарат құралдары өкілдерінің қатысуымен жобаға қоғамдық мониторинг ұйымдастырылатын болады.

Үкімет желісі бойынша нақтыланған бюджет қабылданды. Жобаларды жүзеге асыру бойынша мақсатты трансферттер өңірлерге жолданатын болады.

Әкімдіктер, өз кезегінде, бөлінген қаражатты уақытылы әрі тиімді игеруді қамтамасыз етіп, жобаларды жүзеге асырудың тиісті рәсімдерін сапалы жүргізіп — конкурстарды жариялап, олардың тәжірибелік іске асырылуын бастауы қажет.

2025 жылға дейін «Ауыл – Ел бесігі» жобасын іске асыру даму әлеуеті жоғары (тірек ауылдар) 2 мыңға жуық ауылдық елді мекеннің әлеуметтік және инженерлік инфрақұрылымын жаңғыртуға мүмкіндік береді. Бұл, сондай-ақ, ауыл мен қала арасындағы, даму деңгейлері әртүрлі ауылдық елді мекендер арасындағы көші-қон процесіне оң әсер етеді.

7 жыл ішінде «кіші урбанизация» процестерін қамту және 2025 жылы халық саны 600 мың адамға өсіп, 6,1 млн адамға жететін тірек ауылдарда қолайлы өмір сүру ортасын құру көзделген.

«2019 жылы бастапқы кезеңде біз 52 облыс орталығын жаңғыртамыз, бұл 700 мыңға жуық адамеың немесе ауыл халқының 9%-ының тұрмыс сапасын жақсартады. 2025 жылға қарай барлық ауыл тұрғындарының 80%-ын өңірлік стандарттар жүйесіне сәйкес қажетті игіліктермен және қызметтермен қамтамасыз ету жоспарланған.», — деді Ж. Қасымбек.

Жүргізіліп жатқан шаралар ауылдық жерлерді дамытуға жаңа серпін береді және жалпы алғанда экономикаға оң әсер етеді.

www.primeminister.kz

ҚР Премьер-Министрі Асқар Маминнің төрағалығымен өткен Үкімет отырысында «Ауыл – Ел бесігі» жобасын іске асырудың тәсілдері мақұлданды.

Елбасы «Қазақстандықтардың әл-ауқатының өсуі: табыс пен тұрмыс сапасын арттыру» Жолдауында «Ауыл – Ел бесігі» жобасын жүзеге асыру арқылы ауылдардың әлеуметтік инфрақұрылымын жаңғырту міндетін қойды.

Перспективалық ауылдарды анықтау бойынша атқарылып жатқан жұмыстар туралы ҚР Премьер-Министрінің орынбасары Ж. Қасымбек баяндады. Жоба ауылдағы тұрмыс жағдайын жақсартуға, ауыл аумақтарының әлеуметтік ортасын жаңғыртуға, оларды өңірлік стандарттарға дейін жеткізуге бағытталған.

2019 жылы облыстардың әкімдіктері 454 іс-шара өткізу жоспарланған аудан орталықтары қатарынан 52 ауылдық елді мекенді іріктеп алды. Таңдап алынған ауылдардың перспективалары, жобаларды іске асыру белгілері мен жоспарлары туралы Алматы облысының әкімі А. Баталов, Қостанай облысының әкімі А. Мұхамбетов баяндады, бұл өңірлерде жобаларды жергілікті бюджеттен бірлесіп қаржыландырудың жоғары көрсеткіштері белгіленген. Жобаны одан әрі іске асыру мәселелері бойынша «Nur Otan» партиясының хатшысы Ф. Қуанғанов, ҚР еңбек және халықты әлеуметтік қорғау министрі Б. Сапарбаев ұсыныстарын жеткізді.

ҚР Үкіметінің басшысы баяндамаларды тыңдағаннан кейін, 2025 жылға дейін «Ауыл – Ел бесігі» жобасымен 6,1 млн тұрғыны бар 2 мыңға жуық елді мекен немесе барлық ауыл тұрғындарының 80% қамтылатынын атап өтті. Ауылдық елді мекендерді жаңғырту мақсатында әлеуметтік және инженерлік инфрақұрылыммен қамтамасыз етуді көздейтін өңірлік стандарттар әзірленген.

«Кіші урбанизация – ауылдарды жаңғыртуға және тұрғындардың тұрмыс сапасын арттыруға мүмкіндік жасайды», — деп Асқар Мамин, жобаны іске асырудың мақұлданған тәсілдерін тиімді орындауды, жобаны уақытылы қаржыландыру үшін тиісті нормативтік актілерді пысықтауды тапсырды.

Әкімдіктер «Ауыл – Ел бесігі» жобасын жергілікті бюджеттен бірлесіп қаржыландыруды 20% дейін арттыру мүмкіндігін қарауы тіис, сонымен қатар, бизнестің әлеуметтік жауапкершілігі аясында ауыл инфрақұрылымын жаңғыртуға қаражат тарту мәселесін ірі кәсіпорындармен бірлесіп пысықтап, туған ауылдарын көркейту бойынша меценаттармен жұмыс жүргізу қажет.

Бұдан өзге, әрбір өңірге «Жол картасын» жасау тапсырылды, онда іске асыру мерзімдері мен жауапты адамдар нақты көрсетілуі керек.

«Әлеуметтік инфрақұрылым объектілерін – мектептер, балабақшалар, денсаулық сақтау орындарын жөндеу, елді мекендердің ішіндегі жолдарды жөндеу жұмыстарын осы жылдың қыркүйегіне дейін аяқтау қажет», — деді ҚР Премьер-Министрі Асқар Мамин.

www.primeminister.kz

ҚР Премьер-Министрі Асқар Маминнің төрағалығымен өткен Үкімет отырысында Елбасының Бес әлеуметтік бастамасын іске асыру аясында студент жастарды жатақханалармен қамтамасыз ету мәселесі қаралды.

Атқарылып жатқан жұмыстар туралы ҚР білім және ғылым министрі К. Шәмшидинова баяндады, сондай-ақ жатақханалар салу бойынша белсенді жұмыстар жүргізіліп жатқан, тәжірибелерін басқа өңірлер үлгі ете алатын Жамбыл облысының, Нұр-Сұлтан, Шымкент қалаларының әкімдерінің баяндамалары тыңдалды.

ҚР Үкіметінің алдында 2022 жылға дейін 75 мың жаңа орынға арналған жаңа студенттік жатақханаларды пайдалануға беру міндеті тұр. Осы қажеттілікті шешуге қажет қаржы моделі әзірленген, ол оқу орындарының өз қаражаты немесе инвестор қаражаты есебінен жатақханаларды енгізуді және пайдалануға бергеннен кейін мемлекеттік тапсырысты орналастыруды қарастырады. Кәсіпкерлер үшін барлық мүмкіндіктер жасалған. Банктердің пайыздық мөлшерлемесі 7%-ға дейін төмендетіліп, құрылыс ережелері жеңілдетілді, мемлекеттік тапсырыс қаржы жағынан қамтамасыз етілді.

ҚР Премьер-Министрі А. Мамин аралық оң қорытындыларды атап өтті. Осы жылдың соңына дейін 9 мыңнан астам орын пайдалануға беріледі деп күтілуде, жоспардағысы — 5 мың орын.

«Жоғары деңгейдегі білім беру жүйесін құру үшін студенттердің тұру жағдайын жасау керек», — деді Асқар Мамин.

ҚР Үкіметінің басшысы жатақханаларды пайдалануға берудің нақты жоспарларын әзірлеп, орындауды қамтамасыз етуді тапсырды. Осы бағытта инвесторлармен жұмысты ұйымдастыру қажет. Жатақханалар салуды бірлескен күш-жігермен, мемлекеттік-жекеменшік әріптестік аясында жалғастыру қажет. Бұл ретте қолда бар тетікті негізге алып жұмыс істеу керек, себебі жатақханалар құрылысына бюджеттен қосымша қаражат бөлінбейді.

«Әкімдер ректорлармен және оқу орындарының басшыларымен бірлесіп, студенттер жатақханаларын салу жұмысын жандандырып, жоспарланған нысандарды уақытында тапсыруды қамтамасыз етсін, қымбат жобалық-сметалық құжаттама әзірлеуді тоқтатсын», — деп тапсырды ҚР Премьер-Министрі А. Мамин.

www.primeminister.kz

ҚР Премьер-Министрі А. Маминнің төрағалығымен өткен Үкімет отырысында Елбасының студент жастардың тұру жағдайын жақсарту жөніндегі тапсырмаларын орындау барысы қаралды.

ҚР білім және ғылым министрі К. Шәмшидинова Елбасының 75 мың орындық жатақхана салу туралы Үшінші бастамасын орындау мақсатында жоспарлы жұмыстар жүргізіліп жатқанын айтты. Өткен жылдың өзінде оқу орындары мен жергілікті бюджет есебінен 3 мыңнан астам орын енгізілді. Осы жобаға инвесторларды кеңінен тарту мақсатында «Атамекен» ұлттық кәсіпкерлер палатасымен бірге мемлекеттік-жекеменшік әріптестік қағидаларына негізделген арнайы тетік жүзеге асырылуда, қажетті нормативтік-құқықтық база қалыптастырылып, қаржы көлемі бекітілді. Жатақханалар құрылысымен айналысатын кәсіпкерлерге инженерлік коммуникациялары дайын жер телімдері беріліп жатыр.

«Мемлекет банктік несиенің 7%-ын субсидиялайды, жатақханалар құрылысына қойылатын талаптар жеңілдетілді. Бұл шаралар инвесторлар шығындарын қысқартып, жобалардың жалпы құнын төмендетуге мүмкіндік береді», — деп ҚР білім және ғылым министрі, жатақхана қолданысқа берілгеннен кейін 8 жыл қатарынан мемлекеттік тапсырыс орналастырылатынын айтты.

Нұр-Сұлтан қаласында жатақхана ақысын әкімдік тарапынан субсидиялау тетігі енгізілген. Бүгінгі таңда 19 мыңнан астам орынның енгізілуін қамтамасыз ететін 43 жоба іске асырылып жатыр. Олардың 20-сы кәсіпкерлердің, 24-і оқу орындарының, оның ішінде 13-і жеке меншік оқу орындарының бастамасымен жүзеге асады.

«Аталған жобалар аясында осы жылдың өзінде жоспарланған 5 мыңның орнына 9 196 орын енгізіледі. Яғни, жоспар 184%-ға орындалады», — деді К. Шәмшидинова. Өңірлердің арасында алдыңғы қатарда — Нұр-Сұлтан, Шымкент қалалары мен Жамбыл облысы.

Оның айтуынша, мемлекеттік жоғарғы білім ордаларымен салыстырғанда, жекеменшік оқу орындарының белсенділігі анағұрлым жоғары. Мысалы, биыл жекеменшік оқу орындары 8 жатақхананы енгізетін болса, мемлекеттік оқу орныдары небәрі 2 жатақхананы енгізбек.

«Өңірлерде жатақханалар құрылысын кеңінен тарату мақсатында инвесторлармен кездесулер өткізіледі, жобаның арнайы сайты іске қосылды. Биылғы мамыр–қыркүйек айларында инвесторларды кеңінен тарту үшін үздік жобалар акциясы өткізілетін болады», — деді білім және ғылым министрі.

Өңірлерде атқарылып жатқан жұмыстар туралы Жамбыл облысының әкімі А. Мырзахметов пен Шымкент қаласының әкімі Ғ. Әбдірахымов баяндады.

Өз кезегінде, ҚР Премьер-Министрінің орынбасары Г. Әбдіқалықова жатақханаларды уақытылы енгізу және студенттер үшін қолайлы тұру жағдайын қамтамасыз ету ұзақмерзімді міндет екенін атап өтті.

www.primeminister.kz

Қазақстан Республикасының Премьер-Министрі Асқар Мамин «Ресей темір жолдары» компаниясының бас директоры, басқарма төрағасы О. Белозеровпен кездесу өткізді. Мәселені талқылауға ҚР индустрия және инфрақұрылымдық даму министрі Р. Скляр, «Қазақстан темір жолы» ұлттық компаниясының басқарма төрағасы С. Мыңбаев қатысты.

Кездесу барысында Қазақстан мен Ресейдің көлік-логистикалық жүйелері арасындағы ынтымақтастықты одан әрі тереңдету және кеңейту, бірлескен транзиттік әлеуетті дамыту және жолаушылар мен жүк тасымалдаудың тиімділігін арттыру мәселелері қаралды.

«РТЖ» ААҚ бас директоры О. Белозеров қазақстандық әріптестермен өзара қарым-қатынас ресейлік темір жол жүйесі үшін аса маңызды екенін атап өтті. Елдер арасындағы жүк тасымалы соңғы уақытта айтарлықтай ұлғайды.

«Осы жылдың қаңтар–наурыз айларында транзиттік тасымалдар өткен жылдың сәйкес кезеңімен салыстырғанда 51%-ға артты, және біз ынтымақтастықты кеңейте түсуге ниеттіміз», — деді О. Белозеров.

2018 жылы Қазақстан мен Ресей арасындағы жүк тасымалдау көлемі 2017 жылмен салыстырғанда 467,7 мың тоннаға артып, 85,4 млн тоннаны құрады. Биылғы І тоқсанның қорытындысы бойынша жүк тасымалдарының көлемі 21 млн тоннаны құрады.

ҚР Премьер-Министрі А. Мамин Қазақстанның өзара тиімді шарттармен сындарлы ынтымақтастықты кеңейте түсуге ниетті екенін атап өтті. Сонымен бірге, ҚР Үкіметінің басшысы «Бір белдеу, бір жол» жобасының аясында екі елдің темір жол жүйелерінің бірлесіп қатысуының үлкен әлеуетін айтып өтті.

Жалпы алғанда, тараптар қазіргі өзара іс-қимылды нығайтуды жалғастыруға және ынтымақтастықтың жаңа бірлескен бағыттарын іске асыру жөніндегі жұмыстарды жандандыруға ниет білдірді.

www.primeminister.kz

Бүгін ҚР Премьер-Министрінің орынбасары Г. Әбдіқалықованың жетекшілігімен Үкіметтік делегация Алматы қаласында Елбасының «Әлеуметтік қамқорлық» жаңа әлеуметтік шараларының негізгі бағыттарын түсіндіру жұмысын жалғастырды.

Түске дейін Вице-Премьер Г. Әбдіқалықова, ҚР еңбек және халықты әлеуметтік қорғау министрі Б. Сапарбаев, қала әкімі Б. Байбек «Бақытты отбасы» және «Белсенді ұзақ өмір» жол карталарының іске асырылуы жөнінде кеңес өткізді.

ҚР Тұңғыш Президенті – Елбасы Н. Назарбаевтың тапсырмасы бойынша елімізде жаңа әлеуметтік саясат іске асырылып жатыр. Басты міндет — азаматтардың тұрмыс сапасы мен әл-ауқатын арттыру.

Бүгінде қалада көп балалы аналар мен қарт адамдарды қолдауға бағытталған «Бақытты отбасы» және «Белсенді ұзақ өмір» жол карталары жүзеге асырылып жатыр. 13 шара қарастырылған Жол картасы бекітілді. Жұмысы «бір терезе» қағидасы бойынша жүргізілетін «Бақытты отбасы» орталығы ашылуда. Онда заңгерлер, психологтар, жаттықтырушылар және т.б. жұмыс істейтін болады. «Бақытты отбасы» қайырымдылық қоры құрылып, меценаттар мен жұртшылықтың арқасында 131 млн теңгеден астам қаражат жинап үлгерді. 1 мыңнан астам отбасыға материалдық көмек көрсетілді.

Алматы елімізде алғаш болып «Бақытты отбасы» жеңілдетілген тұрғын үй бағдарламасын іске қосты. Мамыр айында 30 отбасыны баспанамен қамтамасыз ету жоспарланып отыр. Қазіргі әлеуметтік төлемдердің мөлшері өсті. Атап айтқанда, өмірдің қиын жағдайына тап болған азаматтарға берілетін бір жолғы әлеуметтік көмек 10 айлық есептік көрсеткіштен (25 250 теңге) 20 айлық есептік көрсеткішке дейін (50 500 теңге) көбейді. Бұл шарамен 10 мыңнан астам отбасы қамтылатын болады.

Содан кейін Г. Әбдіқалықова және Б. Сапарбаев аудандардың әкімдерімен, ірі кәсіпорындардың, бизнес-құрылымдар мен кәсіподақ ұйымдарының басшыларымен кездесу өткізіп, онда әлеуметтік әріптестік мәселелерін талқылады.

2015 жылдан бастап бизнестің әлеуметтік жауапкершілігі аясында 25,7 млрд теңгеге 40-тан астам жоба іске асырылып келеді. Бүгінде 21,6 млрд теңге сомасына 32 жоба іске асырылды. 7 балабақша, 1 емхана, фельдшерлік-акушерлік пункт және т.б. салынды.

Вице-Премьер көп балалы аналармен кездесуде мемлекет азаматтардың аз қамтылған санаттарына әлеуметтік қолдау көрсетуге бағытталған шаралар қабылдап жатқанын атап өтті. 1 сәуірден бастап атаулы әлеуметтік көмек көрсету критерийлері ең төменгі күнкөріс деңгейінің 70%-на дейін артып, 20 789 теңгені құрады, мамыр айынан бастап жалға берілетін тұрғын үй бөліне бастайды, ал 1 маусымнан бастап бюджет саласының жалақысы төмен қызметкерлерінің еңбекақысы көбейеді. Білім беру және денсаулық сақтау жүйесіндегі қызметтердің сапасын арттыру бойынша шаралар қабылданатын болады. Сондай-ақ жұмыс тобының мүшелері жаңа әлеуметтік саясат аясында іске асырылып жатқан жаңалықтар туралы ақпарат берді.

С. Асфендияров атындағы Ұлттық медицина университетінің жатақханасын аралау барысында Премьер-Министрдің орынбасары «Елбасының бес әлеуметтік бастамасын» іске асыру аясында ҚР Тұңғыш Президентінің тапсырмасының орындалу барысымен танысты.

Гүлшара Әбдіқалықова жұмыс сапарының соңында жоғары оқу орындарының ректорларымен кездесу өткізді. Кездесуде студент жастардың өмір сүру жағдайын жақсарту жөніндегі үшінші бастаманың іске асырылуы туралы ақпарат тыңдалды, жоғары білім берудегі өзекті мәселелер талқыланды.

Жоғарыда аталған бастаманы орындау үшін қалада студенттер жатақханаларын салу жұмысы жалғасуда. 39 жоғары оқу орны жұмыс істейді, онда 149 мың адам білім алады, оның 92 мыңнан астамы басқа қалалардан келген студенттер. Барлығы 95 жатақханада 30 мың (33%) студент тұрады.

2018 жылы жоғары оқу орындарының өз қаражатының есебінен 1200 орынға арналған 3 жатақхана пайдалануға берілді. 2019 жылы да өз қаражаттары есебінен 2 340 орынға арналған 5 жатақхананы аяқтау жоспарда бар.

Кездесудің қорытындысы бойынша ҚР Премьер-Министрінің орынбасары Г. Әбдіқалықова жатақханаларды уақытылы және сапалы пайдалануға беруді қамтамасыз ету, студенттерге қолайлы жағдайлар жасау үшін қажетті шаралар қабылдау жөнінде жоғары оқу орындарының ректорларына, мемлекеттік органдардың басшыларына бірқатар нақты тапсырмалар берді.

www.primeminister.kz

ҚР Премьер-Министрі Асқар Мамин Түркістан облысына жұмыс сапары барысында ҚР Тұңғыш Президенті – Елбасы Нұрсұлтан Назарбаевтың Түркістан қаласын түркі әлемінің мәдени-рухани орталығы ретінде дамыту жөнінде берген тапсырмаларының орындалу барысын бақылап, биыл 23 наурызда өңірге жұмыс сапары аясында ҚР Президенті Қасым-Жомарт Тоқаев берген тапсырмаларды ескере отырып, қала құрылысын жалғастырудың кешенді мәселелерін қарады.

Үкімет басшысы қаланың әкімшілік-іскерлік орталығында облыс әкімдігі, басқармалар мен департаменттер ғимараттары, Медиа орталық, Конгресс-холл салынатын құрылыс алаңдарында болды. Қала құрылысының басым бағыты — әлеуметтік маңыздағы нысандарды: стадион, Оқушылар сарайын, Халыққа қызмет көрсету орталығын салу. Музыка мектебін, бассейні бар спорт сарайын, облыстық ғылыми-әмбебап кітапхана салу жобалары дайындық сатысында тұр. Халықтың қолайлы өмір сүруін қамтамасыз ету мақсатында өңірді абаттандыру нысандарын дайындау жұмыстары жүргізілуде, олар: Тұңғыш Президент паркі, аттракциондары бар қала саябағы, музыкалық фонтан, амфитеатр, арбат. Барлық құрылыс жұмыстары кестеге сәйкес жүргізіліп жатыр және белгіленген мерзімде аяқталады.

ҚР Премьер-Министрі А. Мамин жұмыс сапары аясында облыс орталығының кіру қақпаларымен қаланы байланыстыратын Б. Саттарханов даңғылының учаскесін тексерді, оны реконструкциялау жұмыстары жүргін бөлікті 18 метрге дейін кеңейтуге мүмкіндік береді. ҚР Үкіметінің басшысы Түркістан қаласының маңында «жасыл белдеу» құру, ирригациялық жүйені дамыту бойынша жұмыстарды тексерді. «Арыс – Түркістан» каналының реконструкциясының және «Машинный» каналы құрылысының жоспары қаралды. Жобаларды іске асыру суаратын су тапшылығы мәселесін толық шешіп, ауыл шаруашылығы өнімдерін өндірудің жыл сайынғы көлемін арттыруға мүмкіндік береді. Индустриялық аймақ аумағын кеңейту және «TURKISTAN» АЭА іске қосу жобалары таныстырылды. Инфрақұрылымды жолға қою жеке инвестициялар ағымын тартуға мүмкіндік береді деп болжанған.

Қаланың тарихи-мәдени бөлігін дамытуға ерекше назар аударылды. ҚР Премьер-Министрі Қ. А. Яссауи музейінің, Туристік визит-орталықтың, тарихи сәулет формасындағы Шығыс моншасының құрылысы жүріп жатқан жерлерді аралады. Өңір әкімдігі «Әзірет Сұлтан» музей-қорығының аумағын абаттандыру және қалашықтың тарихи нысандарын реставрациялау жұмыстарының жоспарымен таныстырды.

Нысандарды аралау қорытындысы бойынша ҚР Премьер-Министрі Асқар Мамин Түркістан қаласының 2019–2020 жылдарға арналған кешенді құрылыс және дамыту жоспарын іске асыру мәселелері жөнінде жұмыс кеңесін өткізді.

Түркістан облысының әкімі Ө. Шөкеев құрылыс, тарихи- мәдени нысандарды реконструкциялау, тұрғын үй мәселелерін шешу, инженерлік-коммуникациялық инфрақұрылым жүргізу, жолдардың сапасын арттыру, туризм, ауыл шаруашылығы салаларын, арнайы экономикалық аймақты дамыту қарқындары туралы баяндады.

Осы жылдың соңына дейін Түркістан қаласының әкімшілік-іскерлік орталығында 52 көппәтерлі тұрғын үй пайдалануға беріледі, бұл — 2300-ден астам пәтер, олардың ішінде 1200 отбасы, соның ішінде 270 аз қамтылған көп балалы отбасы «Нұрлы жер» бағдарламасы бойынша баспанамен қамтамасыз етіледі. Ұзындығы 82,5 шақырым болатын 69 көшені жөндеу, ұзындығы 42,2 шақырымдық 47 көшені абаттандыру, сондай-ақ ұзындығы 12,8 шақырым болатын велосипед жолын салу жұмыстары басталды. Өңірді газдандыру үшін 31,1 км магистральдық газ құбыры салынады, 2020 жылға қарай қаланы табиғи газға 100% қосу көзделген. Жалпы алғанда, құрылыс жұмыстарына 400-ден астам техника жұмылдырылып, 3500 адам жұмысқа тартылған. Жазғы кезеңде қосымша 2500 адамды жұмыспен қамту жоспарда бар.

Түркістан қаласының аумағындағы жекелеген нысандардың әлемдік маңызын ескере отырып, кеңеске халықаралық сарапшылар тобының мүшелері: Дүниежүзілік мұра объектілерін сақтаудың жай-күйін бағалау бойынша Ескерткіштер мен объектілер жөніндегі халықаралық кеңестің (ICOMOS) аға сарапшысы, профессор Михаэль Янсен (Германия), CIPA мұра құжаттары жөніндегі ғылыми комитетінің ICOMOS сарапшысы, доктор Она Вилейкис Тамайо (Канада) қатысты. ҚР мәдениет және спорт министрі А. Мұхамедиұлы сарапшылармен бірлесіп, Қ. А. Яссауи ескерткішінің жағдайы, бекініс қабырғасын қайта қалпына келтіру және реставрациялау жұмыстарының Кесененің көрнекі қабылдануына әсері зерделеніп жатқанын мәлімдеді.

Индустрия және инфрақұрылымдық даму бірінші вице-министрі Қ. Өскенбаев, энергетика вице-министрі М. Мырзағалиев Түркістан қаласының көлік, инженерлік-коммуникациялық инфрақұрылым, энергиямен, газбен және жылумен қамту желілерін дамыту туралы баяндады. Түркістан қаласындағы нысандарды жүзеге асыруға жауапты Ақтөбе, Павлодар, Батыс Қазақстан, Солтүстік Қазақстан облыстарының және Нұр-Сұлтан, Алматы қалалары әкімдерінің орынбасарларының есептері тыңдалды.

«Күшейтілген жұмыс режимін енгіземіз», — деп Үкімет басшысы, «екі апта ішінде құрылыс жұмыстарын тәулік бойғы режимге көшіруді» тапсырды.

Нысандарды уақытылы пайдалануға беру өңірдің әлеуметтік-экономикалық дамуын қамтамасыз етуге, қаланың түркі дүниесінің аса дамыған мәдени-рухани және туристік орталығы ретінде қалыптасуына жол ашады.

www.primeminister.kz

Мұрағат

Мамыр
2019
ДсСсСрБсЖмСнЖк
12345
6789101112
13141516171819
20212223242526
2728293031

Мемлекеттік орган басшыларының блог-тұғырнамасы

Өту