ҚР Президенті Нұрсұлтан Назарбаев Сыртқы істер министрі Бейбіт Атамқұловты қабылдады.

Кездесу барысында Мемлекет басшысына еліміздің сыртқы саясатын одан әрі экономикаландыра түсу жөніндегі жұмыс жоспары мен министрлік алдында тұрған міндеттердің орындалуы туралы мәлімет ұсынылды.

Нұрсұлтан Назарбаев еліміздің сыртқы саясатын экономикаландырудың және сыртқы саяси бағытымызды әрі қарай тиімді жүзеге асырудың маңыздылығына тоқталды.

- Күн тәртібіндегі халықаралық мәселелерді де ұмытпауымыз керек. Сыртқы істер министрлігінің міндеті - еліміздің сыртқы саясатын және бейбітшілік пен тату көршілік саясатын белсенді жүргізу. Бастаған ісіміздің бәрін одан әрі жалғастыру қажет, - деді Қазақстан Президенті.

Бейбіт Атамқұлов Мемлекет басшысына инвестициялық жобаларды ілгерілету жұмыстарына жүргізілген талдау нәтижелері мен министрліктің орталық аппаратының қызметін қайта түзу мәселелері жөнінде мәлімдеді.

Сыртқы істер министрі Қазақстанның дипломатиялық миссияларын сыртқы саясатты экономикаландыру жөніндегі жаңа міндеттерге сәйкес жұмыстарға бейімдеу үшін қабылданған шаралар туралы баяндады, сондай-ақ ел экспортының бағыттарын қайта қарастыру үдерісі жөнінде айтты.

Елбасы кездесу қорытындысы бойынша бірқатар нақты тапсырма берді.

ҚАЗАҚПАРАТ

Бұл туралы ҚР Үкіметінің баспасөз орталығында өткен баспасөз конференциясында ҚР индустрия және инфрақұрылымдық даму бірінші вице-министрі Роман Скляр хабарлады.

«Индустрияландыру жылдары $29,6 мыңнан $31,4 мыңға дейін өсім болды (3,6% өсім). Еңбек өнімділігіне көптеген факторлар ықпал ететіні сөзсіз, дегенмен мемлекет жан-жақты қолдау көрсетуде, және біз бұның нәтижесін көріп жатырмыз. Кез келген жаңғырту жұмыстары, цифрлық технологияларды енгізу шығарылатын өнімнің бәсекеге қабілеттігінің маңызды факторы болып табылатын еңбек өнімділігінің ұлғаюына жол ашады. Осы жолда біз үздіксіз жұмыс атқарып жатырмыз», — деді Р. Скляр.  

Сонымен қатар, индустрия және инновациялық даму бірінші вице-министрі өнімділік өсімін шектейтін факторлардың бірі — өңдеу өнеркәсібі салаларын дамытудың технологиялық деңгейі екенін атап өтті.

«Мемлекет кәсіпорындарымызды қолдау үшін түрлі ынталандырушы құралдарды пайдалануда. Мәселен, “Өнімділік-2020” бағдарламасы біз қолданатын бірқатар тетікті қарастырады. Биыл жаңа технологияларды енгізгені үшін 500 млн тг жуық өтемақы төленді, сондай-ақ, ғылыми-зерттеу және тәжірибелік конструкторлық жұмыстар үшін субсидиялар қарастырылған, сондай-ақ, кәсіпорындарға технологиялық қайта жарақтандырылып, бәсекеге қабілетті болуға мүмкіндік беретін Қазақстанның даму банкі арқылы лизингтік несиелендіру қарастырылған. Бұдан өзге, экспортты қолдау бойынша арнайы бағдарламалар сыртқы нарықтарға шығу кезінде кәсіпорындарды ынталандырады, бұл еңбек өнімділігінің артуына жол ашады», — деп Р. Скляр, министрліктің міндеті – кәсіпорындарға мемлекеттік қолдаудың барлық тетіктерін ұсыну екенін атап өтті.  

www.primeminister.kz

Бүгін ҚР Үкіметі отырысының қорытындысы бойынша өткен баспасөз конференциясында индустрия және инфрақұрылымдық даму бірінші вице-министрі Роман Скляр еңбек өнімділігін арттыру бойынша қабылданып жатқан шаралар және өңдеу өнеркәсібін дамытудың алдағы жоспарлары туралы айтып берді.

Р. Склярдың айтуынша, бүгінде еңбек өнімділігінің одан әрі дамуы үшін ИИДМБ үшінші бесжылдығының тұжырымдамасы әзірленіп жатыр.

«Бұл тұжырымдамада біз қазіргі заманның барлық сын-тегеурінін ескеруге тырыстық. Өнімділікті ұлғайта алмайтын кәсіпорынның бәсекеге қабілетті болмайтыны анық. Бұл үшін не істеу керек? Ол үшін өндірістік процестерді автоматтандырып, цифрландыруды енгізіп, экспортты ұлғайту мақсатында кәсіпорындарды мемлекеттік қолдау шараларымен ынталандыру қажет», — деді бірінші вице-министр.

Оның айтуынша, жаңа индустриялық-инновациялық даму бағдарламасында еңбек өнімділігін ұлғайтуға мүмкіндік беретін бірқатар жаңа тетіктер қарастырылады. Өздерінің кәсіпорындарында экспорттық әлеуетті ұлғайту, еңбек өнімділігін арттыру, өндірісті автоматтандыру, Индустрия 4.0 элементтерін енгізу, экологиялық жағдайды жақсартуға және т.б. қатысты бағдарлама ұсынатын кәсіпорындар үшін мемлекеттік қолдау шаралары күшейтіледі.

«Үшінші бесжылдық экономиканың жоғары экологиялық салаларында, өңдеу өнеркәсібінде серпілісті болады деп көздеп отырмыз. Жақын арада оның нәтижелерін көреміз», — деп қорытындылады Р. Скляр.

www.primeminister.kz

Бүгін ҚР Премьер-Министрі Бақытжан Сағынтаевтың төрағалығымен өткен Үкімет отырысында коммуналдық қызметтер тарифтерін төмендету мәселесі қаралды. Қабылданып жатқан шаралар туралы ұлттық экономика министрі Тимур Сүлейменов баяндады.

Еске сала кетейік, бұған дейін ҚР Премьер-Министрі Бақытжан Сағынтаев барлық қазақстандықтар Мемлекет басшысының коммуналдық қызметтер тарифтерін төмендету жөніндегі тапсырмасын орындау нәтижесін сезінуі тиіс екендігін айтқан болатын. Атап айтқанда, өңірлердің әкімдеріне Ұлттық экономика министрлігімен бірлесе отырып, 2019 жылдың 1 қаңтарына дейін ПИК қызметтері мен әкімдіктер басқаратын басқа да коммуналдық қызметтер тарифтерін төмендету туралы тиісті шешім қабылдау тапсырылды.

Атқарылған жұмыстар туралы ұлттық экономика министрі Т. Сүлейменов баяндады.

«ПИК қызметтерінің тарифі 2,2%-дан 20%-ға дейін, қоқысты шығару қызметі 1%-дан 24,7%-ға, ал лифт қызметтері бойынша тарифтер 3%-дан 50%-ға дейін арзандады», – деді министр. Сондай-ақ, ҚР ҰЭМ «ҚазТрансГаз Аймақ» АҚ-мен бірлесе отырып, Атырау және Қызылорда облыстарының тұрғындарына газ бағасын төмендету туралы уағдаластыққа қол жеткізді.

Мәселені қарау қорытындысы бойынша Премьер-Министр Бақытжан Сағынтаев аталған мәселені 1 қаңтардан бастап бақылауға алуды тапсырды. Тұтынушыларға көрсетілетін қызметтердің тарифтері төмендетілуі тиіс. Бұл жұмыс жалғасын табуы керек.

1. Ақмола облысының әкімдігі келесі тарифтерді төмендетуді жоспарлап отыр: ПИК қызметі үшін — 3%; қоқыс жинау — 5%; лифт қызметі — 5%.

2. Ақтөбе облысының әкімдігі келесі тарифтерді төмендетуді жоспарлап отыр: ПИК қызметтеріне — 7,3%; қоқыс жинау — 1%; лифт қызметтері — 10%.

3. Алматы облысының әкімдігі келесі тарифтерді төмендетуді жоспарлап отыр:ПИК қызметтері үшін — 11,06%; қоқыс жинау — 12,34%; лифт қызметі — 15,93%.

4. Атырау облысының әкімдігі келесі тарифтерді төмендетуді жоспарлап отыр: ПИК қызметі үшін — 4%; қоқыс жинау — 4%; лифт қызметі — 5%.

5. Шығыс Қазақстан облысының әкімдігі келесі тарифтерді төмендетуді жоспарлап отыр: ПИК қызметі бойынша — 8,3%; қоқыс жинау бойынша қызметтерге — 4,2%; көтергіш қызметтерге — 4,3%.

6. Жамбыл облысы әкімдігі келесі тарифтерді төмендетуді жоспарлап отыр: ПИК қызметі үшін 20%; қоқыс жинау — 5%; лифт қызметтері — 7,1%.

7. Батыс Қазақстан облысының әкімдігі келесі тарифтерді төмендетуді жоспарлап отыр: ПИК қызметтері — 5%; қоқыс жинау — 10%; лифт қызметтері — 7%.

8. Қарағанды ​​облысының әкімдігі келесі тарифтерді төмендетуді жоспарлап отыр: ПИК қызметі үшін 3% дейін; қоқыс жинау орташа алғанда 10%-ға дейін; лифт қызметтері 5%-ға артты.

9. Қостанай облысының әкімдігі жылдың басынан бастап тарифтерді төмендетуді жоспарлап отыр: ПИК қызметтері үшін 3%-дан 8%-ға дейін; қоқыс жинау 5%-дан 10%-ға дейін; лифт қызметтері 5% дейін.

10. Қызылорда облысының әкімдігі тарифті төмендетті: ПИК қызметі үшін 5%; қоқыс жинау — 2% (лифт қызметтері тегін).

11. Маңғыстау облысының әкімдігі тарифтерді төмендетуді жоспарлап отыр: ПИК қызметіне 3-5%; қоқыс жинау — 5%; лифт қызметтері — 3%.

12. Павлодар облысының әкімдігі тарифтерді төмендетуді жоспарлап отыр:

Павлодар қаласы бойынша: ПИК қызметі бойынша — 4,9%; қоқыс жинау — 5%; лифт қызметі — 5,3%.

Екібастұз қаласында: ПИК қызметі үшін — 2,21%; қоқыс жинау — 5,04%; лифт қызметтері — 9%.

Ақсу қаласы: ПИК қызметі үшін — 4%; қоқыс жинау — 24,7%; лифт қызметтері — 13,6%.

13. Солтүстік Қазақстан облысының әкімдігі келесі тарифтерді төмендетуді жоспарлап отыр: ПИК қызметі үшін — 5%; қоқыс жинау — 5%; лифт қызметі — 5%.

14. Түркістан облысының әкімдігі келесі тарифтерді төмендетуді жоспарлап отыр: ПИК қызметтері үшін —10%; қоқыс жинау — 2,1% (жеке тұлғалар үшін) және 23,4% (заңды тұлғалар үшін); лифт қызметтері — 50%.

15. Астана қаласы әкімдігі келесі тарифтерді төмендеуді жоспарлап отыр: ПИК қызметтері үшін — 5%; қоқыс жинау — 5%; абоненттік төлем үшін лифт қызметтері — 5% және карточкалық жүйе бойынша — 5,6%.

16. Алматы қаласы әкімдігі келесі тарифтерді төмендетуді жоспарлап отыр: лифт қызметтері үшін — 8,5%; ПИК-тің қосымша қызметтерін түбіртектерден шығарып тастауына байланысты, қала тұрғындарының жалпы шығындарын 6%-ға төмендетті.

17. Шымкент қаласының әкімдігі келесі тарифтерді төмендетуді жоспарлап отыр: ПИК қызметі үшін — 11%; қоқыс жинау — 12%; лифт қызметтері — 10%.

www.primeminister.kz

ҚР Премьер-Министрі Бақытжан Сағынтаевтың төрағалығымен өткен Үкімет отырысында өңдеу секторында еңбек өнімділігін арттыру мәселесін қарау барысында энергетика вице-министрі Б. Ақшолақов мұнай өңдеу және мұнай-газ химиясы саласында өнімдер өндірісі бойынша атқарылып жатқан жұмыстар туралы баяндады.

Энергетика министрлігінің деректеріне сәйкес, 2018 жылдың І жарты жылдығының қорытындысы бойынша мұнай өңдеу саласындағы еңбек өнімділігі $89,6 мың/адамды, 2017 жылдың сәйкес кезеңімен салыстырғанда нақты өсім 114,2% құрады. Еңбек өнімділігі отандық мұнай өңдеу зауыттарының (Атырау МӨЗ, Павлодар МХЗ, Шымкент МӨЗ және «Каспи Битум» ЖШС) негізгі мұнай өнімдерін өндіруі есебінен ұлғайтылды.

«2018 жылдың 6 айында 1713,6 мың т автобензин, 119,1 мың т авиакеросин, 2093 мың т дизель отыны және 375 мың т битум өндірілді. 2018 жылы 3,9 млн т автобензин (2017 жылға 130,9%), 389 мың тонна авиакеросин (2017 жылға 128,4%), 4,4 млн тонна дизель отыны (2017 жылға 110,2%), 2,59 млн т мазут (2017 жылға 78,96%) және 823 мың т битум (2017 жылға 112,6%) өндірісі күтілуде», — деді Б. Ақшолақов.

2018 жылдың І жарты жылдығының қорытындысы бойынша мұнай-газ химиясы саласындағы еңбек өнімділігі $8,2 мың/адамды, 2017 жылдың сәйкес кезеңіне нақты өсім — 109,7% құрады. Энергетика вице-министрінің айтуынша, негізінен еңбек өнімділігінің артуы полипропилен және метил-трет-бутил эфирінің өндірісін ұлғайту есебінен қамтамасыз етілген.

Жалпы мұнай-газ химиясы саласында 2018 жылдың 6 айында 7,6 мың т бензол, 16,6 мың т полипропилен, 12,4 мың тонна метил-третбутилді эфир өндірілді.

Осы жылдың қараша айында параксилол өндірісі басталды және 6,1 мың т көлемінде өндіру күтілуде. Бензол өндірісі — 11,3 мың т, полипропилен — 27,3 мың т, 18,3 мың т — метил-третбутилді эфир өндірісі күтілуде.

«Жалпы еңбек өнімділігі тұрақты ұлғаюда. Осы бағыттағы жұмысты одан әрі жалғастырамыз», — деп түйіндеді вице-министр.

www.primeminister.kz

Бүгін ҚР Премьер-Министрі Бақытжан Сағынтаевтың төрағалығымен өткен Үкімет отырысында ауыл шаруашылығы бірінші вице-министрі А.Евниев агроөнеркәсіптік кешеннің өңдеу өнеркәсібіндегі еңбек өнімділігін арттыру бойынша қабылданған шаралар туралы баяндады.

Осы жылың 11 айында азық-түлік өнімдерін өндіру көлемі 1,7%-ға артып, 1,4 трлн теңгеге жетті.

ҚР АШМ деректері бойынша, 2018 жылдың қаңтар-қараша айларында 2017 жылдың сәйкес кезеңімен салыстырғанда ұн өндірісі 2,7%-ға, дәнді дақылдар 17,8%-ға, маргарин — 6,9%, шұжық өнімдері — 0,6%, өнделген сүт — 8%, қатты ірімшік — 15,1%, өңделген және консервіленген жемістер мен жаңғақтар — 82%, крекер және печенье өндірісінің көлемі 5,1%-ға артқан.

«2018 жылдың қаңтар-маусым айларында еңбек өнімділігі $13,3 мың/адамды құрады. Өңделген ауыл шаруашылығы өнімдерінің экспорты $707,1 млн болды, өткен кезеңмен салыстырғанда 13%-ға өскен», — деді А. Евниев.

Айта кету керек, АӨК дамытудың мемлекеттік бағдарламасында мақсатты индикаторлардың бірі азық-түлік өндірісіндегі негізгі капиталға салынған инвестициялардың нақты көлем индексінің 2015 жылмен салыстырғанда нақты көрсеткіште 22%-ға өсуі болып табылады.

www.primeminister.kz

Бүгін ҚР Премьер-Министрі Бақытжан Сағынтаевтың төрағалығымен өткен осы жылдың соңғы Үкімет отырысында өңдеу өнеркәсібіндегі еңбек өнімділігін арттыру мәселелері қаралды. Индустрия және инфрақұрылымдық даму министрі Ж. Қасымбек баяндама жасады.

Еңбек өнімділігі еліміздің бәсекеге қабілеттілігінің маңызды факторы. Индустрия және инфрақұрылымдық даму министрі Жеңіс Қасымбек министрлік жетекшілік ететін экономиканың негізгі салалары бойынша биыл бірінші жартыжылдықта өткен жылдың сәйкес кезеңімен салыстырғанда оң серпін байқалады. Көлік саласында көрсеткіш — 3,1%, құрылыста — 9,3%,өнеркәсіпте көрсеткіш 4,3%-ке өсті.

«Өнеркәсіп салаларындағы өсім тау-кен өнеркәсібінде (өсім 9,1%-ке), сондай-ақ сумен жабдықтауда (өсім 3,3%-ға) байқалып отыр. Өңдеу өнеркәсібіндегі еңбек өнімділігінің индексі 98,2%-ды құрады. Өнімділік машина жасауда 11,5%-ға, химия өнеркәсібінде 9,2%-ға және жеңіл өнеркәсіпте 1,6%-ға ұлғайды», — деді Ж. Қасымбек.

2018 жылдың жартыжылдығының қорытындысы бойынша жұмыспен қамтылғандар саны 45,1 мың адамға немесе 2017 жылдың сәйкес кезеңімен салыстырғанда 8,9 %-ға өсті (505,5-тен 550,6 мың адамға дейін – өзін-өзі жұмыспен қамтығандарды есептемегенде).

Өз баяндамасында индустрия және инфрақұрылымдық даму министрі саладағы еңбек өнімділігін одан әрі арттыру мақсатында өңірлерде жұмысты күшейту қажеттігін атап өтті. Бұл — қаржылық қолдау құралдарын дамыту арқылы кәсіпорындарды жаңғыртуды инвестициялауға ынталандыру қажет. Көлемі мен ұзақ мерзімді қаржыландыру қолжетімділігін арттыру, озық жабдықтар мен технологияларды пайдалану тұрғысынан мемлекеттік қолдау алатын жобаларға қойылатын талаптарды күшейту керек. Бұдан өзге, Ж. Қасымбектің айтуынша, өнеркәсіпті цифрландыру бойынша жоспарланған шараларды іске асыруды жалғастыру, оның ішінде кәсіпорындарға қойылатын технологиялық талаптар мен стандарттарды арттыру қажет.

Жалпы, еңбек өнімділігі мәселелері ҚР индустриялық-инновациялық дамытудың 2020–2025 жылдарға арналған тұжырымдамасын әзірлеу кезінде ескерілді. Еңбек өнімділігі Индустрияландырудың үшінші бағдарламасының негізгі индикаторларының бірі болып айқындалды.

Өңірлерде жүргізіліп жатқан жұмыстар туралы Алматы облысының әкімі А. Баталов, Ақтөбе облысының әкімі Б. Сапарбаев, Шығыс Қазақстан облысының әкімі Д. Ахметов, Солтүстік Қазақстан облысының әкімі Қ. Ақсақалов, Жамбыл облысының әкімі А.Мырзахметов, Астана қ. әкімі Б. Сұлтанов, Атырау облысы әкімінің бірінші орынбасары С. Шапкенов баяндады.

Мәселені қарау қорытындысы бойынша Премьер-Министр Бақытжан Сағынтаев Индустрияландыру күнінде сөз сөйлеген кезде Елбасы өнеркәсіптегі еңбек өнімділігін ұлғайту мақсатында өңірлердің рейтингін мерзімді түрде жүргізіп тұруға тапсырма берді. Алға қойылған нақты міндет орындалуы тиіс.

www.primeminister.kz

ҚР мәдениет және спорт министрі Арыстанбек Мұхамедиұлы Үкіметтің баспасөз орталығында өткен баспасөз мәслихатында жыл бойы ұлттық құрамалар 570 спорттық жарыстарға қатысып, еліміз үшін 677 медаль (196 алтын, 187 күміс және 294 қола медаль) жеңіп алғанын хабарлады. Сондай-ақ, заңнамалық бастамаларды қабылдау бұқаралық спортты дамытуды күшейтпек.

Мемлекет басшысы «Қазақстандықтардың әл-ауқатының өсуі: табыс пен тұрмыс сапасын арттыру» атты Жолдауында бұқаралық спорт пен дене шынықтырудың қолжетімділігін арттыру міндетін қойды.

«Бұқаралық спорт бар жерде нәтиже де бар. Қазір қолға алған қадамдарымыз жақын болашақта жемісін беретініне сенімдімін. Биыл Оңтүстік Кореяның Пхенчхан қаласында XXIII қысқы Олимпиада ойындарында ұлттық құрамалар сәтті өнер көрсетті. Қазақстан спортшыларды сырттан тартқан жоқ, біздің саясатымыз – өз елімізде өз чемпиондарымызды тәрбиелеу. Әрине, бұл белгілі бір уақытты қажет етеді, бірақ біз дұрыс бағытта жүріп келеміз», — деді А. Мұхамедиұлы.

Айта кету керек, Қазақстан Пхёнчхандағы XXIII қысқы Олимпиада ойындарында ТМД және Балтық елдері арасында жалғыз болып 57 лицензияны жеңіп алды. Юлия Галышева еркін стильдегі шаңғы жарысынан қола медальға қол жеткізді, ал командалық есепте Қазақстан 28-ші орынға ие болды. XII Паралимпиадалық ойындарда (Александр Колядин шаңғы жарысында алтын медальді иеленіп, командалық есепте 20-орынды иеленді), Буэнос-Айрестағы (Аргентина) ІІІ жазғы Жасөспірімдер Олимпиадасында біздің спортшылар 10 медальды (4 алтын, 3 күміс, 3 қола) жеңіп, бейресми жарыстарда 14 орынды иеленді.

Министр сондай-ақ, әлемдік деңгейдегі кәсіби бокста қазақстандық тәрбиеленушілердің қатары көбейіп келе жатқанын айтты.

МСМ деректері бойынша, республикада 11 мыңнан астам спорттық нысандар жұмыс істейді. Статистикаға сәйкес, әрбір үшінші қазақстандық жүйелі түрде дене шынықтырумен айналысады, олардың жартысынан астамы – балалар мен жасөспірімдер. 2017 жылдан бастап жалпы білім беретін мектептердің 98%-ы дене шынықтыру және спорт саласында 3 сағаттық сабақ өткізуді бастады.

Бұдан басқа, А. Мұхамедиұлы мүмкіндікті пайдалана отырып, 31 желтоқсан күні сағат 23:00-де Бәйтерек монументінен «Хан Шатыр» сауда-ойын-сауық кешеніне дейін созылатын жаңа жылдық жүгіру жарысына қатысуға шақырды.

Анықтама: Астана қаласының мерейтойы аясында ірі халықаралық спорттық турнирлер мен чемпионаттар: биатлоннан Азия ашық чемпионаты, «Көшпенділер жекпе-жегі-10» ММА аралас жекпе-жек өнерінің мерейтойлық турнирі өтті. Орталық Азия мен ТМД елдерінде алғаш рет IRONMAN 70.3 халықаралық триатлон жарыстары өткізілді. Қысқы спорт түрлерін дамыту мақсатында «Қысқы спорт түрлері бойынша олимпиадалық дайындық орталығы» Өскемен қаласынан Щучинск қаласына көшірілді.

Биылғы жылдың шілде айында Мемлекет басшысының қатысуымен ТМД елдерінде теңдесі жоқ әлемдік деңгейдегі «Бурабай» шаңғы кешені ашылды.

120 гектар аумақта шаңғы стадионы, жүзу бассейні мен жаттығу залы бар жабық кешен, трамплиннен секіру, биатлон трассалары, медициналық-сауықтыру кешені және 200 орындық қонақ үй бар. Әлемнің түрлі елдерінен келген спортшылар тау шаңғысы базасын жоғары бағалап, жыл басынан бері мұнда халықаралық шаңғы жарысы мен Азия биатлоны чемпионаты өткізілген. Жалпы, кешенде спортшыларға да, туристерге де бар жағдай жасалған.

www.primeminister.kz

ҚР мәдениет және спорт министрі Арыстанбек Мұхамедиұлы ҚР Үкіметінің баспасөз орталығында өткен баспасөз мәслихатында Қазақстандағы туризм саласын дамыту бойынша жүргізіліп жатқан жұмыстар туралы айтып берді.

Министрдің айтуынша, министрлік туристік нысандарды жылжыту мен дамыту ісін белсене қолға алған. Келесі жылы Мемлекет басшысының тапсырмаларын орындау аясында туризмді дамытудың мемлекеттік бағдарламасы қабылданады. Аталмыш бағдарлама Қазақстанға туристер ағынын көптеп тартуға мүмкіндік береді.

Құжатты дайындау кезінде АҚШ, Канада, Түркия, ЕО елдері, сондай-ақ Ресей, Грузия, Өзбекстан елдерінің туризмді дамыту мен жылжытудағы тәжірибелеріне терең зерттеулер жүргізілді:

Мемлекет басшысының тапсырмаларын ескере отырып, бағдарламаның 3 негізгі мақсаты айқындалды:

жаппай халықаралық туристер ағынын ұлғайту;

нарықты дамыту және жаңа жұмыс орындарын құру, туризм саласында жұмыспен қамтылған адамдардың санын арттыру;

туризм индустриясының инвестициялық тартымдылығын арттыру және 2025 жылға қарай Қазақстан Республикасының жалпы ішкі өніміндегі туризмнің үлесін 8%-ға дейін өсіру. Бұдан басқа, әлемдік деңгейдегі туристік инфрақұрылымды дамытуда тәжірибесі бар ірі инвесторларды тарту.

«Мемлекет басшысының тапсырмасы бойынша туризмді дамытудың мемлекеттік бағдарламасы әзірленді, ол келесі жылы жалпыға ортақ талқылауға ұсынылатын болады. Туризм – әлемдегі ең серпінді дамып келе жатқан сала, Қазақстан да жетекші орындарда болуға құқылы. Біз төрт түрлі маусымы бар елміз, әрі ол – біздің үлкен артықшылығымыз. Біз – саяси тұрақтылық, ұлтаралық татулық орнаған әрі дамуға құлшынысы бар елміз. Шетелдіктер біздің ақ көңіліміз бен қонақжайлығымызды бағалайды. Туризм саласын белсенді түрде дамытатынымызға сенімдімін», — деді. А. Мұхамедиұлы. Оның айтуынша, еліміздегі спорттық-мәдени іс-шаралар лық толы адаммен өтеді.

Мемлекеттік бағдарламаның негізі — Қазақстанның туризмді дамыту картасы. Республикалық деңгейдегі ең үздік 10 және 50 аймақтық бағыт анықталды. ҚР МСМ деректері бойынша, Топ-10 жобасының сәтті жүзеге асырылуы 2025 жылға қарай туристік ағымды 4 есе арттыруға, 64 мың жаңа жұмыс орнын құруға мүмкіндік береді.

Республикалық деңгейдегі ең үздік 10 бағыт:

1) Астана қаласы — жылына 1 000 000 туристік әлеуеті бар;

2) «Бурабай» курорттық аймағы — жылына 2 000 000 туристік әлеуеті бар (қазіргі туристік ағым – 750 000);

3) Алакөл көлі — жылына 2 500 000 туристік әлеуеті бар (қазіргі туристік ағым – 772 мың);

4) Алматы облысының тау кластері — жылына 2 500 000 туристік әлеуеті бар (қазіргі туристік ағым – 500 000);

5) Баянауыл курорттық аймағы — жылына 450 мың туристік әлеуеті бар (қазіргі туристік ағым – 200 000);

6) Имантау-Шалқар курорттық аймағы — жылына 400 мың туристік әлеуеті бар (қазіргі туристік ағым – 130 000);

7) Балқаш көлі — жылына 400 мың туристік әлеуеті бар (қазіргі туристік ағым – 130 000);

8) Түркістан — жылына 1,5 миллионға жуық туристік әлеуеті бар (қазіргі туристік ағым – 500 000);

9) Байқоңыр ғарыш кешені;

10) Маңғыстау — жылына 750 мың туристік әлеуеті бар.

Туристік нысандар тізімінің ішінен министр бірінші кезекте Алматы шаңғы кластерін атап өтті.

«Бұл көп мүмкіндігі бар Шымбұлақ курорты, жақында ғана Талғар ауданында жаңа шаңғы базасы ашылды. Ендігі міндетіміз – бұл нысандарды канаттық жолмен қосу, сонда ғана жергілікті тау шаңғысы спортының әуесқойлары мен шетелдік туристердің саны артады. Шетелдіктердің қызығушылығымен өседі. Тау шаңғысы туризмді дамытудағы ең пайдалы жобалардың бірі болғандықтан, бірегей табиғатымыз бен қажетті инфрақұрылымымыз бола тұра, бұл мүмкіндікті пайдалана алмауымыз мүмкін емес», — деді А. Мұхамедиұлы.

Сонымен қатар, министр қазақстандықтардың жазда жаяу серуендеуді ұнататыны шетелдіктерді де қызықтыруы мүмкін деген ойда. Жаяу экологиялық туризм әсіресе, Алматы облысында жақсы дамып келеді.

Министр еліміздің туристік тартымдылығын арттыру мақсатында пилоттық режимде әлемнің 128 мемлекеті үшін электрондық виза механизмі, «Жібек жолы» визасы іске қосылып жатқанын мәлімдеді. Бұл өз кезегінде, шетелдік туристердің барынша қауіпсіздігін қамтамасыз ете отырып, еш қиындықсыз елге келуіне мүмкіндік береді.

www.primeminister.kz

Бүгін Үкіметтің баспасөз орталығында Президенттің «Қазақстандықтардың әл-ауқатының өсуі: табыс пен тұрмыс сапасын арттыру» Жолдауын іске асыру аясында туризм мен спортты дамыту туралы баспасөз конференциясы өтті.

ҚР мәдениет және спорт министрі Арыстанбек Мұхамедиұлы «Рухани жаңғыру» бағдарламасының және «Қазақстандықтардың әл-ауқатының өсуі: табыс пен тұрмыс сапасын арттыру» Жолдауының тиімді жалғасы ретінде Мемлекет басшысының «Ұлы даланың жеті қыры» бағдарламалық мақаласында аталып өткен тапсырмаларын орындау тұрғысынан 2018 жылдағы мәдениет және спорт салаларын дамыту қорытындылары туралы мәлімдеді.

Өз сөзін бастаған А. Мұхамедиұлы өтіп бара жатқан жыл жағымды оқиғаларға толы болғанын атап өтті. Жалпы, 2018 жыл Астананың 20 жылдығын кең ауқымда тойлаумен өтті.  

Мемлекет басшысы «Ұлы даланың жеті қыры» атты бағдарламалық мақаласында халықаралық аренада мәдени мұрамызды таныстырып, жүйелеу бойынша шараларды күшейту қажеттігін атап өтті. Осы бағытта Мәдениет және спорт министрлігі өткен ғасырдың ұлы ойшылдары, ақындарының суреттерінің галереясы мен «Ұлы даланың ұлы есімдері» энциклопедиялық паркінің жобасын дайындады. «Дала фольклорының антологиясы» мен «Ұлы даланың көне сарындары» жинағы басылымға шығуға дайындалып жатыр. Бұдан басқа, «Ежелгі өнер және технологиялар музейін» ​​құру туралы тұжырымдама мен Отырар қалашығын қалпына келтіру жобасы әзірленуде.

Сонымен қатар, министр ұлттық мәдениеттің шетелдегі жетістіктері туралы сөз қозғады. Мәселен, ҚР Ұлттық музейі өткен жылдан бастап «Алтын адамның әлем музейлеріне шеруі» ауқымды халықаралық жобасын іске қосты. Көрмелер Ресейде, Беларусьте, Әзербайжанда, Қытайда, Кореяда, Польшада өтті. 2019–2020 жылдарға арналған жоспарда — Ұлыбритания, Жапония, АҚШ, Грузия, Италия, Франция, Австрия музейлері бар. «Алтын адам» анимациялық фильмі мен ғылыми-зерттеу фильмдерінің циклі дайындалу сатысында тұр.

Ұлттық өнер жоғары халықаралық деңгейде танылып жатыр. Қараша айында «Астана Опера» театры әлемнің ең айтулы әрі үлкен залдарының бірі — опера отаны Италияның Генуя қаласындағы «Карло Филиче» театрында қазақ тілінде «Абай» операсының қойылымын көпшілікке ұсынды. Қойылымның барлық билеті түгелдей сатылып, театр ұжымы халықаралық танымалдылыққа ие болды.

«Театр өнері саласында айтарлықтай жетістіктер бар. Қазіргі таңда Астана-Опера балет труппасы Италияда жүр, 13 спектакль қойылады. “Жизель” балетін ұсынады, коммерциялық негізде де қойылады. Біздің театр труппамыздың ірі театр сахналарында коммерциялық негізде өнер көрсетуінің өзі өте салмақты қадамдардың бірі», — деді министр.  

Сонымен қатар, Мәдениет және спорт министрлігі осы жылдың 19 қарашасында Лондондағы ең үлкен сахнада Димаш Құдайбергеннің концертін ұйымдастырды. Бұл эстрадалық әнші үлкен сахнада өнер көрсеткен алғашқы жоба болды. 4600 билет сатылған. Министр тағы бір айшықты оқиға деп бүкіл Кеңес және посткеңестік кеңістікте алғашқылардың бірі болып отандасымыз Самал Еслямованың басты әйел рөлін сомдағаны үшін Канн кинофестивалінің бас жүлдегері атанғанын айтты.

«Самал Еслямова үздік әйел рөлін сомдағаны үшін үздік деп танылды. Бұл – үлкен жетістік. Посткеңістік елдердің бірде-бірі мұндай жоғары марапатқа ие болмаған. Бұл сыйлықты өнер саласындағы Нобель сыйлығына теңестіруге болады», — деді А. Мұхамедиұлы. Сондай-ақ, ол «Айка» фильмінің «Оскардың» қысқа тізіміне енгенін хабарлады. 3 қаңтарда Самал Еслямова Лос-Анджелеске жол тартады.

А. Мұхамедиұлы Астананың 20 жылдығын мерекелеу аясында көптеген іс-шаралар өткізілнгенін атап өтті. Бұған қоса, министр іс-шараларды өткізу кезінде қазақстандық әртістер әрқашан басымдықта болғанын атап өтті. Атап өтсек, Халықаралық Айтыс байқауы, «Алтын домбыра» ақындар сайысы, «Ән мен әнші» фестивалі және басқа да шаралар өткізілді.

Бурабай курорттық аймағында тұңғыш рет ашық аспан астында «Біржан-Сара» ұлттық операсының қойылымы ұсынылды.

«Бүгінде қойылымдар халық арасында үлкен сұранысқа ие болғандықтан, орындар тез толады деп мақтанышпен айта аламын. Астана Опера театрында барлық билеттер бір-екі ай бұрын сатылып кетеді. Ең алдымен, ұлттық опера — "Абай", "Біржан-Сара", "Қыз Жібек" билеттері өтеді. Өйткені, халық арасында қызығушылық жоғары. Сапа жоғары болған соң, қызығушылық та артып отыр», — деп түйіндеді министр.

www.primeminister.kz

Мұрағат

Қаңтар
2019
ДсСсСрБсЖмСнЖк
123456
78910111213
14151617181920
21222324252627
28293031

Мемлекеттік орган басшыларының блог-тұғырнамасы

Өту