Бүгін ҚР Премьер-Министрі Бақытжан Сағынтаевтың төрағалығымен өткен Үкімет отырысында жекешелендіруді жүргізу барысы қаралды.

ҚР қаржы министрі Б. Сұлтановтың хабарлауынша, осы жылдың бірінші жарты жылдығының қорытындысы бойынша Кешенді жоспардың 887 нысанынан сауда-саттыққа 502-сі шығарылып, олардың 421-і 216 млрд теңге сомасына сатылды. 266 нысан қайта ұйымдастыру және тарату сатысында тұр. Осылайша, қайта ұйымдастырылатын және таратылатын нысандарды қоса есептегенде, Жекешелендірудің кешенді жоспарының орындалуы 77,4% құрайды.

«Биыл бірінші жарты жылдықта сауда-саттыққа 104 нысанды шығару жоспарланды. Іс жүзінде 89 нысан шығарылды және 15 нысан бойынша қайта ұйымдастыру және тарату туралы шешім қабылданды. Олардың ішінен 36 млрд теңгеге 39-ы сатылды», — деді министр Б. Сұлтанов.

Бұдан өзге, жалпы Кешенді жоспардың 63 нысанының бүгінгі күнге дейін 110,5 млрд теңгеге 15-і сатылды. Осы жылы 39 нысанды сату жоспарланып отыр. Бірінші жарты жылдықта оның 8-і сауда-саттыққа шығарылып, 2-і сатылды. Қалған нысандар бойынша сату алдындағы дайындық және әлеуетті сатып алушылармен келіссөздер жүргізілуде.

Сондай-ақ, Б. Сұлтанов түгендеу нәтижелері бойынша жекешелендіру нысандарының тізіміне коммуналдық меншіктегі және әлеуметтік кәсіпкерлік корпорациялардың 38 нысаны қосымша енгізілетінін жеткізді. Олар бойынша сатушылар шұғыл түрде жол карталарын жасау және оларды Тізімге енгізу бойынша шараларды қабылдауы тиіс.

«Жалпы алғанда, жекешелендіру процесі сату кестелеріне сәйкес жүргізілуде. Осы жылдың соңына дейін 87 нысан сатылымға шығарылады, оның ішінде республикалық меншіктегі – 20 нысан; коммуналдық меншіктегі – 31 нысан және квазимемлекеттік сектордағы – 36 актив», — деді Б. Сұлтанов.

Өз кезегінде ұлттық экономика министрі Т. Сүлейменов Жекешелендірудің 2016–2020 жылдарға арналған кешенді жоспарын орындау бойынша жүргізіліп жатқан жұмыстар аясында Қормен бірлесе отырып қордың компанияларын IPO-ға шығаруды қамтамасыз ету үшін «Бағалы қағаздар нарығы туралы» заңға түзетулер пакеті әзірленіп жатқанын айтты.

«Өзгертулер Қор тобына кіретін ұлттық компаниялардың көпшілікке арналған акцияларын орналастыруды жүзеге асыруға кедергі келтіретін заңнамалық шектеулерді жоюға бағытталған. Бүгінгі таңда түзетулер мемлекеттік органдар мен Ұлттық банкте қаралуда», — деді Т. Сүлейменов.

Бұдан өзге, Т. Сүлейменов жекешелендіруге жататын ұйымдардың тізімін кеңейту туралы айтып өтті. Мемлекет басшысының «Төртінші өнеркәсіптік революция жағдайындағы дамудың жаңа мүмкіндіктері» Жолдауында берген тапсырмасына сәйкес мемлекеттік және квазимемлекеттік сектор нысандарын түгендеу бойынша жұмыстар жалғасуда. Министрлік Жекешелендірудің 2016–2020 жылдарға арналған кешенді жоспарына жекешелендіруге жататын ұйымдардың санын 38 бірлікке ұлғайту тұрғысынан толықтырулар енгізуді көздейтін қаулы жобасын әзірледі. Қазіргі таңда қаулы жобасы мемлекеттік органдармен келісілуде.

«Самұрық-Қазына» ұлттық әл-ауқат қоры» АҚ басқарма төрағасының орынбасары А. Айдарбаев Жекешелендірудің кешенді жоспарын іске асыру аясында Қор 2018 жылғы 1 шілдедегі жағдай бойынша 139,78 млрд теңге сомасына 80 активті өткізгенін жеткізді, 64 актив таратуға немесе қайта құруға жіберілді.

«2018 жылы "Транстелеком" АҚ, "Ақтау мұнай жабдықтары зауыты" ЖШС, М. Тынышпаев атындағы Қазақ көлік және коммуникация академиясы (Алматы), сонымен қатар оның 8 еншілес ұйымы өткізілді, олардың ішінде еліміздің түрлі өңірлеріндегі колледждер, ҚазМұнайГаз-Сервис (Грузия), Borjomi Likani International, Каскор-Транс Сервис, SemurgInvest TemirZholy бар. Ақтөбе, Атырау және Павлордар қалаларындағы әуежайлар тәрізді ірі активтерді сату алдындағы дайындау және бағалау жүргізіліп жатыр. Қазтеңізтрансфлот және ҚБТУ үшін өткізу тәсілдері келісілген, жақын арада конкурстар өткізу күтіліп отыр», — деді А. Айдарбаев.

Сонымен қатар, ірі ұлттық компаниялардың IPO түсу мүмкіндігіне ерекше назар аударылып отыр. 6 үміткер компаниядан Қазақтелеком, Қазатомөнеркәсіп және Эйр Астана тәрізді 3-уі IPO мүмкін келісімдеріне дайындық жүргізіп жатыр.

«Бәйтерек» ҰБХ АҚ төрағасы А. Әріпханов холдингтің «Қазақстанның инвестициялық қоры» АҚ (ҚИҚ) 7 еншілес ұйымын, «Ұлттық технологиялық даму агенттігі» АҚ 8 еншілес ұйымын, сонымен қатар «Ұлттық технологиялық даму агенттігі» АҚ және «Қазақстан Тұрғын үй құрылысы жинақ банкі» АҚ өткізуді қамтитынын айтты.

«Бүгінде Қазақстанның инвестициялық қорының активтерін жекешелендіру процедурасы аяқталды. ҚИҚ-тың жекешелендірілетін 7 активінің 5-уі өткізілді, 2 актив бойынша жою процедуралары жүргізіліп жатыр», — деді А. Әріпханов.

Оның айтуынша, Тұрғын үй құрылысы жинақ банкі үшін инвестор іздеу мақсатында қаржылық кеңесші 11 халықаралық компаниямен келіссөздер жүргізіп жатыр. Жекешелендіру бойынша инвестиция алдындағы сараптама нарықтағы өзгерістерге орай және 2018 жылдың қыркүйек айына жоспарланған «Тұрғын үй құрылысы жинақтары туралы» Заңға қажетті түзетулерді енгізумен жалғастырылатын болады деп күтіліп отыр.

«ҚазАгро» ҰБХ басқарма төрағасы Р. Құрманов Жекешелендірудің кешенді жоспары аясында холдинг 20 активті өткізуді жоспарлап отырғанын айтты.

«2018 жылы ТОП-68 тізімінен 3 активті: "ҚазАгроҚаржы" АҚ, "ҚазАгроӨнім" АҚ, "Қазагромаркетинг" АҚ стратегиялық инвесторларға өткізу көзделіп отыр. Холдингтің 17 үлестес ұйымы бойынша 5 компанияда: "AgroExport LTD" ЖШС, "AgroTradeExport" ЖШС, "Махамбет" ШҚҰ, "Жігер Есіл" ШҚҰ және "KazBeef LTD" ЖШС қатысу үлесі сатылған», — деді Р. Құрманов.

www.primeminister.kz

Бүгін Үкімет отырысында Денсаулық сақтауды дамытудың 2016–2019 жылдарға арналған «Денсаулық» мемлекеттік бағдарламасының осы жылдың І жарты жылдығында іске асырылу барысы қаралды.

Денсаулық сақтау министрінің және бірқатар өңір әкімдерінің баяндамаларын тыңдау қорытындысы бойынша ҚР Премьер-Министрі Бақытжан Сағынтаев денсаулық сақтауды дамытудың «Денсаулық» мемлекеттік бағдарламасы бойынша белгілі-бір жұмыстар атқарылып, ілгерілеу бар екенін атап өтті. Сонымен қатар, денсаулық сақтау жүйесін одан әрі жаңғыртуға қатысты бірқатар нақты тапсырмалар берілді.

Премьер-Министр дәрі-дәрмектерді мақсатты сатып алу мәселесіне назар аударды. Қажетті дәрі-дәрмектердің нақты санын біліп, артық қаражат жұмсамау керек. Осыған байланысты Денсаулық сақтау министрлігіне дәрі-дәрмектердің қажеттілігін жоспарлауды реттеу туралы тапсырма берілді.

Облыс әкімдеріне денсаулық сақтау саласында қайта реттеу бойынша қажетті шараларды қабылдау тапсырылды. Мемлекет басшысы бұл туралы «Төртінші өнеркәсіптік революция жағдайындағы дамудың жаңа мүмкіндіктері» Жолдауында атап көрсетті. Премьер-Министрдің айтуынша, соңғы бес жылда Қазақстанның кейбір өңірлерінде жеке кәсіпкерлер бір де бір медициналық нысан салмаған, демек, жұмыс орындары да ашылмаған.

Сондай-ақ, өңірлердің әкімдері өздерінің жұмысын МЖӘ тұрғысынан қайта қарауы керек екендігі атап өтілді. Дербес түрде жеке инвестицияларды тартып, өңірлерде МЖӘ дамытқан жөн.

Бақытжан Сағынтаев шет елдерде емделу үшін квота алу мәселелеріне ерекше назар аудару керектігін айтты. Денсаулық сақтау министрі Е. Біртановқа квота алу тәртібін жетілдіру және оның ашықтығын арттыру тапсырылды.

Қорытындылай келе, Премьер-Министр міндетті әлеуметтік медициналық сақтандыруды тиімді енгізу мәселесі ерекше бақылауда екенін еске салды. Е. Біртановқа міндетті әлеуметтік медициналық сақтандыруды енгізу қорытындылары туралы баяндау тапсырылды.

www.primeminister.kz

Бүгін Премьер-Министр Бақытжан Сағынтаевтың төрағалығымен өткен ҚР Үкіметінің отырысында денсаулық сақтау министрі Елжан Біртанов 2016–2019 жылдарға арналған «Денсаулық» мемлекеттік бағдарламасының осы жылдың І жарты жылдығындағы іске асырылу барысы туралы баяндады.

Е. Біртанов атап өткендей, мемлекеттік бағдарлама жеті бағыт бойынша іске асырылып жатыр.

Қоғамдық денсаулық сақтау аясында салауатты өмір салтын ілгерілету аясында бұқаралық шаралар белсене өткізіліп жатыр, осы жылдың 6 айының ішінде оған 6 млн астам адам қатысқан. Биыл халықты скринингпен қамту 1,5 млн астам адамды немесе жоспарланған көлемнен 91% құрады. Халықты иммундау 95,2% жетті.

«Алғашқы медициналық-санитарлық көмекті басымдықты дамыту аясында амбулаторлық-емханалық желіні шағындап ұйымдастыру жүргізіліп жатыр. Мәселен, есепті кезеңде дәрігерлік учаскелер саны 12% артты, учаскелік дәрігерлер жүктемесі төмендеп, бекітілген тұрғындар саны 1950 құрады. Нәтижесінде АМСК жүгінулер саны 23% артты», — деді Е. Біртанов.

Бұдан өзге, Мемлекеттік бағдарлама аясында жедел жәрдем қызметінің жұмысын реформалау жүргізіліп жатыр. Мәселен, шұғыл емес шақыртулар емханаларға берілді, персоналды халықаралық стандарттарға кезең-кезеңмен оқыту жүргізіліп жатыр, еліміздің тоғыз аймағында Бірыңғай диспетчерлік қызмет құрылды.

Биыл алты айдың нәтижелері бойынша орташа жету уақыты 7 минутқа қысқарды, сәтті реанимациялау көрсеткіші 14% артты, ауруханаға жатқызуға дейін өлім-жітім азайды.

Мемлекеттік бағдарламаның медициналық қызметтер сапасын қамтамасыз ету бойынша шаралары аясында Онкологиялық аурулармен күресудің кешенді жоспары бекітілді, Туберкулезбен күресудің кешенді жоспары өзектілендірілді, 20 жол картасы іске асырылып жатыр. Мемлекеттік қызметтердің қолжетімділігі мен қолайлылығын оларды электронды форматта және мобильді қосымшалар арқылы көрсету арқылы арттыру бойынша жұмыстар атқарылып жатыр.

Министр Е. Біртанов сонымен қатар Ұлттық дәрі-дәрмектермен қамту саясатын іске асыру аясында амбулаторлық дәрі-дәрмектік қамтамасыз етуді орталықтандыру жүргізілгенін жеткізді. Сондай-ақ, Бірыңғай дистрибьютор қызметінің ашықтығы арттырылды. Денсаулық сақтау министрлігінің деректеріне сәйкес, бұл сатып алулардың тиімділігін арттырып, бюджет қаражатын үнемдеуге мүмкіндік берді.

Дәрі-дәрмектермен қамтылған амбулаторлық пациенттер саны 5% артты. Амбулаторлық–дәрі-дәрмектік қамтамасыз етуді қаржыландыру өңірлердің 31 млрд теңге көлеміндегі қосымша өтінім науқанының қорытындылары бойынша 27% артты.

Елжан Біртанов осы жылдың тамыз айының соңына дейін емханаларда электронды құжаттар айналымын енгізуді аяқтаудың аса маңыздылығын атап өтті.

«Осылайша, біз еліміздегі әрбір пациент үшін жеке-жеке дәрі-дәрмекпен қамтамасыз етудің ашықтығын қамтамасыз етеміз. Бұл сонымен қатар, әрбір пациентпен кері байланыс орнатуға мүмкіндік береді», — деді министр Е. Біртанов.

Сонымен қатар, оның айтуынша, 2019 жылы халықты дәрі-дәрмектермен үздіксіз қамтамасыз ету мақсатында биылғы жылдың шілде айынан бастап өңірлер үшін дәрі-дәрмектерді сатып алу және жеткізуді жүргізу бойынша шаралар басталды.

Мемлекет басшысының тапсырмасы бойынша, Мемлекеттік бағдарлама аясында медициналық қызметтер көрсету нарығын қайта реттеу және жеке медициналық жеткізушілерді дамытуды қолдау бойынша жұмыстар жалғастырылып жатыр. Осы орайда, кәсіпкерлерді тексеру саны 10% азайтылды.

Осылайша, медициналық қызметтер нарығын қайта реттеу бойынша атқарылған істер 2017–2018 жылдың алты айының ішінде тіркелген шағын және орта кәсіпкерлік субъектілерінің санының 41% артуына әкелді.

Өз баяндамасын жалғастырған Елжан Біртанов Міндетті әлеуметтік медициналық сақтандыруды (МӘМС) енгізуге дайындық аясында Кепілдендірілген тегін медициналық көмек көлемінің (КТМКК) және МӘМС жаңа моделін қарастыратын заң жобасы әзірленгенін мәлім етті.

Биыл Міндетті әлеуметтік медициналық сақтандыру қоры Кепілдендірілген тегін медициналық көмек көлемінің операторы болды.

Бұдан өзге, баяндамада саланың инфрақұрылымын одан әрі дамыту аясында денсаулық сақтау саласына инвестициялар тарту жұмыстары жалғасып жатқаны аталып өтті. Есепті кезеңде өткен жылдың алты айымен салыстырғанда инвестициялардың жалпы көлемі 63%-ға өсті. Бюджеттік емес инвестициялардың ең көп көлемі шипажайлық-курорттық ұйымдарды дамытуға — 41%, көп бейінді ауруханалар мен мамандандырылған стационарларға — 21% тартылды.

Елжан Біртанов бұл салада мемлекеттік-жекеменшік әріптестік (МЖӘ) түріндегі инвестициялардың саны артып келе жатқанын атап өтті. Осы жылдың 6 айында МЖӘ жобаларының саны 30 бірлікті құрады. Жалпы алғанда, 2016–2018 жылдар аралығында 35 млрд теңге сомасына 65 МЖӘ келісімшарты жүзеге асырылуда.

Жыл басынан бері 8 облыста пилоттық қағазсыз медициналық құжат айналымы іске қосылды, 1 шілдеден бастап еліміздің барлық қалған өңірлері қосылды. Медициналық ұйымдарда жұмыс орындарын компьютерлік техникамен жабдықтау жұмыстары жүргізіліп жатыр. Бұл көрсеткіш шамамен 88% құрады.

«100 нақты қадам» ұлт жоспарына сәйкес, корпоративтік басқаруды қалыптастыру аясында Қадағалау кеңестерін құру талаптарын жеңілдету, олардың мүшелеріне қойылатын талаптарды өзгерту және кеңестің өкілеттігін кеңейту бойынша заң жобасы енгізілді. Жалпы алғанда, шаруашылық жүргізу құқығымен кәсіпорындарды Қадағалау кеңестерінің саны 23,5%-ға атқаны байқалады. Сонымен бiрге, осы жылдың соңына дейiн барлық медициналық ұйымдар шаруашылық жүргiзу құқығының (ШЖҚ) негiзiнде кәсiпорындардың заңды мәртебесiне көшетін болады. Бүгінгі таңда бірқатар өңірлерде бұл жұмыс 70-80%-ға орындалған.

«ШЖҚ-ға көшкен медициналық ұйымдардағы дәрігерлердің орташа еңбек ақылары мемлекеттік медициналық мекемелердегі әріптестерінің алатын жалақыларынан жоғары және 157 мың тг құрады, орташа қызметкердің алатыны – 101 мың тг. Біздің кәсіпорындардың шаруашылық жүргізу құқығына көшуінің прогрессивтілігі мен тиімділігі уақытпен дәлелденді», — деді Е. Біртанов.

Адам ресурстарын тиімді басқару тұрғысынан медициналық Жоғары оқу орындарының түлектері санының артуына байланысты салада мамандар тапшылығы төмендеп жатқаны байқалады. Жетекші шетелдік университеттермен стратегиялық серіктестіктің екінші кезеңі аясында елімізде және шет елдерде медициналық ЖОО-лардың профессор-оқытушылар құрамы оқытылып жатыр; студенттердің білімін аралық тәуелсіз бағалау жүйесі енгізілді; студенттердің бір курстан келесі курсқа ауысу деңгейі 2,2-ден 3 балға дейін ұлғайтылды; 2019 жылдан бастап медициналық ЖОО-ларға талапкерлерді іріктеу үшін қосымша емтихан заңнамалық түрде енгізіледі.

Ғылыми қызметтің тиімділігін арттыру үшін стратегиялық жоспарларға, даму жоспарларында, сондай-ақ бірінші басшылардың KPI-на ғылымға жұмсалатын шығындардың үлесін арттыру индикаторлары, шетелдік гранттарды тарту, медициналық білім беру мен ғылым ұйымдарындағы қызметкерлердің ағылшын тілін білу деңгейін арттыру көрсеткіштері қосылды.

Бұдан өзге, отырыста өңірлерде Мемлекеттік бағдарламаны іске асыру қорытындылары және денсаулық сақтау жүйесін дамыту қорлары қаралды. Алматы облысының әкімі А. Баталов, Шығыс Қазақстан облысының әкімі Д. Ахметов, Түркістан облысының әкімі Ж. Түймебаев, Қызылорда облысының әкімі Қ. Көшербаев, Атырау облысының әкімі Н. Ноғаев, Маңғыстау облысының әкімі Е. Тоғжанов және Ақтөбе облысының әкімі Б. Сапарбаев баяндама жасады.

www.primeminister.kz

Сейсенбі күні, 17 шілдеде, сағат 10:00-де Үкімет үйінде Қазақстан Үкіметінің отырысы өтеді.

Отырыстың күн тәртібінде:

Денсаулық сақтау саласын дамытудың 2016–2019 жылдарға арналған «Денсаулық» мемлекеттік бағдарламасының осы жылдың І жарты жылдығындағы іске асырылу қорытындысы;

Жекешелендіруді жүргізу барысы;

«Ақылды қалаларды» іске асыру мәселелері.

Отырыс қорытындысы бойынша ҚР Үкіметінің баспасөз орталығында денсаулық сақтау министрі Е. Біртановтың және «Әлеуметтік медициналық сақтандыру қоры» КЕАҚ басқарма төрайымы Е. Бахмутованың қатысуымен міндетті әлеуметтік медициналық сақтандыруға (МӘМС) көшуге дайындық туралы баспасөз конференциясы өтеді.

Тікелей таратылымдарды PrimeMinister.kz сайтынан, Фейсбук, «Вконтакте», Твиттер, Перископ әлеуметтік желілерінен, Ютуб ресми арнасынан, сондай-ақ Андроид пен Айфонның мобильдік қосымшаларынан көре аласыздар.

www.primeminister.kz

Бүгін Үкімет үйінде ҚР Премьер-Министрі Бақытжан Сағынтаев Қазақстанның Үшінші жаңғыруын жобалық басқару мәселелері жөнінде кеңес өткізді.

Кеңес барысында жаңа экономика талаптарына сәйкес еңбек нарығын дамыту, денсаулық сақтау, өнімді жұмыспен қамту бойынша І жарты жылдықтың алдын ала есебі мен 2018 жылғы жоспарлар тыңдалды.

Денсаулық сақтау министрі Е. Біртанов бәсекелестікті және жеке медицинаны дамыту, дәрі-дәрмек нарығын, медициналық туризмді және импортты алмастыруды арттыру, негізгі аурулардың ауыртпалығын төмендету және денсаулық сақтау жүйесінің бірыңғай ақпараттық кеңістігін құру туралы баяндады.

Денсаулық сақтау саласында осы жылдың І жарты жылдығының қорытындысы бойынша 73 нысан құрылысы, 46 нысанда күрделі жөндеу жұмыстары, 4 нысанда реконструкциялау, сондай-ақ жабдықтарды жаңарту және сатып алу жұмыстары басталды. Тексертулерді қысқартуға, субъектілердің қызметіне лауазымды тұлғалардың араласуына жағдай жасау арқылы бизнеске көрсетілетін қысымды төмендету үшін 13 бақылау және қадағалау функциялары шектелді. Халықтың цифрлық сауаттылығын арттыру үшін емханаларда 209 цифрлық пост құрылды, республиканың барлық өңірлерінде алғашқы медициналық-санитарлық көмектің озық тәжірибелерінің орталықтары ашылды және 118 медициналық ұйымда ауруларды емдеу бағдарламасы енгізілді.

Нәтижелі жұмыспен қамту мәселелері бойынша еңбек және халықты әлеуметтік қорғау министрі М. Әбілқасымова еңбек ресурстарының ағынын жоспарлау, болжау және басқару, кадрларды дайындау және қайта даярлау, халықты өнімді жұмыспен қамтуға тарту және еңбек нарығының инфрақұрылымын жаңғырту туралы айтып берді.

Нәтижелі жұмыспен қамту және жаппай кәсіпкерлікті дамыту бағдарламасы аясында мемлекеттік қолдау шараларымен 290 мың жұмыссыз және нәтижесіз өзін-өзі жұмыспен қамтыған азаматтар қамтылды, олардың ішінде 243 мың адам жұмысқа орналастырылды, оның 158 мыңы тұрақты жұмыс орындарына орналасты. Электрондық еңбек биржасы еліміздің барлық өңірлерінде іске қосылды, соның арқасында 160 мың адам жұмысқа орналасты, 45 жеке жұмыспен қамту агенттігі қосылды.

www.primeminister.kz

Бүгін Үкімет үйінде ҚР Премьер-Министрі Бақытжан Сағынтаев Нәтижелі жұмыспен қамту және жаппай кәсіпкерлікті дамытудың 2017–2021 жылдарға арналған бағдарламасы аясында шағын несие беру мәселесі жөнінде кеңес өткізді.

Кеңес барысында елдегі шағын несие беру нарығының алдағы дамуы, жеңілдікпен шағын несие берудің инфрақұрылымын құру, ауылдық елді мекендерде және шағын қалаларда шағын несие беруге жағдай жасау мәселелері талқыланып, осы жылдың алты айы ішінде Нәтижелі жұмыспен қамту және жаппай кәсіпкерлікті дамытудың 2017–2021 жылдарға арналған бағдарламасының жүзеге асырылуы бойынша қол жеткізілген нәтижелер талқыланды.

Кеңесте ҚР ұлттық экономика министрі Т. Сүлейменов, ҚР еңбек және халықты әлеуметтік қорғау министрі М. Әбілқасымова және ҚР ауыл шаруашылығының бірінші вице-министрі А. Евниев баяндама жасады.

Еске сала кетейік, Нәтижелі жұмыспен қамту және жаппай кәсіпкерлікті дамытудың 2017–2021 жылдарға арналған бағдарламасына сәйкес, шағын бизнесті ашуға, шағын кәсіпорындарды және зәкірлі кооперацияларды құруға, сондай-ақ, әрекеттегі бизнесті дамыту үшін сыйақы мөлшерлемесі 6% көлемінде 7 жылға дейін несие беріледі.

Бағдарламаны жүзеге асыру нәтижесінде 22 мың шағын бизнес өкілдері, өзін-өзі жұмыспен қамтыған халық қолдау тауып, бюджетке түсетін салықтық аударымдар көлемі артады, жаңа жұмыс орындары ашылады.

www.primeminister.kz

Жұмыс сапары барысында ҚР Премьер-Министрі Бақытжан Сағынтаев Ақтөбе облысында Қазақстанның Үшінші жаңғыруын жобалық басқару мәселелері бойынша өңір активімен және бизнес өкілдерімен кездесу өткізді.

Кездесу барысында өңір экономикасын жаңғырту мәселелері қаралды, сондай-ақ облыс активінің жаңа жаһандық шынайылық жағдайында экономиканың сапалы әрі тұрақты өсуін қамтамасыз ету үшін қажетті жағдайларды жасау жұмыстары талқыланды. Атап айтқанда, инвестициялар тарту, экономиканың негізгі салаларын, жаппай кәсіпкерлікті дамыту, технологиялық қайта жарақтандыру және Индустрия 4.0 элементтерін енгізу, цифрландыру, кадрларды даярлау және жаңа жұмыс орындарын құру, сондай-ақ экономиканы одан әрі әртараптандыру тәрізді салалар қаралды.

Кеңесті аша отырып, Премьер-Министр Б. Сағынтаев әлемнің дамыған озық 30 елінің қатарына қосылу үшін Қазақстан жыл сайынғы экономикалық өсімді 5-6% деңгейінде қамтамасыз етуі тиіс екенін атап өтті.

«Бүгінде алты айдың қорытындысы бойынша ел экономикасы 4,1%-ға өсті. 2017 жыл 4%-дық экономика өсімімен аяқталды. Бұл жағдайда жарты жылды 5,1% экономикалық өсіммен аяқтап отырған Ақтөбе облысының үлесі елеулі», — деді Премьер-Министр, облыс әкімдігінің мәліметтеріне сәйкес жыл соңына дейін көрсеткіштер 5%-дан төмен болмайтынын айта отырып.

Б. Сағынтаев атап өткендей, аталған бағытта жұмысты жалғастыру үшін Үкімет өз тарапынан барлық қажетті шараларды жүзеге асыруда. Өткен жылы жаңа өсім моделін қалыптастыру үшін жобалық басқару офисі ашылған еді. Офис аясында барлық өңірлерде барлық өсім көрсеткіштері бақылауға алынады. Оның негізгі мақсаты — көрсетілген межеге жету, туындайтын кедергілерді жою, дұрыс шешім қабылдау. Осыған байланысты экономиканы дамытудың барлық маңызды бағыттары бойынша Үкіметтің жобалар портфелі құрылды. Әрбір жоба бойынша мақсатты көрсеткіштер мен жауапты тұлғалар белгіленген, нақты нәтижелер мен мерзімдері көрсетілген жобаларды іске асырудың егжей-тегжейлі жоспарлары әзірленген.

Сондай-ақ, Премьер-Министр әңгімелесудің басты мақсаты — облыста жұмыстың қалай жүріп жатқанын, экономиканың сапалы әрі теңгерімді өсімі үшін оның құрылымдық трансформациясын қамтамасыз етуге өңірдің ішкі қорларын анықтау және пайдалану бойынша қандай жоспарлар бар екенін түсіну екенін атап өтті.

Өз кезегінде Ақтөбе облысының әкімі Б. Сапарбаев бірінші жарты жылдықтағы мақсатты индикаторларға қол жеткізу бойынша жүргізілген жұмыстар мен 2018 жылдың соңына дейінгі жоспарлар туралы баяндады. Ақтөбе облысының әкімдігі жобалық басқару аясында 12 бағыт бойынша жүйелі жұмыстар жүргізуде: базалық индустрияландыру, отын-энергетикалық кешен, инвестициялар тарту, өнімді жұмыспен қамту, сондай-ақ АӨК-ті, жаппай кәсіпкерлікті, ақпараттық-коммуникациялық технологияларды, көлік және логистиканы, туризмді дамыту және сауда, білім беру, денсаулық сақтау салаларын жаңғырту.

Әкімнің айтуынша, қабылданып жатқан шаралардың арқасында, соның ішінде жобалық басқару аясында өңірлік экономика өсімі І жарты жылдықтың қорытындысы бойынша шамамен 5% құрады, барлық әлеуметтік-экономикалық көрсеткіштер бойынша өсім қамтамасыз етілген.

Базалық индустрия индикаторларына сәйкес: биыл облыста 1,4 мың жұмыс орнын құрумен 76 млрд теңге инвестициялар сомасына 15 инвестициялық жоба іске асырылады. Сонымен қатар, 2018 жылы 55 млрд теңге инвестициялар сомасына 35 кәсіпорынды жаңғырту жоспарланып отыр.

Отын-энергетика кешенінің көрсеткіштеріне сәйкес, МЖӘ тетігін қолданумен жалпы 4 млрд теңге сомасына 14 ауыл газбен қамтамасыз етіледі. Осы жылдың соңына дейін 135 ұңғымада геологиялық барлау жұмыстары жүргізіледі деп көзделген, олардың 18-і — жаңа ұңғымалар. Сондай-ақ, биыл қараусыз электрмен жабдықтау желілері 100% жойылады.

АӨК бойынша: 2018 жылы 10,6 млрд теңге сомасына 10 инвестициялық жобаны енгізіп, 247 жұмыс орнын ашу көзделген. 2018 ж. суармалы жерлердің ауданы 30,5 мың гектарды құрайды. І жарты жылдықта ауыл шаруашылығы өнімдерінің экспорты $10,5 құрады, жыл соңына дейін экспорт көлемі $42 млн құрайды.

Әкім Б. Сапарбаевтың айтуынша, облыста Кәсіпкерлікті қолдау картасы жасалған. Бизнесті жүргізудің оңайлығын арттыру үшін «Кедергісіз бизнес» жобасы жүзеге асырылып жатыр. Аталған жоба аясында бизнесті тексеруді оңтайландыру және реттеу, сондай-ақ мемлекет тарапынан бизнесті қолдау шараларын күшейту жұмыстары атқарылуда. Биыл 22 млрд теңге көлемінде қаржылай көмек, 40 мың адам — қаржылық емес қолдау көрсетіледі.

«Бизнес–Бастау» бағдарламасы аясында өткен жылдың деңгейінен екі есе көп адамды қамти отырып, 2,2 мың адамды оқытуды жоспарда бар. Сондай-ақ, "Ауылқамқорлық" жобасы іске асырылуда, оның аясында ауыл тұрғындары үшін 500-ден астам кәсіпкер-тәлімгер анықталды. Жобалар аясында жүзеге асырылып жатқан жұмыстар жаппай кәсіпкерлікті дамыту индикаторлары бойынша 2018 жылға арналған жоспарлы көрсеткіштерге қол жеткізуге жол ашады», — деді әкім.

Бұдан әрі облыстың қорлары туралы бейінді министрліктердің басшылары сөз сөйледі.

Облыста жаппай кәсіпкерлікті дамытудың экономикалық мүмкіндіктері, сауда саласын жаңғырту туралы ұлттық экономика министрі Т. Сүлейменов айтып берді. Жалпы алғанда, өңірдің осы жылдың бес айындағы әлеуметтік-экономикалық даму көрсеткіштері бойынша оң қарқын байқалды. Сонымен қатар, облыстың өнеркәсіптік нысандарды одан әрі жаңғырту, көлік-логистикалық мәселелерді шешу, өнім экспортын дамыту, АӨК әртараптандыру салаларындағы әлеуеті аталып өтті.

Еңбек және халықты әлеуметтік қорғау министрі М. Әбілқасымова еңбек ресурстарын көшіру бойынша атқарылып жатқан жұмыстар туралы баяндап, ШОБ секторында халықтың жұмыспен қамтылу әлеуеті туралы мәлімдеді. Ақтөбе облысында 2018 ж. І тоқсанында жұмыс күші 435 мың адамды құрады, олардың ішінде 414 мыңы жұмысқа орналасқан.

М. Әбілқасымова халықтың табысын және жұмыспен қамтылуын одан әрі арттыру үшін бизнесті дамытуды ынталандыру қажет екенін мәлімдеді. Министр мұндағы басты құрал — Нәтижелі жұмыспен қамтуды және жаппай кəсіпкерлікті дамыту бағдарламасы деп атап өтті. Бағдарламаны облыста іске асыру үшін биыл 7,3 млрд теңге бөлініп, 18,9 мың адам — жоспардың 58% бағдарлама қатысушысы болды. 16 мың адам жұмыспен қамтылды, оның ішінде тұрақты жұмысқа 9,4 мың адам орналасты.

Инвестициялар және даму министрі Ж. Қасымбек көлік және логистиканы дамыту, инвестициялар тарту туралы айтып берді. Министрдің айтуынша, осы жылдың бес айының қорытындысы бойынша негізгі капиталға салынған инвестициялар көлемі 13,2 млрд теңгені құрады. Сондай-ақ, жобалық басқару аясында 2018 жылы «Инвестицияларды тарту» жобасы бойынша 12 нысанды пайдалануға беру жоспарланып отыр.

«Өңірдің транзиттік әлеуетін дамыту мақсатында биыл «Ақтөбе–Атырау» республикалық маңызы бар автокөлік жолының 160–330 шақырымдық учаскесін реконструкциялау жұмыстары басталды. Сондай-ақ, ұзындығы 102 шақырым болатын жергілікті маңызы бар жеті жол жобасы іске асырылуда, республикалық бюджеттен 4,2 млрд теңге трансферт бөлінді. Биыл жылына 984 мың тонна жүк айналымымен 59,2 мың м² ауданды құрайтын көлік-логистика орталығының құрылысы жобасы басталды. Бұдан өзге, Ақтөбе облысында 1,7 млрд теңгеге 17 жол бойындағы сервис нысаны салынады», — деді Ж. Қасымбек.

Денсаулық сақтау министрі Е. Біртанов өз кезегінде өңірде жеке медицина секторы белсенді дамып жатқанын айтты. Бүгінгі таңда облыста денсаулық сақтау жүйесінде 29 аурухана мен 126 амбулаторлық-емханалық ұйымы медициналық көмек көрсетеді. Алғашқы бес айда денсаулық сақтау саласының негізгі капиталына салынған инвестициялар шамамен 2,4 млрд теңгені құрады. Осы жылдың I тоқсанында көрсетілген қызметтердің көлемі 9,7 млрд теңгені құрады. Қазіргі таңда денсаулық сақтау саласында жалпы құны 12 млрд теңге болатын 24 жоба жүзеге асырылып жатыр.

Энергетика вице-министрі М. Мырзағалиев өңірдің мұнай өнеркәсібі кешенін дамыту жоспарлары мен міндеттері туралы баяндады. Ақтөбе облысы — еліміздің үшінші мұнай-газ өндіруші аймағы. Облыстың мұнай және газ өндіру көлеміне қосқан үлесі шамамен 9% құрайды. Жыл басынан бері дамудың негізгі көрсеткіштері оң қарқын көрсетті.

«Облыста мұнай мен газ өндіру саласында 30 жер қойнауын пайдаланушы жұмыс істейді. Бірнеше жыл қатарынан өңірдегі мұнай өндіру көлемі тұрақты деңгейде сақталып отыр. 2018–2019 жылдары 6,2 млн тоннадан, 2020 жылы – 6,4 млн тонна, ал 2025 жылға қарай шамамен 7 млн т өндіру жоспарда бар», — деді вице-министр М. Мырзағалиев.

Сондай-ақ, энергетика вице-министрі цифрландыру және технологиялық жаңғырту туралы ақпарат берді. Оның айтуынша, қазірдің өзінде «Зияткерлік кен орны» жүйесін енгізудің табысты пилоттық жобалары бар, бұл мұнай өндіру көлемін ұлғайтып, шығындарды азайтып, өнімділікті арттыруға жол ашады.

«Министрлік жер қойнауын пайдаланушылардың өз өндірістерін цифрландыруға, озық технологияларды қолдануға бағытталған бастамаларын қолдауға ниетті және барлық қажетті ақпаратты ұсынуға дайын. Осылайша, мұнай өндіру секторының әлеуеті Ақтөбе облысын дамыту жолында үлкен мүмкіндікке ие», — деді М. Мырзағалиев.

Бұдан өзге, кеңес барысында бейнеконференция байланысы бойынша бірнеше министрліктің өкілі сөз сөйледі.

Ауыл шаруашылығының бірінші вице-министрі А. Евниев осы жылдың І тоқсанында Ақтөбе облысының ауыл шаруашылығы өнімдері мен ауыл шаруашылығы шикізатын қайта өңдеу өнімдерінің экспорты $10,48 млн құрағанын (немесе жалпы экспорт көлемінің 1,47%), бұл өткен жылдың І тоқсанына ($ 8,67 млн) қарағанда 20,8% артық екенін жеткізді.

«Қаңтар-мамыр айларында ауыл шаруашылығы, орман және балық шаруашылығының негізгі капиталына салынған инвестициялар 2017 жылдың сәйкес кезеңімен салыстырғанда 374,6%-ға артып, 4,8 млрд теңгені құрады. Қаңтар-мамыр айларында азық-түлік өнімдері өндірісінің негізгі капиталына салынған инвестициялар өткен жылдың сәйкес мерзімімен салыстырғанда 196,9%-ға өсіп, 1,3 млрд тг құрады», — деді А. Евниев.

Мәдениет және спорт вице-министрі Ерлан Қожағапанов Ақтөбе облысында туризмнің даму барысы туралы баяндады. Өңірде биыл 390 жұмыс орнын құрумен 32 жоба іске асырылып жатыр. Аталған саладағы көрсеткіштерді одан әрі жақсарту үшін министрлік «Батыс Еуропа — Батыс Қытай» магистралі бойында инфрақұрылымды дамытуды ұсынады. Сонымен қатар өңірде ақпараттық-туристік орталықтарды ашу преспективалары атап өтілді.

Экономиканы цифрландыру және облыстың осы бағыттағы одан арғы міндеттері туралы ақпарат және коммуникациялар вице-министрі Д. Щеглова баяндады. Оның айтуынша, жобалық басқару аясында өңірде білім беру және әлеуметтік нысандарды кең жолақты интернетпен қамтамасыз ету бойынша кезең-кезеңмен жұмыстар жүргізіліп жатыр.

«Ақтөбе облысында жобаны іске асырудың І кезеңі аясында интернетті қолжетімді ету үшін 82 ауыл таңдалды. Қалған ауылдық елді мекендерді іске асырудың ІІ кезеңі аясында, 2020 ж. соң қамту жоспарланып отыр, мұнда көлік байланыс желілерін салудың гибридті тәсілін пайдалану қарастырылған (LTE, спутник)», — деді вице-министр, ол І жарты жылдықта Ақтөбе облысында цифрлық сауаттылықтың негізгі дағдылары бойынша жоспардағы 32 мың адамның 17 мыңы оқытылғанын айтты.

Білім және ғылым вице-министрі Б. Асылова өз баяндамасында облыста білім саласында 16 млрд теңге сомасына 58 жоба іске асырылып жатқанын жеткізді. Биыл 21 мектепке дейінгі білім беру ұйымын ашу көзделіп отыр, 2020 ж. қарай балаларды қамту көрсеткіші 100% жетеді. 2018 ж. І тоқсанда көрсетілген білім беру қызметтерінің көлемі 6% артып, 19,3 млрд болды. Сонымен қатар, облыс әкімдігі балаларды интеллектуалды, рухани, адамгершілікке, шығармашылыққа тәрбиелеу және дамыту бойынша шаралар жүргізіп жатыр.

Кездесу барысында сонымен қатар ұлттық бизнес пен шетел инвесторларының өкілдері сөз сөйледі. «Атамекен» ҰКП басқарма төрағасы А. Мырзахметов жаппай кәсіпкерлікті дамытудың және бизнестің өңірдегі жобалық басқаруға қатысуының өзекті мәселелерін қозғады. Ол ЖІӨ-ге ШОБ үлесі 18,3% құрағанын атап өтті. Сонымен қатар, шикізаттық емес сала көрсеткіштерінің 12% артуын ескерумен, өңдеу өнеркәсібі саласындағы бизнесті ірілендіру мәселесін пысықтау көзделіп отыр. Бүгінгі таңда бұл салаларда 52 мыңға жуық ШОБ өкілдері жұмыс істейді.

«Қазақстандық шетелдік инвесторлар кеңесі» қауымдастығының төрағасы» Агрис Прейманис өз кезегінде өңірдегі инвестициялық қызметтер туралы айтып берді. Қазіргі кезде Шетелдік инвесторлар кеңесінің 10 астам мүшесі Ақтөбе облысында жұмыс істеп жатыр. А. Прейманис өңірдің жоғары инвестициялық әлеуетін, қолайлы логистикасын, ШОБ дамуын атап өтті, бұл инвесторларды тарту үшін қызықты.

«Кен өндірісі секторының дамуын атай кеткім келеді, ол шетелдік инвесторлар үшін жылдан-жылға тартымды болып келеді. Сонымен қатар көлік-логистикалық дәліздер де тартымды: өңір халықаралық тасымалдар үшін қолайлы жерде орналасқан және бұл облыс үшін жаңа мүмкіндіктер ашады», — деді А. Прейманис.

Облыстағы жобалық басқарудың атқарған жұмысының қазіргі жай-күйін қарастыру барысында Премьер-Министрдің орынбасары Е. Досаев өңірде үш ай ішінде үлкен өзгерістер орын алғанын айтты. Ауыл шаруашылығы өнімдерін өндіру мен қайта өңдеу саласында зор әлеует бар. Е. Досаев алдағы үш ай ішінде Үкіметтің жаңа инфрақұрылымдық жобалар бойынша бірлесіп жұмыс істеуге әзір екеніне сендірді. Сонымен қатар ол Ақтөбенің республиканың төртінші мегаполисі атануға үміткер екенін мәлім етті.

«Мұнда кенттену жоғары қарқынмен жүріп жатыр. Егер статистикаға сенсек, облыстағы ЖОО түлектерінің 80% гуманитарлық мамандықтарды бітіреді. Сондықтан біз жобалық кеңсемен бірлесіп алдымызға мынадай мақсат қойдық – әсіресе, колледждерде техникалық мамандықтарды дамыту керек», — деді Е. Досаев.

Талқылау форматында өңірлік бизнес қауымы атынан АӨК дамыту мәселелері бойынша «Актеп» ЖШС директоры Н. Сагналин сөз сөйледі. Премьер-Министр қазір фермерлерді қолдау мақсатында АӨК дамытудың мемлекеттік бағдарламасы өзектілендірілгенін атап өтті, «Бес әлеуметтік бастама» іске асырылып жатыр, атап айтқанда, ауылдарда шағын несие беру көбейтілуде. Үкімет экспортқа бағдарланған ауыл шаруашылығы өндірушілерін қолдаудың барлық шараларын қабылдап жатыр.

Кездесу соңында Бақытжан Сағынтаев өңірдің де, жалпы еліміздің де экономикасын әртараптандырудың және жаңа экономика үшін жаңа кадрлар даярлаудың маңыздылығын баса айтты. Қазақстанда адам капиталының сапасын арттырудың білім беру жүйесін жаңғырту мен одан кейін жұмысқа орналастыруды қамтамасыз ету, кәсіпкерлерге арналған арнайы курстардан бастап, денсаулық сақтау инфрақұрылымын дамыту және халықтың баспана жағдайларын жақсартуға дейін бүкіл тізбегін дамыту бойынша жүйелі шаралар қолға алынған.

www.primeminister.kz

Ақтөбе облысына жұмыс сапары аясында Премьер-Министр Бақытжан Сағынтаев бірқатар өнеркәсіптік және әлеуметтік нысандарды аралады, олардың мысалында Индустриялық-инновациялық даму мемлекеттік бағдарламасының іске асырылуымен, Индустрия 4.0 элементтерін енгізумен және денсаулық сақтау және спорт инфрақұрылымдарын жаңғырту шараларымен танысты.

Ақтөбе қаласының дамуымен танысу Индустриялық-инновациялық даму мемлекеттік бағдарламасы аясында 2017 жылдың соңында іске асырылған «Қазақстан мұнай жабдықтары зауыты» ЖШС нысанында басталды.

Премьер-Министр цехте жоғары қысымда жұмыс істейтін қондырғыларды әзірлеудің және блоктық-жиынтықты жабдықтардың технологиялық үдерісімен танысты.

Зауытты аралау барысында «ҚМЖЗ» ЖШС директоры А. Кашлаев зауытта өндірілетін өнім сапасының пайызы 96% асатынын айтты. Осылайша, өндіріс көлемі бірінші жарты жылдықта жалпы сомасы 3,6 млрд теңгеге шамамен 5 мың т құрады. Шығарылған құбырлар ұңғымадан сыртқа газ немесе сұйық флюидты тасымалдауға, бұрғылау кезінде және оларды одан кейінгі пайдалану үшін мұнай мен газ ұңғымаларын бекітуге, сондай-ақ суды, пайдалы қазбаларды және т.б. іздеу кезінде ұңғымаларды бұрғылау үшін пайдаланылады. Сондай-ақ, блоктық-жиынтықты жабдық жол және құрылыс үшін битум мен мазут алуға, ал қондырғылар ұңғымаларды бұрғылауға арналған.

Бұдан өзге, Б. Сағынтаевқа кәсіпорынды дамыту перспективалары туралы баяндалды. Шетелдік инвесторлармен бірлесе отырып, жалпы инвестициялар көлемі 16 млрд теңге болатын және 100 жаңа жұмыс орнын құрумен «Көміртек күйесі өндірісі» жаңа жобасын жүзеге асыру жоспарланып отыр. Жобаның қуаттылығы жылына 50 мың т күйені құрайды.

Зауытты тексергеннен кейін Ақтөбе облысының әкімі Б. Сапарбаев «Ақтөбе» индустриялық аймағының аумағында жүзеге асырылып жатқан жобалар туралы, сондай-ақ өңірдің өнеркәсіптік кәсіпорындарын цифрландыру және технологиялық жаңғырту бойынша жүргізіліп жатқан жұмыстар туралы баяндады.

«Ақтөбе» индустриялық аймағы 200 га аумақты қамтиды. Бүгінгі таңда жеті жоба құрылысы жүргізіліп жатыр. Биыл 29,4 млрд теңге сомасына 508 жаңа жұмыс орнын ашумен төрт жобаны пайдалануға беру жоспарланған.

Облыс әкімінің орынбасары С. Төленбергенов өз кезегінде өңірдегі жол бойындағы сервисті дамыту және автожолдарды жөндеу жоспарын жүзеге асыру туралы баяндады. Осылайша, Мемлекет басшысының жақсы және қанағаттанарлық жағдайдағы автожолдардың 90% үлесіне 2022 жылға қарай қол жеткізу жөніндегі тапсырмасын орындау аясында жыл сайын жол жөндеу жұмыстарының көлемі артып келеді.

«Ақтөбе облысының аумағындағы республикалық маңызы бар автокөлік жолдарының желісі 1897 шақырымды құрайды. 2016 жылы 99 шақырым жөнделді, 2017 жылы — 302 шақырым, биыл жалпы сомасы 35,7 млрд теңгеге 404 шақырым жол жөндеу жоспарланған, ал 2019 жылы 43,6 млрд теңгеге 452 км жөндеу болжанған», — деді С. Төленбергенов.

«ҚазАвтоЖол» ҰК басқарма төрағасы Е. Кизатов KazWay павильон-сервисінің жұмысын таныстырды. Оның айтуынша, биыл Ақтөбе облысының аумағында республикалық автожолдар мен «Батыс Еуропа — Батыс Қытай» халықаралық транзиттік дәлізінің бойында ұзындығы 609 шақырым болатын осыған ұқсас жеті павильон орнату жоспарланып отыр.

2018 жылдың қаңтар-маусым айларында Ақтөбе облысында өнеркәсіп өнімдерін шығару көлемі 815,3 млрд теңгені құрады. 2017 ж. тиісті кезеңімен салыстырғанда нақты көлем индексі 105,1% құрады. Өңдеу өнеркәсібінде мұнай өңдеу өнімдері, резеңке және пластмасса бұйымдары, металлургия, дайын металл бұйымдарының өндірісі артты.

Ақтөбе облысында екінші бесжылдықта (2015–2019 жж.) Кәсіпкерлікті қолдау карталарымен инвестициялар көлемі 195 млрд теңге болатын, 2,9 мың жұмыс орнын құрумен 23 инвестициялық жоба іске асырылып жатыр. Бүгінгі таңда 14 жоба пайдалануға берілген, 1100 астам жұмыс орындары құрылған. Бұл әк, бекіту бұйымдарын, борлайтын шарларды, силикат бұйымдарды, металл конструкциялар мен металл бұйымдарды, макарон өнімдерін, жарақаттанудан қорғайтын жабындарды, сүт өнімдерін өндіретін жобалар, ет комбинаты, құрамында хромы бар қалдықтарды қайта өңдеу, мұнай-газ жабдықтары және құбырлар, шыны жуатын сұйықтықтар, антифриздер, шағын МӨЗ, сонымен қатар үй құрылысы комбинаты.

Жұмыс сапары аясында Бақытжан Сағынтаев сонымен қатар мемлекеттік-жекеменшік қағидаты бойынша іске асырылған бірқатар әлеуметтік нысандарды: «Daru Zharygy» офтальмологиялық орталығын, «Алғашқы көмек» ЖШС орталық жедел және шұғыл көмек станциясын, сонымен қатар Жекпе-Жек сарайын аралады.

Медициналық ұйымдарды аралау кезінде денсаулық сақтау басқармасының басшысы А. Қалиев Ақтөбе облысының денсаулық сақтаудағы жоғары әлеуетін тиімді пайдалану мақсатында өңір тұрғындарына көрсетілетін медициналық көмектің сапасын жақсарту үшін денсаулық сақтау инфрақұрылымын кешенді жаңғырту іске асырылып жатқанын айтты.

«Облыста бауыр мен бүйрек трансплантациясы (2 жыл ішінде 37 бүйрек ауыстыру және 12 бауыр ауыстыру оталары жасалды), үлкен буындарды эндопротездеу, эндо-бейнехиругиялық емдеу тәсілдерінің кең ауқымы тәрізді бірегей емдеу технологиялары игерілді. Заманауи деңгейдегі генетикалық зертханасы бар Экстракорпоральді ұрықтандыру орталығы ашылды», — деді А. Қалиев, ол сонымен қатар медицина кластерін дамытудың бұдан кейінгі жоспарлары туралы баяндады.

Ақтөбе облысында денсаулық сақтауды қаржыландыруға 8,5 млрд теңге, денсаулық сақтау нысандарын дамытуға — 4,2 млрд теңге, материалдық-техникалық базаны нығайтуға — 1,9 млрд теңге қарастырылған.

Бақытжан Сағынтаев «Daru Zharygy» заманауи офтальмологиялық клиникасында болды. Медициналық мекеме әлемдік сапа және қауіпсіздік стандарттарына сай келетін АҚШ, Швейцария, Германия, Жапония елдерінің жоғары технологиялық жабдықтарымен және инновациялық технологияларымен жарақталған.

Қазақстанда жыл сайын офтальмологтарға 1 млн жуық адамның жүгінуі тіркеледі, оның ішінде 400 мыңы – бірінші реттік офтальмопатологиямен жүгінген. Аталған мәселенің өзектілігі маңызды жобаның іске асырылуына себеп болды. Осылайша, Орталық 2017 ж. желтоқсан айында пайдалануға берілді, ал биылғы жылдың басында кепілдендірілген тегін медициналық көмек көлемі механизмі арқылы емделушілерді қабылдай бастады. Орталықтың стационары 60 төсек-орынға және күніне 500 рет қабылдауға шақталған.

Диагностикалық бөлімді аралау кезінде Премьер-Министрге жаңа цифрлық жобалар туралы баяндалды. «Daru Zharygy» орталығының директоры Ғ. Елеуов клиника «Medelement» медициналық ақпараттық жүйесімен жарақталғанын айтты. Қазіргі кезде «Қамқор» жүйелері және «Damumed» мобильді қосымшасы енгізіліп жатыр. МАЖ интеграциясы арқасында дәрігерлер адамның денсаулығының толық жай-күйін бақылай алады, алдын-ала онлайн-тіркеудің арқасында емханалардағы кезектер азаяды. Емделушілер дәрігердің кеңестерін, рецептілер, еңбекке жарамсыздық парағын, жүргізілген зерттеулер нәтижелерін үйден шықпай-ақ ала алады.

Ақтөбе облысы әкімдігінің деректеріне сәйкес, бүгінгі таңда медициналық ақпараттық жүйелермен ұйымдардың 81% қамтылған. 2019 жылдың соңына дейін бұл деңгей 100% жеткізіледі. Сонымен қатар, өңірде а.ж. 1 шілдесінен бастап медициналық құжаттаманы қағазсыз жүргізуге көшу жобасы енгізілген.

Жалпы Қазақстанда а.ж. бірінші жартыжылдығының қорытындысы бойынша медициналық ақпараттық жүйелермен аудандық деңгейге дейін денсаулық сақтау ұйымдарының 96,7% қамтылған. Ал Интернет желісіне аудандық деңгейге дейін денсаулық сақтау ұйымдарының 100% қолы жетімді. Денсаулық сақтау жүйесін цифрландырудан күтілетін тиімділіктер: халықтың медициналық көмек сапасына қанағаттану деңгейі: 2018 — 44%, 2019 — 49%, 2020 — 55%, дәрігердің қабылдауындағы уақыттың қысқаруы 50-60%.

Денсаулық сақтау инфрақұрылымының дамуымен танысу «Алғашқы көмек» ЖШС жедел және шұғыл медициналық көмек қалалық станциясын көру барысында жалғасты. Жоба түрік инвесторлармен бірлесіп МЖӘ аясында іске асырылған. Биыл наурыздан бастап Жедел медициналық көмек орталық станциясы жұмыс істей бастады, оның қуаттылығы жылына 75 000 шақыру және 28 санитарлық автомашинаға арналған автогаражы бар.

Аралау кезінде Премьер-Министр жедел жәрдем станциясының құрылымдық бөлімшелерін көріп, диспетчер бөлімінің, call-орталықтың, жедел жәрдем бригадасының жұмысымен танысып, мекеменің қызметкерлерімен кездесті.

Станция ең заманауи жабдықтармен жарақталғанын айта кету керек. Облыс жұртшылығынан қоңырауларды қабылдау үшін «103» бойынша 15 пультке бірыңғай call-орталық құрылған, қоңыраулар қабылданған соң медициналық іріктеулер жүргізіледі. Онлайн режимде тұрғындардан келіп түскен қоңырауларды «Алғашқы көмек» ЖШС оқытылған мамандары қабылдап, қадағалайды. Орталық жедел медициналық жәрдем қызметтерімен, ІІД, ТЖ, өрт сөндіру қызметі, санитарлық авиация органдарымен, апаттар медицинасы өңірлік орталығымен, шұғыл жағдайлардағы науқастарды қабылдайтын қаладағы АМСК және стационарларымен жедел байланыс құралдарымен қамтамасыз етілген, өңірдегі санитарлық автокөлікке жерсеріктік мониторинг жүргізу үшін ресурстармен жарақталған.

«Алғашқы көмек» ЖШС директорының орынбасары Г. Топчу бірыңғай ақпараттық-талдамдық call-орталық жұмысымен қатар электронды шақыру картасы енгізілгенін және жүгінуді қабылдау кезінде гео-кодтау процедурасы жүргізілетінін хабарлады. Шақыртулар жедел медициналық көмек жүргізушісінің GPS-навигаторында және дәрігердің (фельдшердің) планшетінде көрінеді. Бүгінгі таңда желіде тәулік бойы заманауи медициналық жабдықтармен жарақталған 16 реанимобиль, 2 диагностикалық автомобиль жұмыс істейді, сондай-ақ шұғыл медициналық көмек көрсететін 16 автомобиль бар.

«Реанимобиль барлық қажетті аппаратурамен жарақталған. Дефимонитор аппараты электрокардиограмма түсіруге арналған. Ересектер мен балаларға арналған ауыстырылатын блоктары бар», — деді «Алғашқы көмек» ЖШС директоры Б. Түрметов.

2018 жылдың 6 айының ішінде адамдар барлығы 177 472 рет жүгінген. Жаңа цифрлық технологиялар жүрек-қантамыр жүйесі ауруларымен сырқаттанған науқастарға қызмет көрсету сапасын жақсартуға, кешігіп орындалатын шақыртулар санын азайтуға, сонымен қатар жол-көлік оқиғасы орын алған жерлерге уақытылы жетуге мүмкіндік береді.

Өңірдегі МЖӘ жобаларымен танысу аясында Бақытжан Сағынтаев сонымен қатар республикалық және халықаралық деңгейдегі ірі спорттық жарыстарды өткізуге арналған «Жекпе-жек сарайын» барып көрді.

Дене шынықтыру және спорт басқармасының басшысы М. Махамбетов ғимарат тұғырдағы түрлі жинамалы-құрастырмалы заманауи рингтермен, күресуге арналған кілемдермен, татамилермен және жаттығуға арналған басқа да спорттық жабдықтармен жарақталғанын айтты.

Облыс әкімдігінің деректері бойынша денсаулық сақтауды, мәдениет пен спортты дамытудың мемлекеттік бағдарламалары аясындағы көптеген жобалар мемлекеттік-жекеменшік әріптестік және бизнестің әлеуметтік жауапкершілігі қағидаты бойынша іске асырылып жатыр. Бүгінде өңірде жалпы инвестициялар портфелі 43 млрд теңге болатын 108 МЖӘ жобалары жүргізілуде.

Ақтөбеде МЖӘ механизмі бойынша Мұз сарайы, Хоккей модулі, Теннис орталығы және Жеңіл атлетика манежі салынып жатыр. Жастар арасында спортты насихаттау және салауатты өмір салты дағдыларын телу мақсатында Ақтөбеде 14 street workout алаң мен скейт-парк салынған. Облыста 28 балалар мен жасөспірімдерге арналған спорт мектептері бар, оның ішінде 6-уы — арнайы мектеп. Бұл мектептерде 17 мыңнан астам оқушы 47 спорт түрі бойынша жаттығады.

Барлығы облыста 1670 спорт нысаны бар. Оның ішінде: 17 стадион, спорт сарайы, 14 спорт кешені, 981 спорттық құрылымдар, 33 хоккей және 28 теннис корты, 6 шаңғы базасы, 9 жүзу бассейні, 544 спортзал және т.б. бар.

Еске салайық, Премьер-Министр Бақытжан Сағынтаев Мемлекет басшысының тапсырмасы бойынша өңірлерде жұмыс сапарын жалғастыруда. Осыған дейін Атырау, Қарағанды, Қостанай, Қызылорда, Маңғыстау, Оңтүстік Қазақстан және Ақмола облыстарында жұмыс сапарларымен болды.

www.primeminister.kz

Елбасы тапсырмасымен Премьер-Министр Бақытжан Сағынтаев жұмыс сапарымен Ақтөбе облысында жүр. Мақсаты — Президенттің «Қазақстанның үшінші жаңғыруы: жаһандық бәсекеге қабілеттілік», «Төртінші өнеркәсіптік революция жағдайындағы дамудың жаңа мүмкіндіктері» жолдауларының, Бес әлеуметтік бастамасының, сондай-ақ мемлекеттік және салалық бағдарламалардың өңірде іске асырылу барысымен танысу.

Жұмыс сапары Мұғалжар ауданынының өнеркәсіптік кәсіпорындарын аралаудан, атап айтқанда, Жаңажол вахталық кентінің дамуымен танысудан басталды. Премьер-Министрге газ өңдеу зауытында табиғи ілеспе газды өңдеудің автоматтандырылған процесі көрсетілді, осы жерде Алтынды ауылындағы «Altyn EX» ЖШС тау-кен байыту комбинатының және Жаңа таң ауылындағы «Газ процессинг компани» ЖШС газ өңдеу зауыты құрылысының макеттік нұсқалары таныстырылды.

Б. Сағынтаев облыс экономиканың маңызды нысандарының бірі және өңірлік Индустрияландыру картасына кіретін «СНПС–Ақтөбемұнайгаз» АҚ газ өңдеу зауытының жұмысымен танысты. Жоба «Жаңажол» кен орнында іске асырылған және мұнай дайындауға, ілеспе мұнай газын күкіртті сутегінен және меркаптандардан тазартуға, ал алынған күкіртті сутегінен күкірт шығаруға, сондай-ақ сұйытылған газ алуға мамандандырылған.

Кешеннің басшысы Б. Тасмағамбетов зауыт толықтай автоматтандырылғанын айтты. Газ өңдеу зауытында өндірілетін тауарлық газ «Бейнеу – Бозой – Шымкент» магистральді газ құбыры арқылы оңтүстік өңірлерге жеткізіледі, осылайша Елбасының «Бес әлеуметтік бастамасы» аясында елімізді газбен жабдықтауға ерекше үлес қосады.

Бүгінде өнім түрлері бойынша өндіріс көлемі: газ дайындау — 6,5 млрд м3; мұнай дайындау — 3,84 млн т; сұйытылған газ өндіру — 550 мың т құрайды.

Сонымен қатар облыс әкімінің орынбасары Қ. Бекенов Премьер-Министрге қолда бар әлеуетті ескере отырып, мұнай-химия зауытын салу міндеті тұрғанын жеткізді, ол Ақтөбе облысының және жалпы Қазақстанның мұнай-химия саласын дамытуға қосымша серпін береді.

Ақтөбе облысы — ірі өнеркәсіптік өңір. Хром қорлары бойынша әлемдік көшбасшы, оның көлемі 400 млн т асады. Облыс аумағында көмірсутегі шикізатының болжамды қорларының 30% шоғырланған, мұнайдың өнеркәсіптік қоры елімізде үшінші орында. Сондай-ақ, мұнда алтын, күміс, мыс, мырыш, кобальт, каолин, фосфорит, мұнай битумды жыныстар, құрылыс материалдарын шығаратын шикізаттар алынатын ірі кен орындары бар.

Сонымен қатар, Б. Сағынтаевқа Алтынды ауылындағы «Altyn EX» тау-кен металлургия комбинатын салу жобасы таныстырылды. Бүгінгі таңда компания Қазақстандағы құрамында алтыны бар ең ірі кендердің бірі — «Юбилейное» кен орнын әзірлеумен айналысады. Бұған қоса, кәсіпорынның құрылтайшысы Е. Достыбаевтың айтуынша, комбинат құрылысы өнімділікті арттырып, сондай-ақ ДОРЕ (қорытпаны алтын кен орындарынан алып, одан әрі тазарту үшін мұнай аффинаж зауыттарына жібереді) алтын-күміс қорытпасын шығарумен селдір кендерді қайта өңдеуге жол ашатынын айтты.

Жаңа өндіріс орнында заманауи технологиялар және алдыңғы қатарлы жоғары өндірістік жабдықтар қолданылатын болады. Өндірістің жылдық қуаттылығы жылына 5 млн тоннаға дейін құрамында алтыны бар кендерді құрайды. Бұл комбинаттың Қазақстандағы құрамында алтыны бар кендерді өңдеуде екінші орында болуына және еліміздің әлемдік алтын өндірісіндегі пайыздық үлесін арттыруға мүмкіндік береді. Құрылысты 2020 жылға қарай аяқтау жоспарланған. Өндіріс іске қосылғаннан кейін 800 жаңа жұмыс орны құрылатын болады.

Сонымен қатар, Премьер-Министрге «Gas Proсessing Company» ЖШС іске асыратын Байғанин ауданындағы Қожасай кен орнындағы газды кешенді әзірлеу қондырғысын салу жобасы таныстырылды. Жоба жетекшісі Б. Сақтағанов жаңа қондырғы ілеспе газды өңдеу көлемін арттыруға және жаңа өнім түрлерін өндіруге мүмкіндік беретінін мәлімдеді. Жылдық қуаты 300 млн текше құрғақ бензині алынған газды, 37 000 тонна пропан-бутан техникалық қоспасын, 5 400 тонна газ конденсаты және 10 500 тонна күкіртті құрайды.

«Қондырғы өңірдегі экологияны жақсартады. Себебі ілеспе газ алау арқылы жанбайды. Газды кешенді әзірлеу қондырғысының құрылысын биыл аяқтау жоспарланған. Пайдалану кезеңінде 258 жұмыс орны ашылады», — деп хабарлады жоба жетекшісі Б. Сақтағанов.

ЖӨӨ құрылымында өнеркәсіп үлесі — 36,5%, ауыл шаруашылығы — 4,8%, құрылыс — 5,8%, сауда — 16,8%, көлік және қаттау — 9,1%, ақпарат және байланыс — 0,7% , жылжымайтын мүлік операциялары — 7,1%, тағы басқалары —19,2% құрайды.

Ақтөбе қаласында Бақытжан Сағынтаев «Нұр Ақтөбе» шағын ауданының мысалында «Нұрлы жер» және Президенттің Бес әлеуметтік бастамасы аясындағы жаңа ипотекалық бағдарлама — «7–20–25» бағдарламалары бойынша тұрғын үй құрылысының даму барысымен танысты.

Нысандарды тексеру барысында Ақтөбе облысының әкімі Б. Сапарбаев өңірдің құрылыс индустриясының жоғары әлеуетіне ие екенін айтты.

«Бүгінгі таңда 130-дан астам құрылыс кәсіпорындары жұмыс істейді, олар жергілікті жұмыс күшімен мен құрылыс саласының мамандарымен толығымен қамтамасыз етілген, құрылыс саласында пайдаланылатын 39 қазба кен орны бар. Осының арқасында біз нарық сұраныстарын өзіміздің құрылыс материалдарымызбен 85%-ға қамтамасыз еттік. Биыл 15 мың жер телімін бөлуді жоспарлап отырмыз, оның 11 мыңы – Ақтөбе қаласына жақын маңда болады», — деді Б. Сапарбаев.

Әкім орынбасарының айтуынша, Үкіметтің қолдауымен, облыста осымен екінші жыл қатарынан тез салынатын несиелік тұрғын үйлер құрылысы бойынша «Нұрлы жер» тұрғын үй бағдарламасы табысты іске асырылып жатыр. 2017 жылдың қорытындысы бойынша 2300-ден астам пәтер пайдалануға берілді. Биыл шамамен 36 аз қабатты және 6 тоғыз қабатты несиелік тұрғын үйлер немесе жалпы ауданы 158,0 мың м2 құрайтын 2500-ден астам пәтерді пайдалануға беру жоспарланып отыр. Бұдан өзге, «7–20–25» жаңа ипотекалық бағдарламасын қабылдаудың арқасында халықтың барлық санаттары жаңа тұрғын үйді өте икемді шарттармен сатып алуға мүмкіндік алады.

Статистика комитетінің алдын-ала деректері бойынша, Қазақстанда 2018 жылдың қаңтар–маусым айларында қаржыландырудың барлық көздерінен тұрғын үй құрылысына 513,3 млрд теңге инвестиция немесе 2017 жылдың осындай кезеңімен салыстырғанда 128,4% бағытталды. 5,8 млн м2 тұрғын үй пайдалануға берілді, бұл 2017 жылдың сәйкес кезеңімен салыстырғанда 104,8% құрайды. Республика бойынша барлығы 49 667 тұрғын үй пайдалануға берілді, оның ішінде 20 532-сі жеке үйлер.

Келесі нысан Энергия тиімділігі орталығы болды, онда Премьер-Министр өңірде «Цифрлық Қазақстан» мемлекеттік бағдарламасының және Мемлекет басшысының «Төртінші өнеркәсіптік революция жағдайындағы дамудың жаңа мүмкіндіктері» Жолдауының оныншы міндетінің іске асырылу барысымен танысты.

Айта кету керек, Мемлекет басшысы Жолдауында «ақылды ұлт» үшін «ақылды қалалар» құруды тапсырған болатын. Президент айқындап бергендей, «ақылды қалалар» өңірлік дамудың, инновацияларды таратудың және бүкіл ел аумағында өмір сүру сапасын арттырудың локомотивіне айналады. Ақтөбе Smart City жобасы іске асырылып жатқан еліміздегі бес қаланың бірі. Жаңа технологиялардың енгізілуі өсіп келе жатқан қалалар проблемасын тиімді шешіп, инвесторлар үшін олардың тартымдылығын арттыруға мүмкіндік береді.

Құрылысы аяқталып қалған Орталық ғимаратын аралау кезінде Бақытжан Сағынтаевқа қаланың орталық диспетчерлік қызметінің, ІІД оперативті басқару орталығының, смарт-ТКШ, геопортал мен халық канцеляриясының жұмыс жүйелері таныстырылды. Аталған қызметтердің барлығы Smart City жобасының құрауыштары болып табылады және Энергия тиімділігі орталығында орналастырылатын болады. Мақсаты — тұрғындарға көрсетілетін барлық коммуналдық қызметтерді үнемдеуді қамтамасыз ету. Алғашқы болып сынақ мерзіміне Орталыққа «Нұр Ақтөбе» шағын ауданындағы «Қарғалы» тұрғын үй алабының №4 үйі қосылды. Біртіндеп Орталықпен басқа да шағын аудандар байланыстырылатын болады.

Нысанды аралап көрген соң Ақтөбе қаласының әкімі І. Испанов Премьер-Министрге Smart City жобасын ілгерілету туралы айтып берді, жобаны 2020 ж. дейін «Цифрлық Қазақстан» мемлекеттік бағдарламасы аясында алты бағыт бойынша іске асыру көзделіп отыр: қауіпсіз қала, «ақылды» тұрғын үй коммуналдық шаруашылығы, білім, медицина, интеллектуалды көлік жүйесі, электронды әкімдік. Сонымен қатар, қазіргі таңда «Қауіпсіз қала» аппараттық-бағдарламалық кешенін құру бойынша жұмыстар атқарылып жатыр.

«Биыл 140 қоғамдық қауіпсіздік камерасын, 15 желілік учаскелерді фотоға түсіру жүйелерін, 14 интеллектуалды қиылысты орнату жоспарланған. Болашақта «Қауіпсіз қала» барлық камераларды біріктіруге, сонымен қатар басқа ұйымдар мен жеке бизнестің камераларын біріктіруді қамтамасыз етеді», —деді І. Испанов.

Өз кезегінде, облыс әкімінің орынбасары Қ. Бекенов өнеркәсіп, ауыл шаруашылығы, білім және денсаулық салаларында «Цифрлық Қазақстан» бағдарламасының іске асырылу барысы туралы баяндады.

Премьер-Министр облыс орталығын аралауды жалғастырады. Ақтөбе облысындағы бірқатар әлеуметтік нысандарды аралау және облыс активімен өңір экономикасын жаңғыртудың өзекті мәселелері бойынша кездесу өткізу жоспарланған.

www.primeminister.kz

Бүгін Үкімет үйінде ҚР Премьер-Министрі Бақытжан Сағынтаев Қазақстанның Үшінші жаңғыруын жобалық басқару аясында осыған дейін атқарылған жұмыстардың жай-күйі бойынша кеңес өткізді.

Кеңес барысында бірінші жарты жылдықтағы өсімнің негізгі көрсеткіштері және инвестициялар тарту, қорғаныс және аэроғарыш өнеркәсібі, салық саясаты, базалық индустрия секілді бағыттар бойынша одан әрі дамыту қорлары талқыланды. Сондай-ақ, Ақмола облысы мен Алматы қаласы әкімдіктерінің жобалық басқару мәселелері қаралды.

Атап айтқанда, қорғаныс және аэроғарыш өнеркәсібі министрі Б. Атамқұловтың жетекшілік етіп отырған саласының мәселелері, инвестициялар және даму министрі Ж. Қасымбектің инвестициялар тарту және базалық индустрияландыруды дамыту, сонымен қатар қаржы министрі Б. Сұлтановтың салықтарды жинауды арттыру бойынша ағымдағы жылдың алты айындағы мақсатты индикаторларға қол жеткізу бойынша есептері мен екінші жарты жылдыққа жоспарлары тыңдалды.

Ақмола облысының әкімі М. Мырзалин мен Алматы қаласының әкімі Б. Байбек көлік және логистика, АӨК, туризм, сауда, білім, денсаулық салалары, жаппай кәсіпкерлік, индустрияландыруды жүргізу, цифрландыру, инвестициялар тарту және нәтижелі жұмыспен қамтуды қамтамасыз ету бойынша қабылданған шаралар мен 2018 жылға жоспарлары туралы баяндады.

www.primeminister.kz

Мұрағат

Шілде
2018
ДсСсСрБсЖмСнЖк
1
2345678
9101112131415
16171819202122
23242526272829
3031

Мемлекеттік орган басшыларының блог-тұғырнамасы

Өту