Бүгін Үкімет үйінде ҚР Премьер-Министрі Бақытжан Сағынтаев Қазақстанның Үшінші жаңғыруын жобалық басқару аясында осыған дейін атқарылған жұмыстар жөніндегі кезекті селекторлық кеңесті өткізді.

Кеңес барысында Ақмола, Ақтөбе, Жамбыл, Павлодар және Солтүстік Қазақстан облыстары әкімдіктерінің жұмысы бойынша тоғыз айдағы алдын ала есептер және 2018 жылдың соңына дейінгі жоспарлар талқыланды.

Облыс әкімдері М. Мырзалин, Б. Сапарбаев, А. Мырзахметов, Б. Бақауов, ­Қ. Ақсақалов селекторлық режимде жобалық басқару бағыттары тұрғысынан бастамалар бойынша іс-шараларды орындау және индикаторларға қол жеткізу, сондай-ақ, жобалар портфелін іске асыру бойынша қабылданған шаралар туралы баяндама жасады.

Базалық индустрияландыру, көлік және логистиканы, АӨК, ОЭК, туризм, сауда, денсаулық сақтау, білім беру, жаппай кәсіпкерлік секторларын дамыту, экономика салаларын цифрландыру және АКТ, инвестициялар тарту және өнімді жұмыспен қамту бағыттары бойынша жасалған талдау ұсынылды.

Кеңес барысында білім және ғылым министрі Е. Сағадиев, денсаулық сақтау министрі Е. Біртанов, ақпарат және коммуникациялар министрі Д. Абаев, инвестициялар және даму бірінші вице-министрі Р. Скляр және ұлттық экономика вице-министрі М. Жүнісбекова, энергетика вице-министрі Б. Ақшолақов, ауыл шаруашылығы вице-министрі Б. Бейсенғалиев, еңбек және халықты әлеуметтік қорғау вице-министрі С. Жақыпова, мәдениет және спорт вице-министрі Е. Қожағапанов түсініктеме беріп өтті.

www.primeminister.kz

Бүгін Үкімет үйінде ҚР Премьер-Министрі Бақытжан Сағынтаев Қазақстанның Үшінші жаңғыруын жобалық басқару аясында осыған дейін атқарылған жұмыстар жөніндегі селекторлық кеңестер циклін жалғастырды.

Кеңес барысында Алматы, Атырау, Қарағанды және Қызылорда облыстары әкімдіктерінің жұмысы бойынша тоғыз айдағы алдын ала есептер және 2018 жылдың соңына дейінгі жоспарлар талқыланды.

Облыс әкімдері А. Баталов, Н. Ноғаев, Е. Қошанов және Қ. Көшербаев селекторлық режимде базалық индустрияландыру, АӨК, ОЭК, көлік және логистиканы, сауда, денсаулық сақтау, білім беру, туризм секторларын дамыту, экономика салаларын цифрландыру және АКТ, жаппай кәсіпкерлікті және өнімді жұмыспен қамтуды жетілдіру бағыттары бойынша мақсатты индикаторларға қол жеткізуге жасалған талдауларға сәйкес баяндама жасады.

Сондай-ақ, кеңес барысында Премьер-Министрдің орынбасары Е. Досаев, білім және ғылым министрі Е. Сағадиев, ұлттық экономика бірінші вице-министрі Р. Дәленов, энергетика бірінші вице-министрі М. Досмұхамбетов, денсаулық сақтау вице-министрі Л. Ақтаева, ауыл шаруашылығы вице-министрі Б. Бейсенғалиев, еңбек және халықты әлеуметтік қорғау вице-министрі Н. Мұқышев, инвестициялар және даму вице-министрі Т. Тоқтабаев түсініктеме беріп өтті.

www.primeminister.kz

Бүгін ҚР Үкіметінде өткен баспасөз конференциясында ұлттық экономика министрі Тимур Сүлейменов Мемлекет басшысының мемлекеттік органдардың қызметінің тиімділігін түбегейлі арттыру жөніндегі тапсырмасының орындалуы туралы баяндап берді.

Мемлекет басшысы «Қазақстандықтардың әл-ауқатының өсуі: табыс пен тұрмыс сапасын арттыру» Жолдауында «сапа» мемлекеттік қызметкердің жаңа өмір салтына айналуы, ал өзін- өзі жетілдіру — оның басты принципі болуы тиіс екенін айтқан болатын.

Жаңа форматтағы мемлекеттік қызметкерлер мемлекет пен қоғам арасындағы аралықты қысқартуы тиіс. Яғни, тұрақты кері байланыс орнатылуы, адамдарға мемлекеттік саясаттың нақты шаралары мен нәтижелері талқыланып, түсіндірілуі керек.

Т. Сүлейменовтың айтуынша, мемлекеттік органдардың қызметкерлеріне жалақы төлеудің факторлық-баллдық шкаласына көшу — аса маңызды реформа.

«Мұның астарында қарапайым идея жатыр. Барлық реформаларды адамдар іске асырады. Біз мұны жақсы түсінеміз әрі басшылық етуді жақсы білеміз. Егер бізде жергілікті жерлер мен орталықта кәсіби, адал, мемлекеттік ауқымда ойлай алатын шенеуніктер болмаса, реформа қаншалықты әдемі жазылып, ұсынылған болса да, ол дұрыс іске асырылмайды, сондықтан адамдар оның әсерін сезінбейді», — деді министр.

Биыл төрт мемлекеттік органда пилоттық режимде жалақы төлеудің жаңа моделі енгізілді. Барлық пилоттық жобалар жақсы нәтижелер көрсетіп отыр. Мемлекеттік қызметке қызығушылық артты, әсіресе өңірлік деңгейде оның өзектілігі жоғары.

Тиімсіз шығындарды оңтайландыру және басшылық құрамын қысқарту есебінен төменгі және орта буындағы қызметкерлердің жалақысы 2–2,5 есе өсті. Кадрлардың жұмыстан кетуі 2 есе қысқарды. Беделді жоғары оқу орындарын бітірген түлектерді қоса алғанда, біліктілігі жоғары кадрлардың жеке сектордан келуі 3 есе артты.

Мемлекеттік қызмет істері агенттігінде орталық аппаратқа арналған конкурс бір орынға 28 адамға дейін, ал өңірлік құрылымдарда бір орынға 60 адамға дейін өсті. Маңғыстау облысының әкімдігіндегі бір бос орынға енді 16 адам, ал Әділет министрлігінде орта есеппен 13 адам үміткер болып отыр. Қазіргі уақытта көптеген мемлекеттік органдар жаңа модельге көшуді қалап отыр.

Факторлық-баллдық шкала мәні дегеніміз — әкімдіктердің, министрліктердің қызметкерлерінің жалақысын нарықтағы орташа жалақыға, саладағы орташа мәндерге шамаластыру.  

«Бүгінде әкімдікте жоспарлаушы экономист және жекеменшік кәсіпорында сондай жоспарлаушы жұмыс істесе, кәсіпорындағысы 120 мың теңге алса, әкімдіктегісі 60 мың теңге алатын болса, біз әкімдікте жақсы кадрларды кездестірмейтін боламыз, тек қалған адамдар ғана қалып отырады. Яғни, мемлекеттік саясатты іске асыратын кадрлар қажет», — деді Т. Сүлейменов.

Осыған байланысты, министр атап өткендей, үш негізгі бағыт: негізгі, аралық және қосымша блоктар бойынша бөлу іске асырылады. Негізгі жүктемені алған, мемлекеттік саясатты іске асыруы тиіс департаменттер мен басқармалар көбірек алу құқына ие болады.

«Қазір бізде белгілі дәрежеде теңгерімдік бар. Егер мен департамент директоры болсам, алдын-ала анықталған тарифтік кесте бойынша бірдей қаражат аламын. Сонымен қатар, қосымша мәселелерді шешумен де айналыса аламын: жалақыны есептеу және т.б. Департаменттің басқа директоры министрліктің фронт-кеңсесі болып табылады», — деп мысал келтірді министр.

Сөз соңында Т. Сүлейменов МҚІА арқасында үлкен талдау жүргізілгенін атап өтті. Санаттар мен факторлар және ұпайлар беріліп, осылайша, еңбекақы төлеу кезінде ынталандыру принципі қолданылмақ. Ең көп жұмыс істеген адам жоғарғы жалақы алуға құқылы. Бүгінгі таңда жоба пилоттық режимде екі әкімдік пен екі мемлекеттік органда жүзеге асырылуда. Нәтиже оң болса, барлық басқа мемлекеттік органдар да осы жүйемен жұмыс істейтін болады.

www.primeminister.kz

Бүгін Үкіметтің баспасөз орталығында өткен брифингте ұлттық экономика министрі Тимур Сүлейменов Дүниежүзілік экономикалық форумның Жаһандық бәсекеге қабілеттілік индексі рейтингісіндегі еліміздің позициясын одан әрі жақсарту мақсатында жүргізіліп жатқан жұмыстарға әсер етуіне назар аудара отырып, Президенттің «Қазақстандықтардың әл-ауқатының өсуі: табыс пен тұрмыс сапасын арттыру» Жолдауын іске асыру туралы айтып берді.

Т. Сүлейменов бәсекеге қабілеттіліктің жекелеген бағыттары бойынша әрі қарай өсу үшін Үкімет бірқатар пәрменді шаралар қабылдап жатқанын атап өтті.

«Елбасы Қазақстан халқына арнаған «Қазақстандықтардың әл-ауқатының өсуі: табыс пен тұрмыс сапасын арттыру» Жолдауында мемлекетаралық салыстыруларда белгілі бір артта қалушылық бар салаларға назар аударды», — деді министр.

Президент Жолдаудың «Тұрмыс сапасын арттыру» атты екінші міндеті аясында білім беру мен денсаулық сақтау салаларындағы шығындардың тиімділігін арттыруға екпін бере отырып, аталған салаларды мемлекеттік қолдауды кеңейтуге айрықша назар аударды.

Бұдан өзге, инновациялық әлеуетті жақсарту мақсатында ҚР 2025 жылға дейінгі индустриялық-инновациялық дамуының мемлекеттік бағдарламасы әзірленетін болады.

«Қаржы жүйесін жетілдіру үшін Ұлттық банкпен бірлесіп қаржы секторы мен қарызгер кәсіпорындарды нақты сауықтыру, кешенді инфляцияға қарсы тиімді саясат жүргізу, ұзақмерзімдік теңге несиелерінің нақты қолжетімділігін қамтамасыз ету бойынша шаралар қабылданады», — деді министр.

Көлік инфрақұрылымын дамыту мақсатында «Нұрлы жол» мемлекеттік бағдарламасын жүзеге асыру 2025 жылға дейін жалғаспақ.

Құқық қорғау органдарының жұмысын түбегейлі жақсарту және азаматтардың қауіпсіздігін қамтамасыз ету мақсатында халықпен жұмыс істеудегі жаңа заманауи форматты енгізуді көздейтін, ішкі істер органын жаңғыртудың «Жол картасы» қабылданады.

«Проактивтік сауда саясатын күшейту, қазақстандық экспорттаушылар мен отандық өндірушілерді қолдау, мемлекеттік қолдау құралдарын және даму институттарының мүлкін түгендеуді жүргізу, өңдеу өнеркәсібі мен шикізатсыз экспортты қолдауға қосымша 500 млрд теңге бөлу шараларын көздейтін экспортқа бағдарланған индустрияландыруға көшу жүзеге асырылады», — деді Т. Сүлейменов.

Сондай-ақ, оның айтуынша, Жолдаудағы төртінші міндет аясында заңнама арқылы мемлекеттік қызмет көрсетулерді оңтайландыру мен автоматтандыру жеделдетіледі, мемлекеттік қызмет көрсетулерді электрондық форматқа көшіру қамтамасыз етіледі. Жер пайдаланушыларды жер телімдерін үнемді және тиімді пайдалануға ынталандыратын жүйелік шаралар қабылданады.

Елбасы Жолдауда «Бизнестің жол картасы – 2020» бағдарламасының қолданылу мерзімін 2025 жылға дейін ұзартуды, сонымен қатар, осы бағдарламаны іске асыру үшін жыл сайын қосымша кемінде 30 млрд теңге бөлуді қарастыруды тапсырды.

«БЖК–2020» бағдарламасын іске асыруға жалпы трансферт аясында бүгінде 39 млрд те бар. Қосымша 30 млрд тг бөлінеді. Бағдарламаның жалпы көлемі – 69 млрд тг дейін. Бұл қаржы 2019–2021 жылдарға арналған заң аясында Мәжілісте пысықталып жатыр және келер жылдан бастап бизнеске қолжетімді болады», — деді Т. Сүлейменов.

Жалпы алғанда ДЭФ ЖБИ жыл сайынғы рейтингісінің нәтижелері Жолдауда және Елбасының стратегиялық құжаттарында айтылған міндеттерді орындау аясында Үкімет жүргізіп жатқан жұмыстар экономиканың бәсекеге қабілеттігін арттыруға және азаматтардың әл-ауқатын одан әрі жақсартуға елеулі ықпал етіп жатқанының көрінісі.

«Біз азаматтардың әл-ауқатын арттыруға баса көңіл бөлеміз. Өздеріңіз білесіздер, Президент Жолдаудың алғашқы сөздерінде халықтың әл-ауқатының өсуі бұдан былай мемлекеттік органның, әкімдіктің жұмысының индикаторы болатынын айтты. ЖІӨ, өнеркәсіптік өндіріс және т.б. бойынша тек абстрактілі сандар ғана емес, бұл сандардың әрқайсымыздың табысымыз бен әл-ауқатымыздың артуынан қалай көрініс табатыны маңызды. Сондықтан, біздің жұмысымыз бұл жағдайға қатысты қайта қаралып жатыр және біз барлық қызметті осы міндеттерге қарай бағыттаймыз», — деп түйіндеді министр.

www.primeminister.kz

Бүгін ҚР Үкіметінің баспасөз орталығында өткен баспасөз конференциясында ұлттық экономика министрі Тимур Сүлейменов 2018 жылғы Дүниежүзілік экономикалық форумның жаһандық бәсекеге қабілеттілік индексінің қорытындылары туралы айтып берді.

17 қазанда Дүниежүзілік экономикалық форум 2018–2019 жылдарға арналған жаһандық бәсекеге қабілеттілік индексінің жыл сайынғы рейтингісін ресми түрде жариялады.

ДЭФ жаһандық бәсекеге қабілеттілік индексінің есептеріне сәйкес Қазақстан 140 елдің ішінде 59-орында тұр, бұл 2017 жылғы жайғасымға сәйкес келеді. 12 бәсекеге қабілеттілік факторының бес факторы бойынша жақсы нәтиже көрсетілген — «Институттар» (+12), «Тауарлар нарығы» (+10), «Инфрақұрылым» (+3), «Еңбек нарығы» (+3), «Қаржылық жүйе» (+2). Үш фактор бойынша жайғасым өзгерген жоқ — «АКТ», «Нарық көлемі», «Инновациялық әлеует».

Сонымен қатар, Қазақстан 2017 жылмен салыстырғанда өз жайғасымын 0,7 ұпайға жақсарта отырып, 61,8 ұпай жинақтады. Бұл Колумбия, Түркия, Перу тәрізді елдерді басып озуға мүмкіндік берді.

Т. Сүлейменов Қазақстан әлем бойынша корпоративтік басқару саласындағы акционерлердің құқығы; тарату және қайта құрылымдау рәсімдеріне қолданылатын құқықтық базаның баламалылығы мен тұтастығы; электрлендіру дәрежесі(электрлендіруге қолжетімділік) параметрлері бойынша бірінші орын алғанын атап өтті.

Бұдан өзге, Қазақстан бизнес ашу құны бойынша жетінші орында және мүдделер қайшылығын реттеу бойынша 11 орында тұр.

«Көптеген факторлар бойынша Қазақстан аймақтағы елдерден және табысы салыстырмалы деңгейдегі елдерден озық тұрғанын айрықша атап өткен жөн. Табысы бірдей дерлік деңгейдегі елдермен салыстырғанда Қазақстан «Макроэкономикалық тұрақтылық», «АКТ», «Еңбек нарығы», «Нарық көлемі», «Білім және дағдылар», «Бизнестің қарқындылығы» факторлары бойынша жоғары көрсеткішке ие», — деді министр.

«Институттар», «Инфрақұрылым», «Тауарлар нарығы» факторлары бойынша Қазақстанның орташа көрсеткіштері ұқсас елдердің орташа көрсеткішімен тең.

ТМД елдерімен салыстырғанда, Қазақстан «АКТ», «Макроэкономикалық тұрақтылық», «Еңбек нарығы», «Нарық көлемі» және «Бизнестің қарқындылығы» факторлары бойынша бәсекелестік артықшылықтарға ие. Қалған факторлар бойынша Қазақстанның көрсеткіштері орташа алғанда ТМД елдерінің көрсеткіштерімен тең.

Жалпы алғанда, Дүниежүзілік экономикалық форум Қазақстанды «Еңбек нарығы» — 30 орын және «Бизнестің қарқындылығы» — 37 орын секілді факторлар бойынша бәсекелестік артықшылыққа ие деп белгіледі.

«АКТ» (44), «Нарық көлемі» (45), «Білім және дағдылар» (57), «Тауарлар нарығы» (57), «Институттар» (61), «Макроэкономикалық тұрақтылық» (62) және «Инфрақұрылым» (69) факторлары орташа деңгейде бағаланды.

Сонымен қатар, Т. Сүлейменов Дүниежүзілік экономикалық форумның жаһандық бәсекеге қабілеттілік индексінің биылғы рейтингісі жаңа формат бойынша есептелгенін, ол 70% жаңа индикаторлардан тұратынын атап өтті.

«Әдістемесі айтарлықтай өзгерді: индикаторлардың 70% қайта қаралды. Әртүрлі өзгерістер болды. Көрсеткіштер төмендеген кездер бе бар. Мәселен, Әзербайжан 33 болған еді, ал қазір — 69. Сондықтан да бұрынғы әдістемемен тікелей салыстыруға келмейді. Есептер мүлдем басқа базамен жүргізілді», — деп есептейді ұлттық экономика министрі.

Т. Сүлейменовтың айтуынша, ДЭФ жаһандық бәсекеге қабілеттілік индексінің әдістемесін сирек өзгертетінін айтты. Алдыңғы әдістеме 14 жыл бойы өзгерген жоқ.  

Еске сала кетейік, Дүниежүзілік экономикалық форумның жаһандық бәсекеге қабілеттілік индексінің рейтингісі 35 жылдан бері шығарылып келеді. Қазақстан рейтингке 2006 жылдан бері қатысады.

www.primeminister.kz

Бүгін Үкіметтің баспасөз орталығының алаңында Президенттің «Қазақстандықтардың әл-ауқатының өсуі: табыс пен тұрмыс сапасын арттыру» Жолдауын іске асыруды қаржылық қамтамасыз ету туралы өткен баспасөз конференциясында қаржы министрі Әлихан Смайылов шағын және орта бизнес үшін «салық аминистиясын» жүргізу туралы айтып берді.

Мемлекет басшысы халықтың әл-ауқаттын арттырудың негізгі резерві шағын және орта бизнесті дамыту болып табылатынын бірнеше рет атап өтті. «Қазақстандықтардың әл-ауқатының өсуі: табыс пен тұрмыс сапасын арттыру» Жолдауында Президент 2019 жылдың 1 қаңтарынан бастап ШОб үшін салық амнистиясын жүргізуді бастауды тапсырды, яғни, салықтың негізгі сомасын төлеген жағдайда өсімпұлдар мен айыппұлдар алынып тасталады.

Бұл үшін Қаржы министрлігі келесі жылдың басынан бастап шағын және орта бизнес үшін «салық аминистиясын» жүргізетін болады.

«Бұл амнистия бір жағынан біздің еліміздегі бизнес ахуалды, іскерлік атмосфераны жақсарту үшін, ал екінші жағынан, шағын және орта бизнеске салықтарын төлеу үшін мүмкіндік беру үшін жасалып отыр», — деді Ә. Смайылов.

Бұл орайда министр «салық амнистиясының» тек шағын және орта бизнес өкілдеріне ғана қатысты болатынын айтты. Акцизделетін топтар өндірушілері, мұнай саласындағы компаниялар, жалған кәсіпорындар бұған жатпайды.

Қаржы министрлігінің деректеріне сүйенсек, қазір 90 мыңға жуық ШОБ субъектісінің биылғы жылдың 1 қазанынан дейін өтелмеген қарызы 294 млрд теңгеге жеткен.  

«Оларға 1 қазанға дейін болған салық бойынша негізгі міндеттемелерін төлеуге мүмкіндік беріледі. Егер олар келесі жылдың ішінде бюджет алдындағы борыштарын өтесе, онда мемлекет өсімпұлдар мен айыппұлдарды алып тастау міндетін өзіне алады. Яғни, амнистия тек өсімпұлдар мен айыппұлдарға қатысты. Осылайша, бір жағынан, бюджет толтырылады, екінші жағынан, біз бизнестің салықтарын төлеп, өз қызметін әрі қарай жалғастыра алуы үшін айыппұлдар мен өсімпұлдар түріндегі бюджет алдындағы міндетемелерін азайтамыз», — деді сала басшысы.

Алдын-ала есептеулер бойынша, 178 млрд теңге көлеміндегі негізгі қарызды 31.12.2019 дейін өтеген жағдайда 111 млрд теңгеге жуық өсімпұл мен 5,8 млрд теңге айыппұл шегерілетін болады.

Сонымен қатар министр бүгінгі таңда Мемлекет басшысының тапсырмасы бойынша жекелеген экономикалық қылмыстық құқық бұзушылықтарды ізгілендіру мәселелері пысықталып жатқанын жеткізді. Бұл Президенттің қылмыстарды криминалсыздандыру бойынша жүргізіп отырған саясатындағы жүйелі шара болып табылады.

Заңды тұлғалар үшін салықтық құқық бұзушылықтар бойынша қылмыстық жауапкершілік шегін 20 000 АЕК-ден (48,1 млн тг) 50 000 АЕК-ке дейін (120,2 млн тг) арттыруға қатысты тиісті заңнамалық нормалар әзірленіп жатыр.

Оңалту және банкроттық бойынша оңалту және банкроттық рәсімдерінде қалып қойған активтерді экономикалық айналымға қайтару бойынша жұмыстар жалғастырылатын болады.

«Қаржылық қиындықтары бар кәсіпорындарға қолдау көрсету мақсатында, жағдайды банкроттыққа дейін жеткізбей, ерте кезеңде төлем қабілетін қалпына келтіру мүмкіндіктері қарастырылып жатыр», — деді Ә. Смайылов.

Бұл шараларды іске асыру үшін Қаржы министрлігі оңалту және банкроттық рәсімдерін жетілдіру жөніндегі заң жобасын әзірледі, оның аясында оңалту рәсімдерін бастау және оны жүргізу тәртібінің шарттары қайта қаралатын болады.

www.primeminister.kz

Бүгін ҚР Үкіметінің баспасөз орталығында қаржы министрі Әлихан Смайылов Мемлекет басшысының «Қазақстандықтардың әл-ауқатының өсуі: табыс пен тұрмыс сапасын арттыру» атты халыққа Жолдауын іске асыруды қаржылық қамтамасыз ету жөнінде баяндады.

Министрдің айтуынша, Елбасы алға қойған міндеттерді іске асыру үшін 2019–2021 жылдарға арналған республикалық бюджетке қажетті өзгерістер енгізілген.

«Мемлекет басшысының Жолдауындағы тапсырмаларды орындау үшін Үкімет тарапынан үш жылдық мерзімге 1,288 трлн теңге қарастырылады. Осы мерзім аралығында республикалық бюджеттен 966,1 млрд теңге бөлінетін болады», — деді Ә. Смайылов.

Бұл қаражат ең төменгі жалақы мөлшерін, өңдеуші өнеркәсіп пен экспортты, шағын және орта бизнесті, агроөнеркәсіп кешенін дамытуға, тұрғын үй несиесінің қолжетімділігін арттырып, тұрғындардың тұрмыс жағдайын жақсартуға, білім беру мекемелерінің құрылысы мен балалардың қауіпсіздігін қамтамасыз етуге жұмсалады.

Қаржы министрі ең төменгі жалақыны арттыру үшін үш жылда 288,9 млрд теңге немесе жыл сайын 96,3 млрд теңге қарастырылып отырғанын жеткізді. Оның ішінде 85,8 млрд теңге — 275 мың азаматтық қызметкерлердің жалақысын көтеруге, 10,4 млрд теңгесі салық шегерімінің ұлғаюы есебінен өңірлердің кіріс бөлігінің шығындарын өтеуге бағытталмақ.

«Мемлекет жалақының ең төменгі мөлшерін екі есеге арттырмақ. Бұл тек бюджеттік ұйымдар үшін ғана емес, барлық экономика үшін, барлық сала мен жекеменшік және мемлекеттік меншіктегі кәсіпорындарға қатысты болады. Бюджет қызметкерлерінің жалақысы республикалық бюджет қаражаты есебінен артатыны анық. Ал, жеке кәсіпорын қызметкерлерінің еңбекақысы жеке кәсіпорын жалақысы қоры арқылы көбейеді», — деді Ә. Смайылов.

ҚР ҚМ деректеріне сәйкес, қосымша шаралардың қабылдануын ескергенде, еліміз бойынша орташа еңбекақы 2019 жылы 9,1%-ға өсіп, халықтың нақты табысының өсімі 4,6% құрайды.

Өңдеу өнеркәсібін және экспортты дамытуға үш жылда 500 млрд тг астам қаржы бөлінеді, оның 322 млрд теңгесі – бұған дейін Ұлттық қордан және республикалық бюджеттен бөлінген қаражатты қайта пайдалану.

Шағын және орта бизнесті дамытуға (БЖК–2020 бағдарламасы бойынша) үш жылға 90 млрд тг немесе жыл сайын 30 млрд теңгеден қарастырылған, оларды банктік неиселердің мөлшермелерін субсидиялауға бағыттау ұсынылған. Мемлекеттік қолдаудың аталған шараларымен моно– және шағын қалаларда, ауылдық елді мекендерде салалық шектеулерсіз іске асырылатын бизнес жобалары қамтылады. Сондай-ақ, бұл экономиканың басым секторларында және өңдеу өнеркәсібінде қызмет істейтін кәсіпкерлердің жобаларына да қатысты. 4 мыңға жуық жаңа жоба қаржыландырылады деп көзделген, бұл қосымша 13 мыіңға жуық жұмыс орнын ашып, 2,5 трлн теңгеге өнім шығаруға жол ашады.

Ә. Смайыловтың айтуынша, агроөнеркәсіптік кешенді дамытуға үш жылға 300 млрд теңге немесе жыл сайын 100 млрд теңгеден бөлінеді.

Қосымша қаржы негізінен АӨК субъектілерін субсидиялау көлемін, «ҚазАгро» АҚ жарғылық капиталын ұлғайтуға бағытталады. Соның нәтижесінде, 2022 жылға қарай ауыл шаруашылығының өңделген өнімінің экспорты және саладағы еңбек өнімділігі 2,5 есеге өседі.  

Халықтың тұрғын үй жағдайын жақсарту және тұрғын үй ипотекасының қолжетімділігін арттыру мақсатында Қазақстанда «Нұрлы жер» мемлекеттік бағдарламасы сәтті іске асырылып жатыр. Оның орындалу мерзімін Президент тағы 5 жылға ұзартты.  

«Алдағы бес жылда Мемлекеттік бағдарлама бойынша 650 мыңнан астам тұрғын үй салуды көздеп отырмыз. Бұл шамамен екі млн азаматты баспанамен қамтамасыз етеді», — деді министр.  

«7–20–25» бағдарламасы аясында алдағы бес жылда 100 мыңнан астам отбасы баспаналы бола алады. 3 жыл ішінде арендалық үй құрылысын ұлғайтуға 30 млрд тг бөлінеді, осылайша 250 мыңнан астам отбасының тұрғын үй жағдайын жақсартуға мүмкіндік беріледі.

Оқушылар орындарының тапшылығы аса байқалатын өңірлерде білім беру нысандарын салуға, сондай-ақ, үш ауысымды және апатты мектептерге қатысты мәселелерді шешу үшін бюджеттен үш жылға 50 млрд тг бөлінеді.

Балалар қауіпсіздігін қамтамасыз ету, сонымен қатар, мектеп психологтарының жұмысын күшейту аясында 16,8 млрд тг немесе жыл сайын 5,6 млрд тг бөлінеді.

«Аталған қаражаттарды педагогикалық шеберлік біліктіліктері үшін қосымша ақы төлеуге, лауазымдық қызметақыны өсіруге және орта білім беру жүйесінің психологтарының біліктілігін арттыруға жұмсауды ұсынамыз», — деді Ә. Смайылов. 

www.primeminister.kz

Бейсенбі күні, 18 қазанда, сағат 11:00-де ҚР Үкіметінің баспасөз орталығында 2018 жылғы дүниежүзілік экономикалық форумның жаһандық бәсекеге қабілеттілік индексінің қорытындылары және Президенттің «Қазақстандықтардың әл-ауқатының өсуі: табыс пен тұрмыс сапасын арттыру» Жолдауын іске асыру барысы туралы баспасөз конференциясы өтеді.

ҚР ұлттық экономика министрі Тимур Сүлейменов және ҚР ҰЭМ Стратегиялық жоспарлау және талдау департаменті директорының орынбасары Бауыржан Тұрлыбеков шара спикерлері болады.

Тікелей таратылымды PrimeMinister.kz сайтынан, Фейсбук, «Вконтакте», Твиттер, Перископ әлеуметтік желілерінен, Ютуб ресми арнасынан, сондай-ақ Андроид пен Айфонның мобильдік қосымшаларынан көре аласыздар.

www.primeminister.kz

Бүгін Үкімет үйінде ҚР Премьер-Министрі Бақытжан Сағынтаев бейнеконференция байланысы режимінде Қазақстанның Үшінші жаңғыруын жобалық басқару аясында атқарылған жұмыстардың жай-күйі жөнінде кеңес өткізді.

Кеңес барысында Астана, Алматы, Шымкент қалалары және Шығыс Қазақстан мен Маңғыстау облыстары әкімдіктерінің жұмысы бойынша тоғыз айдағы алдын ала есептер және жылдың соңына дейінгі жоспарлар талқыланды.

Базалық индустрияландыру, АӨК, көлік және логистиканы, сауда, денсаулық сақтау, білім беру, туризм секторларын дамыту, экономика салаларын цифрландыру және АКТ, жаппай кәсіпкерлікті және өнімді жұмыспен қамтуды жетілдіру бағыттары бойынша мақсатты индикаторларға қол жеткізуге жасалған талдаулар ұсынылды.

Бейнеконференция байланысы режимінде Астана қаласының әкімі Б. Сұлтановтың, Алматы қаласының әкімі Б. Байбектің, Шымкент қаласының әкімі Ғ. Әбдірахымовтың, Шығыс Қазақстан облысының әкімі Д. Ахметовтың және Маңғыстау облысының әкімі Е. Тоғжановтың баяндамалары тыңдалды.

Сондай-ақ, кеңес барысында Премьер-Министрдің орынбасары Е. Досаев, ұлттық экономика министрі Т. Сүлейменов, денсаулық сақтау министрі Е. Біртанов, еңбек және халықты әлеуметтік қорғау министрі М. Әбілқасымова, білім және ғылым министрі Е. Сағадиев, мәдениет және спорт вице-министрі Е. Қожағапанов, ақпарат және коммуникациялар вице-министрі Д. Щеглова түсініктеме беріп өтті.

www.primeminister.kz

Бүгін Үкімет үйінде ҚР Премьер-Министрі Бақытжан Сағынтаев қазақстандық екінші деңгейлі банктердің басшыларымен кездесу өткізді.

Кездесу барысында Мемлекет басшысы Н. Назарбаевтың «Қазақстандықтардың әл-ауқатының өсуі: табыс пен тұрмыс сапасын арттыру» Жолдауын іске асыру тұрғысынан ел экономикасының нақты секторын несиелендіру мәселелері талқыланды.

ҚР Ұлттық банк төрағасы Д. Ақышев, Қазақстан Қаржыгерлері қауымдастығы кеңесінің төрайымы Е. Бахутова, «Қазақстанның халық банкі» АҚ басқарма төрайымы Ү. Шаяхметова, «Сбербанк» АҚ ЕБ басқарма төрағасы А. Камалов, «ForteBank» АҚ басқарма төрағасы Г. Андроникашвили және т.б. басым жобаларды несиелендіруді ынталандыру жөніндегі ұсыныстарын жеткізді.

Сондай-ақ, кездесу барысында ҚР Премьер-Министрінің орынбасары Е. Досаев, ұлттық экономика министрі Т. Сүлейменов, қаржы министрі Ә. Смайылов, «Атамекен» ҰКП басқарма төрағасының орынбасары Э. Жұмағазиев сөз сөйледі.

www.primeminister.kz

Мұрағат

Қазан
2018
ДсСсСрБсЖмСнЖк
1234567
891011121314
15161718192021
22232425262728
293031

Мемлекеттік орган басшыларының блог-тұғырнамасы

Өту