2016 жылдың 20 қыркүйегінде Б. Сағынтаев басшылық еткен Үкіметтің жаңартылған құрамы алғашқы отырысын өткізді.

Отырыс барысында әлеуметтік маңызы бар азық-түлік тауарларына бағаның өсуіне жол бермеу, «Жұмыспен қамту жол картасы-2020» бағдарламасының орындалуы туралы, мемлекеттік қызмет түрлерін сапалы көрсету, қысқы жылу маусымына дайындық және күзгі жиын-терін науқаны талқыланды.

Мұнай-газ және энергетика саласы бойынша Мемлекеттік комиссия отырысында және автокөлік жолдарын дамыту  жиынында экономикалық даму бойынша маңызды сұрақтар талқыланды.

Осы аптада кәсіпкерлік және банк жүйесіне қатысты өзекті мәселелер қаралды. Сондай-ақ Премьер-Министр  екінші деңгейлі банк өкілдері және «Атамекен» ҰКП қызметкерлерімен кездесулер өткізді.

Халықаралық ынтымақтастық аясында Дүниежүзілік Банктің Орта Азия бойынша  директоры Лилия Бурунчук және Гарврд Бизнес мектебінің профессоры Рауи Абделалмен кездесті.