Emblem
Қазақстан Республикасы
Премьер-Министрінің
ресми ақпараттық ресурсы
Menu
Emblem
Close button

Еліміздің әлеуметтік саласын жаңғырту және азаматтардың әл-ауқатын арттыру — Е. Тоғжанов ҚР Президентінің Жолдауын іске асырудың басты аспектілері туралы

Бейсенбі, 03 Қыркүйек 2020, 13:09:44

ҚР Премьер-Министрінің орынбасары Ералы Тоғжанов Үкіметтің баспасөз орталығында өткен брифинг барысында Мемлекет Басшысының Жолдауын жүзеге асыру шаралары туралы айтып берді.

Е. Тоғжанов атап өткендей, Мемлекет басшысы Қасым-Жомарт Кемелұлының  «Жаңа жағдайдағы Қазақстан: іс-қимыл кезеңі» атты Жолдауы ел дамуының нақты векторларын анықтап берді, оның ішінде еліміздің әлеуметтік саласын  жаңғырту мен азаматтардың әлеуметтік әл-ауқатын көтеру — мемлекет саясатының басты басымдығы екенін көрсетті.

«Біріншіден, тұрғын үй мәселелері неғұрлым белсенді шешілетін болады. Азаматтық қоғамның қажеттілігіне сәйкес, Бірыңғай жинақтаушы зейнетақы қорының салымшысына өз жинақтарының бір бөлігін тұрғын үй сатып алуға, емделуге немесе қаржы компанияларының басқаруына беру мүмкіндігі келесі жылдан іске асырыла бастайды», — деді ҚР Премьер-Министрінің орынбасары. 

Бұл дегеніміз — 721 мыңнан астам азаматтың тұрмыс сапасын арттыру мүмкіндігі, әлеуметтік мәселесінің шешімі. Қазақстандықтар тұңғыш рет зейнетақы жүйесіне қатысады.

Сонымен қатар мемлекет тұрғын үйді жалдау ақысының құнын субсидиялайды, бұл бірінші жылы 100 мың қазақстандық отбасын қолдауға мүмкіндік береді.

Екіншіден, отбасылық-демографиялық жағдай жақсарады.

Қасым-Жомарт Тоқаев атап өткендей, өкінішке орай, әрбір алтыншы қазақстандық отбасы үшін  балалы болу  — орындалмай отырған арман.

Сондықтан, 2021 жылдан бастап  «Аңсаған сәби» арнайы бағдарламасы іске қосылады. Экстракорпоралдық ұрықтандыру (ЭКО)  квоталарын 7 мыңға дейін ұлғайту  көзделіп отыр.

«Үшіншіден, әлеуметтік саясаттың жаңа парадигмасы қалыптастырылатын болады. Бүгінгі таңда еліміздің әлеуметтік қауіпсіздігі 17 заңмен және ондаған заң актілерімен реттеліп отыр. Алда – қағазбастылықты азайтып, халықтың  қолжетімділігін жеңілдету  мақсаты тұр. Осыған орай, Үкімет еліміздің бірыңғай әлеуметтік кодексін әзірлеуді жоспарлап отыр.  Бұл барлық нормативтік-құқықтық базаны біріктіруге және жүйелеуге мүмкіндік береді», — деді вице-премьер.

Төртіншіден, мемлекеттік қызметтердің қолжетімділігін арттыру немесе оларды электрондық форматқа көшіру жұмысы жалғасады. Мемлекет басшысы айтқандай: адамдар емес, деректер  «жүгіру» тиіс деген қағида іске асырылады.

 

Үкімет білім беру сапасындағы алшақтықты болдырмау үшін шаралар қабылдайды

Келесі жылдан бастап мұғалімдердің жалақысы 25%-ға артады.

2025 жылға қарай 6 жасқа дейінгі балалар жеке инвестицияларды тарту есебінен мектепке дейінгі тәрбиемен және оқытумен 100% қамтамасыз етіледі.

Е. Тоғжанов атап өткендей, ата-аналар кез-келген балабақша мен мектепті өздері таңдай алады, оларды таңдауда шектеулер болмайды.

«Мектептерді “дарынды” немесе “қарапайым” балаларға арналған деп бөлмей, барлық мектепке ерекше көңіл бөлінеді. Үкімет тең жағдай жасау үшін кешенді шаралар қабылдайды. Бұл білім сапасындағы алшақтықты болдырмау үшін өте маңызды», — деді ол.

Онлайн білім беру платформалары үшін функционалдық мүмкіндіктерді жақсарту және бірыңғай талаптарды айқындау мәселесі пысықталады.

«Қазір білім уақыты. Күн сайын жаңа білім пайда болады. Біз жаңа білімді тез игеріп қана қоймай, оларды қалыптастыруды үйренуіміз керек. Бұл біздің ұлтымыздың қаншалықты бәсекеге қабілетті екенін анықтайды. Сондықтан біздің басты міндетіміз — қазақстандықтарды өмір бойы оқытуға негіз қалау, жаңа шындыққа бейімделуге қабілетті болу», — деп атап өтті Е. Тоғжанов.

Осыған байланысты Үкімет адам капиталын дамыту үшін жүйелі құжатқа айналатын үздіксіз білім беру тұжырымдамасын әзірлейді.

Мемлекет басшысы Қазақстанның болашағы шағын және орта бизнестің қарқынды дамуымен тығыз байланысты екенін бірнеше рет атап өтті. Ол үшін қазірдің өзінде кәсіпкерлердің жаңа толқынын дайындау қажет. Сондықтан білім берудің барлық деңгейлерінде — мектептен бастап жоғары оқу орындарына дейін «Кәсіпкерлік негіздері» пәні енгізіледі. Осындай тәсіл өскелең ұрпақты экологиялық тәрбиелеу бойынша қолданылатын болады.

 

Тек дені сау ұлт зияткер бола алады

Президент өскелең ұрпақтың жан-жақты тұлғасын қалыптастыруға: спорттық және шығармашылық әлеуетін дамытуға ерекше назар аударды. Сондықтан бұқаралық спортты дамыту, «балалар үйірмелерінің» қызметін жаңғырту бойынша қосымша шаралар пысықталады.

Сапасыз білім беретін жоғары оқу орындарын жабу жөніндегі жұмыс күшейтіледі.

 

Ғылымды дамыту басымдыққа айналады

Президенттің тапсырмасы бойынша «Жас ғалым» жобасына 1000 грант бөлінеді.

Жер қойнауын пайдаланушылардың табыстарынан ғылым мен технологияларды дамытуға 1% аудару міндеттілігі үлкен реформа болады. Бұл шешім біздің экономикамыздың негізгі салаларының бәсекеге қабілеттілігін түбегейлі арттыруға бағытталған: өнеркәсіп, жасыл экономика, жаңа технологияларды енгізу және т. б.

Отандық фармацевтика өнеркәсібін дамытуға ерекше назар аударылады

Біріншіден, Үкімет II жартыжылдықта медицина қызметкерлеріне ынталандыру үстеме ақыларын төлеуге 150 млрд теңге бөледі.

Екіншіден, халықаралық стандарттарға сәйкес денсаулық сақтау объектілерінің материалдық-техникалық базасы жаңғыртылады:

  • биылғы қазан айына дейін 13 жаңа модульдік жұқпалы аурулар ауруханасының құрылысын аяқтау жоспарланған;

  • 2021 жылдың желтоқсан айының соңына қарай Нұр-Сұлтан және Алматы қалаларында 500 төсек-орыннан жұқпалы аурулар бойынша 2 көпбейінді ғылыми-зерттеу орталығы салынады;

  • 2021 жылғы желтоқсанға қарай Нұр-Сұлтан қаласында протон, сәуле, лазерлік терапия, сондай-ақ ядролық медицина технологияларын қоса алғанда, онкологиялық ауруларды диагностикалау мен емдеуге арналған ең озық жабдықтары бар бірегей ұлттық ғылыми онкологиялық орталықтың құрылысы аяқталады. Бұл еліміз үшін маңызды нысан. Себебі онкологиялық аурулармен диспансерлік есепте 187 мың қазақстандық тұр;

  • 2025 жылға дейін халыққа жоғары технологиялық медициналық көмектің барлық түрін көрсете отырып, заманауи 20 көпбейінді аурухана салынады. Бұл мақсатқа 1,5 трлн теңге инвестиция бағытталады.

Үшіншіден, Үкімет медициналық-санитарлық көмек көрсетуді жақсарту бойынша тиісті жоспар әзірлейді, өңірлерге 100-ден астам жылжымалы автокешен, отандық өндірістің 1100-ден астам санитарлық автокөлігі сатып алынады.

«Төртіншіден, отандық фармацевтикалық өнеркәсіпті дамытуға ерекше назар аударылады. 9. Біздің міндетіміз — дәрі-дәрмектердің өзіндік өндірісін қамтамасыз ету үшін фармацевтика өнеркәсібін дамудың жаңа деңгейіне шығару. Осыған байланысты Үкімет арнайы кешенді жоспар қабылдайды», — деді вице-премьер.

Бесіншіден, медициналық кадрлармен қамтамасыз етудің ұзақ мерзімді болжамы жасалады, сондай-ақ аз кездесетін мамандықтарды: эпидемиологтарды, инфекционистерді, реаниматологтарды, пульмонологтарды, кардиологтарды даярлау тәсілдері қайта қаралады.

 

Қазақстанда қоғамдық кеңестердің рөлі артады

Сондай-ақ Ералы Тоғжанов Президент Жолдауының  негізгі мақсаты — әр азаматтың тұрмыс сапасын арттыру арқылы ұлттың жаңа болмысын қалыптастыру екеніне тоқталып өтті.

Ол үшін рухани, тарихи құндылықтарға негізделген, заманауи талаптарға жауап бере алатын ұстанымдар қажет. 

Осы мақсатта қоғамдық кеңестердің рөлін арттыруға ерекше көңіл бөлініп отыр. Бүгінгі таңда заң жобасы Мәжілістің қарауында жатыр. Оның шеңберінде кеңестердің сапалық және сандық құрамын жақсарту, олардың жұмысының тиімділігі мен жариялылығын арттыру көзделуде. Ал, қоғам тарапынан тиімді ұсыныстар мен белсенділік, тәртіптік бақылау мен азаматтық парасаттылық қағидаларын сақтау, жоғары мәдениеттілікті тәрбиелеу қажет.

Сонымен қатар Үкімет БАҚ, телерадио хабарларын тарату және ақпаратқа қол жеткізу саласындағы ұлттық заңнаманы жетілдіруді көздейтін ақпарат мәселелері жөніндегі заң жобасын әзірлеп, Парламентке енгізді.

«Мемлекет басшысының тапсырмасына сәйкес ұлттың жаңа болмысын қалыптастыру мақсатында қоғамдық сананы жаңғырту бойынша жүзеге асырылып жатқан бағдарламаларды  заман талабына сай қайта қарау, толықтыру жұмысы жүргізіледі. Дегенмен, ескеретін жайт – қоғам тарапынан  ой-сананы кеңейту, рухани даму  бағытындағы жаңа ұстанымдарды қабылдау, жаңа жобаларды іске асыруда белсенділік қажет», — деп түйіндеді Е. Тоғжанов.

 


Қазақстанның Премьер-Министрі мен Үкіметі жаңалықтарынан хабардар болыңыз — ресми Telegram-ботқа жазылыңыз


Жаңалықтар тізбегі
25 Қараша 2020, 17:24
Нұрсұлтан Назарбаевтың төрағалығымен «Nur Otan» партиясының кезектен тыс ХХ съезі өтті
25 Қараша 2020, 16:54
Қазақстан Республикасы Үкіметінің 2020 жылғы 20 қарашадағы №783 Қаулысы
25 Қараша 2020, 16:43
Мемлекет басшысы Nur Otan партиясының кезектен тыс ХХ съезіне қатысты
25 Қараша 2020, 16:42
Қазақстан Республикасы Үкіметінің 2020 жылғы 20 қарашадағы №779 Қаулысы
25 Қараша 2020, 16:39
Қазақстан Республикасы Үкіметінің 2020 жылғы 18 қарашадағы №770 Қаулысы
25 Қараша 2020, 16:35
Қазақстан Республикасы Үкіметінің 2020 жылғы 17 қарашадағы №769 Қаулысы
24 Қараша 2020, 19:53
ЖЭК дамыту және процестерді цифрландыру — ҚР Президентінің энергетика саласын дамыту жөніндегі тапсырмалары қалай іске асырылуда
24 Қараша 2020, 18:45
Нұрсұлтан Назарбаев «University Medical Center» корпоративтік қорының басқарма төрағасы Юрий Пяны қабылдады
24 Қараша 2020, 17:40
Нұрсұлтан Назарбаевтың төрағалығымен «Nur Otan» партиясының Саяси кеңесі Бюросының отырысы өтті
24 Қараша 2020, 16:13
ЕАЭО нарығы, өнеркәсіптік кооперация және тауар айналымы: Қазақстан экономикалық интеграция жүйесінде қалай дамуда
24 Қараша 2020, 14:07
ҚР Үкіметінің отырысы, 24.11.2020
24 Қараша 2020, 12:11
Қазақстанда орманды алқаптарда 2 млрд және елді мекендерде 15 млн ағаш отырғызылады - ЭГТРМ
24 Қараша 2020, 11:47
Е. Тоғжанов COVID-19 қарсы отандық вакцина шығаратын зауыттың салыну барысымен танысты
24 Қараша 2020, 11:36
Соңғы 5 жылда ҚР-да 1 334 км магистральдық газ құбыры және 20 мың км астам тарату желілері салынды 
24 Қараша 2020, 10:01
А. Мамин: елдегі экологиялық ахуалды жақсарту — Үкіметтің басым міндеті
24 Қараша 2020, 09:39
Үкіметте елді мекендерді газдандыру мәселесі қаралды
23 Қараша 2020, 19:27
ҚР Премьер-Министрі А. Мамин COVID-19 жөніндегі ВАК отырысын өткізді 
23 Қараша 2020, 18:29
Қасым-Жомарт Тоқаев жұмыс сапарымен Қарағанды облысына барды
23 Қараша 2020, 17:02
Электромобильдер өндірісі, жаңа зауыт және экспорттық нарықтарға шығу — Қазақстанның машина жасау саласын жаңа шынайылық жағдайында дамыту
23 Қараша 2020, 14:30
24 қараша күні Үкімет үйінде Қазақстан Үкіметінің отырысы өтеді
23 Қараша 2020, 14:21
Сенат депутаттарының шағын және орта бизнесті дамыту туралы сауалы
23 Қараша 2020, 13:46
Үкімет отандық бизнестің қызметінің жағдайын жақсарту шараларын қарастыруда
22 Қараша 2020, 09:58
Видеодайджест: «Аптаның айшықты оқиғалары» №87
21 Қараша 2020, 16:38
Қазақстан мен Өзбекстан премьер-министрлері Түркістан қаласында келіссөз өткізді
20 Қараша 2020, 18:25
Асқар Жамбакин ҚР цифрлық даму, инновациялар және аэроғарыш өнеркәсібі вице-министрі лауазымына тағайындалды
20 Қараша 2020, 16:09
Қасым-Жомарт Тоқаев ресейлік делегациямен кездесті
20 Қараша 2020, 13:40
Инновациялық технологиялар, электрондық құжаттама және шығындарды азайту: денсаулық сақтау саласында цифрландыру қалай дамуда
19 Қараша 2020, 20:20
Қауіпсіздік Кеңесінің Төрағасы Нұрсұлтан Назарбаев Президенттің көмекшісі – Қауіпсіздік Кеңесінің хатшысы Әсет Исекешевті қабылдады
19 Қараша 2020, 18:49
Мемлекет басшысы «География және су қауіпсіздігі институты» АҚ басқарма төрағасы Ахметқал Медеуді қабылдады
19 Қараша 2020, 18:48
Елбасы «Атамекен» Ұлттық кәсіпкерлер палатасының басқарма төрағасы Абылай Мырзахметовті қабылдады
19 Қараша 2020, 18:41
Қазақстанның Тұңғыш Президенті Нұр-Сұлтан қаласының әкімі Алтай Көлгіновті қабылдады
19 Қараша 2020, 17:53
Қасым-Жомарт Тоқаев Қорғаныс министрлігінің кеңейтілген алқа мәжілісіне қатысты
19 Қараша 2020, 17:19
Қазақстан Республикасы Үкіметінің 2020 жылғы 13 қарашадағы №762 Қаулысы
18 Қараша 2020, 21:19
Қазақстан Президенті Шетелдік инвесторлар кеңесінің жиынына қатысты
18 Қараша 2020, 16:22
Мемлекет басшысы Конституциялық Кеңестің Төрағасы Қайрат Мәмиді қабылдады
18 Қараша 2020, 14:44
Президент Қасым-Жомарт Тоқаев Ақпарат және қоғамдық даму министрі Аида Балаеваны қабылдады
17 Қараша 2020, 19:37
ВАК Мемлекет басшысының тапсырмалары аясында COVID-19 таралуына жол бермеу жөнінде бірқатар шешім қабылдады  
17 Қараша 2020, 18:46
Қазақстан Республикасы Үкіметінің 2020 жылғы 12 қарашадағы №760 Қаулысы
17 Қараша 2020, 18:38
Қазақстан Республикасы Үкіметінің 2020 жылғы 12 қарашадағы №758 Қаулысы
17 Қараша 2020, 15:58
Мемлекет басшысы Азиядағы өзара іс-қимыл және сенім шаралары жөніндегі кеңес хатшылығының Атқарушы директоры Қайрат Сарыбайды қабылдады
17 Қараша 2020, 13:39
ҚР Үкіметінің отырысы, 17.11.2020
17 Қараша 2020, 13:29
Сатып алушы мобильді қосымша арқылы тауардың заңдылығын тексере алады — Е. Жамаубаев
17 Қараша 2020, 13:03
Қазақстан бірқатар тауарларды міндетті таңбалауды енгізуде — Б. Сұлтанов
17 Қараша 2020, 11:34
Қазақстан «цифрлық» жұмыспен қамту орталықтарының және сырттай мүгедектікті белгілеу форматына көшуде — ҚР ЕХӘҚМ
17 Қараша 2020, 11:19
Жыл соңына дейін онлайн режимінде көрсетілетін мемлекеттік қызметтер 90%-ға дейін жеткізіледі — ЦДИАӨМ
17 Қараша 2020, 10:02
Үкімет тауарларды таңбалау және қадағалау мәселелерін қарады
17 Қараша 2020, 09:48
2021 жылы қағаз анықтамаларды толығымен алып тастауымыз керек — А. Мамин
17 Қараша 2020, 08:50
Қазақстан Қырғызстанға COVID-19-бен күресу үшін медициналық бұйымдар жібереді
16 Қараша 2020, 18:46
Мемлекет басшысы коронавирус індетінің таралуына қарсы іс-қимыл шаралары жөнінде кеңес өткізді
16 Қараша 2020, 17:03
Қазақстан Республикасы Үкіметінің 2020 жылғы 11 қарашадағы №752 Қаулысы
Депутаттық сауал
© 2019 - 2020 Қазақстан Республикасы Премьер-Министрінің Баспасөз Қызметі.
SoftDeCo компаниясының жобасы.