ҚР Премьер-Министрі Кәрім Мәсімов Қазақстан мен Жапонияның үкіметаралық комиссиясының отырысына қатысты

Бүгін Астанада Премьер-Министр Кәрім Мәсімов Қазақстан мен Жапония арасындағы экономикалық ынтымақтастық жөніндегі Үкіметаралық комиссияның 5-ші отырысына қатысты.

Өзінің құттықтау сөзінде К.Мәсімов 10-жылдық келіссөздер нәтижесінде Қазақстан мен Жапония Үкіметтері инвеситицияларды өзара қорғау туралы Келісімге қол қоятынын атап өтті.

«Бұл – екі ел үшін де маңызды оқиға. Аталған Келісім еліміздегі жапондық компанияларға инвестициялардың қауіпсіздігі кепілдігін береді», - деп басып айтты К.Мәсімов.

Сондай-ақ Үкімет басшысы ағымдағы жылы Қазақстанда шетелдік инвесторларға қосымша мүмкіндіктер, оның ішінде салықтық жеңілдіктер беретін Заң қабылданғанын еске салып өтті.

«Екі елдің экономикасы бір-бірін толықтырып тұр. Жапония ең озық технологияларға ие, ал Қазақстан табиғи ресурстарға бай әрі халқы еңбекқор. Бұл өзара қарым-қатынасымызды дамытуға негіз бар деп есептеймін», - деп толықтырды ҚР Үкіметі басшысы.

Ынтымақтастықтың перспективалық бағыттарының ішінде К.Мәсімов автомобиль құрастыру, атом өнеркәсібі, ауыл шаруашылығы және ғарыштық саланы атап өтті.

Үкіметаралық комиссия жұмысына Жапониядан келген бизнес-делегация, оның ішінде «Mitsubishi Corporation», «Toshiba Corporation», «Toyota Tsusho Corporation», «The Japan Atomic Company», «Marubeni Corporation» ірі компаниялары өкілдері және басқалары қатысты.