ЕАЭО елдері мен Қытай тауарларды тасымалдау саласындағы ынтымақтастық туралы келісті

Петербург халықаралық экономикалық форумы аясында Еуразиялық экономикалық одақ пен Қытай Халық Республикасының кеден шекаралары арқылы тасымалданатын тауарлар мен көлік құралдары туралы ақпарат алмасу жөніндегі келісімге қол қойылды.

Құжатқа ЕАЭО елдері мен КХР елдерінің премьер-министрлерінің орынбасарлары, ал ЕЭК атынан ЕЭК Алқасының Төрағасы қол қойды. Қазақстан Республикасының атынан ҚР Премьер-Министрінің Бірінші орынбасары – қаржы министрі Әлихан Смайылов қатысты.

Келісімнің мақсаты — Еуразиялық экономикалық одақ пен Қытай Халық Республикасының кеден шекарасы арқылы тасымалданатын халықаралық тасымалдаудың көлік құралдары мен тауарлар туралы ақпарат алмасу саласындағы ынтымақтастықты ұйымдастыру.

«Еуразиялық экономикалық одақ, Болашақ стратегиясы» сессиясында ҚР Премьер-Министрінің бірінші орынбасары – қаржы министрі Әлихан Смайылов сөз сөйледі.

Оның айтуынша, ЕАЭО елдеріне ынтымақтастыққа, өңірлік құндылық тізбектерін құруға көп көңіл бөлінуі керек. Атап айтқанда, өнеркәсіп, АӨК, көлік және басқа да салаларда кең ауқымды кооперациялық жобалар іске асырылуы мүмкін.

Ә. Смайылов «Еуразиялық өнеркәсіптік кооперация, қосалқы мердігерлік және технологияларды беру желісі» жобасын іске қосу туралы жариялады, ол кооперативтік байланыстар арқылы шағын және орта бизнес кәсіпорындарын өндіріс тізбектеріне тартуға мүмкіндік береді.

Сонымен қатар, ол 2025 жылға дейін Еуразиялық экономикалық интеграцияны дамытудың стратегиялық бағыттары әзірленіп жатқанын айтты.

Қазақстанның Премьер-Министрі мен Үкіметі жаңалықтарынан хабардар болыңыз — ресми Telegram-каналға жазылыңыз

Жазылу