Қазақстан Республикасы Үкіметінің 2016 жылғы «03» ақпандағы № 50 қаулысы

«Тіркелген тарифтерді айқындау қағидаларын бекіту туралы» Қазақстан Республикасы Үкіметінің 2014 жылғы 27 наурыздағы № 271 қаулысына өзгерістер мен толықтырулар енгізу туралы

Қазақстан Республикасының Үкiметi ҚАУЛЫ ЕТЕДI:

1. «Тіркелген тарифтерді айқындау қағидаларын бекіту туралы» Қазақстан Республикасы Үкіметінің 2014 жылғы 27 наурыздағы
№ 271 қаулысына (Қазақстан Республикасының ПҮАЖ-ы, 2014 ж., № 24,
180-құжат) мынадай өзгерістер мен толықтырулар енгізілсін:

көрсетілген қаулымен бекітілген Тіркелген тарифтерді айқындау қағидаларында:

2-тармақта:

4) тармақша мынадай редакцияда жазылсын:

«4) жаңартылатын энергия көздерін қолдау жөніндегі қаржы-есеп
айырысу орталығы (бұдан әрі – қаржы-есеп айырысу орталығы) – жүйелік
оператор құратын және уәкілетті орган айқындайтын, жаңартылатын энергия көздерін пайдалану объектілері өндірген және Қазақстан Республикасының бірыңғай электр энергетикасы жүйесінің электр желілеріне берілген электр энергиясын Заңда көзделген тәртіппен орталықтандырылған сатып алуды және сатуды жүзеге асыратын заңды тұлға;»;

6) тармақша мынадай редакцияда жазылсын:

«6) биогаз – ашуы немесе газдануы нәтижесінде биомассадан алынатын метан, көміртегі монооксиді және (немесе) сутегі;»;

11-тармақтың бірінші абзацы мынадай редакцияда жазылсын:

«11. Тіркелген тарифтер, күн сәулесінің энергиясын түрлендіру үшін қазақстандық кремний (Kaz PV) негізінде фотоэлектрлік модульдерді пайдаланатын, жиынтық қуаты 37 МВт күн электр станцияларының жобасы
үшін тіркелген тарифтерді қоспағанда, инфляцияны ескере отырып, жылына бір
рет 1 қазанға мынадай формула бойынша индекстеледі:»;

мынадай мазмұндағы 11-1-тармақпен толықтырылсын:

«11-1. Күн сәулесінің энергиясын түрлендіру үшін қазақстандық кремний (Kaz PV) негізінде фотоэлектрлік модульдерді пайдаланатын, жиынтық қуаты

37 МВт электр станцияларының жобасы үшін тіркелген тарифтер инфляцияны ескере отырып, жылына бір рет 1 қазанға мынадай формула бойынша
индекстеледі:

, мұндағы:

Тt+1 – жоғарыда көрсетілген формула бойынша есептелген, төмендеу
жағына қарай толық тиынға дейін дөңгелектеліп индекстелген тіркелген тариф;

Тt – егер бұрын индекстеу жүргізілген болса, соларды ескере отырып, Қазақстан Республикасының Үкіметі бекіткен қолданыстағы тіркелген тариф;

ТБИ – мемлекеттік статистика саласындағы уәкілетті органның деректері бойынша айқындалатын, индекстеу жүргізілген жылдың 1 қазанының
алдындағы он екі айға жинақталған тұтыну бағасының индексі.»;

мынадай мазмұндағы 13-1-тармақпен толықтырылсын:

        «13-1. Тіркелген тарифке индекстеуді алғаш рет қолдану осы
Қағидалардың 14-тармағына сәйкес қаржы-есеп айырысу орталығына жаңартылатын энергия көздерінен алынатын электр энергиясын беру
басталғаннан кейін күнтізбелік бір жылдан кешіктірмей жүргізіледі.»;

         14-тармақ мынадай редакцияда жазылсын:

        «14. Қаржы-есеп айырысу орталығы индекстелген тіркелген тарифтерді жылына екі рет: электр энергиясын қаржы-есеп айырысу орталығына қаңтар-маусым аралығындағы кезеңде бере бастаған жаңартылатын энергия көздері объектілері үшін – 1 шілдеден бастап және электр энергиясын қаржы-есеп
айырысу орталығына шілде-желтоқсан аралығындағы кезеңде бере бастаған жаңартылатын энергия көздері объектілері үшін – 1 қаңтардан бастап
қолданылуға тиіс.»;

15-тармақ алып тасталсын.

        2. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Қазақстан Республикасының  Премьер-Министрі                         К. Мәсімов

 

Қазақстанның Премьер-Министрі мен Үкіметі жаңалықтарынан хабардар болыңыз — ресми Telegram-каналға жазылыңыз

Жазылу